牛魔 (已結業)

屋企人訂左位，試呢間新開燒肉店。餐廳價錢唔算太貴，有不同國家的牛肉。餐廳大小適中燈光柔和，最吸引係個signature wall. 去到已經即刻打卡。6個人叫左2個set同1份牛扒。份量都ok夠飽。牛肉好鮮好入味，質感不硬。五花肉，好邪惡但好好味，夾生菜。以前最怕吃完身上有好濃的燒烤味，但這家完全不會燒完身上無燒烤味。而且店裡有開放式廚房，圍繞着廚房邊，同朋友聊聊天，仲有店員service幫手燒，真係好有氣氛

上個月見到有間新野準備開張 為食嘅我一早將牛魔加入bucket list 琴晚去到果然冇令我失望係我最愛嘅燒肉 一行四人收工即刻飛過去 一入去已經有驚喜 牆上面幅畫超靚 第一件事就梗係打卡啦 叫咗兩個set 分量還算可以 啲肉幾足料非常原 員工都好有心幫我地切同教我地點燒 本人最愛係個五花腩 多肉得來夠肥夠多汁 重點係唔太油啱晒我哋呢啲貪靚嘅女人 大大啖咁食落去真係好爽 忍唔住叫多一份 唯一美中不足就係仲未有酒 呢個有少少遺憾 話晒燒肉一定要配酒㗎嘛 會再幫襯希 會推介

話說今日行過尖沙咀見到間新野 入邊個裝修幾靚 格調都幾突出 望落去有少少返fine dinning嘅感覺 本來都覺得好貴 不過牆上面嗰幅畫吸引左我入去望一望個menu 意外地個價錢都算平民 就同baby決定一試 店員好親切 一坐低就攞咗個Menu嚟 都好用心推介我地問我地鍾意食咩 有冇啲咩係唔食 最後我哋揀咗個set B 可能新張期間啲餸菜嚟得有少少慢 好彩環境搭救坐得舒服 音樂都幾relax 結果叫多咗杯嘢飲 當去到個主菜A4和牛 一食就知道係靚野 自問同Baby都算係一個食牛嘅專家 食過唔少地方慨牛 呢間野概牛真心值得一試 非常有口感同有肉汁 真係有入口即溶嘅感覺  餐廳名真係冇改錯 牛魔嘅牛真係一流 如果真係鍾意食牛嘅朋友小妺覺得可以一試 

Another affordable Beef Donburi can be found in the heart of Tsim Sha Tsui!Just passed by K11 to look for some pre-workout meal before the intensive leg day and found this newly open restaurant called "Yakiniku More". I got attracted by the eye-catching mural, and I wonder if it's the owner's wife's portrait LOL. Lets cut the crap and start with the food:The delicious Beef Donburi was made using Prime Angus Ribeye beef and the portion was generous. The green onions, seaweed and crispy garlic ser

尖沙咀棉登徑-牛魔，Set lunch 好抵，大約$75-125，有10款選擇，除咗牛，有魚、海鮮、豬肉等等；有前菜、沙律、湯、仲有甜品！係尖沙咀價錢超值！環境一流，坐位舒適，唔會太逼。牆壁上有是由法國藝術家Elsa Jeandedieu親手畫上的壁畫，視覺藝術一流！服務有禮、笑容甜美。有看過燒肉價錢合理，set dinner 有3款選擇，就算唔食牛肉，仲有羊、雞、豬、海鮮選擇！個open kitchen 好正，下次晚餐要試下坐bar 枱燒肉。

