牛大人台灣火鍋吃到飽 (大鴻輝(荃灣)中心)

营业中

休息中

不值得排隊等甘耐，試過一次就算，没有下次。除了M5牛肉（叫最貴嗰餐）可以外，其他食物較其他餐廳失色最近跟餐送的不是牛丸😭而是一碟牛肉，個人認為不及M5 好吃，想食牛丸多點食1700第一輪，水蓮菜無貨😑醬料方面，蒜頭居然水汪汪，又没有辣椒🙄

好掛住台灣嘅麻辣火鍋早已被呢間牛大人嘅名氣吸引一直都好想試但真係非常難book今次預早喺網上訂到位就終於試到期待已久嘅台式麻辣火鍋荃灣呢間分店環境幾好 都坐得幾舒服-今次揀咗麻辣湯底同蒜頭雞白湯 鴛鴦湯底要額外加錢同埋嗌咗中間價錢嘅和牛吃到飽套餐牛肉質素好好麻辣湯底都好香好夠濃 會越食越辣點炸油條好惹味值得一讚嘅係呢間有好多自家製嘅茶飲可以任拎另外仲可以叫啲台式小食 例如鹽酥雞全部都係即炸 夠哂脆～-整體來講今次都好滿意價錢比其他火鍋店高少少但係質素好好就算要排好耐隊都係值得一試嘅如果想再食台式打邊爐一定會再考慮呢間整體評分：4/5

火煱，來到出名排長龍既牛大人開餐初認識牛大人，是到旺角店的旺角晚市，拎飛後接近四小時才到的當時無等位。今次是初嘗的，午時的荃灣店12點左右來到，有七成已入座這次不用等店內有大圓枱，2人4人卡位亦有長枱，面對面的位首先選個湯底，單鍋唔使加錢雙併鍋要加錢90分鐘任食，有三個價錢選擇選擇後，還可加錢升級食海鮮選了198$的，假期再加$10除左三個選擇既肉之外自助的仲有呢板其實都幾多野食還有菜類未有一一列出必食推介，芋頭貢丸😋超長的飲品柜罐盒也是台式飲品為主麥仔茶，仙草凍，石榴汁等等另外，上排的，全是冷泡茶，不錯👍🏻醬料區呢個位，經常逼滿人不方便是企滿的時候碟子就放在醬料的下方，要耐心等候除了醬料，肉燥飯，飲品，蔬菜🥬，丸類係自己夾，每枱有一個大碗，用來夾丸和菜其餘就手機📱下單肉類，熟食，一支支的膠類熟食也不錯炸地瓜配上話梅粉，新鮮感😌入正題喇！火火火煱選了養生鍋，失望的，材料不多，湯味淡一心諗住飲左湯，再灼野食，不用了一支支的膠類，不過不失，但不彈牙牛肉類，雪花都唔錯食左一個鐘就last order埋單後，有一張甜品卡可以食就俾張卡，會送到枱台式甜品，好豐富😋😋珍珠，花生🥜，紅豆，仙草口感豐

呢間台式火鍋店成日都有人推介，仲好難book枱，網上同電話book都好難。今日就試下去walk in，可能正值中秋節，個個都做節，唔洗等位就入到🥳🥳不過，特別日子要每位加$50。我地叫左麻辣湯同埋養生湯，小辣都幾辣下😢😢😢值得一讚既係飲品種類好多，例如蘋果西打、多款冷泡茶、紙包飲品，酸梅湯，金枯椰果等台式飲品。配料方面都有唔少選擇，自助區有蔬菜菇類、王子麵烏冬白飯、台式滷肉。另外其他配料，係用手機掃QR code 落單, 有雞牛豬海鮮， 鴨血，貝漿，魚漿。除左火鍋配料之外，仲有熟食小食，鹽酥雞、台灣腸、甜不辣....

聽朋友食過其他分店話好好食，見到荃灣有就諗住試下，早一兩個星期Book位已經full哂，唯有排walk in啦。5點入座4點去到已經排哂隊，越晏越多人，見到咁多人就有啲期待到底有幾好食。叫左中間價位個set，湯底叫左麻辣中辣同紅燒牛骨湯，麻辣ok既，個牛骨湯可以話係冇味⋯⋯第一輪叫既肉類全部漏左單，叫第二輪先黎，啲羊肉係好食既，但牛同豬就冇咩特別囉，一般貨仔，冇真係好食到要排咁長龍，有啲失望，連食過其他分店既朋友都話冇另一間好食。其他配料，例如墨魚漿，都係麻麻地既。啲台灣小吃還好，鹽酥雞、炸蕃薯都好食既飲品就多野揀，但唔係咁岩我口味，所以唔評論啦最後甜品，有movenpick雪糕同仙草凍揀，我食仙草凍，都係唔好食既⋯結論就係，唔值得排咁耐隊去食，質素真係好一般，可能一鍋堂都好食過佢

