牛惣居酎屋

营业中

休息中

友人今次又帶我去日式居酒屋搵食，呢度雖然有好多款式選擇，但最出名係食牛類串燒！入到去先點咗兩杯酒，分別係Peach同Lychee Liquor，水果味好突出，原來啲酒真係用咗大量水果浸住。一黎到先黎咗碟前菜，係青瓜條、紅及白蘿蔔、椰菜，點上少少味增醬已夠好食而且餐與餐之間可以減低油膩感。刺身盛合（四點），一客$248新鮮同抵食！橫格肌4串有芝麻醬、蜜糖芥末、wasabi及蒜香味，芝麻醬味道好似芝麻糊，估唔到加埋牛肉味道好得意！月見免治牛肉棒係要撈埋蛋汁先食，牛肉味好濃，口感豐富。芝士牛肉卷，芝士味極濃仲會漿口！鹽燒雞翼及雞軟骨串做到外脆內juicy，充滿咸香，燒得啱啱好！蘆筍豚肉卷加咗蔬菜好清新，味道好夾！白鱔超有驚喜超正，魚皮燒到超香脆，魚肉好厚，咬落去啲魚油出晒黎。但最好食係咸牛肉燒飯團，飯團外面脆卜卜又唔會燒到好硬，飯粒好香芝麻味，加埋煎香咗嘅咸牛肉，味道好濃，好飽又滿足！

繼上次試完豬內臟串，朋友即問有無牛內臟串食？今次就搵到呢間居酒屋有，而且只係時代廣場後面街，非常易搵！醬汁牛雜就食得多，串燒牛雜又真係未食過！牛大腸好有嚼勁，牛小腸皮脆內粉嫩！就咁加黑椒同鹽已經好好味！牛柏葉～爽口彈牙，加埋少少香蔥同醬汁好特別！牛沙瓜～食落口感好似豬肚，但呢個相對腍身易咬，估唔到呢個好好食，味道好濃！金錢肚～經燒香過嘅金錢肚好有特色，因為咬到啲邊位脆脆地！橫格肌set～4串入面有齊芝麻醬、蜜糖芥末、wasabi、蒜香口味！牛肉口感較硬而有彈性，但佢嘅肉味好濃郁！當中我最鐘意配wasabi，唔會好搶鼻而且有驚喜！月見免治牛肉棒～咬入去好juicy，仲會咬到啲細細脆骨，口感豐富，撈埋蛋汁食會更香滑！芝士牛肉卷～鐘意芝士嘅人唔可以錯過，估唔到細細舊，但芝士味圍繞住整個口腔，久久不散！蘆筍豚肉卷～豚肉片燒到油香甘脆，加埋蘆筍感覺無咁膩！白鱔～外皮燒到超乾身同脆口，但咬落去魚身仍然超嫩滑，油脂滿佈，可以加多少少調味會更好！

Open rice見佢咁多好評就book枱試下啦7點黎到都接近full house係勁嘅居酒屋應該係比你慢慢食傾吓計但呢到一落完柯打、好似麥當勞咁勁快上晒比你，張枱都幾細但佢放唔晒都格硬放埋黎😒😒😒 野食質素我覺得ok，但食串燒食到咁趕都真係第一次 仲要呢個價位，好唔值大把其他選擇 我唔會再返黎食仲要啲service係勁勁勁差，勁趕客你唔嗌酒咩？ 茶都唔比你呀要你開聲問先好唔老脾咁湛比你啲野未食完都係咁過黎想收你啲野最過分係你嗌完第二round等緊野食嘅時候，都係咁行過黎想收你晒你啲碟同餐具同佢講我哋仲嗌咗野食 佢係話：吓？你嗌咗定宜家再嗌呀？嗰陣食咗一個鐘都未有囉！勁無禮貌！食普通餐廳都唔會係咁嘅服務尤其紋身嗰位疑似老闆態度最差嗌一串就串你唔夠食唔夠分㗎喎🙄🙄本身想再食都即刻唔想食呢個價錢 會有好多小店可以幫襯囉呢度咁少劣評自己諗啦🤷‍♀️

