牛大人台灣火鍋吃到飽 (大鴻輝(荃灣)中心)

营业中

休息中

網上訂唔到位唯有Walk in，想食五點第一轉，所以早啲四點去排隊，以為自己都會排得前，點知上到去已經有成50人排緊。佢四點七先開始派飛，一路等其實都好緊張，因為唔知道佢留幾多張枱俾Walk in，好驚等成個鐘都冇得食。好彩最尾順利有位。嗌嘢食係用平板電腦，非常環保。上菜都快嘅，但一份嘅份量真係好少。第一轉唔清楚，每樣淨係嚟得一兩粒😂呢度個午餐肉有炸過而且係非常厚切，無論就咁食定係淥一淥先食都咁好味😋飲品方面有好多選擇，喺雪櫃自取嘅茶聞落非常香但就唔係好有味，我比較鍾意冬瓜茶，但冬瓜茶冇擺出嚟，要用平板電腦落單。甜品方面有雪糕或者仙草，我覺得個仙草都非常唔錯！但走嘅時候等𨋢等10世都入唔到，最後結果選擇行樓梯，好彩佢後樓梯都唔係污糟，就當食飽飯運動下啦！

星期日和朋友去荃灣逛街，行到四點幾想起附近有間牛大人火鍋長期網上很難預約，於是試下上去睇下 walk in有無位，最後拎到張7：30的飛大約7：30上到來等了5分鐘便可以入座任飲任食分三個價錢，愈貴的餐種類是疊加上去的，由於很難得才吃到呢間，我地選了288元最貴的套餐湯底選了牛骨湯底，選呢個湯底野食可以不用再點醬都好夠味墨油滑中規中矩豬雪花正常牛小排好好味，加埋湯底覺得有甜味牛五花都好好吃，但好薄🤣鴨血，由於我地唔係食麻辣鍋，所以好似無咁好食埋單每人可選一種甜品，我選了仙草凍仙草凍好細碗，同雪糕差不多大細，味道一般，都係雪糕好食D如果喜歡吃牛，套餐最好揀中或貴的套餐，因為最平套餐的牛真的一般，呢到食物質素真係唔錯，尤其是和牛牛丸，真的好好味，好重牛味，唔似平時的牛丸好值得再來食

餐廳：牛大人台灣火鍋吃到飽 (荃灣)地區：荃灣地址：荃灣眾安街55號大鴻輝(荃灣)中心16樓日期：31/8/2020 時間：12:00人數：2人 等位： 0mins 價錢： $276再+1 近期見牛大人咁多宣傳、啲食評都話好好，我哋就簡咗日放假lunch去試吓。由於佢食物款式好多，我哋想試多啲其他火鍋配料同小食，所以今次簡咗個唔係主打食靚肉嘅精選嫩牛吃到飽（$138 +1/1位 90分鐘），可惜原來中午係無鴨血提供，唯有下次晚市再嚟試下。我哋選擇咗紅燒牛骨鍋湯底，味道濃郁，絕對值得推薦👍🏻而火鍋食材同小食方面，我哋幾乎每款都叫晒嚟試，值得翻點嘅有台灣蛋餃、手打旗魚漿、台灣海鮮漿、士林鹽酥雞、梅甘酥脆薯，全部都好好食😋同去台灣食無乜分別；飲品就有好多唔同款佢自家製嘅冷泡茶，都唔錯。另外，雖然啲肉係最平果款，但因為佢個紅燒牛骨鍋太出色，基本上唔洗點醬油就咁食都好好味，呢個湯底配牛肉絕對令佢味道大大提升，完全好驚艷好出色👍🏻我哋絕對會翻食牛人😋抵食又高質嘅台灣火鍋店！大推👍🏻👍🏻👍🏻

今日老公早放工，就諗住試吓荃灣牛大人台式火鍋，我哋五點準時上到去，勁誇張，訂咗位嗰啲已經入晒去，坐咗一大半位，walk-in 嗰啲就要等。好彩我哋大約睇咗10分鐘就可以入去。叫咗個鴛鴦湯底，一邊係麻辣，另一邊係酸菜白肉。麻辣湯底夠辣，好香花椒八角味，而酸菜白肉一啲白肉都唔錯，肉質幾林。我哋叫咗中間價錢嗰隻牛肉，對於二百零蚊任食來講，呢個質素唔錯，有牛肉味亦唔鞋口。另外有幾樣野都幾特別，嚟到值得一試。蟹籽墨汁漿其實就好似出邊嘅墨魚滑，不過佢係黑色，同埋有啲蟹籽係中間，口感較特別。干貝鮮魚漿同上面個墨汁漿有啲似，不過幾重魚味，反而就食唔到干貝味。真味牛肉漿好香牛肉味，食落有啲似牛丸，口感彈牙。魚香皮蛋豆腐雖然佢個皮蛋乾乾地，但係佢個醬，再加少少蒜蓉同乾蔥再配凍豆腐真係好夾！水蓮知道係台灣特產所以特登叫一碟試吓，錄完之後都好爽脆，但係冇乜味，感覺幾得意。私房鴨血佢哋鴨血嘅質地同喺街買一盒盒嗰啲鴨血差唔多，配麻辣湯底比較夾，放落酸菜湯底嗰啲食落去嘅感覺有啲怪。牛媽秘製滷大腸大腸錄完之後好林，腸入面夠多肥膏，而且容易咬唔韌，索曬啲汁啲汁好好味😋買單嗰陣時會俾你揀甜品，記得要揀仙草凍，涼粉花奶再加

