牛摩 (屯門時代廣場南翼)

营业中

休息中

呢排又無咁熱嘞喎，又想打下邊爐，朋友問有無食過牛摩，無喎，就黎試下佢先。有幾種唔同牛揀，按級數定價，是晚選了澳洲和牛，是關睇完杜如風講到和牛幾正幾正咁，食住個任食嘅和牛止止引先。自助bar有蔬菜，各式丸類，芝士腸等。仲有簡單壽司，咖哩飯，汽水機，沙冰，雪糕等，都算係幾多野揀喎。醬料有至愛嘅麻醬，正正正。和牛set當然有牛任點啦，啲牛幾靚，肥瘦適中。另外仲有黑毛豬，雞肉，同海鮮任叫。海鮮有蝦，蠔，青口同帆立貝。豬肉都好滑喎，滾得耐都唔會韌同鞋口，海鮮等亦鮮甜，正。要左蕃茄湯底，茄味十分濃，淖完啲食材都沾滿蕃茄味。和牛呀～和牛呀，入口滆化，肥美又富牛味，啲牛油超正囉，唔使點混醬都已經好夠味。淨食肉又唔得嘅，攞左啲其他野食，粟米梗系勁甜啦，冬菇又係勁正，個年糕丸，芝士丸，同芋頭丸都好好味，哈哈哈。食飽飽又係時候食下甜品，乳酪雪糕甜甜的，好似益力多咁味。最後飲返杯茶清清口，茶味麻麻，但呢餐都好完美。埋單三百幾蚊個人，可任食兩個鐘都幾抵吖。

原本一心想食 "蟹柳魚蛋"點知去到先發現無"蟹柳魚蛋"(即係外層金黃色包住蟹柳果種)佢竟然話無返貨......我以為食材一直都是固定.....結果無"蟹柳魚蛋",這次白去了因為出面較少見到"蟹柳魚蛋"所以這是我去幫襯的原因無"蟹柳魚蛋"唯有試其他試了,白色的魚蛋,貢丸,黑色墨魚丸黑色墨魚丸我第一次試以為好好食,結果好差黑色墨魚丸,根本唔好食貢丸,一般貨式(合格)白色魚蛋,最好食白色魚蛋質素最高,係超好食果種又爽,味道又好加埋佢d咖哩汁,變咖哩魚蛋佢個場有沙冰,提子味,味道幾好飲品方面都滿意我試的是一碟套餐,另加$10,有份雞肉這$10元的雞肉份量是兩條"雞柳"......份量幾少,真係叫任套餐好過我試了牛肉,同雞肉牛肉質素一般雞肉反而好好食.....但得兩條......湯底試了豬骨湯味道一般.....太啖......甜品無咩睇,好似得軟雪糕,無試佢地咖哩汁,真係咖哩汁,真係得d汁,無肉無菜,咩都無.......重有個牛肉炒飯,味道一般不過服務真心唔得我入場攞了一次貢丸後,竟然到快埋單前先補貨,等了差唔多40分鐘先補貨....當中我催了幾次補丸佢地先補貨....手腳慢,重要催幾次先補..

澳洲特級 和牛團購2小時 只有午餐, 人不多, 所以坐得好舒服, 是一人一煲, 有多種款式選擇, 番茄湯, 豬骨湯, 地獄火鍋, 蔬菜, 菇類, 丸類, 麵類自助任食, 整齊分類, 品質OK. 飲品有汽水,沙冰, 啤酒, 又有軟雪糕一坐低, 每人一盆豬豚肉及一盆牛肉, 豚肉薄切, 可能剛到好肚餓, 食落軟滑咁香, 好有肉味. 因薄切, 所以不用費多耐時間, 不會令肉煮過火.再食和牛, 真的不得了, 入口即溶, 牛味濃郁, 好似五駛咬. 每次叫的牛, 油分及口感都有不同, 有些入口即溶, 有些有少少口感, 整體牛的質素真的上上之選.2小時食落好多時間, 不會好像有些任食只得1小時及1.5小時, 感覺食得好趕好辛苦. 呢到不會好趕, 慢慢享受, 值得下次再來. 