在銅鑼灣shopping 後，就來了這家充滿日本和風氣息的居酒屋~作為『食肉獸』的我們今次決定到全港第一家日式牛串燒店成隻牛吃！！整間餐廳裝修以木系為主，每張檯之間有距離，令人坐得舒服😆看餐牌基本上整隻牛都可以吃😜牛魔王不可以錯過~🐂時令活魚-BB 甘油魚甘油魚製成刺身是最好吃，BB 甘油魚外表晶瑩剔透， 紋路分布均勻，師傅切成厚薄均勻，口感肥嫩， 魚肉細緻甘甜、滑嫩多膠質，值得一試！🐂横格肌set一set吃齊四款味道，有黑芝麻醬、芥末、蔥花、醬油不同口味帶出的感覺不一樣，最喜歡時芥末，本以為會很濃，沒想到芥末味剛好，入口軟嫩，油脂豐富🐂 月見免治牛肉棒日本居酒屋必食， 更推薦必要嚐嚐這間！餐廳混合多種不同部位的牛肉自家製成牛肉棒， 讓牛肉口感油脂分佈平均，外脆內軟嫩🐂牛小腸牛大腸真的吃過很多次，小腸就較小，餐廳採用澳洲和牛牛小腸，用簡單方法鹽燒~口感外脆內軟🐂牛心本來都蠻害怕吃牛心，但味道與口感完全不想吃內臟😆味道牛味香濃，帶爽口🐂牛舌&牛舌根牛舌就較常吃，牛舌根就比較特別😆牛舌是採用牛舌根後的3 分1製成，外脆內嫩而多汁，反而牛根有嚼勁而爽口🐂Lychee Liquor-copy

今日約左朋友係銅鑼灣食lunch，佢推介話佢公司對面大廈嘅牛惣居酎居幾抵食，味道又唔差，咁就一試啦！裝潢很有居酒居feel, 午市超多人，我地時間剛好避過人潮，店員忙碌地幫忙收拾桌子，招呼我地。我地一人一份定食，有沙律，麻醬豆腐，麵豉湯。豆腐配麻醬一向都好夾。椰菜絲很爽口，有一條蟹棒，番茄仔爆汁，再加上酸醋，超醒胃。安格斯牛仔骨野菜定食 $108分量都唔少，牛仔骨牛味濃郁，牛肉中又帶平均分布嘅筋，所以肉質一啲都唔韌和嚡口，亦煮得好入味，其實都偏鹹，佐飯一流。仲有爽口雜菜，中和一下牛味。鹽燒青花魚定食 $69即叫即燒，所以等候時間較長，外皮燒至香脆，肉質結實，魚油溢岀帶甘香，再加少少檸檬🍋汁，感覺清新又去膩，又不會蓋過魚嘅鮮味😋定食可加錢追加串燒。牛肋條 兩串$30燒得剛好，燒至七八成，唔會燒得好乾，食落都仲好juicy，好有牛香，肉質比牛仔骨結實一點，較有嚼勁。麵豉湯調味不錯，唔會很咸。整體味道唔錯，lunch 做緊八折，其實幾抵食，下次試下晚餐先

After a hard working day, why not having a nice dinner in new places and trying new restaurants.Today i chose Japanese Izakaya style restaurant.Started with an appetizer plate, Zuosheng Wild Vegetable Salad. Sashimi Plate - sweet prawns, salmon, yellow tail and scallops - very fresh and the sweet prawn is bigBeef Sweetbreads - It is slippery, its melts instantly in the mouth. Taste Nice.Grilled Cheese Rice Cake - the outside and the seaweed are crispy, and the cheese inside is soft, the taste is

