牛大人台灣火鍋吃到飽 (大鴻輝(荃灣)中心)

营业中

休息中

第一次光顧荃灣分店， 是經朋友介紹. 這裡環境乾静，座位濶落，最重要是侍應有禮貌，食物很快送上，飲品選擇又多，食物質素好又新鲜，唔怕貨比貨，藉得推薦，下次可以再幫襯

今日見同女朋友去荃灣行街，就特登去大鴻輝試下間牛大人火鍋店，成日聽人講話好正好正，講真咁耐以來我淨係聽人講過話一鍋堂正，其他嘅我都好少聽，今日一定要試試，我哋食早場因為貪平，大約5:30左右到，全場坐左一半，一坐低就揀湯底，湯底有好多選擇都好吸引，我哋就揀咗個麻辣湯底，揀咗個最平嘅餐試下，環境都幾舒服，好快就到啦湯底都幾足料喎，主要都係喺手機落單，出邊都有一些基本野可以攞，例如丸菜，配料都唔錯，丸種類好多，手機落單就主要肉類，食物好新鮮，推介既有海鮮，熟食，湯底，飲品有好多特別既選擇，冬瓜茶好正，終於知道點解咁多人等位，好快會再來。

終於有時間寫返個食評啦之前係啱啱疫情前，同班朋友去咗荃灣分店食火鍋歡聚。嗰度幾好㗎，飲品甜品自己出去攞啦，醬料自己攞啦，配料都自己攞嘅…咁你自己想食乜就自己夾啦咁呢。 醬有齊曬，尤其是我的喜歡嘅芫茜，夠新鮮唔錯唔錯。另外主要生嘅食物呢，就禁pad order。飲品好得意㗎喎，有一樽樽入好咗嘅凍茶，仲有好多款味道添。最愛就係桂花味啦，朋友佢哋都有飲洛神花茶…酸酸地又幫助消化又開胃。仲有只要like佢哋嘅社交平台， 每人都送咗一杯珍珠奶茶😋講返主打先佢哋嘅牛，真係好好食重有多款選擇。我哋encall左多轉。點解因為我哋一行14人🤣 其他嘢都好好食呀…例如去嘅鴨血啦我哋真係覺得好食到不得了，重點就係呢每次叫嘢嘅時候，呢得快啦，侍應又有心機又細心 熱情喎，疫情過後，我哋成班都決定會再嚟多次再encore

位於荃灣既牛大人, 我地7點黎到已經有好多人等緊位好彩都只係等左30MIN就入得, 天氣凍凍地最岩就係食火鍋呢度都幾多唔同既湯底可以選, 雙拼要加50, 所以都係叫單煲算全部都好健康的感覺, 我揀左鳳梨雞鍋味道都幾夾, 比我想像中更好味除左用手機落單之外, 仲有外面既自助取食材區我最鐘意既牛丸都可以係外面拎到!!雞件呢個湯底入面係有雞件既, 超嫩滑而且大大舊口感一流必點就係呢個A5牛, 肥瘦分佈得好平均只需要落水十秒都不用就可以食得!!!仲有魷魚都係任拎!! 點煮都唔會難食!!同FD加左杯手工生啤!! 幾推薦呢個愛羅武勇味通幾特別, 有淡淡既香味!!最後仲有甜品送 係MOVENPICK黎!!超滿足

來自台灣既牛大人, 唔單止出名既係台式火鍋更係佢最著名既茶!! 黎呢度既目的之一就係飲佢D茶哈哈等左一陣就入得, 呢度有幾個唔同既任食PLAN可以食得我地就揀左最貴個個, 因為有好多唔同既食材可以食到一次過滿足我地幾個願望!!我地點左個養生煲台式蒜頭雞鍋入面已經有半隻雞既份量係入面, 好香既雞湯味道去到醬料區發現第一個必食既checkpoint!!就係呢個滷肉飯!!竟然有任食既正宗滷肉飯!!超有台灣口味既感覺係未食火鍋之前就已經食左一碗打底第二個重點就係呢度既茶係任飲架!! 即刻拎返杯正既先得!!和牛牛丸雖然係外面有牛丸拎到, 但係呢個加錢既和牛牛丸真係好值得叫因為係超超超好味!!大大粒入面既肉係超香口, 入口即溶另外必食既就係呢個蛋餃好有特式!!仲有超新鮮既蝦滑, 超正!!!

