牛匠石燒 (已結業)

最近朋友推介呢間新開嘅石燒店，兩個原因：好食、抵食。早排特意訂座試一試。長話短說，呢度嘅肉類的確係幾鮮幾夠檔次，服務亦都好貼心👍🏻。但套餐餸菜份量上真係要睇住嚟食，略嫌未夠盡興，係一個少少嘅瑕疵。今次同朋友一齊點選咗厚切牛舌拼牛五花定食 $98 同埋鹽燒牛肋骨肉拼豬肋條定食 $98。定食都包咗前菜、白飯同味噌湯，今餐加配咗小食日式餃子 $15 同埋兩杯特飲熱柚子蜜 (+$8) 以及桂花果釀四季春(+$10)。用手機落好單後，店員好貼心咁提供一次性圍裙比客人用，上菜都上得好快。先嚟嘅係厚切牛舌拼牛五花定食。定食賣相一流，前菜漬物幾開胃，石燒方面有四片牛五花同四條厚身牛舌條。店方提供咗幾舊牛脂去塗抹石面、兩款燒肉汁，驟眼睇都好令人期待。但到另一個定食上菜時，二人檯嘅位置已經唔多夠。鹽燒牛肋骨肉拼豬肋條定食同樣，牛肋骨同豬肋條各有四件，單睇肉塊嘅油脂分佈同紋理都知食材非常好。燒嘅過程非常順暢，因為肉質好，牛肉輕輕燒一燒就已經好快熟，唔需要刻意留意火喉，一轉色就食得。牛舌條放上石面時顯得有啲細份，燒時要注意各側轉色後仍要燒多一陣；而豬肋條比想像中無咁多油，補上牛脂塗抹一下，燒起上嚟都非常易掌控

是日去左尖沙咀上完堂之後，撞岩lunch時間，約埋同學仔周圍行下睇下有咩食見佢話想試下燒野，就帶佢黎呢間餐廳一試有石燒定食以及普通日料定食，一場黎到當然要試下石燒啦🔥另外加埋左雞軟骨棒同埋餃子兩樣小食，幾滋味😋叫石燒定食既話，隨餐會有跟一小塊肥豬肉膏，係個爐燒左約2～3分鐘左右就可以用舊肥膏黎「開爐」啦🤟🏻厚切牛舌拼牛五花定食牛舌口感軟滑，沾上燒肉汁一齊食真係好正牛五花脂肪分布得岩岩好，兩面各燒一分鐘左右就食得，入口即化，oishi～嚴選風門柳定食風門柳係牛既橫隔膜肌肉，每隻牛牛得一條咋質感比較稔身，但肉味好濃，推薦推薦～左：粉紅比堅尼（白桃西柚）清甜既白桃茶配上微酸既西柚肉，幾清新右：芝士奶蓋四季春奶蓋既芝士咸香突出，配搭四季春青茶好夾

同朋友約咗喺尖沙咀，去食呢間新開嘅石燒牛🐮不得不讚呢度嘅服務態度好好🥰有口罩紙袋、即棄圍裙、消毒濕紙巾主動提供😝👍🏻·石燒定食套餐$98起，配有前菜、白飯、麵豉湯，值得一讚係麵豉湯入邊有舊豆腐雕花好有心思，整得好靚🤩定食附有生薑芝麻汁同埋燒肉汁·✨石燒A4和牛肉眼定食 $228必食招牌A4和牛啦，所以毫不猶豫揀咗佢💗一上枱見到佢嘅雪花好靚，油脂平均，和牛仲預先切開咗一塊塊微微煎十零廿秒就食得🤣香氣四溢🤤流哂口水，肉質嫩滑，朋友話都做到入口即溶，好高質👍🏻店員提醒和牛出好多油好搶火，可以用冬菇去吸油，咁燒肉嘅時候就唔會起晒大火🔥·✨石燒厚切牛舌拼牛五花定食 $98呢個餐會配有一個兜仔裝牛嘅肥膏，係燒牛之前用牛嘅脂肪放係個熱石到燒下出油，再燒牛舌同埋牛五花就唔會黐底啦😚👌🏻我地話牛舌望落好似午餐肉😂🤣，呢款粗身就要煎耐啲啲嘅，食落爽口嫩滑，唔錯😝牛五花就正常水準，當然冇和牛咁靚但唔差😚·✨餃子 🥟 +$15$15得兩隻餃子，味道普通冇特別，建議試其他小食😚·✨芝士奶蓋四季春 +$10少甜少冰，甜度見到只有少甜，但飲落仲係好甜，如果可以微糖就非常好😵，奶蓋都唔差嘅～🤓·✨白桃西柚 +$10少

