牡蠣不如帰

营业中

休息中

又一日本過江龍拉麵店嚟咗銅鑼灣係無得返鄉下嘅日子梗係要去試啦先嚟餐前小吃醬漬牡蠣一口飯  $68醬漬牡蠣味濃好食配埋青瓜＆紫菜食落清新開胃菇燒牡蠣串 $62用咗秘製直菇和風乾火腿包住生蠔咬落除咗食到牡蠣鮮味， 仲有紫蘇葉香好特別嘅配搭， 但又意想不到好味主打嘅「牡蠣鹽味拉麵」＄118湯頭係米芝蓮星級廚師山本敦之親身研製由蠔湯，豬骨湯和魚湯熬成，湯底味濃但又唔會過鹹睇落亦清澈唔多油味道甘甜鮮味層次豐富拉麵口感剛好而且掛湯力高叉燒味濃嫩滑OVERALL嚟講我覺得好好味洛神花茶 ＄38酸酸甜甜好味開胃白桃培茶 ＄35雖然飲唔到有茶味但清甜好飲， 絕對係女仔鍾意嘅味道

牡蠣不如帰位於銅鑼灣百德新街地點方便，專食日式牡蠣的餐廳，lunch都幾多人，食物味道唔錯，價錢唔貴，份量比較細，可以叫多幾款唔同嘅嘢試😋，會推介比朋友試吓👍🏻🍜牡蠣鹽味拉麵。湯底係用蠔來煲，幾鮮味，麵質同一般拉麵唔同，但自己比較鍾意一般果啲；🦪醬漬牡蠣一口飯。蠔味唔錯，好味，略嫌塊紫菜味搶咗少少蠔味，但整體來說好味，一定要試！🐮白松露油厚燒牛舌飯。牛舌好正冇騷味，飯加了蛋黃撈勻好味！必試👍🏻🐷燒豚肉叉燒飯，雖然豚肉切得比較薄，但燒得唔錯，有陣陣燒香味，食落口唔膩，溏心蛋軟滑👍🏻🦪牡蠣天婦羅。蠔炸得唔錯，好juicy, 連幾件蔬菜天婦羅都炸好好，值得推介🤤

湊女朋友收工，突然又好想食拉麵見呢間嘢環境又幾好試下呢間啦門口撳紙仔自己等位入到去環境都幾好㗎坐得多闊落㗎由於係第一餐既關係我哋睇下食咩先😌今日呢就叫咗一杯啤酒一杯sake兩個拉麵跟住兩個小食啦第一樣嘢食牡蠣一口飯只好呢做個汁煮咁樣甜甜地幾好食嘅連埋個飯加埋一個用緊個小老闆紫菜呢個人其實食完之後真係會想encall㗎我隻菜好香脆隻蠔又好食，之後到過天婦羅 咁天婦羅呢就配海鹽嘅冇乜特別正常操作呢度梗係要食拉麵㗎啦到個主角隔離有牌介紹個麵係應該點樣食嘅咁跟住去食啦咁佢嗰蠔汁同頭湯唔錯個湯底鮮甜又無味精高分嫁不過面底就差啲啦，會比較淋身同埋冇乜彈性份量呢就女仕就應該夠而我呢。。。就差d不過整體都唔差。可以試下埋單5百幾又唔算貴特別係有位男同事做得幾好。見到佢又會同客人解釋個menu. 對menu既內容都好清晰。而面對客人對食物既意見的態度都非常好

拉麵湯底中，有豬骨，醬油，鹽味，加上海鮮跟雞骨湯，流派很多，加上時有fusion混合醬油，變化很大不如歸系列的湯麵比一般拉麵更清更濃海鮮香，值得一試環境：非常舒適，有高級日式餐廳的感覺服務：店員有禮，工人效率高，值得一贊牡蠣鹽味拉麵 ＄１１８湯底薄身但充滿蠔鮮味，除了帶蠔香還搭配比較輕盈的鹽味拉麵很配面質比較軟稔，面香夠重慢煮叉燒入口即溶，加上火箭菜紫洋聰跟大蒽，比傳統的豚骨拉麵減少了油膩感，多了一重鮮味跟健康牡蠣野菜天婦羅 ＄８８蠔的天婦羅可說第一次吃，這顆蠔味超濃的蠔不會過於淋油，外層薄脆而不膩，很好吃！綠椒內包著一些明太子，口感多重天婦羅粟米令人驚喜！清甜！菇燒牡蠣串 ＄６２牡蠣竟然是被包裹著的！外層正是雞髀菇，包著裡面的蠔，意想不到地鮮味！洛神花茶＄３８酸味帶層次，既有檸檬又有青檸，洛神花的味道得以平衡，不算太甜的味道入口，很解膩紅菜頭薑蜜＄３０薑蜜帶濃濃甜味，少量薑辣，輕輕的紅菜頭果香帶起了整杯薑蜜的香氣

