牛大人台灣火鍋吃到飽 (大鴻輝(荃灣)中心)

营业中

休息中

真係好耐冇出街打邊爐啦所以今日就要拆返餐我哋嚟到牛大人就選擇咗最貴嗰個午市套餐就係極上和牛吃到飽咁首先我就去咗攞調味料先啦咁都幾多選擇嘅而且不得不讚嘅呢佢哋都幾衛生嘅啲調味料呢係有膠盒封住啦咁之後我哋就叫咗個麻辣湯底啦咁都非常之夠辣同埋夠味嘅咁之後我哋就叫咗呢個套餐最特別嘅M5和牛牛肩卷 佢有肉味而且亦都好肥美我仲試埋平一級嘅嗰種牛肉安格斯牛肉牛板腱 唔係唔好食不過就少咗嗰種肥美 之後仲試咗嗰個蟹子墨魚滑真係超正呢個係最好食之後仲叫咗鴨血同埋豬腸嗰啲其他配料都好好食呀佢出面都仲有自助區俾你攞啲其他嘢食嘅仲有嘢飲添啊有嗰啲冷泡茶但係我哋就叫咗一杯流水落花嘅啤酒有幾好喎有陣花香味 配返麻辣真係唔錯之後仲試咗佢哋嘅雞絲麵都幾特別

上次銅鑼灣吃完牛大人lunch，下午同夜晚飲好多水仲覺得口渴。事隔幾個月，老公今日話打邊爐，試下荃灣呢間，又係咁，太重味精？蒜頭雞湯底（老公揀辣湯底）吃嘅時候係覺得好味嘅，鴨血都好好味，但成晚都好口渴，飲咗幾杯水依然覺得口渴。應該唔會吃第三次了。

眾所周知就知道牛大人難book位㗎啦，但係因為我永不放棄永不言敗嘅精神，幾經辛苦，終於比我book到位啦，好開心呀，我哋喺book位嘅時間，仲早咗15分鐘到，職員好好啊，即刻安排咗一個卡位俾我哋楚，望落去環境開陽，而且座位闊落，坐低一身嘅故攰意，隨之而散去。喺湯底方面，選擇十分之多，頓時覺得自己有選擇困難症啊。湯料好足料㗎，直情有半隻雞，又夠味，真係唔怪得知咁難book位啦。材料方面，澳洲和牛，果然名副其實，件件好厚，唔會薄到紙咁，咬落肉質紮實，牛味濃郁，肥瘦適中，正。出面嘅配料好多㗎，而且乾淨又衛生，每一款都用個盒裝住，淨係丸，我真係而家先知原來都有咁多個種類，最緊要嘅仲要係全部都係台灣直送。飲品方面，有別於一般嘅放題，因為佢哋嘅茶裏，係出自自家製，十分之有誠意啊。

一開就爆紅到話要早幾個月book.....本人最唔鍾意打電話book位了所以心諗疫情 一大早開門walk in去就得啦 一定無人所以 12月25號11點多就到咗。但一上到去發現已經排咗一條長隊了幸好都入到去。環境 ..坐位都好舒適。因為假日所有餐都要加＄20我就揀咗$168特級安格斯吃到飽&鴛鴦鍋要加$50牛夫人秘方麻辣鍋(大辣) & 眷村白玉酸菜鍋麻辣鍋不錯但酸菜鍋太淡唔夠酸。少有的無糖冷泡茶。我呢啲唔飲氣水嘅人每次去放題都只能飲罐裝茶 好悶豬肉太薄 但入口唔肥最平套餐我牛肉 入口 口感有點硬安格斯 牛味好重 口感好軟encore咗15碟 好滿足 唔會愈出愈少 愈黎愈薄好抵食！牛魔王朋友們快啲黎牛肉滑好特別 都彈牙十分出色同驚喜的蕃薯。加上酸梅粉 口感好棉好香甜唔油膩鹽酥雞都唔錯 小食都有5種鴨血本身有滷過好入味。 口感都好嫰滑好足料嘅海鮮甜品一人一份 ，但好可惜無芋圓！。另外90分鐘都真係食得好趕。。剛食完一輪就要last order快快手叫哂野 但剛點咗好多野 重未食哂就已經要埋單話時間差不多了真係要自己揀想平少少快食 定貴少少可以慢慢食了

