牛大人台灣火鍋吃到飽 (大鴻輝(荃灣)中心)

营业中

休息中

牛大人雖然已經開咗一段時間，但係要食嘅話唔訂位其實都有啲難度，所以今次一個月前已經喺網上訂咗座，而網站亦都有一張幾詳細嘅電子版menu可以睇睇嘅。（不過留意返，電子版呢個Menu唔係最update嘅，因為去到嗰陣店員再比我地嘅Menu費用大概上調咗$10左右）呢排疫情嚴峻，而牛大人嘅衛生措施都做得幾足！例如入座前要量度體溫、職員會幫客人噴酒精喺手消毒等等，而且食嘢途中都有一次幫客人噴消毒酒精嘅，可見佢地做事十分小心謹慎。而且相關措施亦都有放喺facebook上面，以消除顧客嘅不安感。由門面已經可見裝修相當中式，而且有位比客人坐，就算要等位都唔怕攰啦我地訂嘅時段係5點，舖頭啱啱開，所以都比較企理，而且人流都未算多，如果下次心郁郁想食嘅話相信5點Walkin其實都唔係問題，不過book定就安心啲。舖頭嘅位同位之間都有隔版，唔洗驚隔離枱啲飛沬可能會噴到過嚟。座位亦都幾闊落，坐得幾舒服😌。另一個早到嘅好處係：like 社交平台可以有免費黑糖珍珠鮮奶一杯，原價要$25！而且佢係送完即止嘅。所以早到就有著數黑糖珍珠鮮奶係正常發揮，不過啲珍珠就嫌略硬，如果可以再軟身啲就好啦Scan QR code之

**牛大人台灣火鍋吃到飽-荃灣店**知道荃灣新開左呢間任食火鍋，就好早訂左座黎試下 我諗我有兩個月無打過邊爐 所以好期待🤣訂左18:00 係門口已經見到有人等位我地揀左澳洲極上和牛 HKD288Like FB 有黑糖鮮奶送😯湯底要左酸菜白肉，我地個餐會送每人兩粒澳洲M9和牛牛丸，超正，我平時唔食牛丸😏呢度係用QR CODE落單 又方便又環保印象中好似無黎錯或者漏單👍🏽食物同飲品款式亦好多！自助既食物雪櫃都好乾淨企理！最後仲有杯Movenpick 送希望下次黎既時候 一樣咁高CP值啦

牛大人算係近期最Hit既火鍋店 出名既原因係性價比高 2個鐘食到飽 有超過120款配料同飲品 有3個套餐 我地本住要食好啲既心態 簡左最貴$238既「澳洲極上和牛」套餐 早過7:30離座有優惠醬料區既醬料好多選擇 最特別係有好多台式小食 真豬小香腸 梅甘酥脆薯 士林鹽酥雞 第二市場直送既滷肉飯等 滷肉飯油香十足 係牛肉 打邊爐食到一碗真係好滿足🤡牛大人湯底有9款湯底可以簡 其中既帝皇薑母鴨鍋要加$50 我地就簡左阿嬤養生濃鍋 用左大骨熬成基底 入面有杞子 蟲草花 桃膠等藥膳加入新鮮蔬菜做成濃郁回甘既養生湯簡最貴既套餐會送每人澳洲M9和牛牛丸兩粒 和牛牛丸 牛味好濃郁🐮 一咬落去 十分juicy! 有牛汁同彈牙 好好食😋牛肉有好幾款 選擇都算好多 唔同牛肉部位都有得食🤣 特別推介就係安格斯特選牛板腱 依款牛肉呢就比較薄身 唔使淥好耐都好快熟 好有牛味 脂肪比例岩岩好 一盤都唔係好多塊 好輕易就可以食到幾盆海鮮類總共有6款順德鯪魚球 沙白 海蝦 真台灣魚鯛片 脆肉鯇魚片同鯇魚腩 我最推介沙白同海蝦 沙白大粒鮮甜 海蝦新鮮彈牙 連蝦頭都有膏 我地都encore左幾次🤡私房鴨血出面好少火鍋店有

