牛摩 (屯門時代廣場南翼)

营业中

休息中

今日去咗屯門市廣場嘅牛魔食Level 4，晚市價錢成人都只係$288一位。試咗佢哋嘅牛肉放題，真係大滿足！揀咗昆布鰹魚湯同港式蕃茄薯仔湯做湯底，味道清甜同濃郁夾得好好，襯肉打邊爐超級啱！首先要講特級牛小排，真係必食之選！油脂分佈得啱啱好，落湯輕輕一滾，肉香即時爆出嚟，入口嫩滑帶啲微微甘香，每一啖都幸福感爆棚，真心推介要多叫幾轉！之後係精選牛肩胛，肉質結實但又唔會韌，滾湯後仲保持到牛味濃郁，而且帶少少嚼勁，食落好有層次感，啱晒鐘意食得有口感嘅朋友！再嚟係星級牛肌腹，呢款真係驚喜！紋理分明，肉味超香濃，滾湯之後唔單止唔會散開，仲鎖住晒肉汁，食落每一啖都滿口鮮香，絕對係今次其中一個最大驚喜！除咗牛肉，海鮮都唔可以錯過。海蝦鮮甜爽口，帆立貝新鮮飽滿，輕輕一滾就已經超好味，將成個放題體驗再推高一個層次！牛魔食Level 4嘅牛肉質素真係冇得輸，鍾意打邊爐、又愛牛肉嘅你，真心推薦一定要試一次！牛摩 (屯門時代廣場南翼) (屯門)屯門屯合街2號屯門時代廣場南翼L3樓21號舖

本人光顧你地牛摩都年幾間間鋪都有去食過，但你地司啲牛肉品質就越嚟越差，相比其他同類形既鋪頭你地牛摩啲牛肉品質就真係唔掂價錢又唔係相對平，最平個款牛肌腹就肥到乜咁和牛上枱一陣肉邊就開始變黑，真心唔建議光顧，唔係針對呢間而係間間都係咁

天氣突然變凍 梗係要去打邊爐收工去附近嘅屯門站 搵到呢間喺度好多年嘅舖頭最近仲要翻新咗 店員推介Level3嘅阿古豚梅肉 果然無介紹錯level 3嘅肉一啲都唔失禮，脂肪比例較少，食落去冇咁漏，冇咁油膩，頭盤仲上左碟牛肩胛試試。阿古豚梅肉配上我嘅壽喜燒湯底，甜甜地，好開胃，唔使點豉油都好好食！除此之外，炸物都唔錯，我自己點咗雞皮餃子同埋紫金地瓜丸，上枱嘅時候仲熱辣辣，勁香口。估唔到就有爆谷同埋泡芙，除此之外，仲有好多小食，連壽司同埋中華沙律都有飲品方面亦都好多選擇，汽水，果汁，涼茶，茶都有幾款，相信總有一款啱你飲！甜品方面雪糕都好夠凍，配上自己鍾意嘅小食，為完美嘅一餐或上句號兩位連埋+1 568，為寒冬增添一份暖意

做完嘢勁肚餓，最好就係食任食放題！3點3時間嘅選擇其實唔係好多，突然之間諗起牛摩就諗住去睇睇，唔知係咪太耐冇嚟原來裝修個位置好似細咗少少？但係感覺錯就舒服咗好多！由於老公唔係好熱愛牛，所以我地決定揀LV 3 !試試阿古豚既利害！我地一個揀最日式既壽喜燒湯底，另一個揀左港式特濃沙嗲湯！麻煩咁多位一定一定要試沙嗲！超classic 有花生味！即刻去拎返個即食麵返黎整個沙嗲牛肉麵俾自己！壽喜燒就中規中矩啦！唔會出事又未好突出咁！到返講啲肉喇！ 真心啲牛就對得住價錢有突架喇！ 牛味濃又唔會太肥！但係我真係要讚下啲阿古豚！！！ 平時真係只會瘋狂refill 牛架咋！今次係幾多碟牛就幾多碟豚呀！ 係甜架啲肉味 又有口感！勁靚！一定要試！再講連牛舌同羊都好surprise到我！encore 再encore!!! （我決定左下次要食LV 6!!!!)就係因為咁， 我都瘋狂食左好多菜 因為內疚食咁多肉既同事又嗌減肥😂😂自助夾既配料既種類好多，連比較小見到既翠肉瓜都有出現！除左櫃上面可以拎既配料仲有啲係要order既小食架同配料架！唔好唔記得叫打邊爐必食既鴨血呀！不過…..我都係主攻肉同菜😂😂野飲係除左紙

