牛陣 (已結業)

日本人食壽喜燒✨原來通常都係有事慶祝！今日同友人慶祝生日，又學下日本人食壽喜燒慶祝，而我地㨂左好多分店既牛陣，同最方便各方好友離開既旺角分店🤣係文華商場三樓，店內環境開揚，枱與枱之間唔迫😊舒服舒服。上爐之後侍應教我們正宗煮壽喜燒方法，首先將和牛肥膏落鍋，煎出牛油，再放入京蔥+洋蔥炒香！煎和牛再按自己想食既生熟程度，加入少少壽喜燒醬汁，沾上蛋汁🤤🤤🤤好好味阿！壽喜燒同蛋汁配合的天衣無縫✨簡直一絕🤤🤤🤤而和牛 油花均勻，入口溶化，食得出肉質很好食夠燒肉，就可以加入湯底開始打邊爐，壽喜燒汁加上清湯，放入蔬菜藍，等蔬菜吸收精華，滾返就開始食喇！ 自助區有好多擇選，肉類有雞肉、魚、腸仔、丸等等...菜類有特別既👍🏼冰菜同羽衣甘藍，生菜，各式菇菌，南瓜，芋頭等等! 肉類～我地都係主攻返和牛🤣🤣返埋枱叫侍應拎就得，我地四個食左十幾碟🙈🙈點少得甜品🍮係Haagen Dazs雪糕任食。飽到上心口🤣🤣和牛套餐都係$289，依個價錢真係幾抵食。

日本人食壽喜燒通常都係因為有喜事或大事慶祝！今日係我同男朋友既紀念日，所以佢就帶左我去牛陣食壽喜燒慶祝！壽喜燒係一種日本既特色鍋物料理，牛陣除左有指示教我地點食之外，店員都有提我地要點做一開始要先將雞蛋打匀備用，然後 將牛油脂肪放入鍋塗匀，之後放下洋蔥、京蔥炒香，跟住就可以放牛肉，煎香後加少少壽喜燒湯汁，最後將肉沾上蛋汁享用。甘甜嘅壽喜燒汁，同牛肉真係絕配，點埋蛋汁就更加滑，好似入口即溶咁，超正！ 食完壽喜燒後，可以將肉、菜、冬菇、燒豆腐、芋絲放入鍋中，再加上壽喜燒湯汁同清湯，就可以用黎打邊爐。外邊仲有好多配料可以拎最後仲可以任食雪糕，仲要係haagen dazs!!!!!

同朋友慶祝生日唔知食咩好～早幾日行街經過見到牛陣出咗個壽喜燒～於是就帶咗朋友去旺角呢間牛陣食喇～環境都ok，唔會坐到好迫～我哋揀咗$289和牛套餐，所有牛，火鍋配料，Haagen-Dazs雪糕任食，任飲～坐低之後店員指細講解正宗壽喜燒如何製作～首先每人都有一隻日本雞蛋，打落個碗攪勻待用～牛脂肪代替油，然後炒香洋蔥同京蔥之後放和牛每面煎大約2秒，再倒些少壽喜燒甘露最後連同蛋漿一齊食～甜甜哋好好味～同炒好嘅洋蔥同京蔥一齊食又別有一番風味～瘋狂食完四碟和牛，我哋又急不及待加湯打邊爐～皆因出面自助配料都好吸引～湯底無味精，我哋加咗壽喜燒甘露增加味道～有冰菜、羽衣甘藍等貴價菜，仲有蟲草花、萵筍...冰菜唔好淥太耐，如果淥得剛剛好，咬落就會爆汁～盛菜太好食～迅間變咗和牛雜菜煲～出面自助區仲有Haagen-Dazs雪糕～仲有咖喱飯，味道不錯啊～原來日本嘅壽喜燒係喜慶節日先會食～識食緊係去牛陣食，今次真係揀啱地方喇～

