牛大人台灣火鍋吃到飽 (大鴻輝(荃灣)中心)

营业中

休息中

火鍋吃不厭，台式火煱都係我喜歡的， 台式湯底好特別，比較濃，是我的喜好。跟老公返荃灣探奶奶，老人家好耐冇食打邊爐，今日帶佢試新嘢~ 台式火鍋。荃灣眾安街大鴻輝中心除咗可以唱卡拉ok，仲有好多食店，《牛大人》今期熱爆，出名食物好、服務好，位於16樓有靚景。手機選菜，方便快捷。這店特別之處是火鍋底有濃味的牛骨鍋，也有清清地素湯底，仲有台式的，當然有麻辣湯底......我們揀咗台灣鳳梨雞鍋拼四目養生素食鍋，鳳梨雞鍋有半隻春雞，加上甜甜鳳梨味，感覺好特別。四目養生包括杞子、菊花、蟲草、龍眼..... 絕對係一個養生鍋，食到後段依然好香菊花味。輕輕鬆鬆叫多杯啤酒試下，店員介紹味道有款淡啲，有款濃啲。澳洲極上和牛套餐(吃到飽)一定要試，和牛任叫已經抵返曬，且每人送兩粒和牛牛丸，平日怕韌唔食牛丸的我，今次都愛上了"和牛牛丸"，除了爽口彈牙，仲可以食到牛的脂肪香味，正！澳洲和牛M5牛肩肉是要讚。安格斯特選牛板腱也是好選擇，肉質較淋，一淥就熟，食得。牛胸爽原來是這個樣子，今次第一次吃，淥完之後有少少似花膠，爽爽地好好食。手切封門柳，記得唔好淥得太耐，牛肉味香濃。豬雪花肉片~爽口。牛媽秘製滷大腸/牛媽秘製

我討厭自己的為食！因為朋友一句話牛大人要試，所以我第二日即刻走左去試！！餐廳喺大鴻輝17樓，係限時兩個鐘頭任食，我哋五點到達，先係門口量體溫再用消毒酒精搓手。餐廳好大，而且居高臨下，景觀非常開陽。因為時間尚早，人未算多，所以選擇坐卡位！   套餐有三種，分別係精選嫩牛、美國安格斯牛和澳洲極上和牛。最後揀了極上和牛餐，因為餐入邊的牛肉選擇多很多！湯底是另一重點，有九款可以揀，而且有幾款係出邊比較少見，例如薑母鴨、台灣鳳梨雞、酸菜白肉等，最後揀咗蒜頭雞鍋，貪佢可以殺菌！    落單係用iPad自助點餐，掃描QR code鍾意點咩就點咩。不過都有自助區域，醬料區有響鈴、烏冬、公仔麵，仲有滷牛肉、珍珠米等。兩款特飲要大讚，枸杞養生茶和冬瓜茶都好好飲！    仲有蔬菜區，有丸類和不同蔬菜可揀。因為套餐入面食物選擇已經好多，所以都冇乜點過丸類和菜，主打食肉。落單至上菜都好快，蒜頭雞鍋湯底清甜，雞肉似韓國人參雞咁，細細隻，煮得好稔，啲肉一拆即起！   上左第一round肉，雖然唔算厚切，但放得好整齊，重點係有我最愛的牛白肉！魚肉厚切，海蝦也新鮮，個牛丸好好食，不可錯過。  Ip

難得約到知心朋友一齊食飯，當然要去試新野，收到料「牛大人台灣火鍋吃到飽」係荃灣新開分店，即刻book檯準備刷餐飽。上到去第一感覺唔錯，環境大同埋乾淨企理，卡位用中國節氣命名頗有特色，另外就座後十分貼心地提供了口罩袋，給「一罩千金」既時候有一個方便衛生的處理方法，不錯！牛大人係採用一貫台式吃到飽用的掃碼網上點餐，好方便易用。我地係要左「極上和牛吃到飽19:30前離座」既套餐，湯底要了「阿嬤養生濃湯鍋」。第一輪先點多一些不同種類但份量少一點，了解邊幾種食物比較喜歡，下一輪再補強，免得浪費。係食物大軍來臨之前當然要先做準備：拎調味料同飲品。調味料站有十多款不同類別的調味品，均用膠盒妥善存放，旁邊更有數種主食可供選擇，大胃朋友要注意了。飲品櫃除左一般氣水、果汁以外仲有三款自家泡茶：菊花普洱、白桃烏龍、桂花烏龍，我就鐘情白桃既香氣，所以選擇白桃烏龍啦！入口清新，甜度合適。值得一讚既係上食物速度好快，基本上一落單，五分鐘左右就會上齊。第一輪我叫了「鮮甜海蝦」、「澎湖花枝漿」、「真味牛肉漿」、「爽脆炸魚皮」、「美人花膠」、「牛媽秘製滷大腸」、「手切封門柳」、「爽脆炸魚皮」、「瓜仔雞水餃」、「台式蝦餃