今日天氣凍，同朋友放工係屯門食火鍋，呢度d火鍋選擇非常多，特別係關東風壽喜燒同港式特濃沙爹湯，味道絕對令人難忘。首先，關東風壽喜燒的湯底非常濃郁，甜味和鹹味嘅平衡做得非常好，令人一試成主顧。鍋內的食材非常新鮮，雞肉、牛舌、豚肉都切得薄薄的，容易入味，每一片肉都吸收咗湯底的精華，食落去口感滑嫩。特別係牛舌，咬下去有一種濃郁的肉香，十分滿足。而港式特濃沙爹湯更係一絕，湯底香味十足，配合豚肉和雞肉，真係好開胃。每一口都能感受到沙爹的香氣，令人欲罷不能。尤其係加咗些許鴨血，吸收咗湯底的味道，口感滑順，增添咗多層次的享受。此外，枝豆作為小食，都係非常不錯的選擇，清甜可口，作為火鍋的配菜正好可以解膩。而溫泉蛋更是令人驚喜，蛋黃滑溜，搭配肉類一齊食，口感豐富，增添咗火鍋的樂趣。整體來講，安格斯保樂肩放題火鍋的選擇多樣，食材新鮮，湯底更是獨具特色。如果你鍾意火鍋，呢度絕對值得一試！無論係與朋友聚會定係家庭聚餐，來呢度都會令你滿載而歸，享受美食的同時，感受火鍋的熱鬧氛圍。

呢日去「牛摩」食晚市火鍋放題，揀咗 LV.4 特級牛小排任食套餐，J基本上係全程主攻油花唔多但勝在有肉香又唔韌口嘅特級牛小排！同埋肉質軟嫩得嚟有豬肉香又唔羶嘅阿古豚梅肉亦都唔錯！另外，菜類亦都新鮮爽脆。而且店員服務態度亦都唔錯。自助區有果汁機、雪糕機和爆谷機，更可自取雪糕topping、罐裝汽水、紙包茶飲、冷盤前菜和火鍋配料。📝 晚市90分鐘 LV.4 特級牛小排 $288 / 位( MON-SUN 17:00 START )( 星期六、日及公眾假期 +$10 )長野蘋果湯 +$10湯底較清，而且聞落會有好淡淡蘋果香氣，配阿古豚梅肉好夾，唔會搶走豬肉味之餘又多一分清香解膩感博多美人骨膠原啫喱雞白湯 +$10湯底滾熱後會慢慢愈滾愈濃香，配牛小排嘅話更加強到肉味_______________牛摩 (屯門時代廣場南翼) (屯門)屯門屯合街2號屯門時代廣場南翼L3樓21號舖_______________

最近我去咗位於屯門的牛摩，想食個火鍋放題，果然冇失望！餐廳位置喺屯門時代廣場南翼3樓，環境唔錯，裝飾都有融入屯門嘅元素，幾有趣。食物推薦：LV2 精選牛肩胛 - $240/人今日收工行經屯門，平日7:30過到去都幾多人，好彩我哋兩個人等得唔算太耐。見到攤牌有六個level，第六級的日本雙槓和牛真係好吸引，但對我哋來講小貴。由於第一次嚐試唔敢點太貴，所以最後選擇咗Level 2精選牛肩胛。入面仲包埋羊卷肉、牛舌、鴨血等等，對我哋嚟講已經好夠食，埋單加埋+1都係$240一個人，真係超值。湯底選擇我選擇咗骨膠原雞白湯，朋友就選咗麻辣鴨血湯底，兩個湯底都好正！溫泉蛋仲有溫泉蛋可以選擇，唔知道有冇人好似我咁，將啲牛肉放入溫泉蛋裡夾埋食，真係超滑超好味！炸物雖然冇影到相，但係炸餃子同埋炸雞塊（即係麥樂雞）真係好好食！熱辣辣、脆卜卜，食完後忍唔住再叫多一盤。特色飲品：飲品方面，除咗最基本嘅罐裝飲品，仲有一部飲果汁機，我試咗四隻味，覺得都好好飲，真係唔錯！另外，最吸引我嘅係嗰個爆谷機同埋雪糕機，雪糕配料選擇多，我選擇咗MIX口味，真係好味！仲有三文魚壽司添，第一輪過來拎，眨吓眼就冇晒。總的來講，牛摩係

