牛惣居酎屋

营业中

休息中

同朋友去銅鑼灣行街 行到咁上下有d肚餓 跟住我地開openrice睇下有咩食因為我個朋友想食刺身 我又想食串燒見到呢間有晒兩樣 所以我地就決定食呢間!!一入到黎見到係開放式廚房 環境同衛生情況都好好咁我地就叫左個刺身拼盤 同埋一系列既串燒個刺身拼盤真係超級有質素全部食落都好新鮮另外一系列既串燒都係超正全部都燒得好好味 食材都係一流牛魔王拼盤四種唔同口味既牛排串我同我個fd都食到超滿足 下次可以encall !!!

今日去咗🐮牛惣居酎屋🍶食串燒，飲燒酎chill下✨作為一間居酎屋一入到去就比大量嘅燒酎包圍就好似係日本嘅居酒屋咁坐低即刻嗌左兩杯自家製燒酎🍺 分別係無花果燒酎同埋咖啡燒酎☕️ 無花果燒酎我都係第一次飲，飲落有淡淡呢果味同埋果嘅甜香，好fresh好特別👍🏻而咖啡燒酎都好香咖啡味，屬於比較容易入口嘅酒😋 而且兩款酒都好適合送串燒✨先食咗 🍣刺身三點($198)包括有油甘魚，赤蝦，帆立貝🦐 三樣都好新鮮好好食😋串燒方面我哋嗌左：牛沙瓜，牛肋條，牛小腸，厚燒牛舌，蘆筍豚肉卷，雞翼，銀雪魚，雞皮蝦卷，牛大腸，雞軟骨($28-58串)當中最鍾意食嘅係月見免治牛肉棒($58)由免治牛肉整成嘅燒肉棒，在配上蛋黃同醬油嘅醬汁，令到牛肉更加香滑❤️ 果然牛肉同埋蛋黃係絕配啊💘仲有必食嘅橫格肌SET($138)燒牛橫格肌配上四款特別嘅醬汁，分別係黑燒，蜜糖芥辣，Wasabi同蒜香🧄 每個汁都有唔同嘅感覺，每啖都有驚喜！😳臨走我仲叫咗燒飯團（$38）鹹牛肉加埋三文魚，鰹魚碎同明太子🐟飯團表面經過火燒之後好多都係飯焦咁，脆卜卜咁，好香口😍 真係好耐冇食過飯焦啦～ 鍾意食飯焦嘅朋友仔一定唔可以錯過🥰

星期五晚收工約咗朋友食飯但係未諗去邊, 諗住去居酒屋可以一邊食嘢一邊傾偈輕鬆吓本身想去燒烤堂但係已經冇位, 於是去樓上嘅呢間居酒屋之前都去過㗎啦, 覺得嘢食都可以, 主要食牛🐮餐廳環境都係一般嘅居酒屋咁, 唔會坐得好迫, 燈光比較暗, 適合同朋友飲酒傾偈🍻叫嘢食之前枱面已經有兩小碗沙律🥗 + 自家製麵豉醬沙律菜清甜爽口👍🏻 麵豉醬亦都非常惹味, 配上沙律菜一齊食好好味😋 如果想encore要額外收費 (好似$20-30一碗)同兩位朋友嗌咗:【三色甲羅燒 🦀 $78】有蟹柳, 海膽, 蟹籽, 配上幾片紫菜味道唔錯但係份量偏少而且甲羅燒一般味道偏鹹, 如果加配餅乾或迷你多士會更加好既然呢間餐廳主打食牛, 所以都叫咗幾款牛試吓🐮【🐮牛舌 $58/串】牛舌肉質幾嫩滑, 都算厚肉, 唔錯【🐮牛肋條 $36/串】牛肋條就比較少肉, 多肥膏, 油脂感較重, 個人麻麻哋🙊【🐮橫格肌set $138】呢個set有四串橫格肌, 有四種口味:- 黑芝麻- 蜜糖芥茉- wasabi- 蒜香整體來講肉質有咬口, 有肉味, 油脂感唔算重, 四種調味都幾好, 唯一覺得黑芝麻有啲唔係特別夾, 不過都OK【🐮牛尾西京燒

