牛摩 (屯門時代廣場南翼)

营业中

休息中

某日下午啦 我肚餓 係牛摩門口經過 見到58任食火鍋配料 抵wow 咪入去執一劑半劑 我入到去 第一眼見到既係有個靚女獨自一個打邊爐 睇泥同我一樣孤家寡人又想打邊爐既人都唔少 可能因為下午茶既時間啦 人流較少 所以有成堆浪子係到打邊爐 無咁易比班閃光彈照親自己對眼呀嘛 入返正題 野食方面呢 款式較少 呢樣預左架啦 我主要都係諗住食飯 為左唔好比人以為我條友 淨食飯其他咩都唔食 咁我咪攞左d獅子狗個d煲下啦 結果當日 我食左10碗炒飯 3碗白飯 4碟到既烏冬 飲左3 4杯百事 5粒炮芙幾好食 都算回到本 壽喜燒有隻蛋 我打落個煲到 幾住食埋煲野佢lol

一直熱愛打邊爐既我，係唔食牛肉既。咁岩行過見到呢間店鋪有好多款價錢咁就問下門口個個妹妹，原來$53係岩我呢種唔食牛肉既人，一於入去試下!蔬菜新鮮，有包心肉丸，湯底叫左個香濃蕃茄湯，湯底煲耐左會杰。總合黎講係ok既，員工有笑容，環境乾淨，係凍左d!最後食埋個yogurt...乳酪味雖然唔重..但奶味重得黎好好食！唔錯！

今日屋企無人細路仔返哂學好似無打過邊爐......行過幾次都無食因為屋企細路仔細食,廢事哂錢就無食到今日就自私去食去到即時有位,MAYBE下午無人得閒去到叫左個昆布清湯同單碟肥牛,拿拿林就出去睇下有咩好野食需然冷清時間唔多客,但係牛摩一樣交足功課,種類應該都有廿幾樣拎左D貢丸同芝士丸同生菜,之後竟然比我發現有玉子豆腐返到位D野食就到哂,都幾快,等緊D野滾個陣就去睇下仲有咩食啦見到有個和牛炒飯,睇落唔多靚,裝左DD返位食,發現又幾好味甜甜地咁唔錯,D貢丸都幾好食,個湯好香酒味,肉方面唔知係咪我唔識食...覺得唔夠肥,之後聽到個店員叫同事拎D智障魚蛋出黎我依位C9更係好好奇係咩黎,之後店長應該知我聽到....望住我點頭之後笑埋一份我更係問佢咩黎咖啦,原來係隻公仔形既丸,又幾得意店長見得閒又同我吹下水傾下細路仔,原來佢就黎結婚都傾左差唔多半個鐘...覺得又幾有人情味,食得幾開心,起碼唔係個d冷冰冰既鋪頭最尾發現原來有yoga食....可惜牙痛無食到,下次一定一家大細再黎過!埋單69蚊....抵到笑

本身想食牛一 但真係太多人啦 等左勁耐都味到我地 所以就走左 行到呢間牛摩 見到等候時間都係十分鐘 就去左拎飛 等左十分鐘就入左去 入面一眼睇哂 有好多丸類同小食 味道都五錯 另外有兩個小鍋 一人一個鍋 叫左番茄湯底同豬骨湯底。番茄味係我覺得幾好食既 但豬骨味就五係幾岩我 因為太重蔥味 我五係好中意 。不過不失啦！。          我叫左$148最平個個美國肥牛、都五錯既 透過啲侍應先知有埋雞 豬 同埋海鮮 啲雞同豬都幾好食既 不過啲兩人位枱又真係比較細 食得有啲辛苦。

本先諗住去睇完戲先食，但睇完戲食飯就會好多人諗起之前經過市中心派左張COUPON送蟶子差唔多到期咁就去試下，去到5點仲係午餐時段岩岩入座時間係4:55pm,而澳洲和牛午市時段平過晚市70蚊,咁就緊係揀澳洲和牛食每人一個湯底唔駛爭，我叫左一個蓄茄湯底，一個咖喱芝士湯底，蓄茄湯底普通D，而咖喱芝士湯底好濃澳洲和牛入口好滑好好食，第三第四碟超級靚，黑豚肉都好好食由於並有蟶子關係，就送左帆立貝我食過牛一同牛摩，食物方面好似牛一多D，而牛摩人就少D大約6點左右就有壽司出，三文魚壽司好靚，但D 飯有D好硬我同老公兩個人叫左10碟澳洲和牛已經值回票價大家都有咖喱飯食，乳酪配料牛一多D