厚切牛舌拼牛五花定食 $108定食配有白飯、味增湯同前菜 可以自己燒牛肉到自己想要嘅生熟度👍🏻 厚切牛舌足足有1cm厚 要燒得比較耐 食落口感十足 軟硬剛剛好 而且牛味好重🐄 牛五花油花較多 脂香感唔錯 用埋餐廳提供嘅牛脂塗上熱石面嚟燒 就夠晒「鑊」氣 烤佢5秒就食得！👅嚴選風門柳定食 $108風門柳即係我地打邊爐成日會食到嘅封門柳😙特點係肉味濃 而且肉質偏軟嫩 但係油脂就少啲～ 呢度嘅風門柳切得唔算薄 食落有咬口 口感唔錯 而且牛肉味好濃郁 烤完十分香 點上燒牛汁 絕配❗️隨餐嘅日本大冬菇擺到最後先燒 素埋啲牛油🧈入去🤤🤤桂花果釀四季春 $10奶蓋質感唔算杰 但係芝士味幾重 四季春茶底較甘同涼 所以撈埋奶蓋嚟飲都唔會太膩👀青檸冬瓜露 $10配料有黑糖晶球 增強手搖口感🤩同冬瓜茶味道估唔到幾夾 青檸減低左甜度 酸酸甜甜幾開胃✅胡麻豆腐 $15驚喜！芝麻味濃 豆腐好滑 食完唔夠侯 想再叫🥲🥲🥲溫泉蛋 $10極度推介🤩 蛋漿用來撈飯簡直一流 增加牛肉嘅香味鹿兒島一口牛 $18一口size 牛肉唔算鞋 牛肉味重 但份量有啲少🧐

🐻要同姐姐慶生日，搵左好耐終於搵到一間岩家姐食既餐廳，就係石燒啦❗️預先book定尼間但早左去，店員好好安排俾我哋坐靚靚日式卡位，仲派埋一次性筷子套裝、圍裙等等 🥰 自己Scan qr code落單就可以啦❗️今次🐻請客，當然要食好d啦❗️石燒套餐有$88-$228不等，我地order左多人推介既「厚切牛舌拼牛五花定食」同埋好吸引既「石燒A4和牛肉眼定食」每個定食配前菜、白飯同味噌湯 🍚 另外仲包飲品，我哋就加配左「白雪茉莉蜂蜜」「橘子乳酸」🥤 後面再追加左「安格斯牛小排」🥩🥰推介/意見‼️（5隻🐻最高分✨）✨ 「厚切牛舌拼牛五花定食」 🐻🐻🐻🐻🐻鍾意食牛舌或者未試過食牛舌既朋友都一定要食啦，厚切長方條型就知一定會好味 😚 放上石燒板上面，輕輕每邊燒一陣好快就食得，當然無失望啦❗️肉質好爽 🥰 點埋佢地既生薑芝麻汁真係無得輸❗️牛五花就正常發揮，都好正 🤪✨ 「石燒A4和牛肉眼定食」 🐻🐻🐻🐻🐻一上枱就嘩嘩聲，因為成塊A4和牛好大塊，又有靚靚雪花，一放上石燒板d油就逼出黎，勁香又惹火🔥 所以燒尼款和牛要小心啊❗️😋 雖然佢最貴價，不過想食靚牛就要試下啦 ☺️✨ 「安格斯牛小排」🐻

今日去了尖沙咀，同朋友食石燒牛！今日選了在金馬倫道的"牛匠石燒"餐廳裝修好有日本風格！店員會給我們一個QR code 點餐我們點了吉烈草飼牛肉眼定食$102白雪苿莉蜂蜜$10加配和風芥未脆牛舌$15吉烈草飼牛肉眼外面脆脆，內面是生的！有石燒燒幾下可以自己控制熟的程度。外面脆脆內面肉嫩多汁！白雪苿莉蜂蜜白雪是奶蓋，濃濃香香！厚厚濃郁！和風芥未脆牛舌香香脆脆，牛舌好嫩滑！嚴選風門柳定食$98熱桂妃美顏茶$10加配鹿兒島一口牛$18風門柳好淋滑，肉味濃郁！桂妃美顏茶～冬天飲這款又溫身又可以美顏！鹿兒島一口牛好好味！肉質香濃！

