牛惣居酎屋

营业中

休息中

今日同朋友一齊去行街買嘢順便食飯傾下計😘帶佢黎食日式的串燒～叫左2隻日本生蠔🦪蠔幾肥美，食落好爽口👍另外仲叫左刺身盛合（四點）- 油甘魚，帆立貝，三文魚&赤蝦，刺身夠厚身而且好鮮甜。銀鱈魚2串 - 魚皮好脆，但同時d魚肉超級嫩👍搭配的醬汁甜甜地，非常好食😋牛小腸 - 要趁熱食，外面燒得好脆，內裏好腍，好好食～牛舌 - 夠厚身又軟嫩多汁👍橫膈膜set - 分別係有4種味，芝麻醬，蜜糖，芥末&蒜香，味道由淡至濃郁，各有千秋。我地叫左呢度嘅自家製咖啡酒&荔枝酒，咖啡酒有好香咖啡味，荔枝酒好清香，甜甜地啱女仔飲～鵝肝- 口感嫩滑，好香油脂，好好食～鹹牛肉燒飯團- 🍙飯糰烤得好脆連埋鹹牛肉食幾夾～烤牛筋- 平時牛筋食開都係炆煮，估唔到烤牛筋都幾好食，口感好彈牙，唔錯～

第一次黎呢度飲咖啡酒，估唔到幾得意，咖啡味濃得黎又唔好蓋過曬酒味，幾特別，推介！😍蠔真係要比十個like，超級新鮮，同我去日本食個d真係無分別！完全可以用鮮甜黎形容，加少少檸檬落去已經夠美味再加埋刺身，蝦頭都已經幫你清埋，仲要超級鮮甜，三文魚都係超厚切，啱曬鐘意食三文魚既人串燒方面，最想讚既就係鵝肝同埋銀鱈魚，我覺得整得超級好食，d魚好嫩再加埋特制既醬汁係面好好食。鵝肝一直都係我最愛，大大舊，成口都係鵝肝既感覺真係爽，必食之一！再加埋橫格肌set，d味由淡到濃，極致享受，芝麻到蒜加蔥都好夾，性價比都好高！

有時都好掛住日本嘅居酒屋所以都想同朋友去試一試香港嘅居酒屋係咩味道入到門口見到好有情調好多清酒 日本風情彷彿去咗日本咁再叫埋日本生蠔大大隻 蠔味好濃郁第一時間當然要點刺身盛合(四點)三文魚 甜蝦都好鮮味前菜醬料有驚喜串燒類特別吸引師傅用心去睇住火月見免治牛肉棒 必食牛肉味超濃郁 又大大支牛舌 係我最愛燒到岩岩好 唔會太熟 好嫩牛骨髓第一次食 滑溜溜 口感好特別雞翼，白鱔，雞肉串等等應有盡有 配埋特制醬汁好食到停唔到口梳打類飲品配埋串燒唔少日本人都黎食啊最適合同朋友chill一個晚上！

日本料理就食得多啦喺日本居酒屋食串燒又係另一番風味前菜當然有生野菜沙律 蔬菜夠新鮮刺身盛合(四點)魚生鮮甜 甜蝦都好好味！到重點推介：月見免治牛肉棒(串)用咗高級嘅牛肉製成 香濃牛味食到停唔到口呀！牛舌(串)非常嫩滑 醬汁濃郁牛沙瓜(串)爽脆香口 燒既時間岩岩好牛骨髓(串)食落唔似牛骨髓 滑滑嫩嫩 好有驚喜雞翼(串)夠晒大隻 肉質鮮嫩白鱔(串)鍾意食魚嘅唔可以錯過最後當然要點杯飲品巨峰梳打 檸檬梳打 就岩晒啦調配得相當好味 外形又夠靚一定要嚟試吓居酒屋情調牛惣居酎屋

放工後與朋友一起晚飯，談天説地，飲返杯🥃，對我嚟講就係最好的放鬆時光☺️。今晚係朋友公司附近食飯，她訂了這間「牛惣居酒屋」，因她很喜歡食牛串燒。🐟時令活魚：薄葉剝皮魚串燒製作需時，所以我哋先點個刺身，店員介紹這個時令白魚，擺盤十分精緻漂亮，魚肉切得好均勻，肉質幼細，伴以酸汁或魚肝醬，好鮮味😋🥃菠蘿酒 $69，什莓酒 $79自家釀製嘅果酒，以日本燒灼釀製，酒精味唔係好濃，帶點果香，好啱女仔飲。　🐮横格肌set $138一客四件，有四種味道：蜜糖芥辣、 Wasabi、蒜香及黑芝麻醬，各有風味，我最鍾意黑芝麻醬，好惹味。🐮月見免治牛肉棒$116免治牛肉帶油香，燒得外脆內軟，伴以蛋黃汁增添香滑。🐮牛舌（$58）牛大腸（$38）厚切牛舌肉質彈牙，肉味香濃，真係堅好味😋! 平時好少食牛大腸，幾特別，口感帶點彈牙。🍘咸牛肉燒飯團$76面層係鹹香惹味嘅咸牛肉，燒得金黃香口，用脆卜卜嘅紫菜包著一齊食，好味。✨燒芝士年糕$48微溫嘅芝士年糕，口感好軟滑，有啲似燒棉花糖。

