牛匠石燒 (已結業)

Staycation的晚餐係尖沙咀行黎行去。。。兩個人都唔知食咩。唔知點解就入左去。牛匠石燒。其實時間唔算太夜。但得幾枱人仔。坐低叫完餐。一份牛🐂。一份🐖。侍應姐姐排俾我哋一人一條圍裙。重點係個個飯！大家望下兩張圖就知。。。其實除非你係好鍾意食飯團。如果唔係叫返飯😂😂因為用料係一樣架。。我一個人仲要KO兩個飯團。太多啦。。俾左舊對面嗰個😂😂至於啲肉。我哋點嘅係普通貨識。咁佢燒完都香噴噴嘅。食得一餐飽飯。石燒同網燒分別係。石燒啲肉會濕身啲。啲油無流走到。。 BTW,燒到一半，侍應姐姐分俾我哋一人一粒。牛油。豬油。話會燒得香啲。😌。咁做咩唔一開始俾我哋喎😂😂😂。雖然比3分。但其實叫普通貨仔佢都係好評嘅😉

係尖沙咀大街一間地鋪價錢合理 環境舒適 今次叫左個套餐覺得好抵食又好味道！首先重點既肉肉叫左份牛小排 好重牛味 油脂分布平均好特別既雞頸肉 第一次食 好不錯 肉嫩爽滑一人一鍋 用上小石爐 配有牛油及油紙一邊燒一邊食 確保最佳口感跟住有兩樣小食原條日式燒魷魚 份量十足！面頭有日式燒汁同芝麻 可以即食亦可以放上石爐燒多一陣熱辣辣咁食口感爽彈鮮味 超正仲有明太子玉子燒兩樣食材味道十分之夾上下兩層玉子 軟軟的甜甜的明太子酸酸的 加上粒粒口粒豐富開胃還配有一人一主食一碗味噌飯配溫泉蛋光吃也十分美味烏冬軟糯湯底清甜最後兩杯飲品 水果茶好清新 配燒肉一流水果也可盡情吃完 好新鮮香甜

今次去了一間在尖沙咀，的石燒的燒肉店，這裡是地鋪，地方不大，坐位都不太多。每張台可用一個石鍋來燒食材。因可鍋不太大，所以煙霧也不太多。我們點了套餐，燒物有吉列牛，牛舌和雞肉。熟食有大蜆，飯和烏冬。-薄脆石燒吉列牛 肉質淋軟，肉味香濃-扒厚切特上牛舌 牛舌爽口-蒜片生菜-清酒煮大蜆 大蜆肉厚鮮甜-雞頸肉 雞肉嫩滑-味素飯,溫泉蛋,湯-湯烏冬-牛匠彩虹水果茶 有橙，士多啤梨，火龍果和百香果肉 茶味清新。-草莓乳酸 有很多草莓粒配埋乳酸，味道清甜

🐮最近對和牛嘅熱愛簡直停不了，所以去左尖沙咀嘅「牛匠石燒」，主打石燒肉CP值高，環境係日式居酒屋設計，闊落舒適，可以慢慢燒慢慢嘆！🙌🏻以親民價就試到高質靚牛，餐牌肉類選擇多，有唔同既石燒定食，想食肉就即刻出發喇！🥩牛匠極上勝盒（$468）唔想左揀右揀，一個餐就搞掂晒！肉嘅種類非常豐富，一上桌就已經有強烈嘅視覺衝擊感！包括以下1️⃣0️⃣款：✅日本A4鹿兒島牛肋骨肉油花同肉質融為一體，入口即化令人難忘！✅日本A4鹿兒島牛肩肉肉味濃郁有彈性、肉汁係口入面爆發！✅極上一口牛 ✅安格斯牛小排 ✅鹽燒牛肋骨肉✅嚴選封門柳 ✅厚切特上牛舌 ✅鹽燒薄切牛舌✅精選牛胸腹肉 ✅精選牛五花👍🏻整體牛肉質素相當唔錯，油花非常豐富，簡單燒一燒已經油香滿溢！肉味濃郁，口感嫩滑Juicy，食之前蘸上特製燒汁，就更加滋味無窮！如果你問我邊款最好味，真心覺得每款都值得試呀！🍚溫泉蛋、味素飯、湯（$38追加）味素飯大碗又足料，有埋溫泉蛋更和味，推薦大家一定要追加呀！🍜醬油湯稻庭烏冬（$48）湯底清澈好飲，配上煙韌彈牙嘅烏冬，口感一流！🥬蒜片、生菜（$28追加）食燒肉嘅最佳拍檔，口感更上一層樓！🍹叫左兩款茶都非常出色，簡直媲美手

