牛太 (已結業)

荃灣開左無煙燒肉，好開心帶爸媽去試，一早book定位去試，仲叫左最貴日本和牛套餐，和牛非常好👍又軟又juicy!只係當order到第三次（其實每次只係三小塊）,咁....催左三次，每次都話「切緊俾你」...等左二十分鐘先再黎左四塊，仲有漏左一次order!😡😡😔而俾出的和牛只有越來越小塊！好失望😞跟著又要截單，夠一百分鐘！！雖然員工好好，好禮貌地跟進，但係都要等。。其他食物都好！任飲Ashahi、可樂等飲料，不過都唔想再去!😡

極級豪華和牛放題 ($428)-又有新嘅燒肉放題登陸荃灣喇，喱間仲有和牛食🐮。喱度主打係日本產嘅黑毛和牛，分別有霜降牛肋肉、牛脊肉同埋角切肉。三種和牛嘅肉質都好嫩，不過司令就比較鐘意牛脊肉嘅口感同埋肉味，整體都係高質嘅😍。另外叫多份溫泉蛋白飯配住食就唔會膩啦。-除左和牛，仲有豬肉、雞肉、蔬菜同埋海鮮，選擇都幾豐富，例如海鮮方面，佢有牛油帶子、帆立貝、魷魚同海蝦等等，質素都ok。雖然每位價錢唔算太平，但係計落性價比都幾高嘅，都算得上係幾抵食。-食到尾記得叫埋甜品食，司令就揀左燒香蕉同綿花糖啦，燒一陣就食得，最後食埋送既Movenpick雪糕，夠曬滿足。

放假睇完戲好肚餓, 睇下商場有咩好食, 呢間係新開既日式燒肉, 一個價任食, 仲有好多牛既選擇, 一於試下.環境都幾大, 位好舒服, 而且抽風力強, 食完都無油煙.而且係平板電腦點菜, 清晰又唔會錯, 仲好快.雖然話好多款牛, 不過都叫左D其他肉食下, 有豬頸肉, 五花腩, 牛胸肉, 牛脊肉, 牛肋肉, 牛霜降迷你扒等.份量按人頭, 咁就可以樣樣試下唔洗咁飽. 牛胸肉同牛脊肉軟淋無筋, 肉味香濃. 豬頸肉亦都好軟嫩彈牙, 五花腩燒到好脆口.牛肋肉, 牛霜降迷你扒非常肉厚, 脂肪分怖平均, 但食落唔覺有筋, 仲好軟腍入味, 牛味好濃.燒到剛剛好熟, 賣相非常吸引.仲有牛舌, 有汁味道更濃,  牛舌雖薄但爽口.大蝦好粗又大隻, 蝦頭好多膏, 食落夠晒爽口彈牙, 夠鮮甜.食咁多肉就要食D蔬菜, 有野菜盛合, 冬菇, 粟米, 雞脾菇, 翠肉瓜, 南瓜等, 新鮮乾淨.仲有蒜蓉金菇, 有個錫紙盤裝住黎燒, 咁就唔會變乾, 做法非常好.食多幾轉已經飽晒, 每次encore既肉質素都非常好.我地個SET仲包一杯movenpick雪糕, 為燒肉畫上完美既句號.

食肉獸又有福了，荃灣新開了燒肉放題店，位置在荃新天地可是十分方便是晚同朋友來試試，經過店前完全聞唔到油煙味，抽風系統做得好好呢。在門口看了看餐牌，好似$288個餐多款又抵食啲，有雪糕送好緊要，哈哈一行四人就點呢個價錢嘅放題啦。新開業不久，所有野都好新淨，用具，餐枱等全部無痴立立，感覺衛生舒服。有數款汽水果汁任飲，落單即刻拎黎。肉也是一點即到，等了只有兩三分鐘，在店舖全滿的情況下係好快呀。肉選擇不少，牛，雞，豬，海鮮，蔬菜都有得燒，基本上已調味，好好味又好新鮮，望落已經好吸引。明火網燒爐，好快熟亦易控制，有點心機就不會燒燶。除了肉，仲有不少沙律食，呢個涼伴秋葵勁正，一直encore再encore。沙律用麻醬呀，好新鮮爽口，麻醬落得勁多好正！芝士玉子燒？忘了名字了，甜蛋都好味，可惜半溫吞唔熱唔凍咁，燒下會唔會正啲呢？一眾牛肉，個人推介牛小排，牛仔骨，牛舌，好好好正。蕃茄牛油果沙律，食得肉多又要食下蔬菜中和下最後係甜品時間啦，有菠蘿，蕃薯仔等，仲有鯛魚燒，朱古力香蕉，新款又好味。呢個餐仲有一人一盒雪糕，正。食物一點即到，個爐又燒得快好易熟，絕對夠時間食個飽，食完個身無一陣燒烤味，整體感覺良好

