牛魔 (已結業)

食完整體感覺間餐廳係走潮流,藝術,品味,高食物質素嘅餐廳。其實感覺呢間餐廳可以係走貴fine dine，但係佢哋嘅食物環境價錢好合理。 訂咗個8人枱：A and B set 小排勁好食 食完之後幾日都好掛住想再食🤦🏼‍♀️。C就有一排五六款唔同嘅牛 咩部份嘅牛都可以試吓。識食嘅食家其實一食入囗就食得出d牛係好新鮮。有別於其他店嘅牛。我好鍾意個海鮮湯，好香甜 因為唔會好辛辣 突顯左海鮮甜味好重 好掛住😍。聽講佢地開咗只係兩個禮拜 見到都幾忙 但係睇得出已經有唔錯嘅restaurant running & manage 都幾難得 食物又出得快。聽講牆上面幅畫係法國街頭藝術家畫嘅。 顯得好有藝術氣息幾有style，尖沙咀好少見。枱上面有自助beer tap機好受歡迎, 我驚我遲啲會唔識停係咁refill 啤酒😆, 相信會帶起個潮流,呢間會係beer tap 嘅始祖。👍🏻最後一定要飲佢嘅埔里檸檬茶 好有誠意 d茶葉係堅野 甘香又解油 感覺都冇咁肥 最重要嘅係我發覺佢哋係用同最高級燒肉店用嘅燒烤爐一樣 用地下抽氣，抽氣度強烈，食完不會帶着油煙味。👍🏻👍🏻

聽朋友講棉登徑開咗一間專食牛肉嘅餐廳特登走過去試吓！果然冇失望！我同埋另外一個女仔叫二人餐，非常滿足份量啱啱好！除咗牛肉質素好其他嘢都超好味～環境舒適～服務態度亦都超好～下次一定會再嚟！😋😊😍😍

尋日去左尖沙咀呢間牛魔，係剛剛新開嘅鋪頭，見到d牛肉，我開我朋友，真係嘩嘩聲，d牛真係望落好新鮮同大舊，A5及M9級牛肉亦會在最原始基本的烹調，令食物味道非常均勻，而且引入左了全港首創第一張同時擁有自助啤酒機，好似加油站咁斟啤酒，哈哈 爽吖，店員都好細心，會幫手烹調，經過既朋友可以試下，hehe

經朋友介紹呢間餐廳的環境好食物很不錯於是昨晚一行四人便前去潮聖在門外已經看見一幅很大很美的畫在牆上，不是普通掛的嗰種而係每一筆都係人手畫上去令人感到好舒適，可以一邊吃一邊欣賞那麼漂亮的畫心情也特別愉悅平時去一些燒肉店都會令人感到污煙瘴氣，但呢度竟然一點也沒有而且還很舒服。店員見到我們進入店內都主動招呼帶位，笑容親切當時大約7點眼見還有位，我們便揀咗卡位坐我們坐下後還有提供水給我們解解渴之後我們分別點了兩個set，在等待的期間我看見在吧枱位他們還會提供親自燒俾客人食嘅服務值得讚許。不過我們還是喜歡自己燒來吃首先不得不讚他們的豆腐沙律食材新鮮入口爽甜豆腐好滑，海鮮煎餅和豚肉煎餅一樣出色，食到好多配料唔會吃到很厚的皮另外每枱側還有部啤酒機可供客人自己斟嚟飲好方便。不過暫時還未有供應好想試但仲未有！唔緊要啦下次有一定要試重頭戲來了我最期待的畫面，有牛，雞，羊，豬任均選擇，每燒完一款都不會感到油煙四散，聽說是由底部抽走的所有完全不會感到污煙瘴氣吃得好舒服每一款肉入口都很juice而且肉質鮮嫩，真係忍唔住一口接著一口食到差不多接近尾聲就全場爆滿，外面還有很多人等位，怪不得水之後都無人得間嚟fill

優質牛肉的確美味，因此我身邊不乏牛魔王朋友，約她們食飯自然又會以此為搜尋目標。 近日在常到的棉登徑，發現一家新開的燒肉專門店，以牛魔為店名，正中下懷。 甫進店內，即時被一副壁畫吸引，據介紹，這是法藉藝術家 Elsa jeandedieu 在牆上繪畫的「鐵扇公主 」，據說亦是首次畫東方美女，卻又維肖維妙，仿真度高如照片，女主角笑容非常甜美。 餐廳特色是引入了全港首創的連枱自助啤酒機，新鮮冰涼啤酒可以自己選擇何時取，冰火相融，燒肉的理想拍檔。 手法方面，揉合日、韓兩地的燒肉傳統吃法，如利用特製醬油混入香梨和奇異果等水果，令肉質更加鮮嫩。 我們點了招牌牛魔終極拼盤，集合不同個性的牛肉，包括澳洲M7和牛肉眼排（ 厚切 ），角切香蔥M6橫隔膜，牛香蔥牛脷，美國Prime 醬油牛肋骨，30日熟成 Prime 西冷（ 厚切）。 當中我最欣賞美國Prime醬油牛肋骨，燒烤肉中的糖分經過火焰燒灼，明顯吃出焦糖般的味道，非常韓式風味！ A4牛魔野原燒，即是和牛薄切配豉油汁沾蛋，鬆軟肥美的A4牛蘸上生蛋汁，更加滑溜。 厚切全天然豚肉五花腩，脂香味美。 亦吃了豆腐沙拉芝麻汁，虎蝦，海