最平55蚊（要加一)，就可以任食外面的丸丸，蔬菜，乳酪雪糕同任吃咖哩飯炒飯再加任飲汽水。算是一個想任吃時又有經濟預算的好選擇。 而昨天，我就與朋友到餐廳選了一個連一碟肉的任食套餐。一坐下就立刻去攞食物，只見外面選擇不多，起碼沒有同價位的住食邊爐咁多選擇，不過尚算食材都幾新鮮。但牛肉就太碎，不能吃到其口感，比起另一間類似的食店同價位所提供的牛肉較差。 而湯底方面，地獄湯只有少少spicy, 而其新推的粟米湯在部分水份蒸發後竟有不錯的口感，值得一試。不過可能有人覺得粟米湯打邊爐有點奇怪吧 總體來說，味道都算是過得去的，其服務態度不過不失，還望可進一步改善。所以今次只給了ok 的評語，因為這間餐廳沒有令人再吃的衝動。

今日返工好忙好辛苦，決定放工要約埋D同事去大涮一餐，慰勞一吓自己。同事話想食日式火鍋放題，因為可以瘋狂咁任食一餐，諗起都夠爽。八點幾到，好彩唔使等位，坐定後，即刻 order ， 朋友話今晚想豪食， 所以我哋都叫咗，每位$289 嘅澳洲和牛，心諗又真係幾豪氣喎，不過是旦啦，又唔係成日食，先離咗兩碟和牛，兩碟肉片，生蠔，同埋一碟海鮮拼盤，見到碟牛肉，忍唔住即刻放落個麻辣湯底到滾兩滾，即刻食得，入口又幾和味，肉味又香又淋，因為係麻辣湯底，所以入口辣辣地，特別開胃。海鮮水準都唔錯，最出色一定係蝦，好大隻，好爽口，青口雖然淥左之後會變細一個碼，不過吸晒麻辣湯底，勁入味，我同朋友加埋都唔記得食咗幾碟牛肉，但係蝦就每人食咗八隻，最後食咗少少菜同烏冬，因為佢地唔係主打，所以食得唔多，不過其實係因為，食牛肉同蝦太多就真，所以個胃都無乜位放其他嘢，最後我地飽到連甜品都食唔到，真係唔好意思，仲要攬住個肚走，雖然最初覺得有D貴，但係D嘢食都幾好，食完又覺得ok 喎，同事話要搵日再離食多次。

昨晚寒風來襲，又不想自己煮飯，放工後就跟母親外出用膳，於是到了屯門巿中心的＂牛摩＂，吃個暖洋洋的火煱。這裏有四款不同級別、價錢的牛肉配料供選擇，我倆二人揀了每位$189的特級牛肉，這套餐另附豬肉、雞肉、青口、帆立貝及大海蝦，自助餐形式般任你添加。這裡有數款湯底可選，而我們就揀了＂長崎豬骨湯＂、＂熊本蕃茄濃湯＂，等了一會兒店員就捧著兩鍋湯出來，放在枱上的電池爐上，點了的火煱配料亦來到我們的面前了。待湯底沸騰，我們就將牛肉放進鍋裏，十多秒就可撈起食了，牛肉嫩滑，一口氣連吃兩盤共十塊左右，接著再放豬肉下鍋，大大塊的豬肉切勿淥太久，要不然就會失掉肉味及口感，淥廿秒左右就可以了，而我就較喜配蕃茄濃湯來吃，因為湯的味道濃郁所以不用沾豉油亦很好味。吃完肉就到吃海鮮了，我把海蝦、帆立貝及青口全放進豬骨湯底裏，因為豬骨湯底較清，這才吃得出海鮮的原味，青口煮熟後沒有鮮味，應該是急凍的貨色。帆立貝的口感彈牙，還有淡淡的海鹽味，忍不住連吃數隻。最欣賞是他的海蝦，蝦肉爽口鮮甜，蝦頭藏著香濃的膏，明知不太健康也把它吃得乾乾淨淨。當晚總共吃了八盤肉及兩盤海鮮，其間亦拿了一些肉丸、拉麵等佩料，最後還吃了兩碟生菜及油麥