傳統拉麵就食得多一間有特色裝修特別嘅拉麵店真係好少見，依間拉麵店主要係食生蠔，除咗拉麵之外仲有好多唔同嘅小食炸物等等都好有特色，喺銅鑼灣仲要幾有人氣成日都要等位，今次我同朋友嚟到都等咗一陣先有位入得當然嚟到一定要食佢嘅蠔湯底拉麵🍜，雖然拉麵嘅份量唔算多但係湯底真係好正食落去唔會太過鹹，絕對唔係味精嘅味道，餐廳都標榜住唔會用味精，飲落去嘅湯底好鮮甜，令人一飲再飲，拉麵嘅比較幼身，掛湯程度冇咁高，叉燒味道都OK唔算太大份，細食嘅女仔都食得晒一個拉麵！除咗拉麵之外我哋仲叫咗兩款小食同埋飲品，第一款就係生蠔飯團🍙，醬汁同埋蠔肉都好新鮮，配埋飯同埋勁脆嘅紫菜真係超好食最後仲叫咗一份天婦羅盛盒，當中有天婦羅秋葵，炸蠔等等，全部都即炸好新鮮好吹口用了都食得出係高質整體來講餐廳裝修食物同埋服務都唔錯值得一試

米芝蓮一星姊妹分店 | 🦪蠔怪必試 • 蠔湯拉麵「牡蠣不如帰」全新銅鑼灣分店，係東京米芝蓮一星「金色不如帰」嘅姊妹店，以蠔做主題🦪裝修仲好夢幻💫橙紅+幻彩，壁畫位置影相都好靚，估唔到拉麵店裝修咁有驚喜✨✧ 牡蠣鹽味拉麵 $118全港首間「牡蠣黃金湯」拉麵店，三重湯底: 蠔湯+豬骨濃湯+魚清湯，撈埋自家蠔醬同鮮蠔油，蠔味會更加突出🦪幾鍾意佢呢種fusion食法，火箭菜、洋蔥、番茜、紅椒夾埋有點似意大利菜嘅味道。低溫叉燒非常嫩口，雖然比較薄~估唔到佢哋嘅麵襯熱食咁爽口彈牙💯記住快趣影相快啲食！✧ 醬漬牡蠣一口飯(2pc) $68呢個小食好得意，從來未食過呢種配搭！隻蠔用醬油醃制過，配埋甜甜地嘅紫菜，係幾好嘅開胃小食！✧ 牡蠣野菜天婦羅 $88分別有2件蠔、明太子釀尖椒、新鮮粟米、冬菇，天婦羅炸蠔比吉列炸蠔更能食到蠔嘅鮮味😍明太子釀尖椒同炸粟米都好有驚喜👍🏻✧ 木村 梳打汽水 • 完熟白桃 $32✧ 蘋果焙茶$35白桃香味比較岀，味道偏清淡🍑相對上比較鍾意蘋果焙茶🍎估唔到味道幾夾📍牡蠣不如帰銅鑼灣百德新街57號Fashion Walk地下A號舖

終於試了這家牡蠣湯底拉麵✨▪️牡蠣鹽味拉麵 118HKD湯底帶有牡蠣香氣，多重味道的重擊下，牡蠣的鮮味有點被埋沒了，拉麵是我喜歡的硬麵，但是所有味道合在一起又好像沒有到很驚喜，可以一試🙈▪️溏心蛋 15HKD這顆溏心蛋流心部分做得剛剛好，而且蛋白還有一點流心，口感真的很不錯😚▪️鹽漬牡蠣一口飯 68HKD口感很特別，但是牡蠣的海水味稍重，如果怕腥的話可能不太合口🙈▪️白松露油厚燒牛舌丼 68HKD全餐等得最久的一道，牛舌厚燒得很不錯，不乾又爽口，牛香味和白松露油也很出色，雖然份量偏小，但是質量很不錯！

