牛太 (已結業)

荃灣搵好嘢食，見到有間舖頭新開，一於去試一試。入面坐位都叫好闊，最重要完全冇燒肉嘅味道，一啲都唔臭。估佢唔到個爐，原來係日本製造，安心安全之選。我地叫左288套餐。 估唔到完全電子化，有啲乜嘢喺到pad度，一目了然，食得啲咩，唔食得啲咩，好清楚。前菜辛辣凍豆腐， 凍豆腐夠曬凍話就話辛辣，其實唔算太辣，岩岩好，又易入口。 翠玉瓜冬菇， 其實仲有好多種唔同嘅蔬菜，不過我覺得呢兩種比較出色，當然我都有叫粟米啦，不過燒得一啲都唔靚，唔影啦。牛脊肉，極上厚切牛舌，牛肋肉， 日本產豬梅肉，特選牛脊肉， 特選牛霜降迷你扒， 日本產雞髀肉。 肉仲有好多款，不過邊食得曬咁多，樣樣都要試下，肉類好出色，樣樣都好新鮮，最重要完全冇雪味，見到佢有啲嘢寫住日本產，已經安心同放心，絕對可以再食。甜品更加係movenpick雪糕， 估唔到甜品仲要係咁好味，本身以為畀啲cheap cheap嘢，又人驚喜之作。下次一定會再來不過就會叫428餐，因為真係日本和牛，而今次只係小試牛刀，食澳洲和牛。

唔該婆婆幫我們照顧兩隻小魔怪咁我們兩公婆至有時間拍拖和撐枱腳在荃灣逛逛下，見到間我們都鍾意食的燒肉 ... 放題 ...唔好諗咁多 ...這晚就在這兒開餐 ...有 3 款價錢的燒肉放題，價錢愈貴食物的種類愈多 ...。39 種食物任食 ... HK$218 樂選放題 Good Time Course。73 種食物任食 ... HK$288 華美清馥放題 Great Beef Course 。82 種食物任食 ... HK$428 極級豪華和牛放題 Premium Wagyu Course我們揀了中間價位的 HK$288 Great Beef Course在 100 分鐘肉任食 73種食物 ... 燒肉、海鮮、蔬菜、前菜、沙律、飯、麵、湯和甜品落單好方便平板電腦已經 preset 了我們揀的 HK$288 放題餐可以點的食物睇啱想食的，自己扲掣落單就可以喇 !!!先來前菜 ...前菜和沙律的種類也很多，仲好好食添 ~~我推介 ... 秋葵配芥末醬油、泡菜盤和 Cheese Cracker之後由燒海鮮開始 ...鮮甜又彈牙的燒蝦、香濃惹味的蒜蓉牛油燒帶子和蠔最開心就是有平時好少見的燒原隻

荃灣新開燒肉餐廳，今晚約齊朋友來大飽口福。餐廳有大半是透明玻璃窗，加上樓底高，令室內更光鮮乾淨，而且好夠空間感。我地安排坐卡位，同樣也坐得好舒服，唔使迫住來食燒肉。另外，燒肉的抽風做得幾好，燒完肉身上也沒有燒烤味燒肉放題分三個價錢，$218/39種食物、$288/73種食物、$428/82種食物，我地揀了店長推介的$288，有73種類食物，限時100分鐘，由於上菜快，加上無漏單，所以時間都好足夠。餐廳超貼心地已經預設好平板電腦，只會出現客人選好價錢內的食物，所以不怕點錯，而且右下角有提示截單及離座時間，真的方便快捷，又清晰好用。有牛肉、豬肉、雞肉、海鮮、前菜小食、沙律、飯類、麵類、甜品及飲品。羽衣甘藍雜果仁沙律，沙律有數款，其中用少有又健康的羽衣甘藍做沙律，立即吸引到我，新鮮有咬感的蔬菜，加上香而脆的果仁和酸酸地的沙律汁，開胃好味，又可平衡燒肉油膩。流心芝士奄列味道不錯，就是日式蛋卷的味道，但沒有芝士味，也不流心，有點失望。極上厚切牛舌，厚身令口感很實在，質感帶爽有肉感，味道好好。薄切牛舌同樣美味，更加爽口，食唔停口，點了幾次，不過有更加好味的，睇落去就知。就係蔥盛牛舌，同是薄薄的牛舌

