牛魔 (已結業)

今日係尖沙咀上完堂，想搵間新餐廳食午餐， 咁就去左棉登徑搵搵，見都間裝修幾特別既餐廳，有日本風格但係有混合咗啲工業風既感覺， 咁特別我梗係要了解下佢啦每枱都有個咁既喉，仲以為呢個係食水喉但係原來係啤酒喉，但仲未開始用得餐廳有個牛字，一定要試下牛啦安格斯牛肉眼伴飯點咗個安格斯牛肉拌飯，廚房既效率都幾高，落order等左10分鐘左右就送到上枱，佢上枱嘅還完率同menu達99%。伴菜有泡菜青瓜沙律菜等配菜，泡菜同埋青瓜食落爽口新鮮， 如果將啲沙律菜再幼身啲食落會比較爽口，可以改善。安格斯牛肉飯味道濃沃， 份量充足， 成碗飯的面都係牛肉總結： 牛肉煎熟咗啲所以口感比較唔夠鮮嫩，減左d分，如果火候控制得更加到咁就會更加好食，整體水準都係唔錯，值得推介

有次經過呢度見到間裝修好靚嘅餐廳，所以就決定約朋友仔一齊嚟試吓啦🥰嚟到嘅時候，啱啱有人埋單，所以唔係等左好耐就有位望下個餐牌，除咗要燒嘅食物之外，都有熟嘢食，同埋燒嘅食物都有好多種類！雞牛豬羊，海鮮都有！首先嚟嘅係日本嘅A4牛魔野原燒🤤嘩，一望已經流口水，望落啲脂肪網狀咁就知係靚嘢🤤🤤🤤呢個和牛仲會跟埋個月見汁沾蛋啲staff話呢個牛有特別嘅做法，所以我地就交左俾佢地幫手燒☺️一路望住已經聞到好香😭😭😭燒好啦！最後加埋個沾蛋汁就食得！嘩！！！！真係不得了呀！入口即溶呀真係😭好感動！！！加埋個蛋汁好正呀！勁juicy 呀👍🏼呢個就雞脾扒🤤好新鮮呀！因為肉厚，就要燒耐少少！呢個又係超juicy!!!!!!好好食！因為其中一個同行友人唔食得海鮮，所以淨係叫左一份特級帆立貝試下🤤🤤🤤好厚肉好鮮甜呀！！！！！！呢個係醫油牛肋骨，已經事先調左味嘅牛肋骨醃到好入味！！！！！！同埋超淋超肉汁！呢個都好好味！！！！重點一提，食完呢餐之後，個身唔會有燒肉味架！！！！如果約女仔嚟呢度食啱曬啦😙

棉登徑一向多好野食哩間日式燒肉牛魔真係岩哂我哩啲牛魔😍環境好靚～樓底高同埋抽煙都做得好好食完一啲油煙味都冇！！女仔著靚衫黎都唔怕🙈餐具好靚木筷子仲係雙頭方便夾生野同熟食～前菜有泡菜、醃青瓜同芽菜打頭陣係A4牛魔野原燒係薄切和牛配月見汁沾蛋一睇顏色都知新鮮到不得了❤️仲有極靚既雪花油脂分佈店員好細心幫我地燒埋首先用牛既肥膏塗滿鐵板已經聞到陣陣香味沾上月見汁同生蛋調味一流食落口感即溶！！💦鳥肶肉椒鹽燒到燶燶地既雞皮真係難以抗拒😍日本特盛帆立貝真係好大粒呢我地只係輕輕將表面燒到金黃色好鮮嫩好甜少少調味都唔需要～🤓美國Prime醬油牛肋骨已經預先醃好左，好惹味！肉質鮮嫩，又係食落口即溶架～食完都仲有淡淡既油脂味係口入面逗留😜昆布湯清清地消膩一流～見佢有吧台旁既座位下次黎都可以試下～同廚師交流食得開心啲😬