人來人往既新開張燒肉店✨價錢係中價位 食物質素唔錯👍🏻餐牌選擇多 有唔同部位既牛/豚肉/羊肉/雞肉 貼心既服務 提供即棄圍裙+餐具 😛厚切牛舌拼牛五花定食 $98配前菜白飯味噌湯牛舌數量唔多 但係非常之厚切 😻牛脂好重 真係入口即融 重質不重量😳而牛五花 牛味好重 食落去好滿足😚油脂分布平均 賣相好掂😁吉列草飼牛肉眼定食 $108配前菜白飯味噌湯新鮮即炸吉列😍 好鬆脆!!而個牛肉眼 同吉列好夾之餘🤪肉質好彈牙 有肉味 好juicy🤤每個套餐可以另加小食雞軟骨串 $18好有特色😜啖啖肉夾雜住軟骨 咬得好爽🤩🦌鹿兒島一口牛 $18厚切一口牛 肉質更嫩更juicy😋特飲：夢幻蝶豆花 $10、橘香白桃 $10

尋日同朋友去左試間新開嘅石燒牛好回味呀！呢度嘅石燒牛係套餐嘅唔係分重量不過當然份量係足夠嘅經過店員介紹我揀左個牛舌拼牛五花套餐牛舌平時喺屋企好難整得好食㗎揀好左就掃code落單都好方便我仲揀多個芥末脆牛舌添！侍應先會送上一人石燒爐開定火預熱下先套餐黎到，就可以用牛脂去準備定聽到滋滋聲，就可以落牛舌喇～肉嘅質素非常好當然自己控制火候，就可以去到心水效果但即使燒耐左少少，都唔會韌～仲係好嫩滑～佢隨餐會有兩款特調醬汁一款係薑汁芝麻醬另一款係果味燒汁燒汁感覺就會鮮甜少少牛五花薄切所以輕輕一燒已經可以食用滿口油香，好正！加配嘅芥末脆牛舌更係一絕價錢超抵但質素超高芥末味唔會好重但個牛舌真係入口即溶真係好好味！呢個真係必點！

呢期石燒又興起。幫襯人氣*牛匠石燒*😬。餐廳提供一次性消毒餐具包。食得好放心❤️。加分。仲有圍裙提供。岩曬我呢個為食妹😆。厚切牛舌拼牛五花定食～每個定食包埋飯。湯。前菜同飲品。好滿足🤩。牛舌厚切口感無得頂。四邊煎下每邊煎幾秒。記得煎埋頭同尾丫😎。話甘快就食得。懶人點呢個牛舌都冇問題😌。套餐可以加$揀小食同特飲。日式餃子🥟一客兩件share最好。足料又大隻。一定要加配😍。芝士奶蓋四季春～加$10 就有。真係幾抵👍🏻。

窮遊香港-尖沙咀石燒牛好去處 今日講一間性價比幾高既石燒牛肉 午市人均大概$100 仲要環境唔錯 呢日唔多人 2人坐4人卡位.午市套餐有跟 前菜白飯同味噌湯呢日點左 ⭐️厚切牛舌拼牛五花定食$98今日叫既牛肉質素ok👌🏻👍🏻牛肉份量唔小 油花好靚 油同肉比例平均👍🏻基本上石底 唔洗查油 都唔會痴底👍🏻仲有牛舌都係粉粉地色 有油脂花紋😋係長方形厚切 燒出黎幾爽嫩口感呢個餐性價比幾高.⭐️A3和牛西冷定食$198呢塊A3牛牛比牛五花更軟腍 重油香.呢間性價比 比較高既地方仲有加特飲都係$10⭐️夢幻蝶豆花$10 呢杯主要青檸味 白玉珍珠底（‼️呢杯主要係靚）⭐️白桃西柚$10 有唔小柚粒粒你入面 好清新解濟（‼️鍾意飲水果味既 點呢個冇伏！）.重點要一提既係 佢既味增湯入面有開花豆腐.#牛匠石燒 (尖沙咀)地址：尖沙咀金馬倫道34-36A號福僑大廈地舖.⭐️評分：味道：4.5/5環境：4.5/5 卡位 台大 加分服務：4/5 有一次性餐具 圍裙抵食：4/5 a3和牛3分

經常經過金馬倫道，睇住佢新開張，到而家仍然周不時要排隊才有位，所以今日揀晏少少嘅時間比較容易攞位。除咗石燒佢哋亦都有日式定食，定食由$58起，套餐追加小食$10起，喺尖沙咀區都算大眾化。和風芥末脆牛舌，有驚喜，吉列外皮，唔會炸到好乾，內藏淡淡嘅芥辣味道，加上沙律醬，增加味道層次感，以$15來說，性價比超高。糖心蛋水準中上，飲品選擇多。鹽燒牛肋骨拼豬肋條石燒定食，牛肋骨唔好燒咁耐，豬肋條反之燒耐D更好咬口，有少少燶邊會更好。還有侍應叫我唔好煮肥脂太耐而有太多油，會令到肉有飛彈的可能，經過我實驗後，真係少油會燒得更好。風門柳石燒定食，牛肉水平比牛肋條好，更有牛肉味，更淋身。