老公今日帶我食串燒，佢話呢間幾特別，有啲牛內臟可以點～ 食串燒點可以唔飲返杯，甜甜地點左杯雜苺酒 仲有自家制麵豉醬 。四點刺身 － 三文魚，帆立貝，赤蝦，油甘魚，刺身新鮮，尤愛赤蝦，長長的好厚肉，入口爽甜。 牛骨髓 － 這款我想試很久，一直沒有機會，因為很少地方會有這道菜，今天終於可以品嚐。入口軟淋，一點腥味都沒有，有入口即溶感覺。 牛舌－ 令我想起日本仙台的牛舌，厚切彈牙。 萵筍牛肉卷 ，蝦夷葱牛肉卷 － 這兩款牛肉卷，包著蔬菜在中間，入口夾著兩種感覺，不同而又十分配合，爽口的青葱香夾著牛肉香，兩款都喜愛。牛沙瓜 － 原來是牛的胃部，經過師傅調味，吃落皺皺的感覺，但味道很好，值得一試。牛小腸 － 比一般豬腸硬一點，入味且有口感，不錯 橫格肌set － 這個必試，不同味道配出不同感覺，有蜜糖芥辣，wasabi，蒜香，黑燒，四款味道，我覺得黑燒醬最特別。 燒芝士年糕 －年糕煙韌，芝士味亦夾，我很喜愛這年糕。

牛惣居酒屋，顧名思義就是一間主要吃牛的居酒屋牛橫格肌set $138這部份的牛肉富含油脂的濃郁牛味黑燒、蜜糖、Wasabi、蒜香(左至右)橫格肌肉先燒烤，然後使用了這4種口味的醬汁調味黑燒：是黑芝麻醬，牛肉香配上黑芝麻香芝麻醬不是甜的那種，不會搶過牛肉味蜜糖：甜甜的蜜糖當然是燒烤物的最好配搭Wasibi：喜歡刺激的朋友一定要試試！這個吃下去先有清爽的口感，然後後勁就有強烈鮮明的芥辣味，十分刺激蒜香：是大眾都喜愛的口味，惹味蒜頭與牛肉亦十分相配粗粒蒜頭亦增強牛肉的口感，吃出啖啖蒜頭的香味厚燒牛舌$58厚切牛舌牛味更濃牛舌燒烤時間恰當，口感軟冧牛舌根$28牛舌根是一種非常特別的食材基本上很少餐廳會提供這個部位的菜式牛舌根是牛舌底部 內裏有筋 口感彈牙牛大腸 $38牛小腸 $40這兩款牛腸外層烤得焦脆酥香 內裡脂肪口感Q嫩 味道濃郁鮮甜 越嚼汁越多燒熟以後吃起來越來越香牛筋 $36燒牛筋口感富有韌勁口感味道淡嫩不膩 質地猶如海參芝士牛肉卷 $38入口即溶的只是外面包着肥牛片牛骨髓 $40吃下去淡淡骨膠原的牛骨髓入口即溶經過蔥花和秘製醬汁調味令本身沒有什麼味道的牛骨髓變得十分惹味刺身盛盒四點

簡單一餐刺身五點盛三文魚，牡丹蝦，帶子等，新鮮有口感，另外份量也算大。萵荀卷肉質比較薄身，口感爽脆。牛串燒也有不少選擇，串燒，蝦夷蔥牛肉卷，牛味濃郁，燒至微脆香身。另外還有雞翼串燒和飯糰，飯糰香脆有嚼勁。雞翼皮邊位焦脆金黃。這樣的餐點種類多酒水很多可以選，燒酎就是燒酎 = 蒸餾酒。蒸餾酒則是利用水與酒精的沸點不同為原理，將釀造酒再蒸餾後製成，所製的酒的酒精濃度通常較高，如:燒酎、威士忌、琴酒…等。（網上資料）