上個月睇生活時報，介紹尖沙咀「7 大超浪漫白色情人節餐廳攻略」，當中提到有間叫「牛魔」嘅餐廳，主打吃牛，而且仲要係高質牛。熟識筆者的朋友都知我身邊有個牛魔老公，每次外出吃飯，幾乎都例必點吃牛，所以趁白色情人節臨近，就特意訂了檯，希望能為他送上驚喜。唔知「牛魔」遇上「牛魔」，能擦出甚麼樣的火花呢？餐廳位於棉登徑 8 號 5-6 號舖，門面以落地玻璃作設計，途人可清楚看到內裡環境，感覺開揚。甫踏進店，即被其獨特的設計所吸引，裝潢舒適型格兼備。牆上的巨型少女壁畫非常搶眼，不但畫功精細，而且畫得形態自若，盡顯女性嫵媚。翻查過網上資料，原來這幅「鐵扇公主 」是由一位法國的藝術家所繪畫，與店名「牛魔」互相呼應，非常貼合餐廳的主題。安坐後先拿起店員送上的餐牌細看，店子主打一系列牛肉，產地來自日本、澳洲及美國，另外亦有前菜、沙律、飯麵、湯、豬、羊、雞、海鮮及蔬菜等，選項非常豐富。如果唔想動腦筋，當然亦可以直接揀吃套餐，餐牌上有三款二人餐可供選擇，定價由 $650 - $1050 不等，豐儉由人。既然是來慶祝情人節，當然要食得豪啲，所以今次就揀左個 Set C ($1050)，套餐包前菜、沙律、煎餅、日

之前經過尖沙咀既時候已經開始留意到呢間新開既日式和牛餐廳夜晚經過聞到燒和牛既香味就決定點都要黎試一次難得今日可以忙裡偷閒，梗係要出黎食返餐~ 一入到黎就見到佢既招牌「牛魔」既化身喇 ~職員安排坐係餐廳既正中位置～呢個有利位置可以睇到哂成個環境，感覺好似置身日本既餐廳一樣，好有feel仲有幾正既係佢有個開放式既廚房～完全睇到哂職員係度處理和牛既情況，真係睇見都好想食牆上面仲有好多燒酒砌成既擺設～好特別佢有多款set lunch 選擇由$75～$125不等再加多$8可以跟埋飲品都幾多選擇的由於自己好肚餓同埋好想食牛既關係就揀左「安格斯特選牛肉丼飯餐（配特選湯）」既套餐～試試佢既味道係如何因為牛肉丼係即叫即整既，所以需時職員會先搬上前菜享用分別係醃青瓜、韓式泡菜、芽菜同埋新鮮沙律～初初仲覺得佢前菜都比較似食緊韓國菜既配料咁，因為好少見日本餐會跟以上既前菜全部食落都好好味啲醬汁都係餐廳自己醃製既，個青瓜有少少辣得黎都幾爽口未有飯食之前食下呢啲前菜小食，即刻變得好開胃終於上齊個套餐～係點餐既時候，職員都非常貼心會問你和牛想要幾多成熟（基本係五成熟）不過自己就唔慣食得太生，所以就向職員要左七成熟～

對於我這種不會烤肉但又喜歡吃烤肉的懶人，這家店真的超級適合我。因為每次男朋友和我出去烤肉都要烤給我吃，感覺好內疚耶～這家店做吧台的話，不用我烤肉，也不用男朋友烤肉，有帥哥大廚烤給我們吃，特別好吃😋而且帥哥大廚還會陪聊～就算因為這個原因，也值得一去～哈哈哈同埋餐廳內部的裝修華實兼備～讓人覺得很雅致，但又不會太過奢華而有壓力，就是一個適合品嚐美食的環境，讓我能夠專心地去品嚐美食之餘又能夠放鬆身心。如果想要自己烤肉，可以坐在落地畫前，拍照打卡必選位！