不嬲肥雞都好欣賞牛大人火鍋放題呢一間嘢呢間又台灣傳過嚟嘅過江龍真係可以打低一種香港本地嘅放題火鍋店首先呢家要講下佢嘅肉嘅質素先佢嗰啲牛肉全部都非常之高質仲可以加錢食安格斯a5和牛其實係以二百零300蚊嘅價錢嚟講係非常之抵再講佢嘅海鮮嗰啲海鮮呢係非常之大方咁樣整畀你每一塊魚肉例如菜肉鯇鯇魚片嗰啲都非常之後唔似出面駁到可以望穿佢出面都自助火鍋料呢都係啲大路嘢但係都有一啲比較有台灣特式風味例如係水年咁肥仔都幾鍾意陣味最需要讚佢嘅飲品櫃佢嘅飲品櫃入面有自製冷泡烏龍茶桂花茶等等可以啱曬一種減肥人士唔使制飲肥仔水

使人一試難忘的牛肉火爐, 雖然要等好耐, 但都值得....今次叫了 "紅燒牛骨鍋" & "春村白玉酸菜鍋"牛鍋-太正, 濃濃的牛肉味, 回想起也想再試菜鍋- 跟白開水一樣, 失望因叫左"極上和牛"套餐, 所以每位贈送 "澳洲M9和牛-牛丸.牛丸多汁, 彈牙, 係小弟暫時食過最好味的牛丸另一樣推薦給大家的係"鴨血", 味道細膩香滑, encore之選另外仲有精美包裝的自家製飲品值得推薦的餐廳...

差唔多早3星期前訂位，只有17:30這個時間，好不容易等到用餐當天。選了美國SRF極黑牛套餐$188+，叫了鴛鴦鍋，另外加$50，麻辣味火鍋併台中蒜頭雞鍋，叫了麻辣味小辣就剛剛好，適合香港人既口味，而台中蒜頭雞鍋味道較淡，吃不出蒜味。外面有很多丸類，菜類，粉麵類，滷肉飯，飲品，醬料都是自取，選擇都很多很豐富，有不少更是台灣直送。點了很多款牛肉也很靚，不會過多都是肥膏，肉質都很嫩，唯一不好是不知道來的那款牛肉是那一款，因為侍應都是把肉類一碟碟疊高。麻辣鴨血配麻辣湯底好好味，好彈牙。士林豬血糕煙煙un un,好吸湯。漿類和手工餃子都很多種類和新鮮。台式小食就有台式腸仔，炸甘薯，鹽酥雞等，味道就普通不夠熱。Ig follow and like 會送一杯黑糖珍珠鮮奶，不過珍珠較淋，奶味不太香濃。最後每人有一杯movenpick 雪糕，超級滿足。這間用電話落單方便環保，送食物時間都很快捷。總結食物款式非常多，好有台式風味，價錢不算貴，非常適合牛魔王和一大班朋友聚餐。

