牛惣居酎屋

营业中

休息中

男朋友生日為佢安排左一個全牛宴。首先食d菜先，個醬好特別，令唔中意食菜既男朋友都食哂。先黎有呢個韓式火焰牛肉，店員即場用火槍燒韓牛他他，燒過牛肉仲係半生，用左辣醬調味，加洋蔥令口感同味道更提升。然後用紫菜包住，再加青瓜同蛋黃汁，真係好好食！然後有汁煮牛舌筋，食落其實好似牛筋腩咁，係炆到好淋個種，仲好入味，伴菜既紅蘿蔔都好甜。之後有一連串各個牛既部位既串燒，師傅唔會全部都用成一種調味，每一串都有少少唔同味，幫助帶出個個部位本身既味道:包括外脆內軟，牛味好濃既燒牛小腸爽口既燒牛大腸&彈牙燒牛筋牛脷，牛心管，牛舌筋，牛草肚，後3者都係比較少聽，都係我第一次試，無論係味道同口感都好有驚喜。食左咁多肉，我都想食翻少少菜，所以要左豚肉秋葵捲同馬蹄牛肉捲，少少既蔬菜有助減低肉類既油膩感，準備迎接最後既鹹牛肉燒飯團，飯團外面喺滿滿既鹹牛肉，師傅燒到非常非常脆，為我地呢餐作完滿既句號。

放工約了個久未見面的朋友去銅鑼灣食飯，他帶了我去日式happy hour，$118 free flow drink，有六款sake任飲，另外主食就配串燒，認真夠風味。雞軟骨&多春魚：雞軟骨外面香脆，帶點咬口，多春魚完全唔腥。牛沙瓜：真係聽都未聽過，原來係牛既第四個胃，入口質感較爽，好似食緊牛肉，平時食牛就食得多，但內臟真係好少見，估唔到幾好食。牛草肚：都是牛胃，質感比沙瓜腍，但都幾有咬口。牛肋條：肉質嫩腍，牛肉味濃郁，燒至表面帶焦香。和牛坑腩：坑腩本身已經夠肥，肥牛坑腩更是入口爆油，肉質比較有咬口，不過牛肉味不算太濃郁，配上蒜片及洋葱更香口。紅豆丸子：表面的糯米燒至帶焦，入口煙韌軟糯，中間紅豆蓉香甜。整體食物高質，而且用盡牛的每一份，非常環保及別具一格。

銅鑼灣絕對是日本菜的集中地，其中這間牛惣居酎屋，主要食串燒為主，其中最特別就是有多款牛內臟供應。生野菜沙律紅蘿蔔、沙葛及椰菜配上特製的醬汁，清甜開胃。火炙韓式生牛肉牛肉以火槍燒至表面變色，中間還帶粉紅，以香脆的紫菜、青瓜及蛋醬配合一起，完全唔似食生牛肉，反而有牛油香又滑。牛筋及銀雪魚前者燒至表面帶脆，中間有點似半溶的綿花糖，味道獨特，銀雪魚表面帶點燒肉香竹咁，魚肉雪白嫩滑。芝士脆玉瓜表面是燒至半溶帶焦香的芝士，翠玉瓜爽脆香甜。明太子飯團飯團燒至微焦，入口外脆內軟，還有明太子的微辣鮮味，配上脆口的紫菜，整體非常好味。雞皮蝦卷及牛骨髓雞皮燒得香脆完全唔油膩，以食薯片的感覺，蝦肉反而不是主角；平時打邊爐的牛骨髓質感很腍，燒過的反而外脆內軟，完全無騷味，絕對驚喜之作。另外加$118可以任飲六款清酒，配搭串燒簡直一流。

呢日放假去咗銅鑼灣行街買化妝品行咗陣之後去咗呢度依肚見到樓下有店員做宣傳，d lunch set好似唔錯 有啲肚餓，叫咗個法式鵝肝蝦夷蔥花蛋丼、三文魚刺生，蜜糖芥末橫隔肌同一串牛草肚套餐跟一個沙律，沙律菜好新鮮蜜糖芥末橫隔肌蜜糖調味好香甜，橫隔肌口感似比較爽嘅牛肉，味道帶少少甘香，好食！牛草肚口感似冇咁肥嘅大腸，好彈牙有𡁻勁加咗啲黑椒更加惹味法式鵝肝蝦夷蔥花蛋飯鵝肝好大塊有兩塊，燒得好香口口感嫩滑又肥美，正呀！送飯食一流加埋蒽花同蛋仲更加香，味道真係冇得輸唔怪之得係店家推薦另外跟餐嘅味噌湯唔會太咸，啱晒我口味呢度可以食到比較罕見嘅牛內臟都幾好

