牛匠石燒 (已結業)

喺尖沙咀非常方便一般食食燒石都坐得好迫而且冇乜其他食物揀呢間食燒牛有好多唔同嘅牛尤其是好多靚牛，好似和牛禁今次是A4鹿兒島牛肩油花好靚，而且大大塊未食已經流口水擺喺爐上面燒，唔使好耐已經ok入口即融既感覺太美好建議加蒜片生菜或者溫泉蛋味素飯食起冇禁膩另外叫咗個鹽味牛舌牛舌厚度適中燒起上黎要小小時間不過因為佢有小小厚燒到邊脆脆地好惹味有時食燒肉都悶悶地想食其他小食叫咗墨魚咀同埋明太子豆腐好鍾意食舊豆腐做到外脆內軟有小小似臭豆腐既質地加埋明太子，香好多墨魚咀大大粒炸得香脆燒肉當然要飲嘢叫咗一杯牛匠彩虹水果茶鍾意水果嘅朋友一定要叫水果茶裏便嘅水果非常多絕不是糖精茶另外桂花果釀四季春桂花味好香，飲落好舒服呢杯可以去除頭先燒肉既油膩感

今日放假，出左尖沙咀行街，買啲夏天衫比小朋友，諗住順便食埋飯先返歸👍🏻👍🏻行過金馬倫道見到一間食石燒，門口見到裝修好日式，坐位都坐得舒服，價錢平民，所以入去試吓，叫左兩日套餐，追加$35 可以有轉套餐😍😍⭐️安格斯牛小排⭐️配飯牛小排肉質嫩淋，夠新鮮，燒完好多汁鎖住肉入面😋😋另一個套叫⭐️雞頸肉⭐️雞味好重，好嫩滑，肉質新鮮重叫左兩款小食⭐️明太子脆豆腐⭐️外脆內軟，熱辣辣，即叫即整💗一層一層脆卜卜⭐️燒魷魚⭐️成條魷魚上，有個特製醬汁，好好味😋仲有配上台灣特飲，烏龍奶蓋特飲…超特別😂服務方面，員工好細心，不斷重複換石燒紙，又會提醒客人，燒肉時間差唔多要食👍🏻👍🏻走既時候，先發現門口有$39疫境自強2.0 套餐，仲要勁抵食👍🏻👍🏻

高質高性價比牛肉😍😍一定會回頭再食🥳🥳石燒板非常好🥰即使點樣燒 個牛肉都係唔會燶 完全保留到肉既幼嫩同juicy😍店員服務態度又好好🥰每隔一陣就幫我地換石燒板上既紙➽日本A4鹿兒島牛肩肉 高質‼️A4既油脂比例真係超級好有油脂味同時不失牛肉既肉味油脂味同牛肉味都超濃厚😍互相配合仲要跟埋飯先300蚊‼️完全唔貴 好抵食😍性價比超高😍➽鹽蔥牛舌牛舌超厚切😳牛舌彈牙有口感鐘意食牛舌既必點😋好正最欣賞係石燒 無論燒幾耐都唔會黐底又唔會燶😋😋仲係超juicy➽炸墨魚咀 食過其中一間最好食既炸墨魚咀墨魚咀真係好大粒‼️係好大粒‼️咬落去啖啖肉外脆內軟😋😋➽明太子玉子燒 明太子同玉子燒互相配合😳玉子燒軟滑有蛋味 配埋明太子一粒粒質感 好正😋➽味素飯+湯+温泉蛋（跟餐加配）味素飯真係勁多櫻花蝦😳食落有驚喜 好野味🤣單獨食都超好食➽湯烏冬（跟餐加配）烏冬食落好柔滑 烏冬有咬感烏冬個湯咸淡適中😚配埋昆布👍🏻➽荔枝鮮檸➽藍莓乳酸

今日叫左柚子味噌野菜黑豚扒拼牛匠芥末脆牛舌，再追加汁燒一口牛。。。柚子味噌汁奉勸大家真係唔好叫。。。 甜得嚟杰，勁怪！塊豬扒又乾，汁燒一口牛梳打乸到爛哂，個炸牛舌佢唔講我都唔知原來係牛舌。。。好appreciate 餐廳做呢啲價位嘅餐幫下人，但不如做返啲基本汁醬啦，唔好令人對你嘅印象咁差吖。。。 奉勸大家俾多少少錢，食佢啲燒肉定食，再唔係唔好貪新鮮試新野，佢啲米飯好食嘅， 不過。。。我俾個汁嚇驚左，真係唔好意思要俾差評了😮‍💨🙇🏾‍♀️🙇🏾‍♀️🙇🏾‍♀️