香港嘅高質居酒屋🏮好多都集中喺銅鑼灣同尖沙咀一帶，朋友呢日就特登約我喺銅鑼灣，話要我帶佢去美味居酒屋🏮，我知道朋友係牛癡，咁即刻腦袋急轉一下，記起呢間，就決定帶朋友上去開餐😆- 首先上 $28嘅「生野菜沙律🥗」，沾微甜嘅味噌醬，簡單、清新、開胃😋- $398嘅「薄葉剝皮魚」：刺身成條上，賣相靚靚🤩；肉質結實，味道比較 subtle，咬落慢慢有甘香滲出；仲有「魚肝醬」同「酸汁」可以沾，其中「魚肝醬」尤其惹味😋- $116嘅「月見免治牛肉棒（兩串）」沾雞蛋黃食，幾好味😋- $58嘅「牛舌（串）」同 $38嘅「牛大腸（串）」放埋一碟；「牛舌」少少爽脆，味鮮，超好味😋；「牛大腸」有少少咬頭要嚟送酒一流😋- $40嘅「牛小腸（串）」、$34嘅「牛肝（串）」、$40嘅「牛骨髓（串）」、$34嘅「牛腱薄燒（串）」、$34嘅「牛心管」：全部都好味，口感各有不同，但係都充滿牛味，送酒佳品😋- $138嘅「橫格肌SET」：有四件，做法不同，如果冇記錯嘅話，應該係黑燒、蜜糖燒、芥末燒、香蔥燒；橫格肌肉質軟熟，咬開可以見到裏邊仲有少少粉紅色，充滿肉汁😋- 我仲要咗杯 $69嘅「菠蘿酒」，朋友就要咗杯都係 $6

今日在銅鑼灣辦事，做完與拍檔一齊食晚飯，他建議食日式串燒，帶我去登龍街永光中心牛惣屋，如果唔係佢帶路，自己唔識搵上嚟，店舖不大，串燒燒得幾好，很多串燒都外脆內軟，火喉夠，不過醬汁選擇不多，只有麵豉醬及豉油。先來原條間八刺身熱身一下，酸汁味道好。銀雪魚西京燒，燒得好脆，醬汁好味，魚本身肥美，必點。牛筋搶得夠火，外脆內軟，唔易燒，一條燒得軟咗，有些黏。牛小腸幾濃味，如果再濃些醬，可以送酒就一流。蘆筍煙肉幾好。牛栢葉燒得都好。牛舌出面香脆，裡面有肉汁，肥肥地，有咬口，食得就滿足。

若然早已心有所屬，懂得選擇當然是揀專門店最好，今晚正想吃牛串燒，銅鑼灣區非「牛惣居」莫屬，供應不同部位的串燒，牛肉固然有不用多講，刁難少少的牛心、牛肝、牛腸不算奇，但牛柏葉、牛筋也來串燒少見，若然燒功拿捏不到，可以很失敗，幸好，這夜全程沒有失手。 「牛惣居」位於永光中心，面積不大不小，正適合居酒屋的格調，佈置配合，來者為吃非裝潢。 我們坐在吧枱，旁看著師傅燒烤，原來現在有兩層烤架，上下層皆可燒適合不同熱度的食物。 去得居酒屋難免飲番杯，見到有自製果酒，不只有梅酒，菠蘿、無花果、白桃、荔枝、雜梅、咖啡口味真有趣！ 我兩人一菠蘿一雜梅，凍飲加冰，因為燒酒霸氣重，果香不明顯，菠蘿酒餘韻有少少菠蘿味，雜梅那杯不強。 生野菜沙律 $28新鮮爽脆，配麵豉醬非常合拍，麵豉醬本身味道唔錯，不過鹹，質感好，蘸串燒吃亦好。 時令活魚－間八 $398原條間八粗切及薄切兩款口感，配酸汁。 厚片食落啖啖肉，薄片清脆，蘸芥末豉油食亦好。銀雪魚西京燒 $58/串全晚銀雪魚最好，魚皮明顯的焦脆，魚肉油脂豐富，肉汁保持，所以口感嫩滑，醬油香甜，味道昇華。 羊扒 $65/串外表有焦香烙印，咬落有汁，中央粉紅香嫩，調味不重