前幾日行荃灣發現到有間韓燒「牛太」，今晚就約咗朋友去食。晚飯韓燒放題主要有三種價錢選擇，價錢越貴可以食嘅種類就越多，今晚我哋就揀咗個中價$288+1 來試試 啱啱坐好，職員已經拎個平板過嚟講解用法，好清楚講明數量1 = 1件份量，避免叫多咗浪費食物，服務態度方面都幾好。餐廳環境乾淨座位闊落，即使不停燒肉都冇油煙。值得一讚既係上菜速度非常快，啱啱落完單，嘢食同飲品都好快就上枱，食物種類亦都好多元化，例如前菜有沙律，甜品有蛋糕，海鮮有蝦墨魚，牛肉亦唔同部位唔同味道(E.g.牛脊牛、霜降牛扒、牛肋肉、牛舌)，而且有熟食等提供 牛肉方面嫩滑有肉汁，可惜最鍾意食嘅牛舌售罄，不過各款口味既醃肉好入味 魷魚仔夠嫩好易咬，帆立貝&燒蠔都好新鮮，海鮮味濃 甜品方面好有驚喜，有燒菠蘿、燒香蕉、紅豆鯛魚燒、燒棉花糖等，全部都要自己落手燒既，最後仲每人有一movenpick 雪糕，大滿足

為了遷就在荃灣返工而且很遲放工的朋友，就約在這裡食燒肉放題。餐廳格局很寬敞，很好坐，很適合我們邊食邊傾。店員帶入座後就細心講解如何用平板電腦自己點菜落單，節省很多時間。落單後，送菜速度亦很快，平均約5分鐘後就已上菜。同朋友四個人點了$288放題套餐，有加一服務費，限時食100分鐘，不過即使我們過了時，也沒有被職員趕走。食物種類有好多，除了肉類也有海鮮、前菜、甜品、湯飯粉麵，很開心燒肉放題原來不只吃燒肉還有這麼多其他種類的食物。各款海鮮都好新鮮而且味道不錯，蝦和墨魚仔都非常爽口彈牙。牛肉分了很多不同的部位，也有不同的口味可以選擇，大部份都很juicy，而且口感嫩滑。最後每人都有一個movenpick雪糕，有三種味道(雲呢拿、朱古力、士多啤梨)，大滿足！

我一向都好鍾意燒肉，去親日本旅行都搵定邊到有燒肉食但未等到去日本，唯有係香港搵間止下癮先，俾我係荃灣搵到間都ok 既燒肉，仲要係放題呀，不過限時100分鐘環境唔錯，侍應安排左我地坐卡位，卡位特別舒適，牆身隔板等都畫上牛肉分佈圖同logo樓底超高，加上鏡子做天花作反射，空間感十足我地揀左中間級數$288 course，包左78款可以任食想點餐唔使寫紙，係用平板直接落order，在平板右下角有顯示last order ，截單&離座時間，自己要把握時間種類包括燒肉類外，仲有海鮮，野菜，沙律，前菜，韓式泡菜，飯麵湯，甜品落到order後，勁速上菜，唔使5mins可能我地坐係出菜位，最快可能1-2mins都有燒肉類，花多眼亂，我地點特選燒肉為主，包括特選牛肋肉／牛脊肉／牛胸腹肉等有鹽味，辛味噌，燒汁味選擇辛味噌同燒汁味都唔錯，鹽味卻太咸，因為見到好多鹽粒係面，廚師太重手吧特選牛肋肉和 特選牛脊肉，油花較多，牛味濃郁，柔嫩中間牛肋肉，呈長條型，肉質柔軟而多汁餐廳有提供較剪，可以自行將燒肉剪成小塊除咗肉類，個人推介食牛舌，有薄切同厚切，兩種都試哂後，厚切牛舌爽口有口感，必叫海鮮類有蝦，魷魚帆立貝，蠔