🥰係網上見到好多foodie介紹呢間食日式串燒既餐廳😋店內裝修有啲日本居酒屋嘅感覺～😚主要係食串燒，款式選擇多，同朋友一路飲酒、一路食、一路傾偈都係唔錯嘅選擇😆🤔..⭕️前菜▫️生野菜沙律配秘製紅麵豉醬⭐️強烈推薦⭐️雖然係好簡單嘅前菜，但係非常之好食，蔬菜非常新鮮，包括有紅蘿蔔、白蘿蔔、青瓜、椰菜等，配搭埋佢哋嘅自家紅麵豉醬，鹹香中晒爽甜嘅蔬菜味道，配搭得宜！⭕️燒物▫️ 牛舌根▫️牛小腸▫️牛沙瓜▫️牛心▫️牛骨髓 ⭐️強烈推薦⭐️▫️萵筍牛肉卷▫️雞翼▫️芝士意大利翠玉瓜⭐️強烈推薦⭐️▫️西班牙黑豚▫️免治牛肉棒 ⭐️強烈推薦⭐️▫️精選牛三點 ⭐️強烈推薦⭐️▫️橫格肌set▫️飯團🌸咁多款燒物當中，最喜歡一定係牛骨髓，呢種日式串燒食法，上面有紅蘿蔔蓉，既賣相精緻又好味😋而芝士意大利翠玉瓜，厚肉又多汁，夾埋芝士又唔住食晒🥰勉治牛肉捧，牛味濃郁，再沾蛋液💕口感更滑♥️

Iphone原相直出無美圖。2條友食左1000蚊，主打係牛，都有少少雞啊豬啊可以食。其實選擇就唔算好多，但確實係其他地方少食到咁多款牛內臟。麵啊飯啊好似得1.2款。所以唯有狂叫串燒，食個時其實係分唔到即係食緊乜😂😂下面張圖呢個主打可以唔使叫，同一款野不過唔同調味。然後一黎會比左碟菜你先，唔知有乜作用。不過係收錢既，28蚊，有加一。整體覺得有d貴，最好味係厚牛脷。

因為我很喜歡吃牛，我朋友又不食牛，初初推薦佢來牛惣居酒展，佢仲有啲嬲！不如大家睇下我哋在牛惣居酒屋，食左咩居酒屋怎能沒有刺身？刺身盛合(4點) $248最熱門的牡丹蝦、帶子、三文魚、油甘魚刺身！鮮味感十足！而我就叫了橫膈肌四味，即四種調味，各有千秋。我最愛還是蒜香橫膈肌 ($39)，其次是帶芥辣味的！免治牛肉棒 ($58), 喜歡牛肉也喜歡濃厚蛋黃用調和。愛牛之人，怎會錯過美味的牛內臟？很有嚼口的牛小腸 ($40)和牛草肚 ($36), 是我心水之選！芝士牛肉卷($38) 是很適合愛重口味的朋友！芝士雖然邪惡，但卻能牛肉香味，完美配合。我朋友不吃牛，也叫了雞翼 ($34) 和雞心 ($28) , 這兩款都 encore 了兩次。芝士年糕(兩粒) ($48)，也是必食之選。牛肉到庭烏冬 ($98), 牛肉肥美半生熟，最感人是牛骨湯！ 十足牛香美味的湯底，帶點藥膳的精髓。湯底有口感層次，最後俾我清光了！看到以上的介紹，你會知道這一間居酒屋，除了牛的選擇以外，還有很多適合不同口味既朋友！

牛惣居酒屋, 看到店名已非常期待有些特色的牛料理。前菜，先來一個清爽的沙律吧。和風寸子蕃茄沙律 $38，帶有惹味的蒜香。刺身盛合(4點) $248去吃日本料理，刺身是靈魂。三文魚、油甘魚、帶子、牡丹蝦。牛惣的刺身都是厚切，讓人心滿意足！一向很喜歡沾蛋黃汁，免治牛肉棒 ($58)，是百吃不厭的美食。其實我都好中意食內臟，非常推薦的兩款內臟: 牛肝和牛筋。各種各樣的牛燒物，讓我無可抗拒，以下是我的推介牛肝 $34牛肝、牛脷是無敵的美食，今次選擇和大家介紹這個牛肝。燒過的牛肝，濃郁的牛肝香氣，送酒一流！牛筋 $36本身就好中意食牛筋，即係果啲去會成日叫牛筋河既朋友。所以我都好好奇，燒牛更會係咩滋味。結果真係非常驚喜，膠元的纏綿感十足！雞翼 $34雞翼是港人最愛。唔食唔得。燒飯團(2個) $76最後，來個醬油飯團，填補一下那僅有的空間，超滿足了！

