影片
以上资料只供参考，请与餐厅确认详情
食家推介
之前我有六次光顾‘牛太’外卖，有三次被店员同我讲今日唔做外卖，话无同事做外卖服务，之后睇返外卖服务有二次可以落单，有一次外卖落单服务没有，但系打电话去查询对方用唔咸唔淡广东话同我哋话今天唔做外卖，我真系‘吓’咗一声，之后另一次都系咁嘅答案，之后我出电邮问佢公司系咪咁教员工答外卖客人，但系到今日仲未收到任何回覆……
继续阅读
一家三口第一次试，食午餐放题，想试极上和牛，但店员话未返货，叫我哋试豪华烧肉，一场去到是但啦，咁咪试，点知中伏！一坐低已经叫左两转廿碟，但只系上左几碟，烧完上碟后无其他牛出，连小食前菜，乌冬，饭，紫菜都无，隔离枱就系咁keep住出，忍唔住问侍应，佢叫我哋重新落单，我话已经落左2转好多碟，佢话厨房出单机岩岩无哂纸，要我哋落过。如果我唔问，就斋坐呆等，要知道放题限100分钟，仲要完之前30分钟停止落单，自己厨房出问题唔同客人讲声，仲要岩岩开巿都未坐满，已经搅到咁。之后陆续上菜，点泡菜，佢比泡菜萝卜，同佢讲，佢话咪岩啰泡菜萝卜嘛，妖，对自己产品都唔认识求鬼其拎d野比客食。原本想食和牛，因为有小朋友，咀嚼能力无大人咁好，豪华餐既牛，烧完好韧，唔好话小朋友食唔到，我哋大人食完都牙胶软，肉质唔掂，薄牛舌就食到。第一次食已经有不愉快经历，唔会有下次！
继续阅读
牛太放题有3个grades，今次简左HKD469极上和牛烧肉放题，呢个grade可以任食日本产黑毛和牛！值得赞既上菜速度几快。同埋佢地唔会好似某d烧肉店一黎就上有哂牛/鸡/猪拼盘填饱你个胃先叫左黑毛和牛霜降扒、牛肋肉、牛脊肉，三款都唔错，够牛味食落又嫩。个人最喜欢食霜降扒海鲜方面试左广岛蚝同带子，广岛蚝有点腥，带子一般。因为有黑毛和牛叫，所以无咩意欲试食其他肉，叫左日本产豚肉，中规中矩，但唔会想再叫。泡菜白菜、萝卜：唔算辣，易入口凉拌菠菜、粟米：无咩味烧菠萝唔甜但未至于酸甜烧牛油蕃薯仔个汁有点怪，唔识欣赏迷你鲷鱼烧个馅比较少，食上黎比较单调想试特色烧香蕉但无货饮品方面虽则选择唔多，但有生啤亦有新汽水品牌饮，颇有诚意。最尾有杯Movenpick服务好好乐意换网整体黎讲，和牛几好食，为和牛可再来。其他麻麻地，始终系烧牛肉店唔可以expect其他都同牛肉同级数。店舖比较细，座位有限，建议订位。
继续阅读
📍牛太 𝗚𝘆𝘂𝘁𝗮 (荃湾) 今次系我第一次食呢间位于荃湾既牛太，❤️但系佢已经荣升左我心目中最爱既日式烧肉放题𝗡𝗼.𝟭🥇!! 佢嘅放题食物选择好多，除左多款肉类海鲜之外，连小食、熟食、饮品同甜品都有好多款，仲要都好高质!! 佢地环境好舒适，而且抽风系统好好，食完都唔会有成身味。😉呢到会有三款烧肉放题选择，我地就选择咗最高级别既极上和牛烧肉放题！𝑰𝑻𝑬𝑴𝑺 𝑶𝑹𝑫𝑬𝑹𝑬𝑫:◾️极上和牛烧肉放题 100mins ($469)牛太而家进行紧❄️冬季主题「日本の冬のおもてなし」，意思姐系这个冬天来自日本的温暖款待💁♀️~ 叫呢个set仲会送出期间限定既御节豪华和牛肉二つ重箱，第一层选用左和牛稀少部位，包括和牛颈脊、厚切牛舌、辣椒肉同肉眼芯，而第二层就系和牛西冷片。😍佢地既卖相超吸引，每款和牛既色泽都好靓，望落鲜明红润，纹理细腻，而且油脂分布均匀，牛味香浓！🥩和牛西冷片是和牛中最高级的部位，肉质柔软细腻，油脂丰富，食落超香，而且入口即溶！建议大家以和牛片蘸上鸡蛋去食，口感超嫩滑，然后仲可以配以萝卜蓉柚子醋，带出和牛既独特脂香，格外清爽！😈食肉兽唔够既话仲可以即刻扫QR code点其他肉类，除左和牛外，仲有多款豚肉、鸡肉、串烧等，超满足！🐷豚肉肉质鲜嫩，口感嫰滑。而串烧叫左鸡软骨串，烧完超香口，食落脆卜卜咁！海鲜都点左好款，包括🦐大虎虾、牛油带子、烧广岛蚝同帆立贝，款款都好吸引好新鲜！除左以上既烧物之外，佢地既熟食都好高质！😆冷稻庭乌冬我地encore左几次，乌冬好弹牙，口感烟韧，汤汁清清地咁，正好帮我地解一解腻。💓辛辣海鲜豆腐火锅都好正，入面配料丰富，味道唔算太辣，但就够哂惹味！🍨甜品方面都有好多选择，有迷你鲷鱼烧、特色烧香蕉、酱油海苔年糕串、烧棉花糖等等，不过我地有啲太饱所以冇试哂咁多款~ 另外最后仲会有每人一杯Movenpick雪糕，超满足呀！🤤下次一定要黎encore试哂d甜品！𝑨𝑫𝑫𝑹𝑬𝑺𝑺:📍荃湾杨屋道1号荃新天地地下G48& G50号舖Shop G48& G50, G/F, Citywalk, 1 Yeung Uk Road, Tsuen Wan
继续阅读
今次就去咗荃湾嘅荃新天地食呢一间烧肉嘅放题！我哋今次就叫咗一份极上和牛烧肉放题！$469嘅价钱可以食到非常高质嘅牛肉真系好正！而且生啤，汽水都系任饮！呢度嘅牛肉真系好好食，而且主打都系日本产嘅黑毛和牛！我好钟意呢度有唔同部位可以选择，整体来讲呢度嘅牛肉都非常高质！牛肉嘅油脂味道好香！而且入口即溶嘅感觉真系好爽！一间好高质嘅任食烧肉！非常值得推介！
继续阅读