港嬸最愛扭計，要男人帶我到處吃好的～今天特別想吃火鍋，想起好幾次走過這新開的餐廳，價錢不算貴，而且常常有很多人在外等位，所以便一試它的實力。可惜...老實說，餐廳地方寬敞，尤其這天幸運地不用等位，而且2人給分到4人的座位去，坐得舒服，吃得也特別開心。服務也不錯～如坊間的日式火鍋（牛陣、牛涮鍋、牛一等），可根據個人口味選擇不同價錢及等級的肉類，這家有少許不同的在於一人一爐，故此可選擇自己喜歡的湯底，也可嘗試更多口味。港嬸選了壽喜燒海底，跟日本雞蛋一隻；男人則被名字吸引，選了地獄湯底。（這傢伙真是不識死字怎寫啊，連女朋友都選上了一枚地獄使者。）壽喜燒海底較食過的淡味，幸好有鮮甜的日本蛋補償一下心靈～整體不過不失。地獄湯底則要給一個大哭臉...顏色上是出前一丁的豬骨湯加少許辣油，連味道也如出一轍，哈哈哈。男人用勺子攪了攪，果然見到還未溶化的調味湯粉哈哈哈。肉方面由於只想一試虛實，所以選了最便宜的set，價錢好像是$108~$128左右，對不起啊人老了就是沒記性...牛肉方面肉質不錯，肥瘦也均勻適中，以這收費表現算是可接受吧！可惜的是豚肉太乾太硬，它的邊位甚至乾得黏在碟子上，以至用筷子夾起時都

今日去屯市搵野食 見到有間野叫牛摩 睇下個餐牌澳牛任食都係208wo 抵到爛啦入去坐低原來係一人一個鍋 好多湯底選擇我要左醬油湯 跟左隻蛋比我  最重要緊係碟牛 好正入口即溶 好香牛味。出面攞料位唔算大但種類都頗多  仲有氣水雪糕奶茶等 睇到我咩都想試  睇下我煲野就知呵呵 總括來講 地方不算大  但我會再來 

24/12個日同男朋友去屯市行街街買聖誕禮物。。本來一心諗住去牛一打邊爐既。。但係行緊去之際又比我見到呢間牛摩。。噢。。新野黎嫁喎。。又係任食牛肉放題喎。。隔住玻璃望入去地方就好似細左啲。。不過丸類菜類好似多過牛一小小。。仲一人一鍋咁有趣。。好!同男友商議後。。決定試試佢!!等左20分鐘左右。。入得去喇! 因為本身唔鍾意食肥肉所以門口個姐姐推介左我地食澳洲和牛，話油脂分布得靚啲同滑身啲喎! 就係呢隻喇。。又真係無介紹錯，係幾滑身同肉味濃既!正呀！! 比啲菜擋住晒啲丸添= =|||我今日試左好幾種特別既丸，咖哩丸，麻辣丸，木耳馬蹄丸……等等 都幾特別同幾好食。。出面小見有呢啲。。但係我唔記得影相🙈 最有趣既係我竟然見到有火雞沙律。。真係咁應節，好開心呀！雖然呢個味道麻麻。。。 總結：食物種類都算多味道都唔錯。。至於湯底不過不失啦。。至於服務呢。。啲侍應生都幾好笑容都會主動問下我要唔要+肉同+湯，都幾好啦!埋單個時送左2張聖子卷比我，留返下次用。。 好!我都相信有下次既，可以再去

屯門區類似的日式(!?)牛肉火煱有好幾間，27日晚6:30見只需等3張枱便試試呢間新店。入去前選擇了$168的"嚴選"餐 (共四款餐由$148-$368)及豬骨濃湯及地獄湯，原本一人一煱是好主意，但枱面細小，放上兩個煱後再加兩個大碟供自取食物，另外自助調味及飲品，枱面空間已所剩無幾，所以送來的牛肉豚肉等就只有一層層放於兩個爐中間，食得辛苦。再說說食物質素，豬骨湯底完全唔濃，地獄湯底好一點但味道太似辛辣麵湯底了，沒特別。首先送來的兩豚都OK，但下面的牛肉就有1/3已經變黑，不知是否放得太耐所致。之後再叫的牛肉就沒有變黑的問題，味道方面也比頭兩碟香濃。另外自助的火煱的選擇方面，不知是否店舖空間的問題，感覺選擇只有菜及丸，雖然也有其他的食品，但因為每位食客只能用一隻大碟裝生食物，所以取得不多回到枱上也不方便。其實還有其他食物及乳酪提供，但壽司質素一般，壽司飯一夾就散，更重要是枱面已沒有空間再放壽司碟及豉油碟了。總括而言，這個店舖還是適合做上手普通日式壽司餐廳，現在「夾硬」改為日式火煱，令客人食得唔舒適，係屯門區同價錢仲有其他更好的選擇。