最近好友搬到荃灣, 入左去探佢, 順便同佢食飯因為佢老公今晚出左差.佢帶我黎呢間新既既牛太, 我地揀左hkd288既餐, 有成70幾種野食揀.一開始食d 沙律/ 菜先, 要健康d~之後我地就點左好多特選牛、豬、雞，款式多多，而且有d仲一早調好味, 好食又新鮮.另外仲叫左金菇，蠔、帶子，全部都有錫紙dau 裝住.亦有熟食, 我地揀左鳥冬、豆腐湯, 味道都好唔錯=]最後去到尾聲, 再食d 甜點, 菠蘿、甜番薯、仲有我最中意既秋葵。埋單侍應仲話有movenpick 雪糕食, 真心正.overall 都幾抵食, 環境又舒適, 服務都幾好, 下次會再食 =]

見到有新開餐廳，裝修幾特別，所以lunch同同事去左試下。主要係食燒肉，但由於時間關係，我地選擇左食set lunch~ 但只有4個選擇😑：燒牛肋肉飯、鹽燒豚肉飯、辛辣豆腐鍋、溫泉蛋泡菜豚肉飯，午餐仲配有昆布湯或者沙律。個人覺得選擇少左d。我揀左鹽燒豚肉飯配昆布湯，個昆布湯既味有啲似豬肉湯，湯面都幾多油，但幾鍾意佢加左啲芝麻粒。而碗飯既感覺有d 似吉野家～豚肉既份量都幾多，味道ok, 但個飯就細左d, 男士如果就甘食一個飯可能就唔多夠，好在可以免費加湯同飯。個飯本身冇咩汁，所以我加左少少點燒肉嘅燒汁，味道會好d, 但唔知係咪因為咁所以食完飯覺得非常口乾，飲咗好多水。

很久沒有逛荃灣，除了多了ikea外，還有不少新餐廳，對我來說很有新鮮感。很久沒食燒肉了，晚餐就選擇牛太。內裡好大，環境舒適，抽氣系統也不錯。選了$288套餐，100分鐘放題，用tablet點餐。小食有香滑玉子、開胃蘿蔔、芽菜等。壺漬牛肋肉色澤鮮豔，感覺幾新鮮，而肉粒有點厚，燒熟要點時間、肉質嚼勁帶點肉汁。有特選牛肋肉、牛脊肉、牛胸腹肉等等比較大件，所以不用點太多網燒好有風味，不過肉切得較大件，而店員沒有給剪刀，原來係有剪刀的！好多牛牛牛的燒肉，點了一款辣味，味道不錯，醃得入味。烤到有焦香味，好正。還有蝦、帶子等海鮮放題蝦不算太新鮮帶子不錯除了牛，也點了五花肉，不過好薄。甜品有菠蘿、香蕉（如果有朱古力醬更好）、紅豆魚魚（好易燶，紅豆較甜），還有朱古力蛋糕不錯。最後有好味的movenpick雪糕作結。

餐廳地方大, 坐得舒服, 得閒會再黎,佢有玉子食, 其實整得唔錯, 唯有一樣野可以改善,就係醬料可以分開, 因為茄汁未必個個岩食, 反而分開上由得客人點會更好,因為有很多人喜歡就咁食玉子的味道!拉麵唔算大碗, 味道都OK ,豬骨湯黎, 腸仔係我自己燒完放入去食!湯底算係幾濃,有小小咸的.肉類上得好快, 我地唔係食和牛既餐,所以介紹唔到和牛了,我地係288既餐, 但D牛都幾好食的~比較好食既係極上牛助肉.佢地有調左味, 我覺得小小燒肉汁+本身肉質軟既牛助肉真的不錯!燒爐大約係咁既樣, 唔算易起火,燒豬既話會比較易, 因為多油, 但爐設計都好重要,如果好易起火,其實好難燒~無咁ENJOY.值得一提係呢到有MOVENPICK食呀!! 不過好似每人只可以拎一盒~