先生喜歡吃和牛，有天看到報導講這裡了一間台式火鍋就來到，有幾款不同選擇，當然就叫了先生喜歡吃的澳洲植上和牛餐，款式都不少，而且好多都是台灣風味，好期待，湯底有七款，我就叫了眷村白玉酸菜鍋，價錢十分抵食而且質素幾好，入面環境舒服，位置都十分闊。桌上有個袋仔放口罩十分窩心，出面有不少飲品自家制的茶和台式飲品，丸和菜都放得好整齊。見到這裡有台灣手工啤就一人一杯，各有特色，一杯比較甜，另一杯有花香，二杯都十分易入口，岩晒火鍋時飲用。湯底來到酸菜味都好出而且白肉都入味不錯。每位都有二粒和牛牛丸先生十分喜歡，肉汁多之餘又有咬口，和牛好濃牛肉香。牛肉都不同部位選擇，每款各有不同但都濃牛肉味，我就喜歡比較薄身切和牛，而先生就喜歡有咬口。除了牛之外仲有新鮮海鮮，不同台灣餃都十分特別。沒想這裡仲有台灣小食添，十分新鮮又脆口，鹽酥雞好味道。茶類喜歡飲白桃烏龍清香帶香桃香，先生就喜歡飲可可，甜度可以又有朱古力味。最後仲有一人一雪糕食十分飽肚。

雖然天氣開始轉熱, 但冇損打邊爐既心, 今晚相約友人到荃灣食台式火鍋放題, 自肺炎疫症後大多火鍋店生意大跌, 但這家牛大人似乎沒有這情況, 當晚還是全場爆滿, 可見人氣很旺呢!餐廳內有少量卡位, 大檯都以活動式隔板分隔, 環境、座位都很闊落。設有自助醬料區, 混醬款式多又整潔飲品方面有熱飲, 還有個大雪櫃, 除左罐裝汽水, 還有餐廳自家製樽裝茶品。丸類同埋蔬菜類 分類放於盒中, 夠哂衛生我地都是食牛既愛好者, 所以就揀左價錢最貴既【極上和牛餐】HK$288/位而湯底就揀左台灣鳳梨雞鍋, 有半隻雞, 鳳梨味唔太突出, 但湯底味道極之清甜, 而且不是味精湯, 食完成餐邊爐, 返到屋企都唔會狂飲水果種。入座送每位兩粒和牛牛肉丸, 對比任食既牛丸更多汁彈牙  飲品方面, 我地極之欣賞餐廳自家製既茶品, 每款茶都有淡淡茶香, 而且是無糖, 健康又清新LIKE & SHARE 餐廳 社交平台PAGE, 仲送一杯黑糖珍珠鮮奶, 鮮奶香滑, 甜甜地煙韌既珍珠, 正!另外, 有幾款餐廳即沖特飲, 可以自選甜度同冰量大部分火鍋配料都以scan QR code落單, 款式多多, 尤其牛既種類肉類均為薄切,

我第一次寫食評 就正正因為對放題冇咩特別好感 有時候放題入面想食好小小 比二百至三百在加一任食 但最終好似吾知食左咩落口 不如搵間好餐廳單點 起碼吾洗食得咁趕時間 又食得出咩味道😂😂但呢間咁多方面總括我個人覺得係值得食的💕 首先我想講冬瓜茶同黑糖珍珠奶茶真係好好飲 兩樣野都吾會太甜 話係放題呢兩樣野唔需要加錢 但間野都絕對唔會兒戲 👍🏻 牛餐方面有3個價錢揀既我今次揀係中間既價錢 其實我都覺得夠食 ☺️ 食物方面係放題既質素算高質的，種類不算超級多 但勝在貴精不貴多 要有的都有 擺放乾淨 食都食得安心 唯一我覺得韭菜餃子如果用生餃會比較好 因為拎出黎已經熟左 要在放入鍋入面在熱一熱 餃子皮會爛 第三方面 員工非常有禮貌 要提早埋單既時候會比埋雪糕紙 我冇為意比錢既時候比埋 但我仲未食完雪糕已經黎左 仲放左一段時間 我心諗好吾好問下可吾可以幫我雪住先呢 😂😂點知有位員工好好走過黎問我需唔需要幫我雪一雪要食在拎出黎 感覺好貼心 仲有放題係一定會漏單的 但呢間真係冇 你要幾多佢比幾多 仲好快上 總括嚟講真係食得開心會知自己食左咩野既放題 價錢合理 位置舒服 食物乾淨