今個星期五和同事放棄到酒吧happy hour，選擇到樓上居酒屋小酎幾杯。牛惣隱身於銅鑼灣鬧市當中，價錢卻相當親民，而且選擇多多。牛小腸柔軟無異味，嚼勁十足還越嚼越香。牛舌根超厚身，富有彈性又軟嫩多汁，肉味濃郁。圖中左邊的豬腩肉一入口已經不禁驚嘆，肥膏部份燒得酥脆甘香，肉味突出。火炙韓式生牛肉居然是店員即席以火槍燒烤，過程香氣彌漫。除了生牛肉，還有青瓜和蛋汁比大家diy。混合梨汁、洋蔥粒的他他味道豐富，牛肉軟腍。咸牛肉燒飯團大小適中，飯粒不至鬆散。調味十分惹味，抹上燒醬汁烤至微焦，入口外脆內軟，又有飯焦的焦香味。不同部位配以變化無窮的燒烤方法，每次到訪都有驚喜，值得再來！

與好友放工即興相約晚聚 居酒屋依舊是我不二之選 今次再訪牛惣居酎屋 上次的牛骨髓和牛沙瓜我一路懷念著 今晚終於可以止一止癮👍🏻各人按口味選擇燒酎 今次我點了更辛口的 清清味蕾又解串燒的油膩感🍶首先登場係牛肉他他 整板上的韓式生牛肉以火炙形式上場 可以與店員溝通想要多成熟 牛肉鮮甜 沾上蛋液更滑溜 卷入青瓜片和紫菜制衡牛肉的咸鮮 可自由配搭燒雞翼一如以往咁好 均勻的黃金色 皮脆肉嫩 牛骨髓質地嫩又容易熟 師傅要十分注重火候的控制 蘿蔔蓉作點綴定平平無其的蛋白質味加點清幽的蔬果香甜牛心難免有點腥羶味 不過喜歡的人正正就是欣賞這獨特的味道 咬落爽口彈牙碧綠爽脆的萵筍牛肉卷口味均衡 萵筍亦都吸滿牛肉的滋味 不得不大讚居酎屋酒單真的選擇豐富 不論是喜歡淡麗至濃醇辛口的顧客都一樣照顧到！

超厚鰻魚公司有三間分店，平時都要輪流去不同分店工作，適逢今日要返銅鑼灣，所以我唯有要早一點起床，辛苦吧。下午時候，跟銅鑼灣的同事去了一間之前未食過的餐廳，就是牛惣居酌屋。食完會想再來的感覺。埋單兩人$365，平均每位$182.5，已經連加服務費。食物質素，再加環境，覺得價錢合理 。先講一本鰻魚飯，$128，我是抄她的，哈哈，因為未來過這餐廳，所以跟她所點的，嘿嘿。第一個感覺是厚，好厚的鰻魚放在我面前，下面有大概一碗左右的白飯。鰻魚又厚又長，配上餐廳獨有醬汁，加上表面有微燒，份外烤香，好味。上面有小小紫菜條和旁邊有卷蛋作配角，還有蓮藕片做配菜，整個鰻魚飯好滋味尼，食到一粒米都光。（補充小小，有跟沙律和麵豉湯，沙律好新鮮，麵豉湯有豆腐海帶，味道都好好）另外我們還叫了牛肋條，秋葵豚肉卷，每款都是$30有兩件。我比較喜歡 秋葵豚肉卷，豚肉薄薄的包住秋葵，半煎的烹調方式，香感強烈。牛肋條其實都可以，有口感肉感強。最後我們都叫了平時會飲的薑味汽水，每杯$8作今日下午的飲料。