好掛住鄉下🇯🇵，發左有間食和牛嘅燒肉，頂下癮先‼️❤️鹿兒島A4 和牛肩 日本和牛永遠係我最愛☺️，牛肩肉雪花分明，入口即溶，油花十足，用黎燒一流！❤️鹽蔥牛舌牛舌不嬲都係燒肉界必店食材，好香，食完一舊要再食多一舊，一個人食晒成碟都仲得呀，食嘅時候加埋鹽䓤夾住一齊食，不得了😋❤️日式唐揚雞 估你晤到竟然係一間燒肉店入面有個禁出色嘅炸雞，即叫即炸，熱辣辣❤️❤️牛匠彩虹水果茶茶味香濃，加埋水果好清新，食燒肉點可以晤飲返杯嘢❤️芝士奶蓋四季春竟然會都芝士奶蓋😍濃濃嘅芝士奶蓋，好rich ,芝士味十足，正總括而言，呢到裝修好日本風，店員又會主動問要晤要幫手燒肉，態度好好👍🏻牛匠石燒 (尖沙咀)尖沙咀金馬倫道34-36A號福僑大廈地舖

薄脆石燒吉列牛 $168淨係燒生肉個兩面就ok，燒完之後，出面個皮仲好脆。厚切特上牛舌COMBO $128一次過試哂薄切同厚切， 唔同既口感，薄切相對較嫩滑，厚切就較爽口，兩款都好正😋鹿兒島無激素雞頸肉 $88豬頸肉就食得多，雞頸肉第一次試，滑得黎又有嚼勁。日本清酒大蜆 $118粒粒都有肉，配清酒，幾鮮甜味素飯,溫泉蛋,湯 $38加配左個飯set，有齊🍚🥚湯，白飯加味素，再配溫泉蛋，真係正日式野菜醬油湯烏冬 $88一上枱，已好香既醬油味，烏冬夠爽滑，食唔停。牛匠彩虹水果茶 $38水果種類都幾豐富，有🍊🍋🍍🍓西柚草莓乳酸 $28酸酸甜甜，唔錯蒜片，生菜🥬 $28有燒肉，一定要加番一份黎夾肉食😋😋呢間質素令我喜出望外，而且服務好好，間唔中會黎睇下你有咩需要。

繼續留港食日本菜一解思鄉病。約朋友响公司附近食lunch，第一次食牛匠有驚喜! 午餐價錢公道，午飯時間都相當受歡迎，坐無虛席自助落單好方便，店員好親切知道我地首次食都會介紹如何正確以石板燒肉。我地點咗午市石燒定食- 澳洲M9牛胸肉定食 及 嚴選封門牛柳拼一口牛定食每個餐都可以加配一個小食, 我地就揀咗照燒珍寶雞翼和溫泉蛋石燒係會先預熱石板再放上牛脂肪，呢part好helpful的店員仲親身示範了靚牛上枱目測都相當唔錯，紋理分明，而且份量都好足，性價比好高一邊傾計一邊放肉上去慢慢燒，食個lunch都寧舍滋味澳洲M9牛胸肉定食放上石板燒一陣就熟，肉質嫩滑入口即溶感，牛味濃，加埋日本飯一齊食係絕配唔覺唔覺真係食到唔停口，好好味! 追加雞翼好入味，啖啖肉，有雞又有牛，夠哂豐富。嚴選封門牛柳拼一口牛我鐘意食一口牛，方便易食，又唔會過靱，牛柳無牛胸肉咁肥，有口感有嚼勁，肉汁豐富，鐘意食牛必點，我仲追加咗溫泉蛋，送燒肉簡直一流，飲埋跟餐個麵豉湯，呢個午餐非常令人滿足。配埋乳酸特飲，消滯解渴，食燒肉點都要點返杯冰涼爽先對得住自己，朋友識飲點咗芝士奶蓋四季春，Crossover別有一番風味，特飲系列仲有

好耐無食過牛, 一於就收工去試牛燒!叫左個鹿兒島A4牛肩，肉質好扎實, 而且有D筋位好彈牙口感好好! 燒左之後入口即熔超好味~果然係非一段質素~鹽燒牛舌 平時好少食牛舌, 以為會好厚啦, 點知呢個係好輕鬆就可以咬斷, 而且入口仲好有咬感~ 燒牛舌比一般就咁煮更加好味, 外面酥酥脆脆的，咬落去又多汁~超一般水準!加埋蔥一齊食就多一種層次~日式唐揚雞炸得十分香脆，肉質鮮嫩，都幾開胃~味素飯, 溫泉蛋 溫泉蛋撈飯呢個食法真係一流, 加番燒烤好的香茹! 正! 湯烏冬烏冬湯底好出色, 甘甜易入口~ 烏冬煮得岩岩好飲品: 牛匠彩虹水果茶 + 芝士奶蓋四季春估唔到日式燒烤入面, 都做到咁高質的台式飲品, 水果茶好香果味, 唔係果漿甜, 芝士奶蓋四季春, 個奶蓋香酥到不得了, 飲到停唔到口~