又近糧尾，又想打個邊爐，就去左牛摩整個任食，揀左最平level 1都有牛食，唔錯喎。入場前先揀湯底，揀左壽喜燒湯底和蕃茄湯底，一人一鍋。掃曲落單，除左牛肌腹，都有豚肉和雞肉，呢個餐算抵食！岀去行一圈，飲品超過10款，仲有熱飲機，有朱古力、咖啡。仲有各式各樣蔬菜和丸可以揀。好得意，有爆谷機，有甜甜脆卜卜爆谷。壽司都唔錯，舊飯size啱啱好。牛摩飯，呢個必食，飯粒柔軟，汁煮牛肉，脆脆紫菜，仲有原隻流心蛋，正！

人稱牛魔王的我最愛打邊爐，今天在牛摩揀選90分鐘午市放題的特級牛小排套餐，$238/位性價比相當高，火鍋店一人一鍋，我和朋友分別選了壽喜燒湯底和昆布鰹魚清湯。套餐主角當然是牛小排，牛小排肉質相當軟嫩，容易咀嚼，牛小排中含有豐富的油脂，在火鍋過程中，這些油脂慢慢融化，再用來烚菜。另外我們點了豚梅肉，牛舌和羊卷肉，肉質都相當柔軟，當中羊卷肉羊味相當突出，值得一試。海鮮方面，青口和海蝦的質素不錯，海蝦肉質彈牙，青口也很大一顆。小食方面，我推薦紫金地瓜丸，和雞軟骨粒，都是即叫即炸十分香口。

天氣凍，就最好打邊爐👍🏻喺屋企附近搵咗間好多人食嘅打邊爐餐廳 揀咗個Level 3 。阿古豚梅肉湯底有好多個選擇，揀咗我最鍾意食嘅蕃茄湯底，同埋骨膠原啫喱雞白湯意想不到呢個啫喱嘅白湯好好味，口味清清地👍🏻👍🏻呢個真係值得加錢去叫Lv3有勁多野食，當然我會試晒啲肉類先啦。古豚梅肉好諗身，有豬味道牛肩胛都好重有牛👍🏻 最好食嘅係我最鍾意食嘅羊肉卷，好香嘅羊肉味，味道又唔係好蘇。咁凍嘅天氣最好就係食羊肉啦，可以保暖。另外仲有好多款小食，菜，壽司選擇。真係好抵食呀

天氣開始轉凍，打邊爐真係啱曬。行過呢間火鍋放題餐廳，畀佢嘅裝飾及套餐吸引咗。餐廳主打熊本牛，套餐級數由LV. 1-6，價錢豐儉由人。湯底總共有9款選擇，門口揀咗套餐同湯底後就可以入座。揀咗LV. 2 精選牛肩胛套餐，湯底揀左咗美人骨膠原白雞湯同麻辣鴨血鍋，一人一鍋夠曬滋味。餐廳中央位置係自助區，提供超過30款火鍋配料及多款不同食品，包括有各式配菜例如；丸類、魚腐、粉麵等，仲有唔少熟食如壽司、沙律、響鈴等等。飲品分別放於三個大雪櫃內，檸檬茶、無糖茶、汽水及其它飲料都應有盡有，呢度嘅乳酪雪糕真係不妨一試，北海道低脂乳酪奶味濃郁，好開胃。仲有好多其他款式嘅甜品，例如：新鮮爆谷、泡芙同糯米糍，選擇都唔少。總括而言，呢度絕對係一個令你食得盡興嘅地方。無論係牛肉、海鮮、肉類抑或配料，都總會有你想食嘅食物，鍾意日式火鍋放題不妨一試。

好耐無食過牛摩，之前朋友話裝修完多左野食又好食左，所以呢日同埋屋企人黎試下😝。平日放工時間都唔使等位，揀左Lv.5 M7和牛90min放題，$318/1(另加一)🔅肉類M7和牛🐮同極尚牛小排都唔錯，夠大片，唔會超薄切～牛舌都ok，最平既星級牛肌腹就油脂比較多。豚肉🐷就一般🔅海鮮蠔🦪都ok，扇貝唔算大隻麻麻，墨魚滑都一般🔅小食 & 炸物小食同炸物幾出色😂，甜薯、腐皮蝦寶🦐同紫金瓜丸都好好食🤭，雞軟骨唔加鹽會好啲🔅自助區有少少壽司🍣、甜品同蔬菜拎，特別少少既有埋爆谷🍿(都夠脆🤣)。蔬菜都refill得快，選擇都多，有波波腸(?)、麻吉燒同蜂巢豆腐都唔錯。雪糕就得部雪糕機，好似係乳酪同朱古力味，偏冰既口感，我就麻麻地🙈💬整體又唔覺得特別出色😂。屯市黎講火鍋會揀返山見，overall選擇多啲。牛摩裝修完都係頹頹地既feel😂，不過門口staff遮遮幾好人👍🏻

