牛太 (已結業)

今次牛魔王話事去咗荃灣食燒肉放題。牛魔王讚口不絕，專食燒牛肉，而且啲牛肉仲好高質素。有三款牛肉，三個價錢，任君選擇。而且用平板電腦下選菜，又簡單又方便，完全冇漏單。我哋選擇中等價錢$288有78款選擇 : 牛肋肉、牛背肉、牛胸腹、牛仔骨…樣樣都有，味道都仲鹽味、辛味噌、燒汁味，真係好多選擇 ; 再睇真啲仲有蔬菜 : 鮮冬菇、翠玉瓜、粟米…又有海鮮，豬肉、腸仔…再嚟仲有熟食又有甜品，真係好多嘢選擇，每樣食一件，都可以令到你捧住個肚走。當然最重要就係啲牛肉質素，真係冇得頂， 雪花均勻而且鬆軟，冇牛騷味，反而食到牛嘅鮮味。 枱面仲有一樽醬汁點起牛肉，有另外一種味道。結帳時服務員提醒仲有雪糕食今餐真係好滿意。 大家都話下次要食428和牛。