25-2-2020牛大人🐮高質任食邊爐澳洲極上和牛(7:30pm前離座) $238/位 *另加一服務費*每位贈送澳洲M9和牛牛丸兩粒-自從知牛大人係荃灣開咗就好想去食🤤咁啱2月生日！所以早成個月前已經Book左佢做生日大餐🤣-叫咗最貴嗰套餐 但計埋加一都係$262/位其實幾抵食！以任食邊爐嚟講又高質素！所以隔咗一星期後又再嚟食過🤣雪糕係Movenpick每次有3款你揀！我哋呢兩次就揀咗士多啤梨同焦糖合桃！-先講個湯底 我哋叫過牛骨髓湯同麻辣湯！牛骨髓湯味度濃郁 我地再叫啲牛筋同牛肚落去煲令到個湯底更加濃味 麻辣湯分大中小辣 小辣相對唔食得辣既人嚟講可以接受 嘴麻痺嘅感覺都係少少-強烈推介佢嘅安格斯牛小排同M5和牛牛肩卷 食落唔諧口！手切封門柳同一口牛安格斯食落好有口感 呢幾款牛肉都好香牛味！贈送嗰4粒和牛牛丸咬落爆汁好正🤤-呢度除咗用Apps落單之外 出面嘅配菜種類亦多選擇 例如牛柏葉.貢丸.乳酪香腸之類👍🏿麵都有幾款可以揀 王子麵係我哋推介嘅 好吸湯底個味！仲有啲台式食品例如滷肉飯.鹽酥雞.炸番薯可以作為餐前小食-呢度飲品真係選擇超多 而且個茶樽又好睇！除左出去攞嘅飲品 用App落單

一向都麻麻地任食火鍋,因為覺得啲料好差，但係朋友極力推薦呢間就試咗，叫咗個阿嬤養生鍋，火鍋清清地，有少少藥膳嘅味，入邊有啲紅棗、杞子、蟲草花，單飲好似湯，不過唔緊要，因為佢調味料嘅選擇多，而且好衛生，唔記得咗講佢入場前要先酒精消毒同量體溫，安心d! 我哋要左最貴嗰個和牛套餐，因為佢都可以選擇安格斯嗰啲牛，變咗選擇好多，咁當然要食返夠本啲和牛，牛味好濃郁，脂肪比例好均勻，估唔到任食都有呢啲質素，而且睇返個價錢性價比好高！正想講好想飲啤酒，估唔到呢度連手工啤都有，同男朋友叫咗一人一支，店員推介女仔飲愛羅武勇，甜d果味d!山霧就木香d,两杯都吾錯！$58only如果唔飲酒都唔緊要，因為佢有好多台灣飲品，甚至係自家冷泡茶，飲品櫃隔離就係蔬菜區同丸類，全部都係自助嘅，但一樣衛生，而且唔會擺到啲食材乾晒，我仲見到有台灣肉藻飯食。iPad入邊仲有啲貴啲嘅食材，例如海鮮，花膠，水蓮，全部都大件又新鮮，總之呢間我係一定會回頭。

兩小時任吃任喝台式火鍋城開張，環境又大又衛生。因為疫情關係，我們來歡樂早場，看似人流不多，但到晚市時段，坐滿人了，所以還是訂座會比較好。湯底印象中大概8款選擇，有辣有不辣，我們點了素清湯，這段時間清一點滋潤一下喉嚨比較好吧（笑）這裡採用了電磁爐，無火感覺比較安全。我們點了和牛套餐，牛肉有好幾款選擇，當中最矜貴的當然是和牛。不過照我看，其實豐儉由人的，因為我試過最便宜的套餐，牛肉其實也非常不錯啊。任食火鍋有封門柳這一類手切牛肉，真的很棒！還有不少其他火鍋料，當中還有台式的料，好像水蓮這類台灣蔬菜。手帶花枝滑，旗魚滑，內裡是看到有一顆顆的肉，而且真的很彈牙，極力推介！還有很多台灣夜市小吃，好像梅粉炸蕃薯粒，台灣香腸等等，兩小時真的不夠時間唷！！這裡有自助火鍋料吧，不過基本上用QR code點餐亦可，感覺比較衛生。醬料吧，種類超級多，當中的沙茶醬我覺得用來沾牛肉最最最最最好吃！必試必試！！自助飲品吧，這個氣勢真是不得了～不得不介紹牛大人的花茶系列，好好味！喝冷泡茶吃火鍋真是絕佳的享受！現在在FB or IG 打卡更送黑糖珍奶一杯，我想說，味道不比連鎖店三十多元一杯的差！喜歡喝黑糖的朋友絕不能