好彩前幾日BOOK左位咋，因為真係好多人等! 入面比人感覺整齊又乾淨。所有調味料、蔬菜類、丸類同飲品都係自助式，最緊要都係比我地覺得好齊潔，而且好多好多選擇，尤其係飲品，普通嘅就唔特別講，最特別佢地有D茶類︰菊花普洱、桂花烏龍。佢地有三個套餐揀，我地揀左植上和牛，真心好正，牛又香又嫩，諗番想再去食，同埋我地揀嘅係比較清嘅湯底︰台灣鳳梨雞鍋，我個人好鍾意菠蘿，湯底有一小片一小片菠蘿片，有時同牛夾起黎食，我覺得好夾好好味，牛味帶點微酸甜。整體嘅野食都好滿意，最後仲有一人一杯Movenpick 雪糕，正呀!

經同事介紹，佢食過旺角個間牛大人分店，所以叫我試下荃灣新開個間🤣因為聽聞旺角分店晚晚爆場，所以我一早就book定枱，輕輕鬆鬆等食😏成層都係牛大人既，勁大又乾淨，裝修亦好靚👍好有style ，坐得又舒服。牛大人有3個套餐揀，我地揀左個美國SRF極黑牛餐🤤仲加左$50要左個鴛鴦鍋（台灣鳳梨雞湯+牛夫人秘製麻辣湯）鳳梨鍋絕對唔會伏，仲因為鳳梨既關係，個湯頭勁勁勁甜🤤又冇味精，打個邊爐都開心啲🤣麻辣湯底男朋友話佢好香，麻辣度適中，再加埋佢既鴨血，冇得輸😏牛大人係用平板落單，調味料，某些配料同野飲就係出面拎。勁多配料台灣直送👍勁多選擇，貨源充足，唔會有得睇冇得食🤣呢度啲茶好吸引，桂花烏龍勁香，消膩一流👍我想講呢度落order勁快，每次落完單唔使2分鐘就會送到，仲要全部冇漏單😍😍好成餐飯概嘆左好多次🤣真心讚賞，絕對唔會因為送菜慢或漏單情況影響食野心情😏（你懂的）牛大人既食物選擇真係好多，每樣嗌一份都可以食飽🤣，佢仲要有好多海鮮選擇🤤啱哂我，沙白真係好甜，又冇沙🤤牛肉種類亦都有好多，質素亦好高同一致，唔會話一碟好肥一碟好瘦😎除左配料之外，仲有一啲台式小食可以order， 滷牛肉飯， 鹽酥雞，台灣腸等

想試牛大人好耐但係永遠訂極都訂唔到位等到最近荃灣新店開業終於訂到醬料區醬料區擺放左成打醬油配料可以按照個人喜好任意配搭阿嬤養生濃湯鍋九款火鍋湯底全部經由台灣師傅親自主理；阿嬤養生濃湯鍋基底採用大骨原湯配搭多種養生藥膳以及大量新鮮蔬菜熬製鮮香甘濃澳洲極上和牛套餐餐廳提供三款套餐價位相差大約四五十蚊；全部套餐價錢包括基本台灣在地直送配料以及特式小吃澳洲M9和牛牛丸澳洲極上和牛套餐每位贈送兩粒澳洲M9和牛牛丸；牛丸質感相對軟嫩而且牛肉鮮濃爆汁真心推薦手切封門柳/一口牛肉粒/澳洲和牛M5牛肩卷澳洲極上和牛套餐以及美國安格斯牛套餐差別基本就係三款牛肉；手切封門柳屬於貴價部位肉質軟腍；一口牛肉粒大細適中而且質感柔韌；澳洲和牛肩卷肉質軟嫩而且油脂甘香安格斯特選牛板腱/安格斯牛小排美國安格斯牛套餐主打安格斯特選牛板腱以及安格斯牛小排；兩者同樣肉質柔嫩同時油脂豐腴油花均勻蟹籽墨汁漿/澎湖花枝漿/台灣海鮮漿/真味牛肉漿澎湖直送花枝打漿口感爽彈混搭蟹籽以及墨汁相對鮮甜而且層次豐富台灣海鮮漿拌蝦仁正宗真材實料；真味牛肉漿同樣採用台灣直送在地牛肉打製必點推介自助火鍋配料吧自助火鍋配料吧設各款蔬菜以及丸類粉麵；丸

