牡蠣不如帰

营业中

休息中

呢間餐廳係其中一間我會必食😋「牡蠣不如帰」皆因佢係米芝蓮一星拉麵，又點會放過佢？！今次好大突破，我唔知道朋友仔係唔食蠔，佢竟然向到食佢人生第二隻蠔啊！好勁呀！咩驅使到佢會食蠔架😱😱😱❓❓❓❓介紹吓我哋食咗咩先啦！🌀一人叫咗碗牡蠣🦪鹽味拉麵🍜一嚟到即時飲佢個湯先，嘩，夠晒香濃香甜，每啖湯都飲到蠔嘅香味！伐拉麵重點只要個吊湯夠好味，成碗拉麵都會值回票價！🌀菇燒牡蠣串用上風乾火腿包住隻蠔，再配上燒汁去燒，層次感豐富，火腿燒到脆脆而蠔內裡夠軟又Juicy😚🌀牡蠣天婦羅有日本廣島蠔/金菇/粟米/明太子釀尖椒，粉漿好薄而且炸得夠脆！明太子釀 尖椒好有驚喜！我好鍾意❤️🌀熱紅菜頭薑蜜凍凍嘅天氣飲佢真係啱晒，朋友仔話甜甜嘅紅菜頭+薑好保暖！🌀白桃培茶我當然揀白桃，香甜嘅桃味，食完熱飲番杯凍茶真係涼透心！最後我朋友話好味到佢破咗戒，連唔食蠔嘅佢都學會食蠔喇！我以後又多個飯腳喇！yeah🎉🎉🎉

🌸米芝蓮 牡蠣湯底拉麵🌸金色不如歸嘅姊妹店！食完金色不如歸嘅貝類湯底，愛上左呢種鮮甜湯底嘅拉麵，今次試埋牡蠣不如歸，真係覺得米芝蓮係實至名歸！佢地個湯底由三種材料製成：除牡蠣之外，仲加左豬骨同魚，所以層次好豐富。平時食拉麵，我都唔會特別飲湯，但今次我真係差唔多飲晒，因為會個蠔味好香濃，而且又唔會油膩，好正！拉麵有少少似蕎麥麵質地，整體感覺都係新爽嘅～小食叫左牡蠣蔬菜天婦羅拼盤，牡蠣好juicy,雖然炸粉唔係太脆，扣左d 分，但整體都ok。仲有個燒牡蠣串都幾特別，外面有塊雞髀菇包住蠔同紫蘇葉，有香草味又有蠔嘅鮮味，唔錯。最後飲品叫左巨峰提子梳打同埋白桃焙茶～我覺得白桃焙茶真係幾好飲，桃咪好真，焙茶味道香濃，溝埋一齊意想不到地夾！

同丫妹做完gym, 係附近逛下睇有咩正野食, 經過見到呢間日式拉麵店主打牡蠣湯底, 曾獲東京米芝蓮一星, 好奇就入去一試。雖然係平日晚, 但店內亦座無虛席。裝修更有別一般拉麵店, 粉紅色做主調襯托下充滿藝術感。全店拉麵款式只有三款, 而所有湯底亦同樣以蠔熬製而成。【牡蠣野菜天婦羅】HK$88天婦羅炸皮做得薄而不油, 咬落去脆得鬆化; 蠔內裡keep到鮮香juicy, 配有金菇、明太子釀尖椒同埋粟米天婦羅。粟米天婦羅好有驚喜, 一咬發現入面嘅粟米係原粒排列著, 層次特別又食到栗米本身清甜。【蠣泡茶漬飯】HK$65京蔥、熟蠔、脆米粒等平時泡飯食到嘅配料中, 自行注入餐廳主打嘅牡蠣湯底, 熟蠔肥美鮮香, 配上牡蠣湯底, 倍感鮮味。 【牡蠣鹽味拉麵】HK$118湯底由鮮魚丶鮮蠔及豬骨餚制而成, 上檯時在碗邊一索, 聞到鮮魚同埋蠔嘅鮮香味, 不過飲落味道覺得鹹咗d, 如果淡返少少會更好。幼身拉麵易索湯, 每條麵條都索咗個湯底又唔會一pat pat, 叉燒肉質軟林林, 沒有太多油層連帶, 肉質還是很滑, 每碗份量亦唔多。呢度冇set menu, 野飲需要散叫, 都是原樽日本貨。【白桃】HK$35【