已經有好多人介紹過牛大人，去到一個唔試唔得既地步，所以一早 book定位黎荃灣呢間牛大人食個靚靚午餐P.S. 火鍋一定係午餐食先食得多而且冇咁大負擔，建議大家都午餐食。揀左極上牛吃到飽，有澳洲和牛 M5 牛肩卷，另外兩個平啲餐既安格斯牛同上腹牛五花都可以叫埋，都係二百幾，其實真係抵食過去單叫既餐廳。三款牛質素都唔錯，M5牛味重啲我呢個牛魔王比較中意，果然冇叫錯。西班牙豬梅肉片都好食，幾甘香。仲有因為牛骨湯已經好夠味，唔使點醬料都得，雖然出面好多醬汁配料可以 mix. 牛骨湯底值得一提落左好多藥材，大大件牛骨，超級足料可想而知味道係幾濃郁，再加上少少麻辣，落埋鴨血同冰豆腐以為自己去左台灣食。鴨血好滑又入味，豆腐索晒湯汁，正過響玲。台式小食叫左梅甘酥脆薯，炸左既蕃薯外面有啲梅粉，唔會滯，外脆內軟，香甜好開胃。台式腸同鹽酥雞一般般，可以不點。澎湖花枝槳，蟹籽墨汁槳都好彈牙，海鮮味重，一定好過食丸。必點牛媽祕制滷大腸，放落牛骨湯度最後先食夠冧又好入味。飲品方面冷泡洛神花茶酸酸地解到膩，最後食個甜品仙草下一下火。

難得放假冇其他野做就帶左母親大人黎拜會一下牛大人，落車行兩步路係眾安街55號大鴻中心就係，呢度都幾多食肆，牛大人就上16樓。我哋差唔多一開店就到，第一批人排隊入唔使等。座位多數係卡位，兩個人都係坐四人枱，所以都好闊落。90分鐘午餐吃到飽有3款 set 8款湯底，我哋難得黎到緊係揀個最靚既極上和牛吃到飽啦，加多50蚊叫鴛鴦鍋，一邊係清甜爽口既鳳梨雞，另一邊係少少麻辣重藥材味既紅燒牛骨湯，個人中意牛骨，因為食索汁既食材例如冰豆腐，娃娃菜，皇帝菜，公仔麵都起到相附相乘既效果，有台灣食火鍋既味道。另外牛肉因為叫左最貴既餐所以全部肉類都有得點，澳洲和牛肩肉比較重牛味，但個人中意油分較重既安格斯特選牛板腱，兩者都肉質都有彈性。呢度飲品特別之處除咗係有冷泡茶，仲有各式台灣飲料，但我哋胃就得一個，試左白桃烏龍，清新唔甜有淡淡烏龍味，好正，可以清一清口腔。可以自己夾既菜式有丸類，面類，蔬菜，全部都新鮮。所以真係食物同湯底都咁有水準，要打邊爐不失為一個好選擇。最後可以叫埋個仙草下一下火，食得太飽要去行一行落下格!

去長沙灣整完車牌行埋宜家傢俬興起想打邊爐醒起牛大人新推出午市放題決定試吓午市九十分鐘放題任食同樣分為精選嫩牛/特級安格斯牛/極上和牛三款套餐價錢相差港幣三十左右；另外可以加多港幣三十升級海鮮醬料區勁多醬油配料任搭嫌煩或者選擇困難嘅話仲有預先調配好嘅洋蔥牛肉同特調豬肉醬可以選擇台灣鳳梨雞鍋雞湯選用鳳梨以及苦瓜熬製台灣古早風味清熱解毒同時止渴醒胃澳洲和牛M5牛肩卷/安格斯特選牛板腱特級安格斯牛以及極上和牛吃到飽套餐主要分別就係在於呢款牛肉，和牛牛肩肉質緊緻而且油脂豐腴；特級安格斯牛吃到飽套餐主打牛板腱肉，質感柔緻同時油花均勻個人嚟講都幾推薦蟹籽墨汁漿/干貝鮮魚漿墨汁以及鮮魚兩款漿滑同樣亦係極上和牛吃到飽套餐限定鮮甜彈牙加埋蟹籽干貝口感好正台灣海鮮漿/澎湖花枝漿/真味牛肉漿三款吃到飽套餐都包任食另外五款漿滑全部採用台灣直送食材製作個人覺得漿滑正過啲丸台式蝦餃/瓜仔雞水餃試左兩款寫住必吃嘅餃然後絕對有比瓜仔雞水餃餡料爽脆嘅口感驚艷到魚香皮蛋豆腐等食嗰時叫咗啲台灣特式小吃食吓其中皮旦甘香綿軟配搭豆腐清涼嫩滑又幾好食自助火鍋配料吧大量蔬菜以及丸類全部任食重點係有個人最鍾意嘅寬粉淥完吸哂湯汁絕對係打