朋友考車牌一take pass，就一於慶祝一下。她是一個哈日族，對日本劇集、文化、飲食等都非常講究，她指明要食壽喜燒，因為她說傳統日本人食壽喜燒等於有喜慶事要慶祝，所以食壽喜燒就等於歡樂和喜慶。她提議到有好多分店的牛陣慶祝，我就揀了我們兩個人都方便的旺角分店。旺角牛陣位於文華商場，在朗豪坊對面，附近就有好多地鐵出口，好方便。店內環境開揚舒適，座位擺放設計好好，基本上每張枱最少有一個座位是梳化位，枱與枱之間亦唔會太迫，而且抽氣都做得唔錯。放題套餐有平有貴，由HK$159的牛陣上選牛肉，到HK$349的日本鹿兒島直送特選和牛及黑豚肉亦有。我們選了日本鹿兒島產黑毛和牛放題HK$289套餐，並因為在推廣期內惠顧指定的黑毛和牛放題套餐，所以免費升級至「牛すき焼き鍋」。飲品選擇亦多，罐罐都非常冰凍。這裏的壽喜燒採用正宗的關西食法，店內亦有指示咭。首先，先把日本鮮雞蛋在碗內打勻。日本鮮雞蛋蛋黃金黃，蛋味濃郁。然後在鑄燒鍋內加入和牛脂肪燒熱，炒香洋蔥和京蔥，之後加入油花分佈得好靚的鹿兒島產黑毛和牛入鍋內，每面炙兩秒，再加入兩湯匙的壽喜燒甘露，造成壽喜燒牛肉。鹿兒島產黑毛和牛入口即溶，充滿牛香，蘸上金黃

新年嘅期間實在太多飯局啦，都未試過同老公兩個人撐枱腳，所以今日我決定同老公出去食個開年飯😂，經過呢間餐廳嘅時候見到佢新出咗個壽喜燒，仲要標明係正宗壽喜燒食法，因為我同我老公兩個都非常喜歡食，所以諗都冇諗就上咗去食😂，其實呢間餐廳我都唔係第一次幫襯，質素確係唔錯，被安排坐係卡位，環境舒適，服務員非常有禮貌，呢一個餐係有鹿兒島牛、牛舌、豬肉，鹿兒島牛，肉味非常濃郁🤤，牛舌及豬肉都唔錯，另外海鮮拼盤有，廣島蠔、帆立貝、原隻魷魚仔，海鮮方面亦非常新鮮爽口，湯底方面確係出色，我自問食過好多唔同餐廳嘅壽喜燒，亦都喺日本食過幾次，佢個煮法同日本確實係一樣，首先燒紅左個鍋，再落一舊牛脂肪，然後將洋蔥同京蔥一齊爆香佢，之後就可以落牛肉，再加壽喜燒汁👍🏻👍🏻，另外飲品方面亦係任飲，整體來講絕對值得一試👍🏻

窮遊香港-旺角壽喜燒和牛放題.今日講下一間任飲任食和牛 仲有任食Häagen-Dazs最近出左新既壽喜燒湯底價錢睇番你想要咩級數既肉😋中午黎食最平都係$6x😋想食好d既叫和牛就$289（‼️是日和牛真係好鬼正 點都要講下）⭐️冇伏 推介.今日食既diy壽喜燒湯底店員會有禮教你點樣整 聽落好複雜 店員見你個頭有問號 會從旁指導（‼️但原來枱面有個牌教你整 跟住做就得）1️⃣先落牛肪 出油後落洋蔥 京蔥爆香2️⃣再落小小堅魚汁湯底 防止煮窿底（我冇落 差小小窿底）3️⃣再落「壽喜燒甘露」睇個人口味（明明就係燒汁....甘咩露！ 不果個汁好好味）店員話和牛煮2秒後 加埋蛋漿食最後我煮大概5秒 再加蛋漿 口感會變到更滑😋堅係好食 玩完燒肉既煮法 就可以加湯 整壽喜燒啦.👍🏻先講牛既油肪質感本身就好好👍🏻夠薄 夠滑 幾秒就熟 帶有蔥香👍🏻加埋醬汁 既香口 有小小似日本燒肉係差左d炭燒香味😋全日主要食佢.👍🏻仲有任食幾款海鮮（睇圖）都係食牛咖啦同飲品（都係放題飲品 冇位放圖啦）👍🏻仲有出面任食火鍋料👍🏻比較少有既秋葵同羽衣甘藍等等👍🏻仲有任食Häagen-Dazs雪糕.👍🏻8成卡位設計 條路都夠闊落 環境唔錯（可睇