金色不如帰於2015至2018年獲得東京米芝蓮必比登推介，並於2019至2021年連續三年榮獲東京米芝蓮一星，上次到東京旅行時亦有計劃朝聖可惜最後不了了之，近年終於引入香港可以一償心願。短短兩年間，金色不如帰已經在香港開設四間分店，主打用上大蜆、豚骨、魚介等熬製而成的黃金貝汁湯頭，唯獨是銅鑼灣店則另闢蹊徑以蠔為主題。牡蠣鹽味拉麵 ($118) 湯頭結合蠔湯、豬骨湯及魚湯，再加上鮮蠔油、自家蠔醬、火箭菜、意大利番茜、紫洋蔥及京蔥，濃厚鹹鮮味有如蠔豉一樣，同時意大利番茜味亦佔一席位。兩片叉燒以低溫慢煮，肥瘦均稱而肉質軟嫩；而拉麵亦有別於一般拉麵店，口感近似蕎麥麵而且偏軟。煙熏黑椒豚骨拉麵 ($115) 湯底味道相對濃重偏鹹，細呷之下能夠隱約嘗出淡淡菇菌香。將京蔥底下蘊藏的肉碎拌入湯後煙熏黑椒香隨之而來。三層肉叉燒脂肪豐腴，油而不膩可惜只得薄薄一片。除了牡蠣鹽味拉麵之外，餐牌上亦有菇燒牡蠣串、蠣泡茶漬飯等銅鑼灣店限定菜式；飲品方面則點了木村完熟白桃梳打汽水 ($32) 蘋果焙茶 ($35)。牡蠣野菜天婦羅 ($88) 包括日本蠔、新鮮粟米、明太子釀尖椒及金菇，四款調味均鹹度較高，或因如此明太

天氣凍心思思想食碗熱辣辣嘅拉麵，黎咗呢間一直on the list嘅牡蠣不如帰。一睇個名就知餐廳係食蠔做主打，做成拉麵、飯同各式小食。牡蠣鹽味拉麵 ($118)呢到招牌拉麵，用咗大量嘅蠔肉去煮個湯底，令個湯呈現好靚嘅金黃色，入口有香濃嘅蠔味同鮮甜嘅魚味，配搭幼滑嘅拉麵同稔嫩嘅低溫慢煮叉燒，成個麵非常清新，一d都冇肥膩感。煙燻黑椒豚骨拉麵 ($115)另外叫咗呢款黑椒豚骨拉麵，湯底有好香嘅煙燻同黑椒味，豚骨湯好濃厚，面頭仲鋪咗香脆嘅牛蒡。醬漬牡蠣一口飯 ($68)醬油漬廣島蠔配搭用蠔湯煮成嘅蠔飯，用紫菜包住，一啖放入口，醬油嘅咸香同蠔嘅鮮味好夾。牡蠣野菜天婦羅 ($65)日本蠔炸到外脆內軟，一口咬落去蠔嘅鮮味就係口入面爆發出黎。除咗炸蠔，仲有粟米、明太子釀尖椒同香荀做嘅天婦羅。完熟白桃梳打 ($32)&白桃焙茶 ($35)。。牡蠣不如帰銅鑼灣百德新街57號Fashion Walk地下A號舖。。

🦪🦪🦪日本過江龍拉麵店，本身唔太好拉麵，但見人氣咁勁咁岩經過呢頭就食下。好早過左海關係，11點去到等佢開門🕚。入到去發現裝修好時髦，用左桃紅色🟪既牆身仲有啲油畫。🍜牡蠣鹽味拉麵試左呢個原味既拉麵，擺上枱個時蠔味好重，先試一啖湯，👍👍👍，飲得出係用蠔去煲，唔係化學合成味。再試叉燒，不過不失。食埋拉麵，熟度處理得好好，冇硬身之餘唔會過軟，保持彈性。但係食到尾會覺得偏鹽，要即時飲水咁💦。讀書個時係實驗室做過oyster hydrolysate👩🏻‍🔬，今次飲個湯完全回憶番個種味，鍾意蠔既朋友可以一試。

經過數次門口已經想試今日終於可以試到但係非常之失望 湯底完全食唔出 蠔味 店員 叫我嘗試流心蛋 簡直離曬譜 旦心近乎全熟 完全沒有流心 服務員態度冷淡 想試其他餐牌內食物但因為太飽所以想問有冇外賣 店員 冷淡 回覆 我們所有食品不設外賣 目無表情不帶半點笑容 難怪店內客人稀少 可能因此服務員 都忙著玩電話 唔明白點樣攞到米芝蓮一星 原本的金色不如歸反而仲好食