銅鑼灣以牛串燒為主題的居酒屋🐃，可一次過試多個不同牛部位的串燒，罕見的如牛骨髓、牛沙瓜 、牛心管等，一眾食肉獸牛魔王必來🐮❤️！就連平時居酒屋吃到的免治雞肉棒也換成牛肉棒，味道挺特別的，燒飯團🍘配上咸牛肉餡料，香口惹味，外層飯焦香脆，內裡飯粒有嚼勁夠煙韌，燒飯團和厚燒牛舌都是必試😋！▫️免治牛肉棒 $58/串▫️厚燒牛舌 $58/串▫️牛舌根 $28/串▫️牛沙瓜 $36/串▫️牛骨髓 $40/串▫️和牛冧 $118/串▫️蜜糖芥辣橫格肌 $39/串▫️Wasabi橫格肌 $39/串▫️蝦夷蔥牛肉卷 $36/串▫️牛心管 $34/串▫️三色甲羅燒 $78▫️咸牛肉燒飯團 $38▫️鰹魚碎燒飯團 $38串燒全部燒得表面香脆，內裏依然鎖住肉汁💦，肉質柔軟有嚼勁、牛香油脂豐富，這裏除了推薦牛串燒外，其實還有雞肉和豚肉串燒，還有多款日式小食如「甲羅燒 🦀」，蟹膏味香濃，配紫菜味道一流😍，2人吃了多款串燒非常滿足，連飲品埋單$1100，這間出色高質的居酒屋吃完就覺得很值得回頭👍🏻

牛惣居酎屋，睇個名都知係主要食牛嘅居酒屋，好期待！食串燒之前叫咗個刺身拼盤，好新鮮，有三文魚，帶子但係，甜蝦，油甘魚刺身。輪到主角啦就係牛第一個係好特別嘅牛骨髓串燒唔係周圍都有得食！口感非常軟滑調味10分惹味。串燒手羽雞軟骨，香口嘢例牌要叫呢啲必食！送酒一流。香噴噴熱辣辣燒到表面脆卜卜嘅飯團，上面有鹹牛肉鹹香好味好滿足。牛肋肌有四款口味，黑芝麻醬汁呢個最特別，其他嘢有香蔥蒜蓉呢個牛肉超級嫩滑！好香香甜甜嘅芝士丸子，芝士拉絲，外面包着紫菜同埋醬油熱辣辣好好味😋串燒啖啖肉，點生雞蛋醬油，香口啖啖蛋香。

牛惣居酒屋之前食過一次的牛惣居酒屋一直令我念念不忘，主要是居酒屋提供的內臟部位特別，其口感和味道都十分獨特。所以今日同朋友再來一次，帶朋友來感受一下。生野菜沙律（$28）生椰菜、白蘿蔔、紅蘿蔔，可以配搭甜麵豉醬食用。在每道串燒間食一點消除油膩感覺，再向下一道出發。刺身盛盒4款（$248）三文魚、帆立貝、油甘魚、赤蝦刺身新鮮，尤其是帆立貝，餐廳將青檸放在兩片帆立貝之間，令帆立貝的味道提升不少。牛心（$32）牛心味道很牛蒡差不多。牛骨髓（$40）外表似白子，口感像煙靭的棉花糖，沒什麼特別味道。牛舌（$58）牛舌燒得好食，因為夠厚，所以食落都算多汁。荷蘭大啡菇（$38）燒得香，侍應上菜時感覺只是一個乾身的燒菇。但一用筷子夾起，就可以從它的橫切面發現菇的內在是十分濕潤，煙從切面飄出，食落口就發現，香味和口感都很出色。牛小腸（$40）腸皮燒得脆，入面的肥膏一咬即溶。牛沙瓜（$36）煙靭，比其他部位更好味。橫隔肌set（$138）蜜糖芥末、Wasabi、蒜香、黑燒給我最深刻印象的是蒜香和黑燒。蒜香起初看不見蒜茸，只見細蔥。但放入口時蒜味就從蔥堆中爆發出來。而黑燒的感覺，那些汁很像芝麻糊，又與橫隔肌

牛魔王又出動啦，今次係去銅鑼灣既牛惣居，岩晒我地一路飲酒一路享受美食先黎一個店員推介既刺身先帶子好甜，蝦好大隻無雪味，三文魚好肥美牛骨髓好特別，琳琳地但係又好香既牛味，有小小cream既感覺牛小腸好正，因為佢入面全部都係肥膏好濃烈既牛油香牛沙瓜都幾得意，細細塊幾易入口👍🏼雞翼雞軟骨燒得好脆口岩岩好，啲肉仲好嫩滑架免治牛肉棒，入面加左啲軟骨好有口感，再加上生雞蛋同豉油作為醬汁，成條棒都掛左醬汁，令牛肉棒好滑，味道好豐富燒飯團係上面加上咸牛肉，飯團外面又係燒得脆脆好香口送酒一流橫格肌set有四款口味，有芝麻醬有燒汁有芥末有蒜蓉，各有各特色，樣樣都咁正，因為個牛肉燒到岩岩好，又好冧，唔會咬唔到佢地燒得好快，一下成張枱都係野食