之前因為各有各忙，我哋已經冇見一段時間。上個星期係我生日，冇諗過佢仲記得我生日，空氣中 chit-chat 一輪，我哋約咗今日出嚟食飯🤪好感動佢仲記得我係「牛魔王」🐮一名，我哋相約18:00喺希慎廣場集合，行過兩條街就到 #登龍街。原來佢book咗間餐廳喺 #永光中心樓上，一間專食牛🐮嘅 #串燒店。餐廳裝修得跟 #日本居酒屋 有啲相似🏮🏮 店員幫我哋安排坐喺 #師傅👨🏻‍🍳 嘅對面，可以一邊望住師傅為我地準備食物、一邊慢慢傾、慢慢食❤️ 服務員先為我哋送上放滿冰塊嘅 #燒酌， 配埋啲 #串燒 嚟食真係一流。今日眼界大開， 唔係師傅介紹我都唔知一隻牛🐮會分咁多部位。#牛心管、牛大腸、#牛橫格膜、#牛沙瓜、#牛吞根... 有幾刁鑽食到幾刁鑽😅 而我最欣賞就係 #牛心管，咬落去似食緊 #魷魚 嘅感覺，仲有佢嘅 #配菜 #酸瓜 都做得好出色，最啱餐後用嚟沖散串燒嘅油膩感🤤餐廳整體服務好貼心，服務員會為我哋每一道串燒介紹，食材高質料更不在話下。喜歡食牛🐮嘅你哋，有機會都要去試吓呀🤩

呢幾日「雷神」似乎飲大咗，吵吵鬧鬧咗好幾日，呢晚終於平靜落嚟... 我日頭仲擔心緊要唔要將朋友餐 #生日飯 改期😏 好在皇天不負有心人，下晝雨勢慢慢停落嚟... 安心哂🙇🏻‍♀️🙇🏻 我朋友就最鍾意食 #牛肉🥩 㗎喇😉 打探之下，原來 #銅鑼灣 有間專食 #牛串燒 嘅好地方 Gyu Sou Ichuya 牛惣居酎屋。上到 #永光中心 22樓，打開lift門，已經見到好有 #日本居酒屋 氣派嘅裝飾。#店員 安排我哋坐喺吧枱前面，#師傅 一邊為我哋準備食物、一邊介紹每款食材嘅特色。唔係親眼見過都唔知，原來一隻牛可以分成咁多部位，除咗平時食嘅 #牛肉，原來🐮嘅 #心肝脾肺腎樣樣都係寶🤩師傅第一碟為哋介紹嘅係 #牛三點，外表望落去有啲 fusion，用 #生嘅蛋黃醬 嚟撈 #免治牛肉，原來味道係咁夾，蛋汁混入碎牛肉入口，特別juicy❤️ 另外配上 #青瓜片、#克力架餅，同樣有創意🤩 另外師傅再為我哋安排咗一連串 #聞所未聞、#見所未見 嘅特式串燒，#沙瓜、#牛根吞、#牛心管... 仲有 #牛橫格膜，每一串燒上面，佢都會花盡心思，鋪上唔同醬汁，既有 #黑芝麻醬、 #蜜糖

《集韻》中，「惣」作弄切，是揔的訛字，有聚、持等的意思。來到這間居酒屋，一進去特別有氣氛，周圍都擺放着各式各樣的燒酎，名副其實的居酒屋。看到菜單上那些多不同的燒酎，便隨心點了三款，分別是向日葵、蕃薯和芝麻。金時蕃薯的味道最突出，呷着要點串燒解饞。密密麻麻的小蔥放在燒好的牛骨髓上，一口下去，那滋味不能言喻。牛筋炆的吃得多，燒的原來那種黏軟很特別。牛肋條、牛草肚、牛大腸、牛小腸、牛腎 應有盡有馬蹄牛肉卷配搭新穎，吃着吃着，又一杯了

銅鑼灣登龍街食店林立，今天食神駕到，讓我和朋友遇上位於永光中心22樓的牛惣居酎屋。置身於日本居酒屋的環境，坐上長長的吧枱，看著廚師煮食的手藝，近距離的以視覺與嗅覺去感受。期待著我們的餐點製作完成，口水也狂吞了幾次呢！我們選了兩定食及三小食。而定食都配前菜、蜆肉麵豉湯和沙律。西班牙黑豚肉生羗燒野菜定食 $68這份定食鑊氣十足。黑豚肉有肉香，生羗更有防止感冒及改善胃部不適等多種功效，夾著新鮮的野菜健康有益。法式鵝肝配蝦夷葱花蛋飯 $108飯面上的鵝肝外脆內軟，濃濃的肝香配清新蔥香的蝦夷蔥花蛋飯。吃前先把鮮雞蛋與飯拌匀，這個飯實在太好味了。雞軟骨 $30/兩串雞軟骨既香且脆中帶軟，又沒有雪味。雞翼 $20/一串(兩隻）雞翼有肉香，油脂不多，調味適中。秋葵豚肉卷 香軟的豚肉片，卷着翠綠短小的秋葵，雖然是小食，也製作認真。