上網看「牛大人」評價較高，食物質素及選擇完勝其他台式火鍋，即相約朋友聚餐。星期日五半入場，從沒想過這日子這時段會爆滿，幸好朋友有訂枱，否則也不知能否吃上。個人較喜歡入黑前吃火鍋，可以吃飽肚點，飯後還能散步消化。七半前離座這時段優惠得很，星期日任食放題只是港幣158元，而最頂級極上和牛任食也只是248港幣，放題包括安格斯及和牛等。選擇好價錢即由電話點餐，方便快捷。貼心飲料櫃，除了有罐裝汽水、茶等，還有自家製支裝養生茶，包括洛神花茶、菊花普洱、桂花烏龍。冷泡茶製作，使花香茶香具體呈現，卻沒有半點茶澀味。醬料吧提供基本選擇，光潔俐落，還有台灣朋友最愛吃的麵類，提供正宗台灣貨。澳洲極上和牛套餐 （HKD248)九款鍋底選其一，選擇了阿嬤養生濃湯鍋，以雞湯配上中式藥材熬製，湯底濃香鮮味，奶白色質感順滑。澳洲M9和牛牛丸（八粒）入座即送上澳洲和牛牛丸，肉質極爽脆彈牙，密度適中，牛肉味濃香，味道出色。澳洲和牛M5牛肩卷 （任點）澳洲和牛色澤鮮嫩，油花豐富，涮一下入口，牛香濃郁。雖然比不上日本和牛，但在放題而論確實是高質素。安格斯特選牛板腱 （任點）蟹籽墨汁漿（任點）店家提供多於自家製手打海鮮滑，包括

取名牛大人台灣火鍋，牛肉質素真的無得挑剔！120分鐘吃到飽套餐有3款，同Honey 慶祝生日，點了澳洲極上和牛餐😘😘每位贈送澳洲M9和牛牛丸兩粒(散點$58/3粒)🙊雖然外表與一般牛丸無異，但牛味濃郁又彈牙超正👍🏻👍🏻鍋底有9款選擇，我地揀咗阿嬤養生濃湯鍋。內有杞子、蟲草花、桃膠⋯⋯因為胃容量有限，整晚係喥隊和牛🤤🤣脆肉鯇魚腩、魚片、海蝦🦐都好新鮮！多款台式美食，鴨血、滷牛肉飯、台式蛋餃、秘製滷大腸、冬瓜茶、黑糖珍珠鮮奶、自家冷泡茶⋯⋯牛胸爽、新鮮沙白、豬雪花肉片、手切封門柳澎湖花枝漿、真味牛肉漿、瓜仔雞水餃美人花膠、牛媽秘製滷大腸、鯛魚片除了Asahi、1664生啤，呢度仲有台灣手工啤，掌門精釀生啤(山霧)$58帶有花香味，清香得來唔會喧賓奪主！👍🏻餐廳開張唔係好耐，環境舒適頗大又整潔，手機落單超方便，而且上菜速度都好快。二百幾蚊有呢個質素仲要吃到飽任食超爽😊

上星期同朋友食左呢間好正既台式火鍋店！係朋友推介既，我就第一次黎。整體感覺都十分好，有別於一般火鍋店。仲可以用手機落單，幾新穎。食材都係台灣直送架，全部都好新鮮，食得放心。仲有好多類自制特色飲品。有三款火鍋套餐選擇，我地揀左120分鐘美國安格斯牛吃到飽。湯底就揀左阿嬤養生濃湯鍋😍感覺好健康配料方面選擇超多超豐富，有肉類、海鮮、炸物、小食、菜類等等。肉類方面我地叫左安格斯牛板腱、安格斯牛小排、西班牙豬五花片、西班牙豬梅肉片等。海鮮方面最有驚喜係沙白蜆！好大隻，又鮮甜，我地叫左好多隻😂 不過幾正既係佢有好多類魚片和魚漿選擇，如鯛魚片、鯇魚片、鯇魚腩等，花枝漿、海鮮漿、手打旗魚漿等。仲有好多台灣直送的配料，包括鱸魚片、蟹籽墨汁漿、干貝鮮魚漿、手工川丸子等，好有特色。個人幾鐘意墨汁漿和干貝鮮魚漿，既新鮮又好有咬感！不過配料選擇實在太多，無得試晒全部。蔬菜🥬可以係出面個櫃到自取。由於係台灣直送，所以特別有胃口，連菜都食左幾盤😂冬瓜茶和酸梅汁👍🏻最後每人仲有杯雪糕。好滿足。真係飽到上心口！