服務員係極爆有禮同好態度，令到我都不禁勁有禮貌去配合返我食$288，肉類選擇已經勁多！質素超高！我特別鍾意食佢嘅牛脊肉！厚身得黎，脂肪分佈平均，食到好淋！肉味又一流！超開心有勁多其他野選擇！有得燒棉花糖，勁開心！有得燒原條香港！大家就住拎埋朱古力醬呀！好正呀！平時要自己去燒野食先有得食呢！佢仲有石窩拌飯！好食wor，仲有飯蕉tim! 不過好大碗，如果份量少d會冇咁浪費。辣豆腐湯都好好味，料又多！芝士蛋捲，冇芝士味！佢係凍食，不過我燒熱佢黎食覺得仲好味呢！最正係，最後有movenpick ice cream! 我再同埋燒紅豆魚餅一齊食！yummy! 必定再次黎食過！

好耐冇食燒肉啦，因為好唔中意每次食完都成身油煙味，加上好似黎黎去去都係個幾間又冇乜新意，放題既燒肉更加係好難搵到間有質素既，不過今次試哩間真係唔錯，好多野揀，而且有movenpick雪糕！所以好抵食！分別有3個價錢既放題可以揀，今次揀左中價位既，食既係澳洲牛肉。有多種唔同口味既牛肉同唔同既部位揀，厚切牛舌係我既最愛！口感好好而且好入味，但係鹽味牛肉就比較重味，如果中意食濃味既朋友就會好中意。牛肉以外仲有叫左啲豬同雞黎試，味道亦唔差，不過個人始終比較偏好食牛肉。肉類以外，仲有菜同少量海鮮可以揀，強烈推介牛油蠔同牛油帶子，真係好味到不得了，可能牛油配蠔真係冇得頂！雖然海鮮唔係主打，但係質量都好新鮮！除左主食，仲有小食，一樣都係任叫既.. 芝士玉子燒必叫！

今日去咗荃灣荃新天地行街，咁順便喺度食埋晚飯，我哋揀左一陣，最後決定食燒肉放題。呢度裝修好整齊，座位好闊落，絕對唔係一般日式放題咁坐得好迫，值得一讚👍🏻我哋揀咗每位＄288嘅放題，呢度點菜好方便，用平板電腦，完全冇漏過單，而餐牌亦都preset咗$288放題嘅食物，而且上菜速度亦都好快，值得加分！前菜有唔少選擇，我哋叫咗吞拿魚蕃茄片，蕃茄好鮮甜羽衣甘藍，好少係放題見到有得食，點可以放過佢！呢款菜帶有甘味，質地偏爽，鍾意食甘味嘅朋友就唔好錯過啦！海鮮我地點左鮮蝦，魷魚仔，蒜蓉牛油蠔，味道唔錯$288套餐已包括特選項目，好抵食。當然每款特選我哋都點左，有牛肩脊，牛肋肉，特選厚牛舌，霜降牛扒，日本產雞肉,日本產豚肉.......講真每一款肉類，肉質好鮮嫩，又夠juicy,好味道，絕對超值！我哋仲有點左唔同嘅蔬菜，有粟米，翠玉瓜，南瓜，洋蔥，冬菇，雞髀菇，好多選擇！另外，仲有其他唔同類別可以點，譬如冷烏冬，湯烏冬...........當然已經好飽，無可能試得晒。原來最後每人會送返一個雪糕，仲要係movenpick, 總括而言，今餐冇揀錯，真係性價比超高,又好食，而且坐得好舒適，值得推介！