尤記得幾年前《米芝蓮 東京版》終於認同日本國民美食拉麵，首次將東京拉麵店「蔦」評定為一星餐廳。自2015年底摘星後，2017年進駐香港，曾經風頭一時無兩，在尖沙咀及銅鑼灣黃金地段開設兩間分店；後來不知什麼原因相繼結業，在今年年中撤出香港。「有人辭官歸故里、有人漏夜趕科場」，另一間位於東京新宿地區、只有10個座位的小拉麵店在2006年創業後，經過幾年辛苦經營，逐漸被日本權威飲食雜誌吹捧，並終於在2018年底首次摘星。跟著在2019年底就在香港開店，只用了一年多時間連開三間分店，風頭較𨦫羽而歸的「蔦」更勁。至於日本本店那邊，則仍然維持一間小店，並連續三年摘星；如無意外，今年年底會再度蟬聯。寫到這裏，應該已知道所講的正是「金色不如帰」。上次行經百德新街，留意到第四間分店正在裝修，原來今年年中已正式開業，但招牌卻換成「牡蠣不如帰」。到底是什麼一回事？今日就探個究竟。可能店舖名字改了，裝修風格有别於其他三間分店。門面採用灰色石牆，如果不知道底藴，會以為是一間高級日本料理；偏偏又襯以一大幅反光單面玻璃及半透明金色日式暖簾，與低調的石牆門面有點格格不入。推門入內，見到粉橙紅色的牆身及天花，配搭泛黃

拉麵湯底平時大多數係豚骨/麵豉/雞白湯底，轉下口味試吓.全港首推用蠔做湯底，日本米芝蓮一星拉麵店- 金色不如帰嘅分店秉承米芝蓮星級拉麵師傅山本敦之嘅烹調匠心，以用心、專注及耐心煮出美食嘅理念，打造全港首間以「蠔」湯作主打既拉麵店【牡蠣不如帰】  Shio Oyster Soup Ramen 牡蠣鹽味拉麵 $118 【牡蠣不如帰】湯底使用大量蠔肉，由星級廚師山本敦之親自研製，加上自家鮮製的日本牡蠣醬，秘製鮮蠔油等，層次豐富，別具鮮味． 每碗拉麵都配上低溫叉燒，自家蠔醬，三重底湯（蠔湯，豬骨清湯，魚清湯） 鮮蠔油，京蔥，紫洋蔥，火箭菜，意大利蕃茜．非常豐富． 湯比鮮甜清澈，但充斥著滿滿嘅蠔味跟魚鮮味，相當特別． 建議先試一下原味湯底，之後先將蠔醬&鮮蠔油混合，多重享受． 拉麵由小麥粉製作而成，麵條比較幼細偏軟身．  除咗拉麵連小食都係以蠔作為主題  Marinated Oyster Sushi 醬漬牡蠣一口飯(2件) $68 醬油漬廣島蠔加青瓜，配上用自家製鮮蠔湯煮成嘅蠔飯再用已調味既紫菜一齊食，醬油漬蠔蠔味超濃  Oyster and Vegetable Tempura 牡蠣野菜天婦羅