事源之前去幫襯，時間由1900-2100。 我同女朋友提前一個月前預訂咗，滿懷歡喜十分期待地叫野食，間食店的用餐時間是120分鐘，心諗可以落多幾次單，然而時間未到20:15，我哋在進食期間被通知要last order，比其他食肆早咗半個鐘last order。我覺得有疑問就向店員查詢為何提前咁早last order!!!但得到店員的答覆卻是‘你有冇會員號碼？’ 然而態度十分惡劣囂張，然而我本著不明白及想問清楚的情況下才發問，卻得到如此答覆，令我感到十分不解同失望。 以及最後仲提早廿分鐘叫客人離開，成個過程好似趕客走咁！！！經過今次咁既服務質素，一定冇下次！😠

見到佢有得上網訂咗即刻訂去食，我6點45分已經到咗等入座，都好準時7點有得入去。我地叫咗最貴$288套餐，鴛鴦鍋湯底普普通通。叫嘢食係用手機落單，亦都可以出去夾食物，飲品就係出邊自己拎。飲品種類都幾多，因為我鍾意飲茶，所以全部款嘅烏龍茶我都有試。牛肉牛滑係唔錯嘅豬雪花肉其實即係豬頸肉，個人覺得比較韌西班牙豬肉片正常。海鮮有2款，沙白係好大隻同好鮮甜，但海蝦就一般般，d肉有少少霉，唔夠爽。其實今次試嘅款式唔算好多，因為漏單比較嚴重，講真我地都唔係瘋狂咁叫，但每次叫完都黎唔齊，到最後lastorder再叫都係無黎到⋯呢度最平嘅餐係$198，加埋一$2百幾，個人覺得可以有其他選擇

近排秋風起，大家都會諗起食火鍋，同屋企人朋友一齊圍埋個爐食野傾計。而講起火鍋，大家亦會聯想起近期很夯的牛大人台灣火鍋！工作得咁辛苦，一定要帶家企去食下啦，慰勞下佢地！小編就叫左鳳梨雞鍋做湯底，裏面會有d奇奇怪怪既菠蘿同苦瓜同半隻腳系入面。食落就清清地，當淥熟其他材料既時候，都會有種清新既口味。（不過如果全口味既人就可以試試其他湯底，依個湯底真系好清）可能家中兩老十年唔食一次火鍋，所以佢哋系自助bar拎左勁多丸同丸。但係牛大人可以電話落單，攪到我都系未知既情況下落左好多丸同魚滑😾。全部都系丸！食左咁多丸，我就認為墨魚滑系最正，爽口彈牙有魚味！肉方便就正正常常，牛肉要雪花有雪花；豬肉要爽口有爽口；羊肉要羶味有羶味！就小食方面，脆薯十分推介，上面既梅粉配上厚實既質感，食完一舊再一舊！牛大人另一特色就系佢地既飲品，有台灣先有既涼粉汁，或者自家制既茶類，如菊花普洱、桂花烏龍同洛神花茶。我最鍾意就系洛神花茶，系打邊爐口渴飽肚既時候，飲一啖去胃氣，再食下一輪😳

想試呢間野好耐，同朋友放假齊齊Walk in試。閒日中午十二時來到不用等位直接齊人可進。我地揀咗美國S R F極黑牛套餐。湯底選擇鴛鴦湯底（一個推介的豬骨湯底略嫌味道不夠濃，食物放咗落去之後要再點醬油才有味。而另一個選擇了麻辣湯底，很夠味，不會過辣，食物放咗落去之後不需點醬油也有鹹味和香辣味，10分推介麻辣湯底👍🏻）飲料方面有很多選擇，經我們試飲後，我個人比較喜歡麥香紅茶、自家製的菊花普洱、白桃烏龍。至於肉類方面每款都很新鮮，我們吃到都分不出是在吃那款肉。反正牛肉就是最好吃😋。除此之外值得推薦的是台灣小食。由於疫情關係今年都沒有去台灣旅行，超想念台灣的夜市小食。而在這牛大人火鍋裏竟然吃到台灣的味道。鹽酥雞炸得剛剛好用粉均勻調味適中。仲有魚香皮蛋豆腐、梅甘酥脆薯都好好味！食物種類好多，90分鐘不夠吃！下次會揀食晚市！大鴻輝咁多間打邊爐之中現在我最愛吃的是這一間！絕對會再來！！