✿╮❤╭✿ ✿雜感女生 好味日記✿ ˚*•✰。牛太．燒出幸福的季節。✰•*˚ ✿✿舌尖上的荃灣✿✿ ❤餓底飯聚．食勻全世界❤ ❤吾係POL - Peggy On Line．Proof Of Life❤ ❤ 到荃灣工作，順道約當區的朋友飯聚 自從工作之後，少了見面的這段日子 有朋友集中火力經營事業 有朋友成家生子，變身少婦 付出的代價，應該就是和朋友吃飯聊天唱K的時間吧 本小姐的原則是：忠於自己，能約飯局且相聚 常說：朋友是要見的，守著友情與美味才是春光明媚 今番我們飯聚就去朋友家附近新開的牛太「圍爐取暖」 日式簡單卡位風格 餐牌有不同價格放題，按心意自選 下單採用電子方式，快速方便，而且環保！ 我們點了$288的放題，73款無限量任點 非常多的牛肉、海鮮，還有韓式熟食 牛舌爽口，牛背肉、小牛扒我們選了鹽類 已夠調味，牛味香濃，肉質鮮嫩 大蝦也是新鮮，燒魷魚時間長一點，就帶魷魚絲的口感 選用的肉質真心不錯！ 熟食方面，選擇與質素也很不錯 前菜中的小辣蘿蔔、菠菜都值得一試 石鍋飯勁量！ 以芝士為主，上面鋪了紫菜與肉碑、芽菜 撈起味道真好，很有傳統風味

行過荃灣見到有間日式燒肉，同哥哥都好耐無食過燒肉，就即刻上OpenRice睇吓。點知係OpenRice冇咩食評介紹喎，當買鋪大細啦，搏一搏佢🎲。我哋揀咗澳洲和牛嗰個價錢＄288 ，有其他價錢嘅選擇，都係啲肉靚啲同選擇多啲，又平又貴自己揀啦🙂。厚牛舌、霜降排、豬梅頭、牛油金針菜同黑松露溫泉蛋飯都好好食😋見到啲相都想食多次🤤最後我哋叫咗大量菠蘿🍍，好甜好多汁，好正呀！呢間仲有香蕉🍌、棉花糖同迷你鯛魚燒😮味道都唔差嫁。。但係呢個放題係冇嘢飲嘅，叫一罐可樂＄18🤦🏼‍♀️

上次去大阪旅行✈，愛玩小編Foster帶屋企人食燒肉😋，才發覺日本燒烤比韓國燒烤好食很多😍！ 特別是燒頂級和牛🐄呀！今次，小編找到一間本地日本🇯🇵燒烤，而且還有和牛肉食啊，又令小編的食和牛心癮出來啦！😂🐄日本產黑毛和牛三品盛(HK$239) 🐄Lunch套餐包括3種肉：🔼 碎牛肉🔼 牛肋肉🔼 牛肩肉三款肉都只得幾片肉，雖然份量較少👎🏿，但是勝在新鮮👍！ 一邊燒，一邊血汁浸出！ 入口香滑，富有獨突的和牛香味呀！ 😍😍😍整個套裝配有白飯和昆布湯。值得一讚的是，昆布湯味道不太咸，超有日本當地餐廳的味道呀！ 餐廳： 牛太地址： 荃灣荃新天地地下G48鋪★晚上還有任食Buffet呀！

今日返完崇拜，同國王到荃新天地揾食，行咗去試新開的牛太燒肉。一個燒牛肋肉飯，另一個蔥燒醬豬腩肉飯，包海帶湯或沙律。又幾好味噃，連國王對食要求都幾高，都話好味。又唔使自己燒，又食得飽，爽啊。每位加一後盛惠65元。

今日午餐同同事嚟到荃灣荃新天地，見到有間新開既食店，就走入去試試！環境尚算闊落，不過我見佢哋最多人的檯好似得6 個人，如果人太多可能就要分檯坐！點餐是使用平板選擇的，我哋都要搞一陣先睇得明點用，大概似板長壽司的類型！我點左個kimchi燒肉飯，略嫌kimchi味不夠重！ 如果可以再辣d我會更喜歡，豬肉燒得很香，加上一隻生雞蛋打在飯的上面，非常惹味！另外同事點了個鹽燒豬肉，沒有太多配料，更突出了燒肉的味道！所有飯都使用珍珠飯，真係非常好味！ 不過份量如果可以再多d會更理想