最近牛大人很紅，今天來試試看。下午五時到達，已經人山人海，沒有預訂的要排隊。如果只有兩個人，餐廳直接拒絕及座位，要求對方7:30再來。我三個人，所以可以入座，進去後看到明明還有空桌，但仍然拒絕二人入座，實在非常惡。兩小時進食時間由入座開始計算，食物選擇不多，外面有一對丸類響鈴，取醬料要排隊，飲品也沒有傳說中很多選擇。🔆紅燒牛肉湯底不沾醬料也夠味，不過吃完後有點口渴。🔆選擇了中價位的套餐，牛肉質素不錯，值得吃。🔆牛丸還可以，魚滑比較好吃， 不會有很重的麵粉感覺。🔆響鈴不好吃，便宜貨，非常軟，而且不知道為什麼要藏在醬料櫃檯，取的時候很麻煩。🔆鴨血同行朋友說好吃，沒有豬紅的腥味。🔆翠肉鯇腩夠肥，很脆，好吃。🔆魚皮質素不怎麼樣，比較硬脆，便宜貨。🔆白桃烏龍真的有白桃味，感覺清爽。整體而言，食物質素除了牛肉都比較一般，是否值得排長隊來吃見仁見智。

係月頭既星期日想食最近好紅既牛大人,但無位,要等幾小時,我就沒等,店員話最快要月中,如果星期日要月底,所以我由月頭等到月尾....早早就已經上官網睇定餐牌, 已經簡好左要鳳梨雞同埋$288澳洲極上和牛套餐.1700入 1745有湯底 都幾好 可能撞正全村人入座 所以拎醬油都好多人排隊.唔好睇佢淡茂茂,佢個湯好香甜.飲左2淡.覺得好正.食物種類太多, 我無點晒. 試左一部分開頭第一碟既牛真係唔錯既.但愈出愈差. 以下呢碟黎到, 我問經理,呢碟係咩牛,佢竟然答唔到我.到我問係唔係288個隻澳牛,佢就支吾以對咁話 係呀係呀.我亦都無再為難佢.  食物方面,太多種類.唔係話食左好多,但都食左一部分-288$餐既M5牛肩卷 除左頭2碟之外 其他都好差 好肥!-每人送既2粒M9和牛丸 好好食 牛味重無咩筋又淋-手切封門柳 好淋身 牛味重 好食-油條 蛋餃 牛肉飯 鹽酥雞 小香腸 脆薯 鯛魚片無特別 無驚喜-海蝦 出奇地好食 好新鮮 唔係細隻架!而且好爽口 好值得叫-沙白 唔係勁細個隻D蜆 無沙 好食-鴨血 唯一一樣一點再點既食物 好食既竟然無水蓮菜.........最後甜品係仙草 幾好 唔太甜另外

一個月前訂座，疫情下一改再改，終於可在星期六晚上六點用餐。揀左鴛鴦鍋，麻辣鍋同鳳梨雞鍋，鳳梨雞鍋好清，味道唔突出，湯底足料，有1/4隻雞，苦瓜，菜等配料。填湯底時麻辣鍋填左中辣，唔夠辣味，後尾食到尾聲時睇單發現係小辣，唔知係我地填錯單定服務員落錯單，唯有下次再試下中辣。4個人揀左中間個餐，SRF吃到飽，各款火鍋配料屬水準之上，但蝦唔新鮮，有一半爛肉。獨特之處有d台灣特色小食，鴨血，同台灣飲品。肉類邊面，主攻牛肉，味道唔錯，肉質新鮮，但俾唔足份量，我地個餐有3款牛肉，無論叫幾多份，都只會來4份，可能我地只得4個人？每碟只有3-4塊肉，上菜5分鐘就食哂，所以要不停落單。限時2小時，倒數45分鐘last order，牛肉又黎唔足，食唔夠喉，真心有點失望。埋單用左Storellet coupon有9折。總括來說食物水準質素都不錯，但要牛肉份量不足，同太早last order，有機會的話，會試下另一分店。

搶了幾次，終於搶得到訂位了～提前了半小時去店，店門口已經有人很多人在等位置了～由於是已經訂位，所以很快就可以入座了入座後，其實店裡空位還有很多，可能都是訂位還未到的～入座第一時間是點湯底和套餐，這次點的是"美國SRF極黑牛＂，而湯底是+$50 台灣鳳梨雞鍋​＆阿嬤養生濃湯鍋台灣鳳梨雞鍋：裡有一隻雞腿，它比想像中的好吃很多呢～沒有柴柴的，是嫩嫩的肉阿嬤養生濃湯鍋：裡面有一點點菜，枸杞再來是點吃的～點了超多，沒在管桌子放不放得下。。。食物很快就來了～我的或不是我的都來了～基本上，有滑的那堆是我點的，另一邊除了上面的甜不辣外，其他都是來錯的～告訴店員後，她說，如果你不介意吃掉的話，就把它吃掉吧，要不然她們會丟掉的，會造成浪費所以最後我們吃了幾倍的餃子，和一堆魚類。。。。。這是秘制醬料～　用來點牛肉不錯～一次點了很多的滑，除了豬肉外，我都點了～　但最後沒來牛肉，來了豬肉牛肉滑，墨汁滑都好吃～豬肉滑是正常的，其他由於一起煮的關係，分不出來什麼是什麼了～也因為一次點太多，食很多也會很飽再來是蛋餃／蝦餃／排骨酥蛋餃：好吃的那種～蝦餃：點一份，來了一堆。。。這個我不太喜歡吃～裡面的東西怪怪的～　說不上