來到荃灣和朋友聚舊，兩個男生當然去吃放題最為化算。牛太是荃灣新開的餐廳，提供各款燒肉放題，晚市由二百到四百元不等，有平有貴。我們點選了華美清馥，有73款菜式可供選擇，限時100分鐘。餐廳走高科技路線，點餐都是用ipad 的。還懂計算用餐時間，預計截單時間，非常方便。特選牛肋肉/特選牛霜降迷你扒/日本產豬腩肉這三款肉都較為薄身，能在短時間內燒熟，鎖住肉汁之餘又富有肉味。燒大蝦/鹽燒帆立貝/牛油蒜蓉燒蠔海鮮是必點的回本食物，全部都很有鮮味。冬菇/翠肉瓜/雞脾菇/金菇怕燒肉太膩，可以點幾款蔬菜，翠肉瓜很爽貼。香慈溫泉雞蛋飯配黑松露醬油吃燒肉之餘當然要送下飯，這款飯伴以雞蛋和黑松露醬油，味道特別亦加強了味道的層次。汽水飲品也是無限量供應，有各款汽水可供選擇。movenpick 雪糕沒想到還附送movenpick雪糕，吃完心滿意足。

天氣終於漸漸轉涼，早晚時份，沒有陽光寒意更濃，真想大叫一聲「秋天我歡迎你」！由於 BeautySearch 是個既怕熱又怕冷的人，所以最愛秋天，這星期步出公司的大樓正門時，天色已灰心起來，日短夜長的日子，放工回家時特別覺得孤單寒冷，忽然很想吃一些溫暖的食物。 早前途經荃新天地時發現新開了一家以『牛』為主打的食店 -《牛太》。數早前，BeautySearch 的皮膚出現敏感徵狀，為免徵狀惡化，因此也有一段時間沒吃好好吃一頓牛肉了，遇上清涼天氣，忽然很想吃燒肉呢！於是，便決定試試這新店子。 店子佈局時尚，簡簡單單，又甚有獨特風格，感覺相當年輕化，有別於一般烤肉店。 這裡的食物款式選擇也不少，共有 3 款價錢的燒肉放題，包括： § 39 種食物任食 - HK$218 樂選放題 Good Time Course § 73 種食物任食 - HK$288 華美清馥放題 Great Beef Course § 82 種食物任食 - HK$428 極級豪華和牛放題 Premium Wagyu Course 價錢越高，食物種類越多，我們點選了中價的放題套餐 HK$288，其實已相當足夠，可以

媽媽突然話想食韓燒 但又唔願出油尖旺唯有上網睇下大家有咩好介紹啦見到呢間牛太好似唔錯 即刻實地體驗下係坐得幾舒服喎 樓底勁高 空間感十足燒肉放題 我地㨂左$288 個款電子落單 無論前菜定肉類方面款式都幾多有羽衣甘藍沙律 之前未食過 口感比較硬身海鮮款式唔算多 不過有蝦有帶子有蠔份量唔算多 岩晒我地 可以叫多兩轉肉類方面 基本上每款都有兩三款口味有鹽燒·辣味 牛舌我地㨂左䓤味重有幾款唔同嘅牛肉蔬菜方面款式如下食飽飽重可以㨂甜品食 個朱古力蛋糕好食重有我至鐘意嘅movenpick 正

環境裝修: 有日式元素, 用格仔窗, 簡單卡位風格電子化用平板落單, 唔使走出走入去夾食物拎飲品, 亦會過濾套餐內, 可揀選既食物, 又有顯示last order同離座時間。前菜熟食及沙律: 香蔥溫泉蛋飯配黑松露醬油, 韓式芝士石鍋飯, 石鍋飯以芝士泡菜鋪面，仲有紫菜同芽菜，材料十足，另外溫泉蛋口感細滑，用燒好既牛配食就最正。流心芝士奄列,  微甜香滑, 配芝士粉同茄汁, 開胃之選。羽衣甘藍雜果仁沙律, 羽衣夠新鮮, 菜本身有點苦澀但加左醬油, 再配埋椒同果仁, 整體配合還是唔錯, 而且食左咁多肉類, 要食返呢種高纖低卡健康食物先平衡到, 哈哈!主菜上演: 大堆頭有牛肋肉, 牛脊肉, 牛胸腹肉肉類都分三種口味:鹽燒、燒汁或幸味噌, 個人比較喜歡燒汁, 味道較中和, 唔會太搶太刺激, 岩岩好試到牛肉本身既味！牛肋肉，牛味重，油份較多，有筋位幾有咬口感。牛脊肉，鮮嫩得來有肉味，油花也夠。至於牛胸腹肉，最有嚼口，肉味亦最濃，肉身較厚建議剪開細件燒，快熟又保持juice霜降迷你牛扒, 油脂分佈夠平均, 肉質較緊緻, 色澤潤紅，入口滿滿牛香。 霜降迷你牛扒, 快速燒2邊, 鎖住肉汁, 再剪開燒多