最近行過屯門市廣場附近，忽然想打邊爐，見到呢一間好似幾抵食，就一於試吓佢而家應該做緊優惠，半價仲要放題任食，十分抵食👍🏻係一人一鍋，今次揀咗壽喜燒湯底同埋沙嗲湯底，兩個都十分惹味有30幾款嘢食係任食，另外出面仲有好多自助小食、壽司、丸類、菜等等自己攞，款式都算好多最特別嘅就係呢一部爆谷機，焦糖味嘅爆谷好香，忍唔住已經食咗😋有海鮮同埋手工餃都十分推薦到主角啦，就係呢個A5和牛，好大塊，牛味好香，超好食，可惜我嘅食量唔係好大，食唔到好多😂仲有原隻帶子同埋生蠔任食😋好好食嘅焦糖爆谷整體嚟講而家做緊優惠，呢個價錢有咁多款嘢食，係好抵，質素都好優質，好推薦大家來食👍🏻

同同事吹開水，知道牛摩而家做緊promo，A5和牛放題買一送一！咁筍，梗係立即通知老公，放工一齊去食啦！原來呢個A5和牛放題係會員優惠，入會費只需$100，仲會回贈返$100電子現金卷添！不過就未能同今次（$518）買一送一優惠一齊使用，可以留返下次⋯咁著數，我哋立即入會，揀埋個A5和牛放題，每人加$30包埋飲品同甜品⋯湯底係一人一鍋, 唔使打交, 各自揀自己鍾意嘅湯底；我哋揀咗人氣豬骨湯同養生蟲草花雞湯，2款湯底都相當夠味！基本上所有肉類、海鮮等都係手機落單，而飲品、前菜、蔬菜、丸類、甜品⋯都係喺出面自助區任君選擇，選擇非常豐富。我哋係為牛而嚟，當然習中火力喺「牛」度啦！今次主力食2款牛肉 – A5和牛同極尚牛小排，以任食嚟講2款都算高質，嗌多幾round都keep住個質素，抵讚！除咗牛肉之外，腐皮蝦寶真係有驚喜，估唔到咁好食⋯除此之外，響鈴都係誠意之作，用上自家炸響鈴，脆卜卜之餘仲特別好食！蝦、帆立貝、廣島蠔、墨魚圈⋯都唔錯⋯食到飽飽，出面仲有甜品可以繼續搏殺！甜品有雪糕、泡芙⋯最surprise係仲有大大部嘅爆谷機任你𢳂，而且焦糖勁多，十分滿足！呢個優惠做到月中，下星期有時間再嚟

收工返到屋企唔想洗菜又想打邊爐就緊係捉埋另一半落樓下牛摩到食放題平日晚市雖然都多人但尚算唔洗排隊快快手揀兩個鍋底就入去化悲憤為食量今日揀咗Lv4 極尚牛小排，對比lv1/2果兩款牛，呢款牛肉味濃好多同埋冇咁多油，反正向下兼容，想食肥牛都可以叫牛肩胛鍋底揀咗壽喜燒同埋蟲草花雞白湯，一咸一甜剛剛好鍾意嚟牛摩都係因為佢啲牛質素好，唔會因為放題就俾啲醉濕濕嘅你，同埋即使係加單，啲牛肉都同第一盤一樣咁靚除咗手機點單order 肉類海鮮同小食，出邊都有大量蔬菜自取，全部都好新鮮又乾淨，連白菜仔都一樣洗得超乾淨冇沙，菜都食多兩條、仲有響鈴會有盞燈heat 住，refill 得好快，脆卜卜唔會淋哂除咗牛小排，我覺得最餃子係意料之外幾好食，同埋腐皮蝦寶同一口日式芝士，芝士入口熱辣辣、奶味香濃超正甜品有雪糕糯米糍泡芺之類，最surprise 係有部大嘅爆谷機，啲爆谷勁多焦糖仲好食過戲院買果啲飲品有三個大雪櫃，檸檬茶無糖茶汽水應有盡有，最正係有生可樂，唔洗去日本都有得飲啦食飽飽又係做肥豬嘅一餐