因為疫症嚴俊都好少出外食飯，對我呢個火鍋迷就唯有買餸回家食啦！今晚老公就比左個驚喜我，帶左我去荃灣試左間新開火鍋放題主打台灣風味，無論湯底食材都帶有台灣特色。而家大部份嘅枱已卡坐型式，一來私隱度高，二來食得夠安心，而且入門前探熱提供信封裝口罩同消毒搓手液超細心，讚！湯底都係火鍋嘅靈魂之一。佢地主打台式風味，甚至用台灣直送嘅食材飲料，我自己揀左台中代表的蒜頭雞煲，好特別用上粒粒蒜頭肉同嫩雞肉一齊餚，出晒味雞肉嫩鬆化，重點係用 QR code 自己落單，食材時間快速送上，除左唔會漏單之餘，食過唔夠先落 order 唔使眼闊肚窄浪費食物，更加除火鍋食物選擇，還有我愛嘅台式小食，如甜不辣，台灣香腸，鹽酥雞，肉餸皮蛋頭豆腐同炸五餐肉等。。。。不難盡錄。係台灣見過嘅公仔麵飲品更加之多選擇，最特別同推介係佢地提供嘅手沖烏龍茶普洱茶，能減底肥膩感又爽口，無甜味純天然，其次火鍋醬料也有自己製嘅特色肉汁，真係好鬼鐘意混醬。如果鐘意食牛嘅人必定大滿足，好少火鍋放題提供咁多牛種同部份揀而家叫幾多上幾多，不會吝嗇，今次同老公兩個推介封門柳，超濃牛味有咬口，不防每款叫一次之後再除自己喜愛加單就好了。真係 無令我地

好想打邊爐啊～朋友話去大鴻輝打一打，黎到見開左新店牛大人，不如就試呢間！上到黎睇一睇餐牌，原來有三款放題套餐揀，和牛餐都係238一位（七半前離座），好似平過其他牛火鍋店喎，就試呢款餐啦。自助區冷氣澎湃，蔬菜丸類等可以自己拎，前面的雪櫃放飲品，非常多選擇，花多眼亂！日式火鍋店通常放咖哩飯，呢度係台式，當然係台灣特色的滷肉飯了，可惜太飽最後無緣試了。牛大人的名物冷泡茶，是日有四款茶，個人喜愛白桃烏龍，淡淡的桃味同清香的烏龍很夾，雖然係白桃，但都係無糖的，十分啱口味。湯底有九款選擇，我地揀左四目養生素食鍋，鍋內有蟲草花，雜菌，杞子，龍眼等，好清甜，未開始打前先喝一碗，哈哈，好味好味～醬料區也是十分多選擇，自己攞左牛肉汁加腐乳醬再加大量芫荽，腐乳醬真心正，有無人鍾意腐乳通菜？就係呢啲腐乳醬啦，點咩都好好味㗎。打卡like 社交平台送黑糖珍珠奶茶一杯，黑糖味勁香喎，有飲品店的水準！旁邊的係麻辣鴨血，又香又滑，不過係火鍋料黎唔可以即食，滾完後個麻辣味會淡左。左起係封門肉（超有牛味），豬血糕（煙煙韌韌的），豬大腸，水蓮（台灣名菜），前面係鹽酥雞（一般，不夠味）同台灣香腸，香腸好正，平時去台灣菜店食都

估唔到我睇完打邊爐家族之後竟然不停打邊爐 之前己經見到牛大人開左但一路都無去入門口會度體温叫做多一重保障其實都幾多人幫襯個飲品櫃都fill得好滿我諗佢啲茶飲係最有特色只可惜我唔飲得要左個菠蘿雞湯底個雞好jeng呀😭😭😭 煲左一陣仲好滑 好好食叫左好多餸我覺得個蝦 睇上去好新鮮好大隻但烚完爛爛地咁有啲失望反而個蜆係超級吸引勁大隻呀!!! 勁鮮甜而且無沙 脹卜卜咁係後尾食到幾隻有待應忍唔住收走左我碟蜆殼🤣🤣🤣一人一杯movenpick🥰放係個爐隔離整到佢融融地好正 我覺得個樣有啲唔同望一望 原來係made in Switzerland