牛大人出左午市套餐，當然要試下啦，今日就決定同老婆再戰，佢哋午市時間係12-3點，最平$138，睇下餐單時，我就試$138，其實應該試$168比較化算，一坐抵選湯底，我地選左麻辣，湯底好快就到，佢哋同一般火鍋店一樣，都係自助攞啲基本野，雖然叫基本野但都是標明由台灣直送，至於牛肉啊豬肉嗰啲就可以利用QR code落單，點解我咁鍾意食佢呢，就係因為除左牛正，佢D熟食都好出色，台灣腸，鹽酥雞，都好正，我都食左幾碟，至於肥牛，雖然$138但都好好，仲有佢地飲品都有自加製既茶，正，順帶一提個滷肉飯都好正，真係一啲都唔馬虎，唔怪之得咁爆啦，個個都話正，真係好抵食，一定會再來。

早前因疫情關係，限左2人一枱。為左滿足對打邊爐既慾望，結果午市2個人去左。有食過台式火鍋既都知會有好多湯底簡，今次就叫左牛大人紅燒牛骨鍋。個人認為好好食，因為之前叫過麻辣同養生鍋都覺得冇太大驚喜。第一樣推介既一定係牛丸，但提番牛丸係要另外叫，餐牌未必有寫，晚市食最貴個餐就會每人送2粒。牛丸好彈牙，好重牛味，可以講香港最好食牛丸top3，一定有佢份。第二樣必食就係M5和牛，肉質入口即溶，好薄切，任食邊爐黎講係十分高質素。另外，提番M5牛都係最貴個餐先有，不過最貴個餐其實價錢都好合理，十分推介。其他大部分食物都不過不失，而飲品都好多特色茶飲，值得一試。最後想講番，比較落其實晚市係抵啲，因為選擇係多啲，但午市唔洗排隊，環境清幽啲。

依傢冇得去旅行，有時都會想食下台灣嘅食物。呢間牛大人有得打邊爐之餘，仲可以叫台灣小食同飲品。食物新鮮而且有質素，湯底好正，鴨血值得一試。而且價錢相比其他火鍋唔貴，所以經常都要book位，或者要到宵夜時段先有得食，

位置英皇廣場16樓既牛大人貴為台灣過江龍，主打台灣特色湯底。之前早有聽聞，夜市必須早幾個星期預訂今日午市聽到樓下傳單姐姐說有空馬上試試。價錢有分3種，分別為138,168,198。主要係肉類及多牛內臟今次先試最平一款，只有一牛一豬一雞選擇。首先值得一讚是飲品相當有新意，有多款茶飲更用自家樽。味道濃烈其次，湯底絕對係誠意之作，酸菜鍋麻辣鍋牛骨鍋應有盡有配搭肉類菜類相當好味。美中不足是盛載食物不是太user friendly ，比較難夾食物，希望能改善Ps假日需加$10

名符其實，真係好正首先不得不讚個湯底，我叫左個鴛鴦鍋: 鳳梨雞鍋同紅燒牛骨湯。個鳳梨雞鍋真係一試難忘，好清甜，鍋入面啲菜同苦瓜都好入味，完全係可以飲既湯黎而牛骨湯相對比較普通，係出面食牛肉麵既湯底，不過用黎淥牛肉都真係好正第二樣要讚係佢除左有一般火鍋店提供既飲品，佢仲有啲無糖茶，完全有種解油膩既感覺，又好飲！桂花烏龍之後就係牛，真係好好食，好有牛味，又唔會話太肥。至於其他食物都唔差，好多種類揀，連個肉燥飯都好好食。雖然價錢唔平，但cp值係好高的疫情完咗一定成日食

我地今日去左牛大人食台式火鍋，揀左牛大人紅燒牛骨鍋，湯底用左好多藥材熬製，湯底勁濃厚，牛骨味濃郁，但又唔會太油。不過如果想試鴛鴦鍋就要加$50，所以就無叫到鴛鴦鍋。配料方面，呢度既食材好多都係由台灣直送，可以品嚐到正宗既台灣風味，而且可以任食台式火鍋必食既鴨血，真係超正。我揀左好多台灣直送既配料，我認為澎湖花枝漿爽口彈牙，必食！另外仲有佢地既秘制滷味都係我既必食推薦，佢地提供左滷大腸、牛肚、牛筋等等，都係先用滷水汁煮過，只要翻熱就食得，個牛肚係超淋超入味！而套餐包左既澳洲極上和牛牛味濃之餘口感細嫩，勁高質，我encore 左好幾次，每次都keep 到質素。飲品方面，我覺得最有特色就係冷泡茶，有桂花烏龍、菊花普洱等可以選擇，全部都係無糖，而且用獨立膠樽浸泡，乾淨又衛生。最尾仲有Mövenpick雪糕同埋唔同既台式甜品，真係勁滿足。