今晚在銅鑼灣吃串燒，居酒屋位於登龍街，東瀛風味，店員很有禮貌。日式燒酎中以蕃薯味最具特色，入口清醇，有陣陣金時蕃薯回甘。碎牛肉配雞蛋紫菜片很特别，碎牛肉先火炙，塗上蛋漿，以紫菜捲起來，焦香加蛋香，美味。串燒以牛主打，慢燒出靚貨。牛骨髓夠幼滑，牛筋則膠質彈牙。牛肋條膻香而牛味豐富，牛草肚和牛柏葉很爽脆。牛大腸有嚼勁，牛小腸相對柔軟又油香。芝士，馬碲和香蔥牛肉卷以芝士牛肉卷最美味，香滑芝士融合牛肉卷，味道更豐富。橫隔肌串燒賣相出色，鋪上芥末蜜糖，蒜香， wasabi 和 芝麻，以蒜香最能突顯牛味，超正。

雨後晴天，稍涼又不熱，正好在銅鑼灣吃牛串燒，居酒屋空調足夠，牆櫃擺著多款日式清酒，舒服又具特色。先來個蔬菜沙律，以新鲜爽脆椰菜，青瓜和甘筍等配以特製醬料，清新美味。牛骨髓軟滑有韌性，口感清爽不腻。牛筋煙靱腍滑，膠質豐富。牛柏葉很爽脆，牛大腸牛香味濃，没有肥腻感覺。碎牛肉飯糰烤得很香脆，夾著紫菜來吃就更覺美味。芝士，馬蹄和香葱牛肉卷都燒得很美味，各種配搭帶出不同口感，芝士香滑，馬蹄香甜爽脆，香葱惹味，以香葱牛肉卷最合我口味，葱碎香口夾著豐盈肉汁，巧手出色串燒，令人回味。

與同事逛開銅鑼灣，走到登龍街時拿到傳單，看到上面寫著的牛肉串燒很吸引，便上去一試。嗜牛的我平常屋裏不太煮牛，來到當然要點多一點牛串，但在廚師烤串之時，先來一個火炙韓式生牛肉($98)止止渴。這個生牛肉會先用火槍燒燒表面，又可以用紫菜或青瓜夾住同食，或是加點蛋汁，食法多變。另一款很想試的就是橫隔肌Set ($138)，因為內含四款口味的燒法，如果單點需要$39一串，Set的話可以吃到全部口味而且便宜一點。黑燒、蜜糖芥辣、青芥辣及蒜香四種味道，由淡到濃各有特色。接著來三款令我很回味的牛串，蝦夷蔥牛肉卷($36)是卷了香蔥的牛薄片，燒得恰到好處。牛心($32)不是經常吃到，而且通常在日本才敢吃，但這裏也做得不錯，沒有一點羶味，也很爽口。和牛脂($42)更是邪惡，表層脆口，中間的油脂香好吃得不得了。接下來的牛草肚($36)及牛柏葉($36)也各有千秋，草肚配了蜜糖芥末籽醬，醬汁的微辣可消除草肚的肥膩感；較爽口的柏葉則以蔥花辣蘿蔔蓉襯托，口感取勝。指薯酒盜燒($38)的香甜番薯仔加上酒盜粒粒同烤，味道濃厚。吃過一堆牛過後已飽了八成，點了兩款素的，荷蘭大啡菇($38)燒得很多汁又腍，菇香爆膨。最後

前排疫情緊張，好少出去食飯。難得依家情況改善，當然約埋朋友出嚟食飯啦，今晚朋友推介左牛肉串燒專門店，二話不說就去左。餐廳依然有根據政府規定係門口探熱同提供消毒酒精。食串燒點可以冇酒飲，叫左sake任飲，每位都係$118.我哋叫左不同部位既牛肉串燒，包括：芝士牛肉卷 （推介，芝士味濃加牛肉好夾）牛骨髓 (第一次食，口感好rich, 牛味濃）牛舌根 （燒得好香又好爽口）牛柏葉牛筋牛腱薄燒火炙韓色生牛肉 （半生熟牛肉加蛋黃、青瓜、紫菜一齊，正！）馬蹄牛肉卷蝦夷荵牛肉卷精選牛三點牛面肉橫格肌set （佢有4隻味，蒜香、黑燒、芥末、蜜糖芥辣，個人最鐘意蒜香同芥末，牛味特別出）咸牛肉飯團 （有飯落肚，食飽飽）除咗牛肉，佢地當然仲有其他野食，唔食牛既朋友去到都大飽口福。雞翼串雞皮蝦卷（兩者好夾，又鮮又脆）芝士年糕（推介，必食！）佢地仲有happy hour, 放工黎輕鬆一下都可以！