位於銅鑼灣的牡蠣不如歸，是全港首間講以蠔湯為主題的拉麵店。你有沒有覺得餐廳名字有點熟悉呢? 其實牡蠣不如歸，是東京新宿米芝蓮一星拉麵店金色不如帰的姐妹分店，拉麵控不容錯過啦~ 餐廳同樣由金色不如帰的大廚山本敦之親自研製，食物質素有保證哦。牡蠣拉麵用上數十斤的鮮蠔慢煮熬製，而店內亦有多款以蠔為主角的小食，相信可以滿足蠔迷的食慾。 牡蠣鹽味拉麵 $118 主打的牡蠣鹽味拉麵，製作上花盡心思。鮮蠔湯底會加入自家鮮製的日本牡蠣醬、每日煉製的鮮蠔油、蒜蓉牛油和花蟹油製成，蠔鮮味香。雖然在味蕾上沒強烈的衝擊感，但卻有輕柔易入口的感覺，緩緩蠔香，吃多也不膩。牡蠣野菜天婦羅 $88 香脆鹹香的天婦羅，比想像中更有驚喜。蠔肉鮮美大隻，酥炸後增添不少層次感。野菜則有粟米、冬菇和明太子釀尖椒，配搭有趣呀。 醬漬牡蠣一口飯 $68/2件 強烈震撼感的醬漬牡蠣一口飯，是蠔迷必點小食。醬油漬廣島蠔相當濃味，蠔膏在口中強勁爆發，配上用鮮蠔湯煮的米飯，鮮上加鮮。

這家「牡蠣不如帰」是日本米之蓮一星拉麵店「金色不如帰」的姊妹店 一看名字就知道它是主打蠔菜式的店鋪啦🦪前陣子去吃午餐 試了一系列菜式 除了拉麵還有不同類型的小食 水準都很有驚喜呢😍_【牡蠣鹽味拉麵 $118 🍜】湯底以蠔湯、豬骨湯以及魚清湯混合而成 裡頭還加了一小撮蠔醬和鮮蠔油 喝起來鮮味甘香 並會慢慢散發出蠔香！好喜歡呢💓低溫叉燒肥瘦均勻 肉質柔軟嫩滑 再加上parsley、火箭菜、京蔥和紫洋蔥 感覺變得清新不膩！若要挑剔的話 就是麵條的麥香跟質感不算特別出色 但整體還是很有特色而且讓人好滿意的一碗拉麵啦！🥰【醬漬牡蠣一口飯 $68 🦪】全餐的摯愛！牡蠣肥美飽滿 經醬漬後鹹中帶甜 加上以蠔湯熬煮的米飯 及香脆的紫菜和青瓜 整體口感豐富 味道香濃而不膩口 好有驚喜呢！😍【牡蠣野菜天婦羅 $86 🍤】這牡蠣野菜天婦羅除了牡蠣 還有粟米、青椒和舞茸菇～ 炸漿薄身香脆 水準不俗😚【煙熏黑椒豚骨拉麵 $115 🐷】若果不特別喜歡吃蠔的話 這煙熏黑椒豚骨拉麵一點都不遜色呢！豚骨湯濃厚鮮味 而且正如其名帶濃濃的煙燻味和黑椒味 比一般豚骨湯拉麵更富層次 值得一試喔！🥳

最近去咗日本米芝蓮一星拉麵「牡蠣不如帰」🏵裝修格調高雅又帶有日本餐廳風格🎎.牡蠣鹽味拉麵🍜湯底用咗大量蠔肉烹調🔥然後加埋自家鮮製的日本牡蠣醬及秘製鮮蠔油等🇯🇵飲落果然清甜濃郁😋再加上意大利番茜🍅火箭菜🥬紫洋蔥、京蔥同低溫叉燒🐖豐富又好味，拉麵別具鮮味👍🏻.豚骨辛拉麵🥢拉麵加入辛辣肉碎和辛辣醬油🌶將辣椒粒和韭菜炒香👨🏻‍🍳一上枱已經係好香💨而且唔會太刺激性☺️麵條煙韌掛汁😆.牡蠣野菜天婦羅🍤有2隻日本廣島蠔🦪伴以粟米🌽秋葵及冬菇🍄天婦羅脆漿薄且香脆😗.一口芝士脆豚🧀即叫即炸，流心芝士澎湃😍豚肉仲有好多肉汁🤤但芝士味唔算重🥺.紫蘇雙檸洛神花茶(凍)🌺酸甜開胃🍋食完拉麵正好解膩😉.木村·梳打汽水(信州巨峰)🍇飲落清新自然