今天下午去了旺角牛陣吃，平時多數同朋友去尖沙咀I Square那間，因為那間款式多點同其他分店沒有，旺角那間都不錯，有些款式其他分店沒有，如那個漁滑，同我們叫了60分鐘定食，其他一夠鐘就叫你走，這間可以給我們坐久一點

下午茶時間來, $69包一碟肉, 冇嘢飲, 自助bar, 食60分鐘.我唔食牛, 來了兩碟豬, 肉鬆化, OK, 不過只係OK, 同一鍋堂果D冇得比.自助bar, 好普通, OK既, 冇乜特別.哈根大師任食, 我食了兩碗. 但好明顯任食火鍋黎計, 佢係比較hea的. 配料少, 品種少.$69只有清湯, 其實, 其他湯底都不見得成本好高, 點解唔俾人揀呢?客人小貓幾隻, 地點又唔係好, 都幾唔好做.食晒所有嘢, 奬了我們每人$29蚊coupon晚市用.

平時都已經好鍾意食日式火鍋，今次嚟咗旺角文華中心依間牛陣，叫咗個$149嚴選套餐，有埋飲品放題。今次啲牛肉好好食，唔會太肥亦唔會太瘦，同最平嗰一個套餐啲牛肉差好遠，好襯個日式甜豉油湯底湯底，可識呢度冇生雞蛋如果唔係應該仲好食。呢度除咗有火鍋之外仲有好多唔同其他菜式，例如有咖喱牛肉飯。依度d姐姐上菜仲好快添，d肥牛5碟5碟咁上好滿足！！最驚喜係依度有Haagen Daz雪榚任食！岩哂食完飯一定要食甜品既朋友！

同女朋友去完旺角行街 買完野 當然係十分肚餓啦 女朋友都話一樣咁餓 所以就決定就地取材啦 食左呢間牛陣放題 我地都叫左179果隻 冇咩特別 但值得一題既係店員既服務態度同雪糕店員既態度十分好 十分有禮貌 而且牛肉都算很食 而我地叫左柚子鹽湯底 雪糕都好好味 有口感應該下次會再食過

香港最近呢幾年開左好多好多唔同種類既火鍋店。有日式既，有台式既，有四川既，有泰式既，有粥底既，有藥膳既。但係都係日式最岩我心意。今日難得收早，見最近天氣凍凍地，就約左成班朋友去食日式火鍋放題。牛陣都算係元老級la. 夜晚就係牛肉可non stop encore , 最岩我地呢d 食肉人士la.一坐低，d staff就會問你要食咩湯底。揀好就好快送到黎，再會送定幾碟肉。正呀。至於自助既呢就要自己行去拎la. 仲有飲品 雪糕 ☺️

第一次出去打邊爐個湯底自己整，同埋第一次整冬陰公，個到D姐姐好熱情咁教我地，旁邊都有個牌教點樣整都係見到咁好玩所以想試下叫依個餐；首先落牛脂肪令真牛油塗滿個鍋，再加哂D香草落去（成機可以簡走自己唔鐘意既）但D香料炒到差不多就可以加冬陰公湯，仲送左2隻蝦，但蝦無得任食想食要再加錢，但跟餐有其他海鮮可以任食（魷魚、帶子、蠔⋯⋯）套餐跟既澳洲上級長期穀飼牛＋薄切牛舌＋豚肉，跟餐可以任飲象啤只有牛同豬要每碟同侍應叫，其他都可以拎抬面隻白色碟出去拎最基本既菜、丸、菇、麵都齊，特別係有秋葵、 羽衣甘藍都有……飲品可以散叫酒類、汽水🥤都有；+＄25有一個任飲放題，都幾抵；但係唔包括酒類最後仲送左枝『ISEE ISEE芒果糯米飯雪條』好特別，食到粒粒雪冰左既飯，好香芒果同柳汁香；唔夠喉仲有Haagen Dazs雪糕4款口味任食，花生醬味超好味