寒冷天氣下再戰牛大人12點開門 我準時到達 入座率已達7成 週末來說 比我想像中少😂 我walk-in 成功。我以為已經食唔到第一輪揀左$198 餐 週末再加$10湯底選擇了台灣鳳梨雞湯 係牛大人推介之一的湯底。雖然有苦瓜， 但唔覺有苦味 反而有啲清甜味 點左好多碟牛肉同豬肉 澳洲M5和牛比較肥少少 ， 牛板建都唔錯小食 食左鹽酥雞，台式香腸同炸蕃薯 。熱辣辣同好脆 但last order 再encore 左啲小食就凍同埋無咁脆了甜品仲有仙草凍每人一份，味道偏甜飲品都有幾款茶類選擇 我揀左 白桃烏龍 ，白桃味很濃，而洛神花茶有少少酸

火鍋周街都有，為何牛大人咁多人幫襯？？？真材實料，特色火鍋材料，出色飲品，食得要快，快到唔記得拍相，死啦！下次下次一定記得拍片！我特別喜歡飲品是洛神花茶，大大支任你飲，食品唔駛講啦，係人都👍！

近來多左啲台式火鍋店黎香港開舖，不過問返啲台灣朋友佢地話冇聽過牛大人個名。我地12點左右到，已經排左一條人龍等入座。個場都大，所以好快我地地被安排入座。新會員有9折優惠，記得下載個apps拎優惠券，不過最平嗰個餐係冇優惠架。我地加$30任食海鮮，男朋友話花甲好好食好有驚喜，佢不停encore到唔知幾多碟。我覺得有驚喜嘅係佢嘅枝裝茶同小食。枝裝茶我最鍾意飯洛神花茶，只係我冇影到相。小食我最鍾意台灣腸，我叫左好多碟。不過最伏係甜品，啲仙草未解凍，仲係冰，最搞笑係，點解會有花生，搞禍哂成碟甜品。總結黎講，其實係好普通嘅火鍋店，唔係人地講到咁勁咁好食，相信大家都係抱著一試嘅心態，問我值唔值得排，唔……其實唔值，而且價錢都比其他火鍋店高，仲要食嘅都係一般野，而且係得一碗嘅伏甜品，雪糕都冇。要讚係啲枝裝茶，可以解一解油膩感。

小弟今日放假，所以就同女友黎試試牛大人午市住食打邊爐啦！今次係第二次幫襯荃灣分店，上次食晚市，今次就試左個90分鐘午餐吃到飽-精選嫩牛吃到飽！當日我地下晝1點半左右去到即刻入得，一坐低就叫左個麻辣鍋少辣，香味撲鼻，湯底好足料，十分惹味！食材方面客人可以用手機掃QR code 下單，另外一些丸類蔬菜就需要自己行出去自助區拎。野飲方面我地簡左試左幾款牛大人樽裝冷泡茶飲料，白桃烏龍係我最愛，清新既茶味好消滯。我地點好餐之後，食材好快就上枱！雖然係午餐但食物質素都keep到！上腹牛五花同西班牙豬梅肉片都好好食，油脂分布得啱啱好，質素唔會似出面有啲任食邊爐俾啲勁肥嘅肥牛，所以我地不停encore! 另外仲試左花枝丸、鴨血、滷肉飯、燕餃、蛋餃！最後以仙草甜品作結。整體今餐牛大人我地食到飽之餘，性價比仲好高，而且環境都好乾淨企理、服務態度唔錯，值得再黎！