今日朋友介紹咗間餐廳幾特別，呢度主打燒酎，平時比較少見，所以都值得試一試。呢度串燒都好特別，大部份同牛有關。刺身真鯒魚，平時比較少見呢一隻魚，白身嘅魚肉比較爽脆，配埋酸汁，非常鮮甜。芝士牛肉卷，牛肉包住芝士一齊去燒，溶化的芝士同牛肉味道幾新奇又幾配搭。串燒雞心，用料新鮮，入口爽脆。串燒牛小腸，外皮燒得香脆，不會有內臟味，幾惹味。橫格肌set，一次過吃到4種口味，味道幾特別又有衝擊。必吃燒牛舌，肉身柔軟，入口肉味香濃。燒雞翼，簡單但永遠最好味，皮脆肉嫩，充滿肉汁。炸鰻魚，肉質細緻，外皮又油酥有脆。牛肉飯團，飯團上加上鹹香免冶牛肉，用紫菜包住食，係呢一餐嘅完美的結尾。餐廳環境幾好幾有feel，居酒屋來講食物非常出色，另外其他牛嘅料理都十分吸引。

最鍾意去居酒屋食嘢，除咗食物好食，氣氛都好重要。呢間位於銅鑼灣登龍街樓上鋪嘅牛惣居酎屋，食物唔錯氣氛亦好。呢間店係主打日本燒酎，酒精度比清酒高，所以會選擇溝果汁或梳打一齊飲。店舖雖然主打串燒，但店員介紹有一種叫真鯒嘅白身魚，係時令魚，加酸汁食，清清爽爽唔錯。講返串燒，呢間店主打牛類，叫咗橫膈膜Set，有四串燒牛橫膈膜，分別配上唔同嘅醬汁，有青蔥，Wasabi莖，蜜糖芥末同埋黑芝麻醬，各有特色，好抵食。之後嘅牛類有牛舌，牛小腸，同芝士牛肉卷。牛脷經常都食，呢度都係用牛舌芯，厚薄適中，咬落去彈牙又多汁，好好食。牛小腸好少見，咬落去都唔算太肥，煙煙韌韌幾過癮。芝士牛肉卷就極度邪惡，有啲似食芝士漢堡嘅感覺，加咗芝士肉味更濃。食串燒點少得雞翼，再加埋雞心。雞翼燒到皮脆肉裏面仲有汁，只係簡單用鹽調味已經好好食。雞心都係鹽燒，同樣唔會燒到太乾，咬落仍然有肉汁。另外朋友鍾意食白鱔，叫咗兩串，呢個白鱔我覺得係全晚最好食嘅，因為個皮亦燒到非常脆，好似食薯片咁，而裏面嘅肉仍然非常嫩，好好食。為咗增加飽肚感，就食咗個燒飯團配鹹牛肉，飯團師傅好用心慢慢燒，燒到表皮香脆再响上面加啲鹹牛肉醬，鹹鹹香香幾好食，但因為

Went for lunch with colleagues. Firstly, the waitress would not recognise me pointing to the menu as ordering, which we found completely weird and awkward. Secondly, my colleague ordered the chicken udon, it came out first, but the chicken is raw. Notified the waiters, they say they will bring another, the chicken was still raw after they gave another bowl. Lastly, when we asked for the check, we placed the credit card on the check and it took them a total of 20-30 minutes to take the card and p

今日到牛惣居酌屋聚一聚舊~環境光度較暗，有酒有燒物，適合友人輕鬆一聚(^з^)-☆店面日本風，日式感，人流都算多，坐到滿滿的，頗多人在食尼;-)我都等了好一會兒，才有位置坐，以及成功下單:-D這兒兩點半就停止下單，但可繼續進食，不過兩點多，其實已經見餐廳客人都逐漸走去賣單(｡ì _ í｡)雜錦魚生丼$89-魚生份量算多，亦新鮮味美-有芥末，薑片在頂部-青瓜切粒，增添爽口感-日式煎蛋切粒，黄黄的，顏色悅目-魚生，飯，份量適中，食完剛好夠飽一本鰻魚飯$132-鰻魚大條，厚，長，多汁，香，集合色香味俱全-飯的份量都不少，食完都幾飽-配送的麵豉湯都好飲，豆腐好滑，湯不鹹芝士牛肉卷$76兩條-一條有三件-燒到焦黄色-芝士味濃厚-牛肉包裹芝士，兩者味道好夾牛肋條$30兩條-切至一粒粒四方的-肉質嫩軟香口，燒的烹調方式，香感十足-好味，齒頰留香秋葵豚肉卷$30兩條-一條有三件-豚肉切薄片包裹住小秋葵-小秋葵不老身，入口幼嫩，易咬易吞-豚肉切薄緊貼小秋葵，咬入口，兩者不分離-豚肉燒至通透感，裡面的綠色小秋葵都能見，可見薄的程度很高技巧結帳$415，人均消費$208~