今次牛魔王話事去咗荃灣食燒肉放題。牛魔王讚口不絕，專食燒牛肉，而且啲牛肉仲好高質素。有三款牛肉，三個價錢，任君選擇。而且用平板電腦下選菜，又簡單又方便，完全冇漏單。我哋選擇中等價錢$288有78款選擇 : 牛肋肉、牛背肉、牛胸腹、牛仔骨…樣樣都有，味道都仲鹽味、辛味噌、燒汁味，真係好多選擇 ; 再睇真啲仲有蔬菜 : 鮮冬菇、翠玉瓜、粟米…又有海鮮，豬肉、腸仔…再嚟仲有熟食又有甜品，真係好多嘢選擇，每樣食一件，都可以令到你捧住個肚走。當然最重要就係啲牛肉質素，真係冇得頂， 雪花均勻而且鬆軟，冇牛騷味，反而食到牛嘅鮮味。 枱面仲有一樽醬汁點起牛肉，有另外一種味道。結帳時服務員提醒仲有雪糕食今餐真係好滿意。 大家都話下次要食428和牛。

上次貪新鮮和朋友試新餐廳中伏... 今次做了功課，確保荃新天地新開張的牛太是明火網燒，100分鐘任飲任食，本來覺得100分鐘不是太足夠，不過menu上的肉好像幾吸引，決定試一下。餐廳新開張，整潔光猛，雖然頭頂沒有一條條的抽風機，卻完全零油煙，抽風做得非常好。下單以tablet形式，先進而且沒漏單～下單時間有75分鐘，這段時間可以任點tablet上的食物和飲品。沒漏單100分鐘絕對夠飽的，吃番本亦沒難度！必食推介一號有牛仔骨，經過明火網燒特別有一份焦香（正！）好味得encore了四次，後來更是忍不住要配白飯（是不是只有我覺得燒牛肉和白飯最搭配呢？）鹽燒霜降牛肋肉（我們剪短了，本來是一大片）也是心水之選！我們一行四人是牛魔王，所以就沒多點其他肉類。除了牛以外，豬肉，雞肉和海鮮也有，我看見大蝦也挺大隻的，不過有朋友對蝦敏感我們沒有試。剛剛提過的白飯其實不是白飯這麼簡單！是香蔥黑松露油配溫泉蛋白飯，超～～～豪華！放題吃白飯相信不少人覺得有點傻，但牛太的配角絕對不容忽視！！配菜一號有芝士甜蛋卷。一客有五件的所以記得不要貪心一次過點太多。甜蛋卷沒過甜本來很不錯，如果可以暖食就更好了（是有一點冷，不

之前睇都食評都好想試吓都唔係次次行過都覺得好似好吸引，今日一於去試吓啦好犀利竟然冇任何有煙味，抽風系統竟然做得咁好！入到去佢會比三個價錢嘅燒肉放題你選擇，我哋揀咗中間嘅價錢＄288，之後佢就會設定比部Pad你選擇食物，肉類都有好多款！海鮮款式就唔算太多牛肋肉超級正迷你扒 好大份千祈唔好貪心牛空腹 都係心心眼牛仔骨 冇出現過中間肉 佢個名好得意就試吓啦點知出奇地好味生蠔 係日本嘅廣島再加上大量蒜蓉好香帶子 好香牛油味，比起出邊放題嘅未到調校得比較好魷魚。呢個本來冇諗住帶因為平時都通常唔會叫，但係我見到好似係成條咁就試吓啦點知出奇地新鮮棉花糖。搞笑要好小心鯛魚燒。唔小心燒焦燒菠蘿 好彩冇浸糖水大🦐 還可以不過冇再追加牛腸。呢個一定要試雖然比較肥但係笑下笑下就OK好香玉子薯仔沙律好味溫泉蛋黑松露飯可以唔使食，冇乜黑松露嘅味道蕃茄吞拿魚。攞嚟開胃嘅好清新泡菜 本人非常喜歡呢度嘅泡菜有特別係蘿蔔牛舌 厚切正好多，但係香蔥牛舌又係好正冇得彈玉子燒 呢個唔好食仲要好飽千祈唔好叫五花🐷 好香，但係要小心好搶🔥雞肉 見朋友食就麻麻哋香蕉。燒完記住可以問佢攞朱古力醬總括嚟講呢間野都係好正，真係幾值得推介又