一直聽人講牛大人好好食 但要排兩三個鐘搞到都唔敢去Σ(-᷅_-᷄๑)見今日放假 一早同老公講定要4點半去排隊我地去到都係4:40分 諗住應該無問題啦點知前面已經超多人排緊隊原來有好多人仲一早已經訂咗位果一刻個心都即刻驚一驚 因為前面應該有50-60人排咗一陣終於到我地 好彩仲入到5點果轉偷聽到後我地一對嘅情侶已經要等到7:30入座真係覺得自己好好彩(*´-`)等到5點大家陸續入座無論4人定2人枱 位置都幾闊落疫情關係周圍都有膠板圍住幾有私隱度因為第一次食 就揀咗個中等價錢嘅餐試下水溫先 湯底就揀咗招牌麻辣湯底 小辣叫完湯底就可以掃下枱面上嘅qr code準備落單！落單都係全自助形式！除咗上網落單 出面仲有調味料吧丸類同蔬菜類雪櫃同飲品雪櫃～種類都算幾多 同埋佢用有蓋嘅膠盒裝住比人感覺好衛生ᕦ(ò_óˇ)ᕤ 我同老公就分頭行事 我負責坐係位上網落單主要係肉類 我都全部都叫咗1份！仲叫咗滷水大腸 牛筋 同墨魚滑！而老公就去拎調味料同菜！個煲同食物都上得好快！先講下個湯底 湯底都幾夠味個人覺得唔洗調味料都得！但唔係好夠辣味！下次可能要食下中辣先得！好啦到食今晚最重要嘅牛啦！望落個樣都幾靚 肥瘦

因為要清大假，所以約了好朋友中午去食晚上要等位好耐的牛大人，係同事介紹好食的牛任食打邊爐。我哋大約2點開始食，不用等位！一入到舖頭，好大陣好香的麻辣味，愛辣但又怕太辣的我們，叫了小辣，但原來唔可以滿足我哋，不停要佢比辣椒我地😅講返食物，我哋揀左至貴的套餐，其實都係$200有找，有好多唔同款式牛和豬都好新鮮，好好味！仲有鴨血，牛肚等的，有熟食，叫左個鹽蘇雞，仲唔熱的，食左2粒就放棄了。可能因為我地晏入座，有的食物例如夾完就沒有refill了，比較失望飲品有好多款式，不同的茶類，有牛大人獨特的樽

今日兩姐妹拍拖撐枱腳，話說佢發現荃灣有牛大人，二話不說就決定同我來個午餐滾一滾。我哋12點walk in，上到去已經好多人等位，不過好快就安排到入座，入面都大地方，以卡位為主，木系台風為主流，古色古香。先揀湯底，跟住就掃QR Code揀肉類，佢地有三個級別選擇，我地人小小，揀咗極上和牛吃到飽，可以全部任點~湯底有8款比你揀，可以加錢雙拼，而我哋揀咗紅燒牛骨鍋，跟手就出自助區搵嘢食~自助區分三個位置，醬料好多選擇，除平日常見的，仲有洋蔥牛肉醬丶腐乳醬丶台灣甜辣醬丶蘿蔔泥丶烏醋同特調豬肉醬。而飲品除平日常見的飲料外亦有特制的自家茶飲，台灣直送也有好幾款特別丸子和時蔬，每款也用盒子裝好，新鮮衛生~返埋位已經上咗湯底同肉食小吃，佢地小食有鹽酥雞丶台灣香腸同凍皮蛋豆腐，外面仲有個自取滷牛肉飯，不算大碟，用嚟餐攝胃不錯，皮蛋豆腐夠嫩滑，而鹽酥雞同台灣香腸都肉嫩多汁同脆口。肉類方面我地分別叫咗上腹牛五花、安格斯牛板腱同和牛M5牛肩捲，另加滷大腸丶滷牛肚丶蟹子墨汁漿同干貝鮮蝦魚漿同私房鴨血。先講和牛牛肩捲，它的牛味最濃厚，入口即化，口感香滑甜美，放落牛肉鍋淥連醬也不用沾，牛迷切勿錯過。而牛板腱相對就較