計計下 食牛陣既次數應該接近20次 真係由細食到大🤣近排見到牛陣出左個新既泰國DIY冬蔭公鍋 就黎試下啦🇹🇭 ▫️100分鐘澳洲上級長期穀飼牛套餐 $219-依個泰國冬蔭公鍋係真係要自己煮架 比哂食材你自己diy先放入牛脂 再放洋蔥 蝦 魷魚 菇 南薑 香茅 檸檬葉 指天椒落鍋炒最後再加冬蔭公湯底同青檸汁就完成啦🤤個湯底味道確實唔錯 幾惹味 之後既食材唔點醬油都夠味-任食既肉類種類都唔少 除左有澳洲上級長期穀飼牛 仲有上級牛肉 豬肉 同埋牛舌 原來牛舌用黎打邊爐都唔錯喎-單係食牛肉豬肉已經有D飽🙈 但出邊仲有好多蔬菜類同丸類選擇最驚喜係有芫荽同青木瓜😍 同個冬蔭公湯底好夾-飲品方面同樣好泰國呢 最緊要係有象啤任飲🍻🍻 我地2個加埋飲左5支😹如果想飲下熱飲 仲有得DIY自製泰式香茅蜜糖茶🍹-食到最尾當然要食埋甜品啦 照舊有Haagen-Dazs雪糕任食🍦當日就有綠茶 咖啡同士多啤梨口味-最後仲有每人一支ISEE ISEE芒果糯米飯雪條 (抵哂 平時食一支都$4X)味道幾特別 真係食到糯米飯粒粒架

牛陣有新湯底啦！貪新鮮嘅我梗係嗱嗱臨去試😆旺角分店嘅環境比較細 但係勝在服務搭救👍🏻 唔知係好彩定係咩 今日啲員工啲服務都好好😂 一入座 就有侍應幫你落湯order 今日同男朋友試佢新嘅冬蔭美鍋 仲要係diy 自己炒香料炒蝦落湯落青檸 辣度自己調教！平時唔下廚既我 趁大好機會係男朋友面前露兩手😆😆冬蔭公味唔係好突出 不過同啲牛又幾夾 我地揀咗澳洲穀飼牛！肉質同口感幾好 以$218價位嚟講 性價比高🤤 備註！揀冬蔭美鍋仲有獨家i see i see芒果糯米飯雪條送㗎！

呢幾日翻風，開始感覺到秋天俏俏地來了，不期然又勾起食火鍋嘅念頭。今次揀左旺角嘅牛陣，喺砵蘭街朗豪坊對面文華商場3樓，位置非常方便。我地入座時間尚早，人流不多，加上餐廳地方夠闊落，難得喺旺角食飯都無擠逼嘅感覺。坊間以牛肉為主題嘅火鍋店成行成市，要突圍而出自然就要搞下新意思。今期牛陣推出呢個名為「冬蔭美鍋」，只要你惠顧$219或以上嘅放題套餐，就可以選擇呢個期間限定嘅「冬蔭美鍋」，除左牛肉同海鮮同泰國象啤任飲任食之外，放題時間仲會自動升級至100分鐘，認真超值。而呢個「冬蔭美鍋」最特別之處就係以DIY方式去整，佢有個指引跟住做整可以了，連平時唔入廚房嘅我都搞得掂，加上店員都會主動過黎協助，咁就唔駛擔心啦。先放和牛脂肪逼晒佢啲油出黎先，再放各款調味材料同埋鮮蝦魷魚炒30秒。將一早預備好嘅冬蔭湯底慢慢倒入鍋內，轉大火煮滾，咁就完成啦剛剛整完個湯底，轉個頭澳洲上級長期穀飼牛、豚肉、牛舌，加上生蠔及魷魚已火速送到。其他食物以自助形式任揀，一般火鍋材料好似生菜、豆卜、炸響鈴、芝士腸都有，連比較少有嘅秋葵、羽衣甘藍、虫草花都有，相當吸引。唔飲象啤的話，仲有各式汽水同檸茶都係無限供應。食完火鍋，梗係要幫