正過日本食鰻魚話說今日中午約了Queenie去銅鑼灣食飯，因為之後我要繼續返工，queenie就要返教會 ，所以我們快食了1小時就賣單。(小補充: 原來這間餐廳2:30截單) 我們有牛惣居酌屋叫了一本鰻魚飯，$132。鰻魚又長又厚又大條，而且米飯是珍珠米，粒粒又肥又大。鰻魚好長，好厚肉，而且有鰻魚汁配搭，好惹味。好像比起上次去日本旅行食的鰻魚更加大條，哈哈。跟餐有麵豉湯，裏面有海帶，有豆腐，有少許金菇。還有一隻水煮流心蛋，一入口就吞掉在肚子裏。哈哈。前菜的沙律新鮮乃味。另外有叫了雜錦魚生丼，$89。同樣有送麵豉湯，和水煮流心蛋。額外還有一小份麻醬豆腐小食。裏面混合了不同的魚生，例如常見的三文魚都有。另外又有青瓜粒和豆腐粒等配菜，增添口感風味。至於小食有叫秋葵豚肉卷，$30。秋葵是屬於體型最小的那一種，比較幼嫩。包着秋葵的豚肉切得好薄，燒過後，尤如薄紙的薄，有脆感。牛肋條，同樣$30。厚肉又有汁，裡面粉嫩，咬口又不硬，肉質不老不乾，好味，又有肉香。至於芝士牛肉卷就$38一串，我們各叫一串，共$76。比較有飽肚感，因為始終是芝士，好易食完就飽飽的。芝士配牛肉，燒後，各有香氣，配酒一流。賣單

無得去日本食美食，唯有係香港食日本美食。銅鑼灣好多好野食，呢一間都算隱世，係一棟大廈入面，入面燈光陰暗，似足日本居酒屋。第一樣食物係池魚刺身，整條魚切成刺身，肉質爽滑，鮮味十足。第二樣食物係和牛他他配柚子醬，牛肉燒得岩岩好，不會太生不會太熟，油脂甘香，配上柚子醬中和一下肥膩的感覺。第三樣是燒白鱔，生燒白鱔皮脆肉嫩，滿口魚油香味，送酒一流。第四樣是燒廣島蠔，燒得剛好的燒蠔，咬下去有爆汁的感覺。第五樣係三款牛內臟，分別是牛沙瓜、牛舌和金錢肚，三樣都牛味十足，但口感非常特別，每款都別樹一格。最後還有橫格肌Set，四種味道各有特色，最特別的是黑芝麻味，很難想像這樣的配搭，所以很特別。

今日出開街去銅鑼灣一於試下呢一間串燒好出名嘅舖頭，第一度菜想清清地所以叫咗一個池魚刺身，呢一種質感嘅魚就好似一塊薄嘅三文魚但係更加有咬口。跟住就試咗雞軟骨，啱啱燒好真係零舍好味！和牛他他，呢一個真係不得了呀非常嫩滑，好juicy...!跟住就是咗平時出面串燒店少有嘅黑豚肉，佢嘅黑豚肉油脂比例分佈平均，就算成擔脂肪食咗落後口都唔覺！再叫咗廣島蠔同白鱔，廣島蠔都幾大隻不過白鱔就更加令我喜歡！因為燒咗出嚟塊皮仲係超級香脆但係魚肉仲留住喺非常嫩滑嘅狀態！雖然開始有啲飽但都叫咗呢度嘅必點名菜，咸牛肉飯卷，鍾意食飯焦嘅朋友可以試下呢個，面頭脆卜卜，配埋燒香咗嘅鹹牛肉食感覺一流。之後就嚟咗一個牛拼盤，有牛舌、牛沙瓜、牛肚，三個都燒得好惹味，不過跟住仲有最好味嘅重頭戲！叫咗一個我鍾意去居酒屋必點既蟹甲燒，呢度嘅蟹甲燒價錢相宜而且仲有海膽！！！！再來就係平時出面通常都係免治雞肉棒嘅免治牛肉棒，感覺其實同食雞肉差唔多但係就多咗一份牛香。最後喺好飽嘅狀態食咗一碟非常好味嘅牛橫隔肌燒，有齊四款口味，真係幾飽都要叫呀！