每次路過牛摩，等候的人説多不多，説少不少。總是好奇這家跟同區的牛一相比有何分別，只是牛摩的食文不多，令我一直很想解開這謎團。這天為了等加班的老公開飯，反正有的是時間，便打起牛摩的主意來。原來九時後是黑夜時段有優惠，最便宜是$109位，確有一定吸引力。宵夜時段有優惠，等了約半小時才能入坐。安排坐窗旁卡座，景觀不俗，二人坐四人枱也甚寛敞。 採一人一爐，絶對抵讚，如是者就可以選自己喜歡的鍋底了，不過火力不夠。黑夜時段關係，限時60分鐘。對日式放題肉的質素一向不抱期望，加上是燒夜時段，選最便宜的$109套餐就好了。我選了壽喜燒湯底，微甜，醬油味略淡，附日本蛋一隻。 味道比吉野家稍好，但跟牛気、日牛的就比下去了。老公的是豬骨鍋，也是淡淡的肉味，味精感挺重的，没有很特别。$109的放題是最基本的套餐，可任食精選牛肉和豬肉片，薄如紙的肉已是常態，油花當然不可能，肉味更是欠奉吧，而且也不算太新鮮。説穿了吃這類放題就是有「妹仔大個主人婆」的心理準備了，因此肉還是選愈便宜的好，當然也有例外，例如牛気會讓人不介意多付一點點的。60分鐘的關係，要立即行動了!不知食物碟是否用光了，取食物時要取用自己桌上的碟，吃

今天，到了朋友位於屯門的新居遊玩。閒談說起，屯門市廣場裝修後，感覺煥然一新。我們就到那裡逛逛兼覓食，路經牛摩，看看餐牌，頗吸引，而且，於午後四時多，餐廳較為清靜，加上是優惠時段，我們決定入內開餐。點了澳洲和牛搭配著海鮮，再點了新上場的味噌大蜆湯底。和牛油脂分佈均勻，輕輕一勺，入口即溶，不消一會，已掃清光，不斷追加。豬肉很薄身，少少油脂，熟透也不會變硬，味道不錯。朋友最愛海鮮，大蝦、生蠔、帆立貝、青口及大蝦，各樣亦鮮甜彈牙，而生蠔勺熟後，仍然保持原有的大小，蠔肉吸飽味噌湯的精華，鮮味倍增，朋友沒停口地追加大蝦及生蠔。另外，還有先助吧，蔬菜及肉丸等食品無限添食。以新鮮翠綠的蔬菜，來清清胃口，實在對味。下午時段，食客不算太多，感覺份外舒適，侍應服務亦殷勤有禮，還不時詢問要否追加食品，值得一讚。

好可愛既牛魔王， 每次同BB經過，bb都會指住e隻可愛到爆既牛魔仔，e間舖平時都多人黎食， 試過兩次walk in都話冇位，今早突然好想食， 特意打去book位， 又比我book到喎e度比起平時出面既牛x,牛xx等舖頭特別既地方係佢有一人一煱，各人可自選自己喜好既湯底，唔需要同人爭，但個枱既牛肉款式當然要一樣la出面選擇配料既款式唔太多， 特別在佢有個壽司區有壽司食， 但佢唔係專門賣壽司，所以味道當然非常非常一般 我食係晚市$189特級牛肉， 會有埋豬肉，蝦， 青口，帶子和雞肉 而家睇番先知有雞肉， 我全程佢都冇比過我牛肉: 牛肉冇牛味， 蝦肉比較散， 青口帶子豬肉都算ok食牛肉果陣牛肉冇牛味，真係好失望， 因為e度附近有間牛x, 佢d牛肉好味但價錢个要平過佢REFIL 肉時，職員既動作都快手，職員都好NICE，好好笑容最後當然要食乳酪la 好細心， 機上貼了如何整杯靚乳酪既方法出黎。乳酪中有d沙冰feel, 唔夠幼滑， 配料都少3個人，每人$206。。。。佢個樣真係好可愛

傻更更走入了此店三十幾度食火煱，想不到店子小小禾稈冚珍珠。$139一位在這大場商似是定食價，原來睇真d係任食，特級牛，豬，雞，青口，帶子，最重要係形似虎蝦的大號海蝦都係任灼，鮮甜彈牙到不得了，牛肉瘦多肥少對胆固醇注意者是佳音，帶子和之前提及的蝦勻是鮮捕不含雪霜，跟多一人一窩的湯底十分衛生，番茄湯醒胃清淳豬骨湯則較濃味，喜甜品的有低脂乳酪，想解熱渴可享芒果沙冰或罐裝啤酒，應有盡有連最不起眼的貢丸墨丸也較酒樓貨色高班得多，自己不得不吃下六七粒，而任食海鮮乃平通同儕。同老婆倆吃這個價錢由四點食到五點當晚餐乃慳錢竅門。