呢個時期，食火鍋絕對要揀啲衛生啲嘅餐廳，當然，都盡量少出街食嘢。呢一間就係新開嘅火鍋店，衛生程度高，而且係食台式任食，自己未試過，所以就約埋另一半嚟食啦。環境環境好大，每個座位都好寬敞，坐得舒服，食物選擇亦頗多，出邊嘅自助區種會飄着霧氣，望落衛生亦都高級。價目表有三個唔同價錢選擇，分別係$198、$238及$228，湯底有九個選擇，揀咗招牌「牛大人紅燒牛骨鍋」。澳洲極上和牛 $288最貴嘅呢一款，分別在於會每位贈送澳洲M9和牛牛丸兩粒，食物種類比起$288嗰款再多左澳洲和牛M5牛肩卷、手切封門柳、台灣鱸魚片、一口牛肉粒及豬雪花肉片。牛大人紅燒牛骨鍋個湯底好足料，除咗主角牛骨之外，仲有大量配料，湯底中藥味較重，感覺好補身，所有配料煮落去亦都好索味，不需要點其他醬汁已經夠晒味道， 十分適合喜歡吃濃味嘅人。自助區自助區主要係醬料區、飲品區及火鍋配料區。醬料類別都有啲係餐廳已經調好咗俾你，飲品區有驚喜，因為有自家製嘅茶飲，分別有桂花烏龍、菊花普洱同洛神花茶。而火鍋配料區都有啲特別啲嘅丸類，例如公園都瞓咗三款，有芋頭貢丸、香草貢丸及最常見嘅香菇貢丸，魚蛋亦用上台灣常見嘅品種虱目魚，淨係食遠慮都好

邊爐只能回味😢好耐冇食過咁高質既火鍋任食 等肺炎完左我一定會去encore架！😤-除左大家都拎呢打卡既果樽茶好飲之外🤣其實野食都幾多選擇同幾高質架！除左台式火鍋必備既養生湯底 同鴨血之外 仲有鹽酥雞、滷肉飯、排骨、王子麵同其他台式野食！🤤🤤羊肉幾好食 蔬菜類同丸類都超級多選擇！尤其係丸類 勁多未見過既味😂例如咩芋頭餡既貢丸 新潮得呢又幾好食😚😚正當我已經食飽既時候 發現原來仲包一杯雪糕 而且再送多杯黑糖珍奶🤯真心係飽到傻左🤣🤣呢間野cp值係幾高 難怪前排咁hit!

見佢荃灣新開去試一試水溫，一去到人少，可能疫情影響，wall in都可以有位，睇怕之後都做唔到，地方幾大。第一次去唔知咩湯底好，問職員推介我地雞湯底，我見有牛骨湯底，職員解釋落牛肉都得啦，所以選擇雞湯，湯底上左，見到真係落足料，有半隻雞係個鍋入面浸緊，煲熱個湯底試吓個味係幾濃雞味，跟住掃qr code落單叫火鍋料，看見料唔係好多，肉款叫做多少少唔同部位，其他咩海鮮，菜，熟食，台式火鍋料都得幾款，叫左鯛魚同爐魚，無特別，墨魚滑唔夠膠。自己評論味道唔差，但性價比就不高，同區火鍋價錢抵過佢仲多野食過佢，可以一試但唔會成為飯堂

Book完先爆出有個肺炎病人同親戚打邊爐令其他人感染，連老闆都係公司出聲禁止我地打邊爐。不過打邊爐又有咩好怕喎，病毒由飛沫同接觸傳染，就算同枱食飯都有機會染上的呀☹️所以照食！❤️Book位有著數，餐廳安排左我地坐近窗位😍打邊爐都咁開揚，好開心呀！仲要每個卡位都有各自的名字，春分🌷詩情畫意出曬黎😊牛大人分別有3款套餐提供，精選嫩牛，美國安格斯牛，同澳洲極上和牛。我地一於食個最矜貴的和牛套餐😜除左款式多好多，每位更加贈送2粒澳洲M9和牛牛丸😍而且價錢唔係貴好多，抵食！一坐低俾佢張餐紙吸引左😂好可愛喔～湯底方面有9款選擇，牛大人推介的有秘方麻辣鍋，紅燒牛骨鍋， 薑母鴨鍋，同鳳梨雞鍋。我地揀左新奇的鳳梨雞鍋🍍落菠蘿煲湯真係未試過，聞落幾清新，湯底仲有細細菠蘿粒。湯料有成隻雞脾🐥唔好掛住叫火鍋料，要試下隻雞呀😂呢個套餐有更多牛肉配料選擇，手切封門柳，一口牛，和牛M5牛肩卷等。自助食物。我就建議食多d QR code先叫到的食物啦。自助太普通唔抵😂台灣直送小食唔可以錯過！😜台式腸， 鹽酥雞，甜不辣，梅粉薯條，仲有皮蛋豆腐😍連飲品都有好多種類，draft beer，黑糖珍珠奶茶，茶飲，普通紙包飲品亦有