期待咗好耐就好想去試吓呢一間米芝蓮一星嘅拉麵店，佢哋而家已經有四間分店分別喺銅鑼灣、中環、尖沙咀同埋又一城！佢哋拉麵店都係用有日本特製嘅麵粉整嘅面，小麥味會比較重，入口都非常煙韌，再加上佢哋掂嘅獨特貝汁湯頭，真係好似喺日本食拉麵嘅感覺🥰😋今次我哋叫咗牡蠣鹽味拉麵、牡蠣野菜天婦羅同埋菇燒牡蠣串😍😍個拉麵真係麵質入口非常煙韌，加上佢嘅湯底好濃味，成個拉麵都好掛汁，而且佢係推介嘅拉麵🍜如果大家去食一定要試吓如果你哋食得辣可以試吓去你個辣味拉麵😋牡蠣野菜天婦羅野菜天婦羅都好顯功夫，天婦羅外層嘅脆皮粉不會很厚，而且佢哋天婦羅揸到非常香脆，上來嘅時候仲係熱辣辣嘅，天婦羅趁熱食就會比較香脆，佢哋嘅嘢才會有秋葵，我覺得都幾特別😍🥰菇燒牡蠣串依個又係推介要叫嘅，佢燒牡蠣燒到好出汁，唔會燒到好乾，牡蠣仲要係好Juice，加上唔覺佢落咗好多調味料，可以食得出牡蠣原本有嘅鮮甜味😳🐱整體來講佢啲食物都幾好食，而且餐廳入邊嘅裝修都非常有特色，以日本風格為主真係好似去咗日本咁樣！佢哋唔同餐廳都有唔同嘅裝修風格，大家都可以去試一下㗎！

經朋友推介我們，講話如果真係鍾意食蠔🦪🦪既一定要去試下🤤，咁啱去完銅鑼灣DONKI，間舖又係附近就去試下佢。先講下裝修，有氣氛不焗束，色調鮮明配柔和燈光，感覺似去咗新潮既韓國食肆多過日本食肆😂😅，而座位係舒服😌Menu 選擇不多但足夠，有兼顧到唔食蠔既人，雖然係主打食蠔🦪😍，但一啲大路既日本菜都有提供。 食物我地就叫咗 牡蠣鹽味拉麵 同 醬漬牡蠣一口飯（2件）😋🤩🤤。醬漬牡蠣🦪一口飯牡蠣🦪個尺吋中規中矩，但睇得出係飽滿既，加上牡蠣醬漬啡啡地既顏色，就知道係入哂味😚，另外仲有數片青瓜🥒做配搭，再用紫菜盛起。  一放入口醬漬味道就爆發出黎🤩，但就略嫌過重口味啦顯得牡蠣本身味道差咁啲，紫菜爽脆，加上牡蠣口感軟軟地，幾好😌，整體而言，不過不失。牡蠣鹽味拉麵一上枱佢個香味係好吸引既😋，即時飲咗啖湯，鮮甜👍，蠔既味道充斥住口腔每一個空間😍，依個湯底無得輸💓。而碗上面既綠色物體係蠔醬黎既，用拉麵沾少少蠔醬，好味。 叉燒就正常高質水平，對得住個價位。😙😙

最近有朋友食過牡蠣不如帰話佢地嘅蠔湯幾好飲, 身為蠔控小妹緊係要去試下! 餐廳環境幾大, 怖置色彩繽紛, 好有朝氣☺️!🌟白桃焙茶🍑🍵入口好香濃白桃味, 味道甜甜地, 之後焙茶味亦慢慢而出🌟紫蘇雙檸洛神花茶(熱)雖然檸檬同洛神花都係酸度較高 , 但加埋一齊味道又唔會好酸, 仲有少少甜味, 飲落都幾醒胃🌟醬漬牡蠣一口飯醬漬牡蠣味道咸咸鮮鮮, 咬落好juicy, 蠔味好濃郁, 一口飯用左紫菜包住, 夾埋幾片青瓜, 食落幾清新🌟牡蠣野菜天婦羅炸蠔金黃酥脆, 炸得幾乾身又唔油膩, 野菜唔會炸到乾哂, 食落依然保持住蔬菜原有嘅口感!🌟牡蠣鹽味拉麵每次食拉麵都會先呷左啖湯先, 湯頭咸咸地, 後勁帶有蠔鮮味, 拉麵爽口彈牙, 旁邊嘅叉燒吸哂湯嘅味道, 食落好惹味!