天氣咁凍，打邊爐一定唔少得！最近啲friend 都強烈推薦呢間牛大人台式火鍋！呢度係採用120 吃到飽既模式，分三款唔同級別既牛肉，有唔同既價錢。除左牛肉之外，唔同既套餐都仲有啲唔同既食材可以叫既！咁今日我地就揀左澳洲極上和牛套餐，每位$288呢個套餐除左可以任食澳洲和牛M5牛肩卷之外，仲可以任食一口牛肉粒、手切封門柳等等。湯底方面，我地就揀左牛大人紅燒牛骨鍋。睇返介紹，佢呢度既牛骨鍋係用左牛腿骨先燒後燉去煲，所以燒牛骨既味道超濃，用黎食牛肉同埋滷水料都係超正極上和牛套餐送既澳洲M9和牛牛丸，粒牛丸爆哂汁，好食，可惜唔係任食。澳洲和牛，肉質嫩滑滷水牛肚，夠淋夠入味，同牛骨湯超夾，一定要試！台灣鴨血，必食！海鮮任食，蝦同蜆都唔錯另外都有台式小食，過下口癮，唔錯最後仲有一人一杯雪櫃，係Movenpick 黎架！！

台式麻辣火鍋味道真係成日都咁令人掛念牛大人同台灣食到既麻辣火鍋味道好相似食物質素高開頭肚餓可以食d熟食先有皮蛋豆腐，鹽酥雞，滷肉飯幾款都好食，雞又熱辣辣又脆皮，皮蛋豆腐醬汁調得啱啱好，加埋魚干香菜和部份丸類係冰櫃自取其他係電話落單澳洲M5牛肩，手切封門柳，安格斯牛肉粒，牛肚等等肉類加麻辣火鍋真係好好食，又唔會好辣特別係M5牛肩夠薄片，真係淥一淥就食得，唔會韌墨汁漿，牛肉漿，澎湖花枝漿漿打得夠實，食落爽口台灣直送鯛魚片和鱸魚片，啖啖肉仲有花甲，蝦等等飲品都好多選擇，有盒裝好重麥香既麥仔茶仲有即點既台式飲品，我叫左呢個冬瓜茶少甜，另外仲有一櫃飲品可以自取較有特式既係樽漿茶飲，最好就係無糖樽入面放左茶包洛神花茶酸酸地開胃之選，桂花烏龍淡淡桂花香，仲有菊花普洱食飽飲解膩最後食返個台灣既王子麵埋單既時候一人可以揀一盒雪糕

上星期五，天氣凍凍地，就想打邊爐，平時一家都會食大鍋口既任食，點知執左，轉左呢間牛大人台式麻辣火鍋都係任食。咁打去book位錄音話要去面書訂位，點知又爆曬位，咁博一博walk in等位，早6點去到拎定飛，門口姐姐好有禮貌，話我地要7點9有位，拎定飛，唔使等，咁岩我地一家都係想呢個時間食，真係perfect!入坐卡位都好闊夠，好舒服，環境裝修幾好!落單叫野係用QR code。叫湯底先，因為想試多個湯底，所以加50蚊叫左個麻辣和酸菜白肉湯我地試個最平198餐牛，雞，羊同豬4種肉，但意外地係code menu多左一種牛係安格C牛,咁緊係叫來食😋其他野食大部份都好台灣，甜不辣，好多餃，有鴨血，朱血糕，丸，最好味都係蝦同蜆都好新鮮，蜆好大粒但無影到。除左落單，都有任拎野食，野飲都算豐富，而野飲算特別，係自家制，幾好飲，飲唔曬又可以拎走，個樽又可以番用!雖然時間只得2小時，但上菜快，準確，員工有禮貌，對答解釋清楚，最後仲有甜品係我最愛movenpick👍整體上可以再encore😋🤭