#牛大人 荃灣分店格局相當舒適，還有卡位😁可以開心安心盡情同朋友家人打下邊爐🍲🍲環境唔錯，再檢查其他自助飲品區、自助火鍋配料區、醬料區都非常整齊，又衛生，一盒盒食物用有蓋子膠盒盛著👍👍👍火鍋湯底有9種台式風味選擇，想鴛鴦湯就要加$50 湯底有大熱的牛夫人秘方麻辣鍋、牛大人紅燒牛骨鍋、帝王食補薑母鴨鍋、眷村白玉酸菜鍋及台灣鳳梨雞鍋🥘🥘🔹價錢最平$158 包吃到飽 120分鐘放題 真心抵食😙😙 有多款由台灣直送的火鍋配料，包括台灣直送鯛魚片、澎湖花枝漿、手工水餃、台式蛋餃等之外，還有無限量供應的肉類如西班牙豬五花片、安格斯肩胛牛肉等。更有得任食台灣地道小食，如有士林鹽酥雞、梅甘酥脆薯、甜不辣，更有滷牛肉飯🍛🍚味道好台灣啊😍😍😍🥤🍹我最喜歡這裡的台式飲品，冷泡茶桂花烏龍必飲，超回甘茶味☺️黑糖珍珠也多人選擇。 🍺手工啤酒我也試了，味道比較濃麥味，好滑🍺🍺😉😉牛大人地址：荃灣眾安街55號大鴻輝(荃灣)中心16樓營業時間：星期一至日17:00 – 03:00

呢日姨甥女幫我撲到兩盒口罩，約咗喺荃灣交收，咁辛苦當然要請佢食餐好嘅慰勞吓啦，知道牛大人喺荃灣開咗分店，一於試吓餐廳設有醬料區，各式醬料應有盡有，可按自己喜好混醬；除了電子餐牌上的食材外還設有自助食物區，提供各類丸類及火鍋配料；另外還有台灣直送區，提供新鮮蔬菜及菇菌類飲品方面都有很多選擇，最特別喺有自家製嘅冷泡茶，全部無糖，茶味清香，尤以洛神花茶帶微酸，醒胃消膩；打火鍋又點可以無啤酒，餐廳提供兩款掌門精釀啤酒，是正宗台灣品牌的手工啤酒，一款是愛羅武勇~用台灣在地龍眼蜜來釀製的蜂蜜啤酒，聞起來有蜂蜜的香味但入口又不會有甜膩感，另一款是山霧~有點微苦但果香味非常濃郁，很易入口入門口見到餐廳做緊推廣優惠，凡讚好FB專頁給店員睇就免費送黑糖珍珠鮮奶一杯，喺每人喎，勁抵阿嬤養生湯鍋湯底以大骨熬製配搭多種養生藥膳，味道回甘香濃澳洲極上和牛套餐套餐包每位贈送澳洲M9和牛牛丸兩粒，牛丸入口充滿濃厚脂香，彈力十足，淡淡油香，肉味香濃富層次感，齒頰留香，令人一試難忘其他值得推薦的牛仲有安格斯特選牛板腱，肉質結實，油花分佈均勻；安格斯牛小排，口感柔嫩，肉質軟腍，油花均勻細緻；安格斯肩胛牛肉，肉味濃郁，肉質幼

今晚去左呢排一直都想試既牛大人烚吓烚吓😋係主打台式火鍋，去之前其實都幾期待，但就略為失望，覺得小小多過其實。我地揀左$198美國安格斯牛餐，d牛肉幾有牛味，脂肪牛肉比例好均勻。但其實$148既牛肉都食得過！而配料兩個餐都一樣既，配料新鮮同種類都算多。推介配料有海蝦、蟹子墨汁漿同沙白。而佢亦都有提供台式小食：台式小香腸、酥炸午餐肉等。食火鍋同時食到呢啲唔同既小食確實幾特別。但係鍋底就略為失望！我地叫左牛大人紅燒牛骨鍋，但略為遜色唔太入味，亦同成個火鍋唔太夾。最後，飲品方面除左有唔同種類嘅盒裝同罐裝飲品提供，仲有凍茶同台式飲品。非常值得欣賞既有桂花烏龍茶，洛神花茶同冬瓜茶！一句講哂正！總括而言係唔錯既！但相比同類型台式任食火鍋，我比較推介一x堂，價格、食物質素及種類都高質啲。