早前到棉登徑嘅「焱丸水產」食晏，路經呢間「牛魔」，晌鋪面見到佢哋棟喺門口嘅介紹牌，幾款肉類都非常吸引，就想想搵晚嚟試吓。是夜，就約咗夏總傾旅行嘢之餘，就嚟到「牛魔」食餐好嘅，佢一向食開好嘢，點都要搵番間具質素嘅。未入餐廳，透過玻璃晌外面已見到內裡環境好大，樓底高，空間感十足。除咗多張2、4、6人枱之外，仲有吧位及卡位，我哋被安排晌卡位，感覺寧舍闊落。睇店名，就會予人感覺喺日式燒肉店，再加上店內有少少招財貓嘅擺設。不過，最搶眼球喺入門右邊嘅巨型牆畫，一大幅着住和服嘅少女，美人胚子，笑容甜美，就算晌門口位影埋去，都見到畫功細膩，筆觸細緻！雖然名字帶點日本風，但絕對唔喺單賣日本牛，晌門口個牌睇到啲A乜乜乜，M物物物，有食開靚牛嘅朋友就知喺日本和牛同澳洲和牛嘅級數指標。再睇睇埋餐牌，就見到日本、澳洲、美國牛都有供應，仲有唔同部位，最正斗喺張「解剖圖」，話你知喺咩部位，雖然睇完轉眼就忘記，不過，當趣味睇睇又幾得意。反一反轉背面，就喺非牛肉類嘅食物，如豬肉、雞肉、羊肉、海鮮、野菜、前菜、沙律、飯麵及湯品，選擇唔少，類別又多元化，更唔喺只得和食，仲有啲韓式、西式。唔使煩嘅諗食乜，就可以好似我哋咁，針

天色陰暗的星期五，無聊地放自己一天假 。。。放放空。漫無目的地在尖沙咀閒逛一會， 走著丶走著，不經意來到棉登徑，看到了這家新開的型格燒肉餐廳， 剛好有點肚餓，便進來吃一個「 一個人的午餐亅。隨便地選了坐在吧檯，隨意地點了一個「牛肉石頭鍋飯定食亅午餐， 享受一個人的寧靜。餐廳叫做牛魔， 但是牆上竟然畫了一個公主， 果真一物治一物？？「牛魔王亅被「鐵扇公主亅收服？哈哈！在胡思亂想之際，店家已經很貼心地先把沙律前菜和熱湯送到了我的枱上。。。與其說是日式套餐，我覺得這個定食像「韓式亅多一點！前菜有： 芝麻醬菜沙律丶 泡菜丶芽菜和小青瓜， 整體來說，賣相跟味道都不錯。其實，每次一個人的午餐 ，我都喜歡選擇坐吧檯，其中一個好處就是 「近廚得食亅， 今日呢？還可以向型仔大廚偷師。。。你看，原來弄一個石頭鍋飯都有很多工序，要經過不同的 大廚小廚合作，才可以大功告成的， 真是「粒粒皆辛苦亅，我真的要好好地享用這個「心機美食亅啊！好，主菜也來了！吃石頭鍋飯，最重要就是把生雞蛋丶配料跟熱飯拌勻。 好！今日有時間，跟大家來一個拌飯 step-by-step 連環圖！ 。。。我的攝影技巧有進步嗎？吃石頭鍋飯，最

本身吸引我去食嘅原因就係一幅大大嘅畫，網上見到朋友去食，感覺很有格調，所以特意去試試。而且我好鍾意食牛，一於去試試，去到見到幅畫真係好靚，冇諗過地舖都有咁嘅設計。去到我哋睇吧枱那邊用餐，店員和廚師也很友善，我哋叫咗一set , 沒想到分量很多，之前在別的餐廳食差唔多嘅set, 大部份都唔係好飽，我又大食，，所以有啲喜出望外，最主要食物質素仲要係好好，真係好抵食😂😂😂最後每個人大概食咗五百幾蚊。。.