這家居酒屋的主題就是食牛串燒所以一定比較多選擇就牛嘅不同部位也可以燒俾你食。疫情期間冇得去日本所以就去銅鑼灣的居酒屋先至可以感受到家鄉的味道，先講環境相當黑暗但是也沒有原始居洒屋的感覺只能說像一家日本料理餐廳。其次是店員服務態度好還會細心介紹當日有什麼魚刺身。這家餐廳本來主打就是食串燒 但味道方面沒有太大的驚喜也沒有太大的失望所以算是合格的。當日點了燒鰻魚和雞泡魚乾 還有一些雞翼和雞軟骨串燒價錢方面唔算太貴 最低限度有牛串燒又有刺身 人均消費300 左右都算係預料之中的價錢。

琴日去咗主要食牛內臟串燒嘅居酒屋慶祝520😍 佢哋有好多唔同種類嘅牛內臟，有幾串我都係第一次食😃 我地坐咗bar枱，可以望住師傅即燒即食😍 吧枱陳列唒唔同種類嘅酒，幾壯觀🤣 依家晚市好似仲有全單8折👀橫格肌Set $138有四款，由左至右: 黑芝麻，蜜糖芥辣 ，Wasabi，蒜香。黑芝麻口味幾特別，甜甜地，味道都幾夾，橫格肌質感偏有咬口，肉比較實，配唔同醬料又甜又鹹幾正。萵筍牛肉卷 $36薄切牛肉包住爽脆萵筍，幾有層次感👍🏻 牛沙瓜 $36第一次食呢個，店員話係牛胃🙈 口感有啲脆卜卜，燒得幾香，口感都幾正👍🏻免治牛肉棒 $58呢度係牛肉棒唔係雞肉棒，牛肉棒點生雞蛋醬油，食落好juicy啊😍😍牛草肚 $36呢個我幾鐘意食😆 小小濕潤口感，牛味香濃，三件唔係好夠喉🙈牛骨髓 $40呢個都係第一次食🙈 但我麻麻地個口感，淋至至，軟軟地，上面嘅蔥係幾香。不過內臟呢家野好唔好味個個感覺都唔同🤣芝士意大利翠肉瓜 $28翠肉瓜鮮甜，咸香芝士溶化係翠肉瓜上，兩個配上一齊食幾夾。牛腱薄燒 $34牛腱燒得幾香口，原汁原味😃厚燒牛舌 $58牛舌好厚身，燒得啱啱好，幾彈牙爽口，唔用韌，有水準丫😋燒日本帆立貝 $

今晚同朋友去銅鑼灣行街, 行完去附近登龍街食飯. 呢度全幢大廈大部份都係食肆, 好多選擇. 見佢個名咁特別, 就揀左呢間日本居酒屋. 門面好日本風格, 裡面裝修亦居酒屋feel, 感覺好舒服. 同朋友飲酒傾計一流!主打刺身, 串燒同燒物, 另外酒類繁多, 相信好酒之人黎到該會超級開心!座底後會有生野菜沙律, 蔬菜都好清新.刺身盛合 (四款) + 赤貝刺身盛合有三文魚, 帆立貝, 油甘魚, 赤蝦. 帆立貝同赤蝦好鮮甜, 帆立貝中間夾住薄薄青檸片, 味道同帆立貝好夾!廚師今晚推介赤貝刺身, 果然好鮮味, 好新鮮, 少少腥味都無!蝦夷蔥牛肉卷, 牛沙瓜, 牛舌, 牛牛骨髓, 牛腱薄燒其實全部牛肉都好有味同埋好腍, 比一般餐廳好, 食落口就知道, 加上師傅燒得好香好好味! 有一種炭香既味, 肉質嫩滑.燒芝士年糕呢個都係推介, 甜品或者送酒一流. 燒到香噴噴, 外面脆卜卜, 裡面芝士軟綿綿, 加埋面既紫菜都係脆卜卜! 味道超好!荔枝酒好香荔枝味, 都好有酒味, 其實店裡面都會見到一樽一樽用生果浸左好耐既酒, 除左荔枝之外, 仲有菠蘿, 梅, 白桃, 無花果等等, 相信係店主精心泡製.

