牛大人台灣火鍋吃到飽 (大鴻輝(荃灣)中心)

营业中

休息中

一向都麻麻地任食火锅,因为觉得啲料好差，但系朋友极力推荐呢间就试咗，叫咗个阿嬷养生锅，火锅清清地，有少少药膳嘅味，入边有啲红枣、杞子、虫草花，单饮好似汤，不过唔紧要，因为佢调味料嘅选择多，而且好卫生，唔记得咗讲佢入场前要先酒精消毒同量体温，安心d! 我哋要左最贵𠮶个和牛套餐，因为佢都可以选择安格斯𠮶啲牛，变咗选择好多，咁当然要食返够本啲和牛，牛味好浓郁，脂肪比例好均匀，估唔到任食都有呢啲质素，而且睇返个价钱性价比好高！正想讲好想饮啤酒，估唔到呢度连手工啤都有，同男朋友叫咗一人一支，店员推介女仔饮爱罗武勇，甜d果味d!山雾就木香d,两杯都吾错！$58only如果唔饮酒都唔紧要，因为佢有好多台湾饮品，甚至系自家冷泡茶，饮品柜隔离就系蔬菜区同丸类，全部都系自助嘅，但一样卫生，而且唔会摆到啲食材干晒，我仲见到有台湾肉藻饭食。iPad入边仲有啲贵啲嘅食材，例如海鲜，花胶，水莲，全部都大件又新鲜，总之呢间我系一定会回头。