今次是第一次來到呢間餐廳，一入就被巨大的美女牆畫所吸引，似乎係呢間餐廳的icon。睇過餐廳的setting，原來系韓式燒烤，打開個餐牌，裏面都好多和牛選擇，有澳洲和牛和日本和牛，仲有美國的 prime rib Steak。餐牌一整版都係牛肉，背面就系非牛類，對於我呢啲牛魔王來講，睇見就滿足和歡喜。當然今次主力係食日本和牛，所以澳洲和美國的都不在考慮之列Order了四款不同切法的日本A4和牛、五花豬腩肉和雞肉，以及一個二人套餐。二人餐入面有兩個沙律，睇得出廚師好用心機去做，但似乎配搭方面就有點兒欠奉，賣相以白色為主配搭松子，材料有水牛芝士和白色的沙律椰菜，再加白色的沙律汁，整體都是白色，而且汁過稀和水變成賣相麻麻。細粒松子、軟滑水牛芝士配夠硬的椰菜，概括了說：各自各發揮所長。 套餐裏面的牛肉 呈現瘀黑色，知道已經切咗放咗一段時間，雖然不太影響味道，但賣相就差好多，相對散叫的A4和牛全部都呈現粉紅色，睇落好新鮮，當然價錢方面亦都體驗到出嚟。但從和牛油花的分佈嚟睇，已經不低於A3的貨，以這個價錢，我相信 Value for Money(物有所值)。大部分時間都有人幫忙燒，其實和牛本身多汁好味

原本唔係食呢間，想去食拉麵，點知勁多人，唔想排，行行下見到呢間，價錢唔貴，於是膽粗粗試，有驚喜，好食。午餐有幾個揀，價錢大約 $1xx，ok 嘅，佢哋仲有其他，也有鐵板燒，不過 lunch 就唔燒啦，免得啲油煙太難聞。佢哋應該係 fusion 菜，套餐有泡菜、辣青瓜、大荳芽、日式沙津，like 佢哋 facebook 仲有汽水送

補返個食評先記得係1月一號仲算係新開張的時候，畀個幾有禮貌嘅靚仔拉咗入去試下估唔到坐低第一件事就係道歉話冇啤酒bar…well，總好過事後先知叫咗B同C，牛扒同熟成牛都好食，不過分量唔多越食越餓 本身跟一個泡菜煎餅同石鍋飯，不過幾個大男人唔係好夠分。肋骨純粹過下手癮，講好食都係就咁成塊厚扒最好食可能由於新開張關係，見到所有裝修環境用具都好好。服務員態度都幾好，同埋會介紹下啲牛，總體嚟講都覺得係一間ok，試得過嘅餐廳

睇到介紹於是帶同飲食業朋友黎試吓呢間【牛魔】【食物】我哋叫左個Set C, 有日本A4同澳洲M7和牛 牛既肉質，味道和口感 性價比都很理想就算連唔係主角既雞肉，都非常嫩滑最後配上雞肉石鍋拌飯【環境及服務】雖然我見食評有提及服務欠佳，但是我去果晚有幸遇到一位非常貼心既服務員，他對於我既要求都一一照舊週到，所以特意為他們平反一下環境有兩樣值得一讚，抽氣系統真是非常好，唔會有吵耳既抽風聲，食完之後，完全無人發現你食過燒烤，非常好。另外，見到牆上壁畫很吸精，好奇寶寶既我問了圖畫有沒有什麼特別意思……發現原來是穿著和既鐵扇公主，用了【牛魔王與鐵扇公主既故事】，真好♡【特色與賣點】吸引我黎除了為了食有質素既牛肉之外，其中一個特色是用陳年普洱沖檸檬茶本來我是無緣一試，但有幸親切既靚仔總廚Jeff，親自操刀，為我特別調配呢杯【普洱凍檸茶】一杯平凡既凍檸茶融合左陳年普洱真是好特別，絕對值得一試♡

新開牛魔，主打食和牛，嗌左A4霜降和牛，極之好味，另外仲有海膽飯，份量唔少，就算4人食都唔會唔夠喉(畢竟係黎食烤肉為主所以唔會食飯食到飽）！櫻花蝦餃子都好好食，脹卜卜，櫻花蝦喺外層，肉汁鮮嫩，好食過不少拉麵店的餃子。不得不提個龍蝦尾，上枱時已經除殼(不過個殼都會上埋碟)，非常方便，烤熟後既龍蝦更香口7:30開始見人龍，所以建議先book枱，可以嘗試要求窗口位！餐牌上尚有不少韓式菜式，下次會試埋。值得再黎！