店面環境:好闊落，唔會好逼有幅鐵扇公主嘅壁畫，好靚好有feel（btw同行友人問知唔知點解會係鐵扇公主，因為店名係牛魔王😂 我：🤨）食物：叫左set b, c啲牛都好靚，香港食燒肉少見嘅靚牛仲叫左個和牛他他，好好味！係我係香港食過最好食嘅生牛肉😍另外有塊薄牛肉沾蛋食嘅，呢個都好好味其他都係食佢嘅牛味，都好正👍🏻食完叫左個檸檬普洱茶（因為fb見到幾特別）我見佢係自己手調，好好飲，仲好解膩！本身以為係就咁沖壺普洱再加塊檸檬係上面😂推介👍🏻👍🏻👍🏻 重點係個爐，好正，燒個陣已經係側邊吸晒啲油煙，出面個啲都係上面吸，無咩料到，但呢到食完個身完全無燒肉味，着冷衫都無味！要讚👍🏻👍🏻

見到雜誌介紹，加上OpenRice嘅食評唔錯，所以就去咗試晚餐。叫咗一個set A，總體食材可以接受，除咗個預先醃咗嘅牛肋骨，完全食唔到肉味。最冇誠意嘅係飲品方面，啤酒機未可以用，只有罐裝啤酒供應，埋單先見到$68元一罐，雖然係我事先冇問，但係咁樣收費，似乎猖狂咗啲，而且係佢自己未有生啤供應。點罐裝啤酒之前仲有一個小插曲，我哋問佢有冇sake, 佢話有，然後攞一支出嚟話$800一支，問佢有冇其他選擇，佢攞多幾支出嚟，話全部$800一支，完全冇介紹係乜嘢sake。唔緊要，再問佢有冇house sake, 我哋可以點一壺，佢話有，然後攞支紅酒俾我睇，我睩大對眼問呢支係紅酒嚟㗎喎，佢話係呀你要house呀嘛. 我暈咗。。。

食燒肉點可以冇啤酒先🍺 呢次👉🏻牛魔👈🏻引入左全港首創餐檯兼備自助啤酒機 😍 可以自己飲幾多就要幾多啤酒🤘🏻 好方便架🙆🏻‍♀️ ..🗣講返野食先, 分別點左”和牛牛五花” & ”A5牛魔肉眼排+肉眼蓋” 同 ”A4雪花和牛小扒 ”🐮一上台就見到d和牛油脂分佈夠均勻🤘🏻燒完應該好好食😍果然食落係入口即溶，又唔會好膩，係正既👀.

只係想分享一下我哋一行人係餐廳訂枱同等位期間遇到嘅問題，因為無了期嘅等位，加上到咗9點幾都頗為肚餓而未望見曙光嘅情況下，我哋無緣試到餐廳任何嘅菜色，所以對食物方面亦不便作評分。但因為呢一次體驗，感覺到一個係餐廳營運上嘅唔成熟，混亂，樓面人多，但唔見得大家知道大家做緊乜。事源我哋係網絡上見到餐廳嘅報道，好評，慕名係星期五晚放工4個人一齊想試試，而朋友A前一晚就打電話同餐廳訂咗8點半。朋友A早到，我哋另外三個人要過海去尖沙咀所以比8點半更遲。誰不知去到餐廳門口，發現朋友A仲坐係度等，就問係咪因爲未齊人唔可以入座，朋友A話唔係呀，只係餐廳搵唔到有預訂，所以要等。本身大家都呆一呆，但都諗餐廳都比較新，而之前都有係其他新餐廳有類似經驗，所以大家都無咩嘢，決定再等等。而餐廳人員都安排我哋4個人坐低而表示唔好意思。之後隔咗一陣，有個餐廳同事行嚟同我哋講已經有張枱埋緊單，好快可以入座，咁我哋當然繼續等，但中途就發現咗一件怪事，就係餐廳中間原先有一張6人枱，但用餐只有4個人，食客突然起身轉枱，但係食緊燒肉都轉枱係一件何其麻煩嘅事？跟手就一行6人，一班比我哋遲嚟但相信都係訂咗枱嘅人，就入座坐落個張6人枱。