金色不如帰始創人用牡蠣創作既湯底，店內會有說明教你點樣品嘗呢碗拉麵🍜◉ 牡蠣鹽味拉麵湯底配上自家蠔醬同鮮蠔油好香甜，但麵條唔掛湯所以各有各咁，淨係食麵條時會略淡…反而麵後面既醬漬牡蠣一口飯($68)就好濃好入味喇

呢間過江龍拉麵相信好多人都有所聞，係來自東京主打蠔嘅拉麵店。除左有拉麵外，仲有各款蠔小食。-牡蠣鹽味拉麵 🦪 $118係熱門菜式，湯底用上大量牡蠣去熬製，比較清甜牡蠣味濃郁。上面仲有少少火箭菜同埋洋蔥粒，好唔錯。醬漬牡蠣一口飯🦪 $68一口飯上面有大大隻醬漬牡蠣，配有自家製蠔醬，蠔味加倍濃郁。外面係好脆嘅紫菜，好豐富呢。-牡蠣野菜天婦羅🍤 $88高質素嘅天婦羅之一外面脆漿好薄，外脆內juicy，好滿意。

呢間銅鑼灣店係「金色不如帰」姊妹店😃 米芝連必食推介😍😍 星期五夜晚七點去到，唔駛等位，直入就座～ 裝修格調高雅，有晒日本餐廳風格，上菜極快👍🏻牡蠣鹽味拉麵 $118銅鑼灣店限定必食嘅 「牡蠣鹽味拉麵」，果然湯底好鮮甜香濃！湯底係由蠔湯、豬骨及魚清湯三重香味！，仲有自家製蠔醬同鮮蠔油 😍 配料有低溫叉燒、紫洋蔥及京蔥。特濃白豚骨拉麵 $115湯底稍嫌唔夠熱，上枱都只係微溫；麵條屬幼身，但口感唔錯😋牡蠣野菜天婦羅 $86一入座，見到幾乎枱枱都有點呢個，的確有驚喜呀！天婦羅都好新鮮，熱辣辣嘅👍🏻 天婦羅包括：有兩隻蠔，一個半切嘅粟米🌽（未試過粟米天婦羅，好好味😋），秋葵同金菇。

又係比佢米豬連名氣同零負評吸引黎食，食後雖然未至於負評，但又覺得唔會翻兜，之前既食評都有吹得太大，我就覺得屬OK，主要係因為性價比偏低。我試左佢個set lunch $158, 包沙律、招牌鹽味拉麵、小食同一杯飲品，開頭都覺得幾低，但碗麵一上，好細碗。應該可以一大啖食哂🤣🤣。 飲下個三鮮湯先，的確係鮮味又濃厚既，之後都無口渴，但又未覺得好驚豔。 By the way 留意返個拉麵係無蠔架，係叉燒拉麵（好小塊肉），有一pat 綠色既蠔醬係面。反而煎餃（好似）係有蠔肉的，都幾香，但都係非常之細隻。野飲揀左紅菜頭薑蜜，幾得意又好飲。最後埋單加埋一$173， 正常食量係唔夠飽架🥲但以一餐lunch黎講又唔平wor!

📍牡蠣不如帰期待咗好耐就好想去試吓呢一間米芝蓮一星嘅拉麵店，之前試過又一城既金色不如帰。貝湯拉麵好獨特，今次黎試下牡蠣湯底。拉麵店的裝修比較摩登，有別於平時去的拉麵店！➖➖📌 牡蠣鹽味拉麵 $118以「金色不如帰」的湯底基礎為藍本，用蠔湯取代貝汁。拉麵呈上來時，可以感受到濃濃的海鮮香味。拉麵采用特質小麥緬粉，與以往其他拉麵店比較，可以看到拉麵較有彈性也不會鬆散，淡淡小麥味。輕嘗一口湯，鹹甜適宜，帶有海鮮的獨特鮮味與豬骨熬製的清甜，不會太腥，喝了幾口也不會覺得口渴或太鹹。叉燒沾上獨有的蠔醬，搭配尚可，不會有腥味。➖➖📌 菇燒牡蠣串直菇火腿包著生蠔，生蠔鮮味十分濃，帶有紫蘇葉的香味。如果不能接受太過濃的生蠔味，這道菜就不太適合。➖➖📌 牡蠣野菜天婦羅個人十分喜愛這道菜色，生蠔外層十分香脆，也不覺得有腥味。野菜天婦羅都好顯功夫，天婦羅炸得剛剛好，外層嘅脆皮粉不會很厚，爽脆也不會太油膩。天婦羅趁熱食就會比較香脆➖➖地址：銅鑼灣百德新街57號Fashion Walk地下A號舖➖➖人均消費：$140 (Subject to 10% service charge)好食指數：4/5抵食指數：3.8/5