平安夜唔知食乜好，一行六人行到棉登徑，經過一間新開既燒肉店，俾幅靚画吸引左，話係一個好岀名既外國画家白手画既（聽完都唔會記得既名）見walkin 都得，咁就膽粗粗入去試下。。。簡約時尚裝修，加埋音樂，幾relax, 佢唔同一般燒肉店會有個抽油煙既吊住喺天花，問過侍應，油煙係向下抽走，所以唔會食到成身都燒肉味呢個設計好窩心，俾個讚先Menu 就得兩個，有set, 有散叫(後面仲有，唔記得影)價錢唔算貴，尖沙咀我覺得可以接受)我地叫左2個set前菜無乜特別，沙律菜好新鮮，汁都ok, 如果多啲松子就仲好和牛最正五花腩燒岀黎一啲都唔肥，好爽口。雞扒都普通，羊架都可以。泡菜煎餅ok, 我麻麻地辣嘢，海鮮煎餅啱我多啲，都好多料薄牛同雞蛋係絕配，海膽牛肉刺身我唔敢食咁生，但老公話好食仲有個牛魔終極拼盤，唔記得影相，有牛脷同幾款牛肉，不過唔知係乜，如果有説明就更好了。我係一個飯桶石鍋伴飯好好味，有得簡牛or雞。仲有櫻花蝦粟米餃子，勁好味，好juicy好多涵。最後有雪米磁送。新開未有酒牌，如果一路食一路飲就最正了，下次再黎時可以試下了。最後我都探下個廁所，新裝修一定乾淨，竟然用tempo 紙巾哈哈可以有

放假同朋友行尖沙咀，向k11附近發現一間剛開餐廳，從落地玻璃望入去，即被牆上穿和服笑容燦爛既女孩吸引，好和風，好視覺享受決定試一試佢既午餐，午市餐牌都算多選擇，有10款咁多，有選擇困難既我，款款都想試，適逢今日天陰陰，涼涼地想食d熱辣辣既，咁就揀左辣豆腐湯豚肉定食，朋友係牛魔王，所以揀左個烤牛肉餐，隨餐仲有前菜，沙律加甜品，好豐富😍同朋友影左一輪相，個餐就到，果然豐富，原本以為前菜只有一款，原來有三款，仲有我最鐘意既泡菜，前菜份量尚算適中，終於可以試下個辣豆腐湯，熱辣辣既湯配上嫩滑既豆腐，絕配，再加小小辣，對於愛辣既我，就略嫌唔夠辣，豚肉切成條狀，份量都算多，再加埋金菇，泡菜，洋蔥，好開胃好快食完成碗飯！大滿足！朋友既烤牛肉餐，六大槐牛肉用鐵板上，保持熱辣辣既效果，再加特別烤汁，好惹味，送飯一流，雖然唔夠汁，但牛魔王表示好滿意！仲有甜品係雪米滋！滿足！

因工作關係路經上址，剛巧見到華嫂旁邊有新店開張，裝修簡約高貴，以為是普通日式餐廳，原來是烤肉專門店，也有做優惠午餐時段。午餐menu有十款定食提供，主要以牛為主題，但本人偏少吃牛，所以點了一份溫泉蛋豚肉定食。食物賣相，擺盤一流，味道亦相當不俗，加上本身店舖間格闊落，裝修以簡約為主，這個一人午餐時段十分享受。店員親切有禮，閒聊間知道原來店裡一幅大壁畫大有來頭，由法國有名的壁畫家畫的“鐵扇公主”圖，配合該店以日式烤肉為店舖主題，原來午市優惠只是小試牛刀，晚市烤肉時段才是主打。總括而言，新店開張，論環境，質素，服務非常不俗，期望能保持水準，找個機會，晚市時段再來探個究竟。

今日行過棉登徑，好耐冇黎，原來已經變咗食街，見到一間裝修比較新穎唔係舊式嗰啲嘅傳統日本餐廳，出面望以為好貴，因為聽到Yakiniku,就會諗起中上環果一兩間Yakiniku 燒肉店，那埋手都$1000位，諗住睇下呢間又會賣幾貴，睇完個餐牌之後先發現，最貴嗰個set都係$1000 for 兩位，即係$500一位平均，即刻同女朋友入去試，發現啲嘢食非常OK，裝修又舒服，唔似普通燒肉店又煙又迫，等我show下啲相先呢個海膽和牛非常正，海膽好足。和牛薄切，marbling 非常正呢個牛肉拼盤非常夠份量，全晚最好食係個牛肋骨最後仲要有個石頭鍋飯，女朋友話個餐夠三個女仔食唯一有少少美中不足就係仲未有酒牌間餐廳,燒肉一定要配搭酒，好想試吓玩呢個Beer Tap, 唯有下次先再試下呢間餐廳啲酒。