以前在日本都食過石燒牛，所以今次見到尖沙咀有間高質石燒牛店不妨試下這裏大多數來自日本鹿兒島和牛，性價比高，價錢亦不算貴，店員親切地介紹，甚至幫客人烤肉及講解最佳燒烤時間，餐廳內座位寬闊，抽風極佳，有居洒屋feel 特選牛肉牛脂豐盛，放在石燒烤著已經芳香撲鼻，肉質軟腍及厚實西班牙黑豚肉油脂分佈平均，肉質鮮嫩，配生薑汁味道更突出燒牛胸腹肉牛味濃而突出， 油花豐盛， 包住生菜食減低有油膩感明太子玉子燒粒粒明太子好有口感，有微微的鹹香，王子燒不會太老，有濃濃蛋香味素飯加溫泉蛋滿滿鋪滿紫菜碎，有肉鬆及芝麻粒加入溫泉蛋好滿足，真係想要多碗湯烏冬烏冬好有咬口，湯清甜沒有半點味精味牛匠彩虹水果茶味道不錯，有不同水果十分健康桂花果釀四季茶濃濃桂花味香，加入奶泡令四季茶清甜

朋友生日，所以同佢食個午餐簡單慶祝吓🥳。佢出嚟尖沙咀搵我，所以就帶咗鍾意食牛嘅佢去「牛匠石燒」。呢間係我嘅午餐飯堂，因為有好鬼抵食嘅定食🍱，質素唔錯㗎。其實我想試佢嘅貴價餐好耐㗎喇，但平日返工趕頭趕命無乜心機，今日係好機會😆。雖然話貴價餐，但只係講緊佢啲石燒定食，價錢亦有平有貴，由$78至$238不等。餐廳午市人氣勁高👏，座無虛席，店員們百忙之中仍然保持好禮貌，服務態度專業，抵讚。可能呢度食燒烤嘅關係，所以冷氣開得大咗啲🙈。食物賣相吸引，而石燒器皿就儀式感十足！石燒澳洲M9牛胸肉定食($148)，定食包咗味噌湯同白飯，以及大大碟牛胸肉🥩。牛胸肉肉質幾靚，油脂分佈平均，而且厚薄適中，拎去石燒啱啱好。兩款醬汁各具特色，唔搶味，但我認為原汁原味都已經好好食。唔好睇爐仔細細，🔥火候都幾強，底部墊咗張油紙同用脂肪塗抹，所以唔會咁易痴底或燒燶。澳洲M9牛胸肉配壽喜燒鍋定食($158)，🍲壽喜燒湯底幾惹味，用砂糖同醬油調和出鹹甜味得宜嘅湯頭，牛肉拎嚟涮又係另一番風味。雜錦配料包括溫泉蛋🍳、南瓜、京蔥、冬菇、椰菜、粟米、鳴門卷、蟹柳同玉子豆腐等，相當豐富。但鐵鍋深度唔夠，所以要分多幾次先淥得晒啲食材。

餐廳職員服務態度超級好，就算帶住口罩都會感受到佢入面係充滿笑容，勁有日本待客之道，見到吉碟會用好禮貌既詢問方式黎收碟，見我地燒肉燒到雞手鴨腳又會好主動咁黎幫手燒，又會好細心留意住燒肉既火勢夠唔夠，勁親切友善，服務態度好真係超級加分燒肉石板上左枱，職員會親切講解下點樣用，餐紙亦都有哂教學，非常貼心關懷到金魚腦既我，需要預熱3至5分鐘左右，用脂肪塗均匀塊石板，就可以開始燒肉架啦（餐廳仲提供埋圍裙，完全唔洗怕整污糟件衫）精選牛胸腹肉 $158牛胸腹肥肥的油脂，分佈得好靚，油花一層油一層肉，肉片既剖面層次好明顯，肉質結實黎得食落好有咬口又軟腍，牛味好濃郁，就咁食已經好夠味，牛香味十足，油脂含量岩岩好，唔會油膩又香口鹽燒牛匠特選牛肉 $108好厚身一條條，本身好驚會燒到好靭，但原來靚既牛肉真係燒肉手勢一般都唔會毁壞左舊牛，牛肉口感軟嫩帶有嚼勁，含有恰到好處既油脂，牛香味道好香濃，牛肉既鮮味特別濃郁，非常好食西班牙黑豚肉腩 $128黑豚肉外表肥美霜降好勻稱，燒到外圍微焦最好食，黑豚肉腩口感好柔嫩，一咬入口肉汁香甜四溢，入口後都好容易咬斷，豬油香好足燒肉就咁食已經好好食，本身肉靚，牛香豬香都好濃郁，