銅鑼灣百貨公司最後兩天減價日，這天前來買東西，順道到附近的樓上餐廳吃定食和牛骨髓串燒。點了一個午餐定食一本鰻魚飯($132)，定食配前菜、蜆肉麵䜴湯及沙律。店員首先端上沙律，沙律菜十分清爽，特別喜歡置於沙律菜中心的蟹柳棒，冰涼又爽口。蜆肉麵䜴湯用料豐富，味道稍淡。把湯底輕輕攪拌，盛起湯匙，便看到各種食材如豆腐、海帶，用料十足，不會有一般的麵䜴湯味精感。一本鰻魚飯的飯粒飽滿分明，飯粒汲滿鰻魚醬汁。一大條鰻魚蓋在飯上，保留了飯的温度。鰻魚香味濃郁，沒有魚刺感，肉質彈牙的鰻魚被燒過後，散發出鰻魚香。午市定食加$20有一串黑燒橫隔肌(+$20)。黑燒的醬汁用上黑芝麻醬，濃滑的黑芝麻醬，與燒肉串出奇地夾。黑芝麻的味道突顯橫隔肌的焦香。橫隔肌完全能做到外脆內軟的效果，而且滲出很多肉汁，難怪眾多Openrice的人都推介橫隔肌串燒。最後當然是串燒牛骨髓($40)，這次是為牛骨髓特地而來品嚐。牛骨髓常見於冷麵，多被切成極小粒，吃下去只有軟滑的口感。然而這次串燒是一整條牛骨髓，燒過後的牛骨髓，外層比平時多了一份微爽。由於是整條，所以那種爽中帶骨髓軟的獨特口感又更強烈，串燒頂層鋪上小蔥粒和辣蓉，小蔥提昇清

今次去佐一間居酒屋⛩好啱🐮🐮控黎食😝佢哋主打多款唔同牛既部位串燒🍢，呢間居酒屋有成80款特色嘅燒酎提供🍶 我哋揀咗店舖自家特別釀製嘅☕️咖啡燒酎同🍍菠蘿燒酎☕️咖啡燒酎🍶既味道好香濃飲落好濃縮咖啡味苦苦澀澀好特別，啱鍾意飲咖啡嘅男士而🍍菠蘿燒酎飲落甜甜地好易入口🥰好啱我口味食日本嘢又點少得刺身叫😝先黎個刺身四盛盒🍣有油甘魚、赤蝦🦐、帆立貝同三文魚😋件件都幾新鮮又厚肉而串燒我哋Order左牛柏葉、牛沙瓜、蘆筍牛肉卷、雞翼、雞軟骨、白鱔仲有店員推介既🐮橫膈膜Set ✨一碟有齊黑燒、蜜糖、wasabi同蒜香🧄四種口味😋有咬口得黎又唔韌，最鍾意wasabi 味😝特別得黎又意外地夾👍🏻🐮牛小腸✨第一次食，古唔到燒岀黎係咁香咁好味🥰，咬落煙韌好juicy，推介👍🏻👍🏻👍🏻🐮月見免治牛肉棒✨捲着嚟燒嘅免治牛肉，外面燒到脆脆地，食既時候點埋醬油蛋汁🐮牛骨髓✨咬落口感軟綿綿，上面配搭蘿蔔蓉同蔥花，味道口感都幾特別最後重有🍙 明太子 燒飯團🍙面頭鋪滿佐明太子，入面包住三文魚鬆，咬落脆卜卜，香口又好味😋除咗明太子味，飯團仲有鹹牛肉、三文魚、鰹魚碎口味🍙聽講鹹牛肉味都好受歡迎🍙

百貨公司周年祭剛開始了，就和閨蜜去血拼心儀的物品。午餐選擇了位於燈籠街永光中心的牛惣居酎屋，整潔的居酒屋環境和有禮的服務，用膳愉快！午市套餐有刺身丼、牛肉、咖哩、和各式烏冬等選擇。餐前奉上的蟹棒、車厘茄和椰菜絲沙律。特選串燒盛盒 $118有橫隔肌、牛舌、牛肋條和鮮冬菇四款串燒，材料新鮮。碗內有很多細切的椰菜花、西蘭花、珍珠筍和鮮冬菇。珍珠米飯粒粒飽滿有飯香。西班牙黑豚肉生薑燒野菜定食 $72黑豚肉有肉香，洋蔥和生薑香氣濃濃，配雪白香軟的珍珠米飯，真是清碟無難度。

要查先知點讀既店鋪名😆·🦆法式鵝肝配蝦夷蔥花蛋飯（$108）同事一見到就心心眼要點🤪賣相吸引～油脂四溢·🐮安格斯牛仔骨野菜定食（$98）好抵食～相對鵝肝無咁heavy🤡食牛仔骨係有點狼狽😂好難咬開...但味道唔錯，醬汁惹味！·📍 牛惣居酌屋銅鑼灣登龍街28號永光中心22樓