好耐冇出街食嘢啦，尋日同好朋友去咗荃灣都叫做新開少少嘅牛大人，其實之前都試過旺角嗰間，不過呢間地方舒服一啲，冇咁逼人，嘢食嘢飲都好似多啲，坐得又舒服，不過尋日嘅牛有啲失左水準，唔知係唔係近來人流比較少左，不過佢嘅嘢飲始終都係我最愛，嘢飲多到都飲唔晒，最鍾意佢嘅桂花烏龍茶，仲有熱飲，同埋近來佢好乾淨，一盒盒咁，菜都新鮮的，我哋都勁食王子麵，因為王子麵係台式火鍋裏邊真係絕配，飯後甜品佢仲可以一人一杯movenpick雪糕，正呀

呢一間牛大人上網睇親都好評如前潮，話佢嘅食物質素高，而且價格又唔貴，性價比非常高。 所以肥妹仔今晚就同屋企人嚟呢度打個邊爐食晚飯。我哋每人揀咗價值250蚊一位嘅特級安格斯套餐。呢一度落單係完全唔需要寫紙仔，只需要用電腦平板上網嗌嘢食就得，非常之環保，肥妹仔好欣賞。肥妹仔叫完湯底後就即刻去飲品櫃度睇下佢嘅飲品。種類非常多，有自家製嘅普洱，桂花烏龍 ，同埋台灣飲品，好特別。佢嘅醬汁有好多種，方便大家依自己口味去調製，而且去仲有台灣特有嘅王子麵， 出面好小火鍋鋪有架。佢嘅安格斯牛肉同牛小扒質素好高，每一次上嚟嘅肉肥瘦均勻，而且食落去真係幾濃牛味，一啲都唔馬虎。小食方面肥妹仔叫咗呢一個皮蛋豆腐，幾好食。仲有麻辣鴨血，不過呢一個要淥一淥先食得。海鮮方便有好多有海蝦，脆魚鯇，鯇魚腩等等。而佢嘅海鮮真係冇得輸，非常之新鮮，肥妹仔同肥爸肥媽超鍾意食。菜同丸都有好多種類，不過肥妹仔最欣賞係佢嘅粟米，超級甜，肥妹就係未食過咁甜嘅粟米。

荃灣大鴻輝中心這棵大廈裡面，美食林立，多不勝數，今日決定來這間牛大人食一餐台式火鍋。已經是晚餐時段最早來到，下午5時半已經座無虛席要等位了。菊花普洱，洛神花茶飲品款式豐富，一排雪櫃乾淨企理整齊，除了一般汽水之外，最吸引人的要算是這些自家制的無糖冷泡茶。越來越多人注重健康，無糖茶清新怡人，有效解膩去脂，絕對是火鍋的最佳伴侶。阿嫲養生濃湯鍋有朋友不太吃得辣，於是便點了這個養生湯底。湯底清甜無味精，有些少紅棗及杞子比較補身。澳洲極上和牛薄切和牛放進湯底裡滾一滾，鮮嫩質感加上濃厚牛香味，令人拍案叫絕。虎蝦大大隻新鮮虎蝦也可以任點，肉質爽彈鮮甜，唯獨是剝殼有點辛苦。脆肉鯇魚片非常新鮮，沒有碎冰沒有雪藏味，肉質還是很有嚼勁。牛胸油想不到這裡連矜貴的牛胸油也可以任食，它是牛胸前肋骨上的一塊筋膜肌肉，含有豐富骨膠原，咀嚼時覺得牛香味比一般牛肉香濃得多，而且很有彈性。黑白墨魚滑，蝦滑，鯪魚滑還有多款手打魚滑，鮮味十足。掌門 - 愛羅武勇， 掌門 - 山霧這兩款是台灣手工啤酒，果香味出眾，麥味也濃，嚐酒的朋友不妨點一杯。最後甜品是每人一杯movenpick 雪糕，今時今日吃任食火鍋，這間牛大人款式豐富之餘