咁耐冇得去旅行，朋友帶左我去一間日本居酒屋，一解思鄉情懷。呢間同其他居酒屋最大分別就係佢地主打唔同部位的牛，連牛心管都有得食。前菜叫左生野菜沙律，點埋佢嘅汁一齊食，好新鮮，再加埋杯Suntory Draft Beer ，清清味蕾。刺身盛盒(四點)魚生新解肥美，包括三文魚、帶子、油甘魚、牡丹蝦。跟住就到今晚重點戲，串燒！橫格肌set左至右係 係黑燒、蜜糖芥辣、Wasabi、蒜香 牛肉燒到岩岩好，好嫩的口感，最驚喜係黑燒，原來係黑芝麻味，同牛肉又好夾喎。牛肋條& 雞心好濃的牛味厚燒牛舌 &雞腎牛舌十分厚身，口感嫩滑牛柏葉 &牛沙瓜兩個都係牛胃，牛柏葉就食得多，牛沙瓜第一次試，佢口感比較軟身萵荀牛肉卷 & 蝦夷蔥牛肉卷萵荀既爽口又可以解油膩，蝦夷蔥就帶出到肉味的鮮味，各有千秋雞翼燒得剛剛好，外脆內軟燒飯團面頭係咸牛肉，燒到出面脆卜卜，外脆內軟，口感十足。為呢餐劃上一個完滿句號。一定要再帶鍾意食牛的朋友試食呢間！

知道朋友好鍾意食牛，亦好鍾意食串燒，所以就帶左佢黎呢度，有好多款唔同部位既牛串燒食，餐廳燈光比較暗，好適合飲酒傾下計。 刺身盛合刺身有三文魚、油甘魚、赤貝、甜蝦和帶子，不得不提既係帶子，佢每粒帶子中間夾左一塊青檸，青檸唔單止可以提升帶子既鮮味，仲令到帶子個味道更突出，三文魚亦都好肥美，油脂分佈平均，赤貝刺身唔係周圍有得食，呢度既赤貝好新鮮，食落脆卜卜。 芝士牛肉卷、牛筋、牛小腸、月見免治牛肉棒 芝士牛肉卷有好濃既芝士味，芝士處於流心狀態，食落軟綿綿。牛筋燒到邊位脆卜卜，但入面依然好彈牙。牛小腸食落好煙韌，腸入面好軟熟。月見免治牛肉棒跟埋個蛋汁一齊食，食落好香牛肉味，有D似平時食SHABU SHABU既感覺。 燒飯團 (咸牛肉)+燒芝士年糕第一次食燒飯團，估唔到飯團都可以燒，飯團燒到外脆內軟，外層燒到好似飯焦一樣，好特別。而我個人係一個年糕控，超鍾意食年糕，呢個燒完既芝士年糕真係超好食，咬落好軟熟，芝士味超香，推介! 青檸梳打

友人話有一段時間無食過串燒，所以我地今日揀左位於銅鑼灣的一間日本料理餐廳開餐。生野菜沙律，新鮮爽口的蔬菜，非常開胃。厚燒牛舌，牛舌超厚身和肥美，鮮嫩多汁！雞腎，爽脆的口感。牛肋條，牛肉味濃郁，表面燒至有點焦香。雞心，口感脆嫩。牛沙瓜，即是牛第四個胃，爽脆煙韌。雞翼，均勻的黃金色，不會太乾，外脆內軟。橫格肌set，分別配上蜜糖芥辣、Wasabi、蒜香、黑燒醬汁，肉質入口非常軟，油脂甘香豐富，性價比高。牛柏葉，不會燒得太乾，保持到口感爽脆！蝦夷蔥牛肉卷，蝦夷蔥多汁，牛肉保持到鮮味。萵荀牛肉卷，牛肉包住鮮嫩的蒿筍，鮮味清新，不油膩。刺身盛盒，有三文魚、帆立貝、油甘魚、赤蝦，厚度恰好，非常新鮮。咸牛肉燒飯團，外皮燒得香脆，咸牛肉份量多，飯焦口感一流。超滿足的一餐！