星期日同屋企人黎到k11附近搵食，係棉登徑見到有一間剛剛開張既日韓式既餐廳就去試下新野！餐廳裝修簡潔闊落，坐得幾舒服。午餐價錢由$75至$125，有包前菜，沙律及甜品，不算太貴烤醬汁牛肉餐牛肉夠林而且份量多，驚喜既係前菜都有三款而且都好好味，湯有別於一般日式套餐比既唔係麵豉湯而係香甜既海帶湯辣豆腐豚肉湯餐今日落雨凍凍地想食番個辣湯，呢個辣豆腐豚肉湯餐唔太辣唔太咸對我黎講啱啱好，但如果食開重口味就可能差啲。值得一讚既係相當足料，唔係得湯無乜餸個啲，美中不足係無得轉拉麵。68c溫泉蛋豚肉丼飯餐溫泉蛋同飯分開，啱啲唔食生蛋但又想食豚肉丼既人！慢煮牛肋骨餐呢個慢煮牛肋骨非常入味，啲湯汁用黎撈飯一流甜品就係普通既雪米磁埋單4個人食左$426，以呢個質素同份量黎講好抵！新開張服務未至完善，但職員非常有禮貌，讚鍾意呢度個環景同氣氛幾啱節慶，有機會會再黎試試晚餐燒肉。

朋友介紹去的尖沙咀新餐廳，係k11附近位置都算好方便。入到餐廳一定會見到牆上個painting 架妹，非常eye catchin 。overall 環境氣氛都幾好, 情侶or 同事朋友食飯傾計都得Menu 都有幾多選擇，4個人叫左2個二人餐，前菜d kimchi 好食，D staff 不停幫我地refill。主菜最正個牛肋骨and A4 steak，D staff 服務幾好會幫你燒埋。最緊要最尾燒完走既時候個身一D燒肉味都冇，抽氣做得好4個人最尾total 食左1400左右，呢個環境加食物quality算係幾抵

女友知我鐘意食牛，介紹新開鋪<牛魔>，去try try去前已book 2 位，如要吧枱可 book時註明😀 評價：環境：去到環境好靚，座位舒服，吧枱位亦唔會太高，設計一流食物: 3個set dinner choice, 試左set A 頭盤有豆腐芝麻將沙律，主菜有牛肋骨有和牛有五花牛，仲有個石頭鍋飯。 3款牛各有特色，而我個人覺得和牛肉眼最正。怕唔識燒嘅可以搵專人幫手，唔洗驚燒焦，唒左舊靚牛😚石頭鍋飯有得揀牛同雞，見食左咁多牛，緊係揀雞啦，雞係雞肶肉黎嘅，加埋泡菜醬伴飯，正👍🏻飲品: 柚子茶正，夠料夠味，又唔太甜 冬烏龍茶夠清，又一正嘢🍹 甜品: 要lunch 有包，不過員工都照送甜品比我地兩位，唔錯唔錯。 總結: 未試過嘅值得一試，尤其鐘意食牛嘅ching, 價錢合理，有靚和牛食。依間會再食，稔住下次試埋lunch Lunch 見90-120, 一set 好靚仔，下次放假去試埋

尖沙咀K11附近棉登徑新開咗一間新餐廳-牛魔，中午約了成班人去食，佢地提供午市套餐，Lunch set 有成10種選擇，有牛，有雞，有豬，有魚，有海鮮，冷麵都有，提供好多選擇，每個餐都有特選餐湯，前菜仲有沙律同甜品添每人叫咗唔同嘅餐試下...我地一班人叫咗- 慢煮牛肋骨餐- 牛肋骨湯餐- 烤醬汁牛肉餐- 安格斯特選牛肉丼餐- 牛魔石鍋飯（有牛同雞選擇）- 海鮮湯麵（有辣同唔辣）- 鹽燒鯖魚飯- 辣豆腐豚肉餐每人吃完都讚不絕口，環境唔錯又好抵食又好飽

加油！希望可以改善食物質素牛魔個名改得很好但暫時未感受到加油唔好晒左個裝修本身抱住食燒肉的心態叫左套餐 但最後只有5小塊比普通更普通的牛不過知道試業期間 仲有大量改善空間老闆亦很年輕 加油