以前去親棉登徑， 都係因為朋友約飲酒先至去 ，今次個friend帶我嚟試一間新開嘅舖頭位於棉登徑， 我心諗，下?唔係飲酒㗎咩 ? 來到先知原來我真係好out，棉登徑已經開咗好多間食肆!呢間叫牛魔嘅燒肉舖頭 ，最特別嘅係佢哋啲爐係由下面抽煙嘅，所以你唔會見到平時啲燒肉店嗰啲一條條煙通，阻住你同朋友傾計， 老闆介紹話呢啲係日本爐，食完你件衫係唔會有味道嘅，我覺得呢個賣點好吸引喔!！菜單方面, 有散叫同埋套餐，其實叫套餐抵啲因為乜都有得食 ，價錢貴咗少少但係質素有保證， 所以如果想食好啲嘅話我覺得來呢度試下都唔錯!食物好乾淨同新鮮!

小弟第一次寫食評，真係不吐不快。今晚7時入坐，四人叫了Set A 及 Set C , 食材總體滿意。在最後上了Set C石頭煱飯巳馬上進加一份牛小排，當時约8時10分，煱飯食完，但突然嗰士應一言不發比張單你埋，同佢講還欠一份牛小排，應該係漏單，然後很快就補上。食完五片牛小排後，同一士應又一言不發企係你面前比張單你睇，最终埋單時間8時36分。埋單2千多，人頭平均500元，食約1小時30分，催你埋單兩次，即係趕客走，食一次，永沒回頭。呢d服務，真係不能接受！

個個friend都知我係食肉獸🥩，所以一早訂定呢間新嘅和牛燒肉店慶祝我攞獎😍😍😍牛魔位於尖沙咀棉登徑，喺k11正對面，超方便！我地散叫左唔同和牛部分逐樣試，當中肉眼蓋同肉眼扒係超級高質，油脂豐腴，肉味濃之餘口感亦好鬆化，好食到不得了😍 見到佢餐牌話係限量供應，我唔肯定大家去前有冇得留定先，你地去前可打去問下🙈牛五花腩、牛肩肉等同樣出色，脂肪分佈亦平均，食落層次分明👍🏻 除左牛肉之外，佢地嘅豬雞肉都有唔少選擇。識揀實揀豚肉五花腩，包住生菜食，又惹味又juicy，食唔停口🤤另一賣點係佢地有部自助啤酒機，一邊食燒肉，一邊自己斟啤酒🍻 不過得一部，希望快啲趕工整哂每枱都有啦！！牛魔 地址：尖沙咀棉登徑8號地下5-6號舖

一定要去試試 新店舖, 試過就知有乜特別 ,真係鍾意食牛都不妨去試一試,有好多部位，分得好清楚，好似佢個圖片， 如果唔係你都唔知食緊嘅係咩部位 ，成隻牛 任你揀邊個部位， 都唔係好多地方分得咁清楚畀你，價錢我覺得唔算貴 但係交番咁上下質素都算係咁1 新店可能生意比較多人客多, 服務員 有新手招呼唔係太週度,有好嘢通常都係咁,冇辦法 ,唔知會唔會等到遲啲啲人冇咁新屎坑就比較好啲 ,食牛最好開支紅酒 同伴侶知己嘆下 ,暫時都未有咩特價,遲啲會唔知會唔會有呢😁

So we’ve decided to check out this new restaurant that just opened near K-11 one day after work. To be honest we weren’t expecting much at first since we didn’t carried out any due diligence. But oh my god we were so surprised!we ordered a set combo that comes to about 4-5xx per pax and it was sooooooooooo worth it! I’ve always enjoyed Japanese grill beef and stakes, but nothing beats my love for the Korean marinated short ribs. To my surprise they have them all here in one shop! IN ONE SHOP!! I

成班朋友十幾人，經個朋友book左間房食飯，一入到門口見到左邊有幅人畫，問人先知原來係鐵扇公主，鋪頭入面有Bar枱，有人幫你燒埋，2丁友去有人燒埋都唔錯。因為未食過就俾朋友落Order，叫左2個set再散叫d牛肉，前菜個豆腐沙律已有驚喜，個set再黎有2款煎餅，個人喜歡海鮮味，A4牛魔野原燒，燒完沾蛋食幾特別，另外散叫左個三藏和牛盛宴（必食推介），食完個個都話好食，total叫左4份😋，仲有個美國Prime醬油牛肋骨（必食推介），應該係老闆特別地秘制調過個醬，最後個石鍋伴飯，個人覺得有d飯蕉會更正！