做完按摩落嚟見到呢間燒肉，門面幾日式就入去一試，結果好有驚喜。簿脆石燒吉列牛外脆内軟，肉汁非常豐富，牛味十足，必點。厚切特上牛舌真的超厚切，鮮味十足之餘十分爽口彈牙！又係必試。雞頸肉絕無雪味，勁juicy 爽囗。石燒嘢非常推介！味素飯同烏冬都中上質素食得好滿足。再來清酒煮大蜆，蜆仔大隻多肉，本人怕肥，所以覺得牛油味略嫌重左啲，不過都好好味。牛匠彩虹水果茶超足料，賣相好之餘裡面好多水果，甜味適中，可以媲美台灣果茶店的果茶。草莓乳酸也可以一試，酸甜帶點氣好解渴！餐廳裝潢日化，好似去咗日本！侍應服務態度都好似日本咁有周到咁有禮貌，滿足的一次用餐經歷。

今日同女朋友黎到尖沙咀經過見到呢間石燒牛店就諗起之前食過好高質就想再返尋味餐牌好多選擇，有唔同部位既牛肉，有高級亦有經濟抵食的明太子玉子燒玉子好嫩滑，蛋香味都好足加上明太子一齊食，好開胃好適合作為前菜安格斯牛小排牛小排油脂分佈好靚係石板上燒到好香放入口油香味爆棚必試！雞頸肉好特別既部分平時豬頸肉就食得多口感好有趣係嫩滑得黎爽口亦比雞肉肥好香口鹽燒原條魷魚魷魚好新鮮，爽口彈口一點都不韌加上醬汁，味道好夾湯烏冬石燒牛配熱辣辣既烏冬非常夾烏冬煙韌有口感好好食

日式燒肉真係食極都唔會厭，最近喺尖沙咀見到呢間日式石燒，今日就同朋友過黎試下。估唔到喺尖沙咀都搵到性價比高嘅日式燒肉店😋餐廳座位闊落舒適，仲好貼心地提供埋圍裙唔洗怕彈到件衫污糟👍🏻日本A4鹿兒島和牛肩比想像中大塊，油花分佈都幾靚，牛肉味都幾濃，入口即溶，肉汁滿溢😋 我地另外仲叫左蒜片同生菜，夾埋牛肉一齊食可減輕油膩感👍🏻牛舌比較薄切，無任何調味，口感都幾彈牙，份量都算多，可夾埋啲蔥鹽一齊食，提升香味日式唐揚雞 雞肉都幾嫩，仲有少少肉汁流出黎，就算唔點醬都好味燒肉點都要配返碗飯😋味素飯唔太大碗，啱晒兩個女仔share, 白飯上面滿滿味素，加埋隻溫泉蛋拌勻，味道真係一流😋我地仲叫左個湯烏冬，麵質好彈牙，惟湯有少少味過濃估唔到呢度都有台式飲品，我地就order左牛匠彩虹水果茶同埋芝士奶蓋四季春，兩款都好有茶香，清爽解膩，甜度都唔高👍🏻

喺尖沙咀行完街，見到依間食石燒牛幾吸引又唔算太貴，食完覺得幾有驚喜！除咗有燒肉之外，都有小食、定食等等。叫咗個明太子玉子燒($48)，燒得幾靚，連埋啲明太子一齊燒，玉子上面有一層厚厚嘅明太子，明太子嘅鹹香加埋甜甜地嘅玉子好夾！之後就叫咗安格斯牛小排($168)，姐係手前胸肋骨部位肉，一望已經見到油花分布均勻，食落肉質係好嫩滑多汁嘅！另外叫咗個鹿兒島無激素雞頸肉（$88），喺出面都比較少見雞頸肉，食落肉質比起其他部位更具彈性！叫石燒嘅野可以加$38配麵豉湯同味素飯，仲配埋隻溫泉蛋可以落埋落個飯度食！燒完啲肉放落呢個飯到食真係好正！，因為驚太多肉好油膩所以加$28叫咗蒜片同生菜，夾住食感覺冇咁邪惡。嘢飲方面都幾多選擇，除咗酒之外仲有好多特飲，叫咗草莓乳酸（$28）同牛匠彩虹水果茶（$38），夠哂清新解渴，食石燒嗌嘅話幾好！依間都真係幾值得推介！