響銅鑼灣新開左東京米之蓮星級餐廳金色不如歸香港嘅姊妹店。比IFC金色不如歸似乎更有特色，除咗佢哋招牌拉麵外，呢度其中一個主題係牡蠣，即係𧐢。晚飯時間經常大排長龍，今日星期五晚七點前到達有時竟然有位。呢度食嘅𧐢都係煮熟嘅，第一道似係壽司形式嘅，用味付紫菜包住壽司飯同漬左既𧐢，𧐢嘅香味好濃烈，鮮味留在口內久久不散。牡蠣野菜天婦羅有兩隻𧐢同3塊野菜。除咗𧐢之外，其中一件野菜係明太子釀秋葵，感覺好驚喜。雖然未比未必比得上高級既天婦羅專門店，但一啲都唔失色。呢未沾左醬汁嘅𧐢串燒，可能因為我哋冇飲酒，感覺就鹹咗一啲。吉列芝士一口豚都非常唔錯，不過冇比較冇傷害，相對來講附近申子居酒屋嘅吉列芝士豚就實在出色太多。牛舌丼細細個，適合唔係食太多飯嘅OL。滿滿嘅蛋汁令人好開心，白松露油亦都冇蓋過牛舌嘅香味，不過我就覺得牛舌太韌，唔係太咬得開。華味鳥都好食，雞肉鬆軟有香味豚肉餃子就普普通通不過不失反而佢嘅招牌拉麵，慢煮叉燒同湯底都唔錯，但就覺得冇乜特別，可以專注吃牡蠣🦪菜式。座位唔算好舒服，但食物質素唔錯，如果唔使排隊，整體來講係令人滿意嘅一餐。

早前知道這間拉麵店開已經很想來試試，今次終於約到朋友一齊黎！拉麵店的裝修比較摩登，有別於平時去的拉麵店！餐牌上有幾款不同湯底的拉麵，亦有一些小食可以選擇!牡蠣鹽味拉麵，來到這間拉麵店當然要試試他們的招牌麵，拉麵湯底清甜，有陣陣的生蠔味！拉麵麵底跟平時吃到的不同，有種蕎麥麵的感覺！叉燒薄身而且不會很肥，所以食落完全沒有罪惡感！湯入面仲有洋蔥粒同火箭菜，令湯底更正！菇燒牡蠣串，生蠔用上紫蘇葉、秘製直菇和風乾火腿包著，上面再塗上燒汁，味道甜甜地之餘，亦有紫蘇葉的獨特味道，令生蠔的味道更鮮更突出！牡蠣野菜天婦羅，生蠔天婦羅好似是第一次食，外層脆脆地，內裡juicy又鮮甜，口感好正！另外亦配有明太子釀尖椒、粟米和冬菇，尖椒入面釀有明太子，味道惹味，粟米亦好鮮甜，很美味！信木村梳打汽水 巨峰提子味，用上像紅酒的玻璃樽裝著，有陣陣的巨峰提子味道，酸酸味味又不會好甜，很不錯！紫蘇雙檸洛神花茶，有淡淡的紫蘇葉味，飲落有洛神花和檸檬的酸味，非常開胃！

光睇舖頭外面就已經散發神秘的色彩原來係米芝蓮金色不如帰既新分店一聽個名牡蠣不如帰就知道主打既食物都係用生蠔為材料　超推薦小食醬漬牡蠣一口飯(2件)你以為食拉麵又食飯會好飽?話明一口飯份量當然不是個負擔由自家制蠔湯煮成既蠔飯加上醬漬廣島蠔同青瓜和紫菜食完感覺好清新當開胃　跟住唔夠喉又點了菇燒牡蠣串(2串)將秘製直菇, 紫蘇葉, 風乾火腿包住廣島蠔一齊汁燒係從未食過既組合, 都幾特別終於到咗主角出場 牡蠣鹽味拉麵同想像中有點不同原來以為只係一碗普通的蠔湯但湯底其實另有玄機用了蠔湯, 豬骨清湯及清湯三重湯底混合拉麵放了好多新奇既配料竟然有意大利蕃茜, 火箭菜...好彩每張枱都有擺放一個教學牌子先有機會品嚐每個食材及和其他食材撞出來的火花湯底嘅蠔味係飲完先慢慢散出嚟自家制蠔醬超回味 唔小心就食哂飲品點了香香的白桃焙茶同埋紫蘇雙檸洛神花茶點解可以連飲品都咁有心思　總括呢間拉麵店係裝修同野食都有驚喜啊我仲超幸運坐到最入面有個生蠔女壁畫打卡位不過下次再黎要提自己加返粒溏心蛋🤤