真係好中意起荃灣牛大人打邊爐環境好大，吾會感覺好逼好窄醬料要比個like，好多邊爐舖都冇腐乳醬架，但佢竟然有得提供埋配料好多選擇，值得一讚佢個牛柏葉真係好爽一定要食呀！鹵肉飯更加係冇得輸啦...飲品除左有吾同汽水之外，仲有好岩女仔養生既 養生茶，熱辣辣又甜甜地勁易入口😆😆黎到主菜，當然吾小得好多不同味道嘅湯味，個人最愛就係蒜頭雞湯，材料好足又夠惹味

📍荃灣 牛大人最近天氣涼咗，最岩打邊爐🍲圍爐取暖🤣久仰牛大人個名🐂知道佢超受歡迎，所以留意住佢社交平台出訂座link。早一星期都訂唔到旺角分店，就知道佢人氣有幾高企😎𓇠 美國SRF 極黑牛套餐 $208 𓇠 我地叫咗中間價位嘅套餐，除咗套餐嘅食物，出面仲有個自助區、醬料區同雪櫃比客人拎食物同飲品，真係睇到眼花瞭亂🤩湯底：我哋加咗$50要鴛鴦鍋（秘方麻辣+紅燒牛骨）兩款湯底都係牛大人推介👍🏻相比之下，麻辣濃好多，小辣辣度適中，仲食到花椒八角個啲藥材味。但烚烚下我哋覺得太油，要撇油🙈紅燒牛骨用咗幾塊大牛骨熬成，但可能麻辣鍋太重口味，唔係好食到牛骨湯底味😳食物：由於太多種類，會分類同作特別推介🥘肉類&海鮮：美國SRF極黑和牛下肩胛一定要叫🐂牛味濃又唔多脂肪、滷牛筋軟淋淋好入味😋沙白、鱸魚同花膠都好食👍🏻台灣直送美食：水蓮係必點！（自從係無老鍋食過就念念不忘）、澎湖花枝漿都推介、豐原排骨酥放落牛骨鍋浸淋食/加重湯底都唔錯😂台灣特色小食：第二市場真滷牛肉飯（個人鍾意食瘦肉）、私房鴨血、士林鹽酥雞（鴨血同鹽酥雞都叫咗2-3次🤤）、梅甘酥脆薯（酸酸地幾開胃）自助區：金針菇、寬粉、芋絲同凍豆腐索湯必

牛大人一向受歡迎，晚市時電梯大堂等候的人相當多， 水洩不通。如沒有訂座，週末可以下午4點9來排5點早場，或者5點左右攞7點半籌。以往人較少的時候，可5點半前即入座，食到7點半。近來感到人很多，假日可能未必得。我選了中價的牛肉，質素已經很不錯。既有牛肉肉味，肉質又不會鞋口，稔滑易咬開，這是相當驚喜的。除了牛肉，當然有蔬菜。款式多而且都新鮮，贊。 台式丸類要試,尤其是如果喜歡芋頭，要吃芋頭丸。海鮮方便，蜆就一般，有苦味。湯底本身裡面的蜆就冇這個問題，奇怪。飲品我也很欣賞，除了包裝飲品，也有少糖系列，最愛就是 洛神花茶。輕甜很解滯解膩解渴。服務也相當好，職員有禮貌。

Master Beef！一路風聞牛大人既吸引！放工時間去過尖沙嘴分店，又去過銅鑼灣分店，全部派曬籌！！！超誇張！今次去到荃灣，7:15去到拎飛，都要9:30先入到座(等既時間去左IKEA行左個圈)9:30入座，果然人山人海，不過都做足社交距離QR code落單醬料+麵+飯+響玲+熱茶放一區好多人排隊，尚算refill得快有自家製冷泡茶，最好飲係白桃烏龍！QR code落單都有飲品，冬瓜茶始終都係甜，個人不是太喜愛，不過有誠意Share and Like 社交平台有XX檸茶送，好飲~原來要用枱面個碗，行左一個圈先知正常料(沒有萵荀)有台灣直送美食~台式手工水餃台灣熱食，必點！！(鹽酥雞)全部都好好食！另外，有油炸鬼(鬼馬老油條)！總括而言，值得等！值得encore！