🥢荃灣新開台灣直送食材台式火鍋放題🥢呢間新開的火鍋店，主打台灣直送配料，之前已經喺旺角分店試過，感覺唔錯食材都幾多款式只係味道比較淡今次朋友率先試過話好食，所以都過嚟荃灣分店再試一試🥢特級安格斯吃到飽 $258 (新春期間加$20)🥢收費混亂，今次食選擇中間價位，網上訂位版面的價錢$228,來到荃灣店，餐牌寫$238,但特別日子要加$20,入坐時先通知要加錢，所以問清楚價錢先食，以免誤會🥢醬料很多，鼓油味道比旺角好食好多，蒜蓉是粒狀的，很好的改善，醬料好食可令整個火鍋美味不少🥢今次選了麻辣湯，荃灣分店的湯底味道很香，而且幾辣，很有台灣麻辣湯的感覺🥢選了中間價錢，多了幾款肉類選擇，第一輪的牛肉是最靚，入口白濃牛味，其後加了兩次，肉質麻麻，瘦而且鞋口🥢海鮮，沙白蜆有驚喜，勁大隻又解甜，令人想食多幾隻，蝦幾大隻，有蝦味，雖然唔爽，但都算幾甜🥢蔬菜類可以出去雪櫃自取，而最特別是水蓮菜，是台灣直送的，只需煮10 秒，食落清爽索索聲🥢有幾款魚漿類，墨魚漿由其好食，用了墨汁加了墨魚粒，墨魚打成容整成，爽口彈牙，墨魚味好香，仲有很多款台灣直送的丸類腸類，有個叫玉子腸的幾得意，食落是玉子蛋味的🥢飲品有台

今日嚟到呢間以任飲任食台式料理火鍋做主題嘅餐廳，六點鐘左右嚟到，已經要等位啦，真係好多人呢度有三款餐俾你揀，我就揀咗中間嗰個美國S R F極黑牛餐, 揀完餐之後就到揀湯底啦，呢度總共有九款湯底可以揀，我今次揀咗個充滿台灣特色嘅台灣鳳梨雞湯，鍋底會有鳳梨，苦瓜, 嚟到先飲啖湯，酸甜開胃非常好味，而且仲會有半隻雞, 雞肉都相當亂嫩滑😋😋呢個餐總共有六款肉🥩🥩可以揀黎食，當中特別鍾意食嘅係安格斯特選牛板腱，同美國S L F極黑牛肩胛，冇咁肥之餘仲特別有牛味, 入口溶化呢度係用電子形式落單又環保又方便，有幾十款選擇之餘, 當中不乏海鮮類，沙巴蜆，海蝦🦐🦐等, 而且仲有一啲係寫明台灣直送嘅材料，例如澎湖花枝漿，爽滑豬肉漿, 台式蛋餃等等，仲有就係台式火鍋必備嘅鴨血😍😍，我覺得呢個係必食推介，有少少胡椒嘅味道, 非常好味除咗可以電子落單之外, 仲有一啲菜或者丸類係自己出去攞嘅，真係花多眼亂又有幾十款可以揀，當中特別特別推介嘅係芋頭貢丸 ，裏面有一粒粒嘅芋頭粒，我真係覺得超鍾意食，已經食到好飽都忍唔住再食多兩粒🥰🥰最後就係飲品啦, 除咗一般嘅汽水之外，呢度仲有冷凍茶可以飲, 又健康又好味, 另外而家

牛肉飯跟牛肉確實好吃，湯頭也不錯，服務人員態度很好。但是環境方面，座位窄逼，如果人數不夠坐大枱嘅話，就會坐埋窄逼的平台，座位唔舒服!啤酒非任飲，給料給的很小氣!