話說牛大人網上訂位並非易事～想食佢就要提早4點去排隊攞籌～拎完又要hea幾個鐘唔知去邊先到7點～於是家姐就建議我去荃灣呢間牛大人食午餐時段位於荃灣大鴻輝中心16樓～雖然同地鐵站有一段距離但勝在有90分鍾午餐吃到飽～仲要即刻有位～地方好大，好光猛～安排好坐位之後～就要揀食咩餐～第一次食，我哋揀咗$198極上和牛吃到飽～而湯底就揀咗牛大人紅燒牛骨湯～肉類同小食等等都係用手機掃QR code落單嘅～完全唔洗DL APP，簡單易用～揀完嘢食，就緊係出去巡視一下～醬油區有好多選擇，可以自己調製～亦有調製好嘅～上面仲放滿我超愛嘅王子麵 飲品除咗有基本罐裝，包裝飲品之外，仲有牛大人自家冷泡茶～丸類，蔬菜都係要出去自助區拎嘅～有好多台式製品，乾淨又整齊～拎完食物同飲品返到去～湯底同食物都已經送到～嘩～湯底超濃郁～適合重口味人士澳洲和牛M5牛肩卷放入呢個湯底，牛味好出不過食唔到太勁牛味可以揀呢個上腹牛五花～有啲肥膏中和返~安格斯特選牛板腱～味道不錯，喪食之選～注意唔好淥太耐，唔係就好韌~鴨血～夾得起唔易散，唔腥又有咬口~澎湖花枝漿，蟹籽墨汁漿澎湖花枝漿裏面充滿一粒粒嘅墨魚粒，爽口彈牙而蟹籽黑汁漿就有陣陣

之前聽好多fd子對牛大人讚口不絕，今次終於搵到友人陪我嚟荃灣店試下。去到門口未到12點已經打曬蛇餅，好彩地方夠大仲有位。飲品除咗汽水外，仲有幾款台式茶飲，每樽都有個獨立茶包，味道都幾濃。喺個湯底嚟之前先嗌咗碟士林鹽酥雞食住先，炸粉唔厚，雞肉炸得唔乾身唔錯。湯底我哋揀咗阿嫲養生濃湯鍋，湯料俾好足，飲落幾清。澳洲和牛M5牛肩卷係lunch放題最貴嘅set嘅牛肉，賣相肥瘦均勻，食落牛味好濃好好食。花雕酒雞件大大舊啖啖肉，食落都幾嫩滑。私房鴨血本身已經醃製過好入味，咬落有少少韌韌地幾有口感，好食到encore咗幾次。出面火鍋配料自取區最鍾意係呢款芋頭貢丸，一咬開成口都有浸芋香好正！最後仲有每人一碗珍珠仙草凍，奶香味濃好滿足！

網上book唔到位，見到晚市條隊又唔想排，所以一直無機會試。午市walk-in唔駛等有得食，好快揀左個胡椒豬肚湯底，無咩特別，清清地。手機QR CODE 落單，好少選擇，得90分鐘，都夠食。牛肉無特別，部分野食要出去拎，熱食唔錯，飲品一般，侍應拎張單時有甜品卡，甜品ok，食完甜品走人。星期六lunch坐唔滿，book唔到位既可以試下walk-in。PS樓下一鍋堂多選擇好多，要排隊唔會食牛大人，荃灣好多更好選擇

究竟當你好想食一樣野嘅時候 你可以去到幾盡呢？作為牛大人既子民 上上星期忍唔住出去荃灣食佢既午市吃到飽🤤 🔺90分鐘午市吃到飽 $198出面既配料有好多 勁有台式風味 用手機點餐就會見到提供唔少台式小食 台灣小香腸同鹽酥雞 小香腸切開一片片 方便好食而我地簡既牛大人紅燒牛骨鍋湯底幾濃郁 推薦！嗌咗最高級嘅既牛肉質素都好好 夠哂牛味 車番幾碟都回本😆 必食推介當然係鴨血 我地都忍唔住嗌左幾round 吸晒湯底味 簡直係正！同前排好Hit 一盒盒既台灣鴨血有得揮💕自助火鍋配料區基本上你講得出的配料在自助區都可以搵到 連菜都有好幾款 菇類 蓮藕 萵筍 豬肉丸 芝心丸 牛丸 台式寬粉都有 我真係即時心心眼😍野飲方面有樽裝冷泡茶 我覺得桂花烏龍係最好飲 仲有我去台灣必飲既蘋果西打 其他野食水準都唔錯 以哩個價錢黎講食到咁既質素真係好滿意！另外如果like佢IG 仲可以有杯蜂蜜寒天碧螺春 幾好飲 解渴得黎幾特別🧏🏻‍♀️推薦食晏晝嘅話會都配上甜品 貫徹台式口味 係台中仙草凍 細碗但相當之有台灣風味 有仙草紅豆蒟蒻 食完成個人都好滿足