第一次食，經過見有壽司和乳酪雪糕放題就已經覺得好吸引!雖然只吃了最平的一款，但也很滿足，兩個人，一人一鍋，唔駛爭，唔駛怕其他人唔食辣，試左豬骨湯同昆布湯底，豬骨的味夠濃，但昆布的就很淡很淡，當中亦只有數條昆布，但侍應和接待的服務都好好，有禮貌，效率都高！牛肉好味，野飲種類都多，有罐裝烏龍茶，綠茶，沙冰(有兩款味道，但本人覺得太酸，影響吃其他食材的味道)等，最岩唔飲汽水既我！ 壽司款式多，味道不過不失，補貨快！乳酪好味過屯市另一間的同類食肆，"牛X"，乳酪有六種 toppings,如果topping有埋 mochi就更好！火鍋配料不算好多，好名貴，但也足夠了，豬肉丸細細粒，但很鮮味，食多兩粒都唔怕滯！ 唯一是沒有腸仔，本人最愛的火鍋配料！但可以吃多杯乳酪補返數！

某日下午啦 我肚餓 係牛摩門口經過 見到58任食火鍋配料 抵wow 咪入去執一劑半劑 我入到去 第一眼見到既係有個靚女獨自一個打邊爐 睇泥同我一樣孤家寡人又想打邊爐既人都唔少 可能因為下午茶既時間啦 人流較少 所以有成堆浪子係到打邊爐 無咁易比班閃光彈照親自己對眼呀嘛 入返正題 野食方面呢 款式較少 呢樣預左架啦 我主要都係諗住食飯 為左唔好比人以為我條友 淨食飯其他咩都唔食 咁我咪攞左d獅子狗個d煲下啦 結果當日 我食左10碗炒飯 3碗白飯 4碟到既烏冬 飲左3 4杯百事 5粒炮芙幾好食 都算回到本 壽喜燒有隻蛋 我打落個煲到 幾住食埋煲野佢lol

一直熱愛打邊爐既我，係唔食牛肉既。咁岩行過見到呢間店鋪有好多款價錢咁就問下門口個個妹妹，原來$53係岩我呢種唔食牛肉既人，一於入去試下!蔬菜新鮮，有包心肉丸，湯底叫左個香濃蕃茄湯，湯底煲耐左會杰。總合黎講係ok既，員工有笑容，環境乾淨，係凍左d!最後食埋個yogurt...乳酪味雖然唔重..但奶味重得黎好好食！唔錯！

今日屋企無人細路仔返哂學好似無打過邊爐......行過幾次都無食因為屋企細路仔細食,廢事哂錢就無食到今日就自私去食去到即時有位,MAYBE下午無人得閒去到叫左個昆布清湯同單碟肥牛,拿拿林就出去睇下有咩好野食需然冷清時間唔多客,但係牛摩一樣交足功課,種類應該都有廿幾樣拎左D貢丸同芝士丸同生菜,之後竟然比我發現有玉子豆腐返到位D野食就到哂,都幾快,等緊D野滾個陣就去睇下仲有咩食啦見到有個和牛炒飯,睇落唔多靚,裝左DD返位食,發現又幾好味甜甜地咁唔錯,D貢丸都幾好食,個湯好香酒味,肉方面唔知係咪我唔識食...覺得唔夠肥,之後聽到個店員叫同事拎D智障魚蛋出黎我依位C9更係好好奇係咩黎,之後店長應該知我聽到....望住我點頭之後笑埋一份我更係問佢咩黎咖啦,原來係隻公仔形既丸,又幾得意店長見得閒又同我吹下水傾下細路仔,原來佢就黎結婚都傾左差唔多半個鐘...覺得又幾有人情味,食得幾開心,起碼唔係個d冷冰冰既鋪頭最尾發現原來有yoga食....可惜牙痛無食到,下次一定一家大細再黎過!埋單69蚊....抵到笑

本身想食牛一 但真係太多人啦 等左勁耐都味到我地 所以就走左 行到呢間牛摩 見到等候時間都係十分鐘 就去左拎飛 等左十分鐘就入左去 入面一眼睇哂 有好多丸類同小食 味道都五錯 另外有兩個小鍋 一人一個鍋 叫左番茄湯底同豬骨湯底。番茄味係我覺得幾好食既 但豬骨味就五係幾岩我 因為太重蔥味 我五係好中意 。不過不失啦！。          我叫左$148最平個個美國肥牛、都五錯既 透過啲侍應先知有埋雞 豬 同埋海鮮 啲雞同豬都幾好食既 不過啲兩人位枱又真係比較細 食得有啲辛苦。