HAPPY FRIDAY 約朋友食飯，我地都鍾意食石燒，見到新開左一間叫牛匠石燒所以就試試啦定食既選擇都好多仲有特式飲品，岩哂鍾意飲台式飲品既我地我地叫左嚴選封門柳定食同埋厚切牛舌拼牛五花定食，定食都包括左前白，白飯同味噌湯仲可以加錢叫埋小食鹿兒島一口牛，肉質都幾腍，牛味都幾香日式唐揚雞熱辣辣，配埋芥茉醬，幾好味跟住就到主角牛肉，首先餐廳提供左牛脂脂比我地掃一掃塊石板嚴選封門柳肉味香，厚度岩岩好，配埋個柚子燒肉汁食會帶果香，加少少鹽味道更加豐富牛五花拼厚切牛舌，牛五花唔會好肥，入口都幾滑，但我更鍾意牛舌個牛舌好爽口，牛味濃，鍾意牛舌就要試試味噌湯仲有好靚既玉子豆腐花花最後要讚下杯野飲，我地叫我芝士奶蓋四季春，佢個奶蓋做得好好個奶蓋有少少咸味更正，味道拍得住出面買既奶蓋飲品

經過尖沙咀金馬倫道見到有間應該是新開的「牛匠石燒」，正想燒肉，不用多說就入去食個late lunch喇！餐廳都算寬敞，可能過了午餐時段，我們可以坐到大大的卡位，舒適又有私隠度。呢度都有幾個石燒定食套餐可供選擇，我就點了特選牛肉定食$98（配前菜、白飯及味噌湯）。朋友點的嚴選風門柳定食（配前菜、白飯及味噌湯）$138，當食物上枱前，店員送上大大條足以包到上半身的大圍裙，我們就可以好安心慢慢燒，唔怕彈到一身油。這碟封門柳定食，有前菜、白飯及味噌湯，封門柳賣相好靚仔，油脂分佈平均，在熱石上油脂全數湧出，肉質好嫩又充滿牛肉味。店員教我們，燒肉前先將肥油粒，在熱石上塗一層油，便可將牛肉放在熱石上。特選牛肉，當肉兩邊都轉色，就可以立即食，吃時更加沾些醬汁同吃，更能突出肉香。店內更提供一次性酒精消毒餐具。只需掃QR CODE便可落單。跟餐加多＄10、＄15或＄18就可加多一款小食，我便選擇加＄15點了和風芥末脆牛舌及加＄18選了鹿兒島一口牛，鹿兒島一口牛，肉質軟嫰，而且很有肉味。和風芥末脆牛舌，表面帶脆，厚切又有咬感，芥末醬香而不攻鼻。味噌湯將豆腐切成水中花般，好有心思。這裡的特飲系列也很特別，我點

  昨日與友人一同到位於尖沙咀的一間石燒店 - 牛匠石燒，擁有了一個個人認為是接近心目中9-10分的體驗。首先，我和朋友分別叫了特色羊卷肉定食 和 厚切牛舌拼牛五花定食，這兩個餐都各配前菜，白飯及味噌湯，配上芝士奶蓋四季春茶和粉紅比堅尼（白桃西柚），還叫了味醂雞泡魚乾，鹽燒多春魚，同埋A4和牛眼。特色羊卷肉定食A4和牛眼味噌湯裏的豆腐烤肉（＾ｖ＾）厚切牛舌拼牛五花定食芝士奶蓋四季春茶粉紅比堅尼（白桃西柚）味醂雞泡魚乾鹽燒多春魚雖然本人文筆不佳但希望能吸引你們去品嚐

這間餐廳 位於尖沙咀，繁華都市的附近，距離地鐵站路程需要五分鐘左右，地理上十分方便快捷，這天朋友的推薦我們一同好好品嚐一番。餐廳主打的也就是 石板燒肉 ，完全是自助式，送到枱上自己能好好控制食物的味道，生熟度，配搭自由選擇的不同部位，絕對是一個驚喜的地方。我和朋友選擇的也就是厚切牛舌， 他不只是一般的厚切牛舌， 口感上更可以感受得到餐廳提供的也就是牛舌心， 而他最出色的地方也就是他的口感 ，愛皮被我煎得香脆可口， 內裏卻充滿肉汁，牛味十足，就是厚切牛舌最佳的地方。