🍽 牛匠石燒抵食午市套餐 發現金馬倫道上有一間日燒牛肉店，店家推出了疫境自強午市定食套餐，定價經濟實惠，而且選擇眾多。套餐包白飯和麵豉湯。由於午膳沒有太多時間，所以就沒有點燒肉套餐，先試試店中的定食了。🍲 麵豉湯中有比較少見的玉子豆腐各海帶，味道不會過咸，喝後相當暖和。🐔 柚子味噌野菜炸脆雞柳炸雞頗香脆，野菜有椰菜、本菇和紅蘿蔔，略嫌柚子醬汁偏甜，柚子味丫不太突出。如果店家加點柚子鹽，相信可增強炸雞香味。🐮 牛匠芥末脆牛舌 (跟餐小食)以往一般都吃香煎或焗牛舌，這次點了炸牛舌來試試。牛舌外層脆漿又薄又脆，牛舌有肉汁但稍欠咸味，蘸上芥末沙律會更好吃。餐廳裝飾很有日本風，午市堂食設加一服務費，性價比仍相當高。如選擇外賣價格更低至$39，比茶餐廳更抵食。值得留意的是餐廳空調開得比較大，要帶備外套。👅味道：4.6/5💰CP值：4.9/5🕴🏻服務：5/5🔰餐廳環境：5/5👀回頭率：4.9/5🍽 餐廳：牛匠石燒 🌐地址：尖沙咀金馬倫道34-36A號福僑大廈地舖🐮 #cowing吃在尖沙咀#foodie #hkfoodie #hongkongfoodie #852food #852foodie #f

咸..勁咸...全部野都勁重口味平時都唔年寫食評，今之真係忍唔住， 唔會再食呢間野， 環境比較迫 我覺得 都可以接受 但啲野食， 個飯 個湯 同啲蜆 真係超重口味牛就正常 但份量係少既 冇下次， 如果你食得偏咸同重口味可以一試囉

牛匠石燒一直都非常鍾意食燒肉，初嘗石燒係早幾年係日本旅行的時候，石燒真係有種難以抗拒嘅吸引力，正好要同朋友食飯，發現尖沙咀有依家石燒，見到門口個 menu 都好吸引，而且價錢合理，有好多唔同部位既牛揀，就決定入去試試。餐廳用 qr code 落單，店員開左2個爐比我地，細細個，一人燒一個，每次夠幾塊牛，比較易控制，唔會咁容易overcooked,始終d 肉係靚野，overcooked 就浪費了！！上菜時，賣相好靚，牛花吾錯。日本 A4 鹿兒島牛厦肉回($208)我至愛牛肩肉，少少煙韌，肉質鮮美，juicy 既感覺。牛味幾重，將牛肉煎到5至7成熟，再點埋佢哋嘅醬汁，非常惹味！！牛五花都好香口，薄薄地。肉質完全唔韌，而且有蔬菜，冬菇可以吸吓油，將佢煎香嚟食都幾香口。附帶一提係餐廳抽氣普通，食完會一陣味，但餐廳提供圍裙，唔怕彈到件衫。地址尖沙咀金馬倫道 34-36A 號福僑大廈地舖

［尖沙咀美食推介🍽 ] 牛匠石燒Kausumisu石燒餐廳係香港最近越開越多，近日我地發現左一間價錢不貴，但質素好好既餐廳，所以特意推薦大家尼試食😬午市一人前#冬甩仔女_尖沙咀區#冬甩仔女_牛魔王🍩冬甩仔👦🏻🍩食評👅👦🏻🐮🥩招牌特選牛肉定食 $98牛肉既位置係肉眼扒，都幾大塊，牛肉偏似澳洲牛味道，可能我中意食生小小既牛肉，所以我幾中意佢個血味，同和牛既油脂味相比有另外一番風味。另外要讚既係佢冇冰鮮味，據我所知好多餐廳為快，會將牛放係微波爐解凍，導致佢變得好嚡同埋有冰鮮味，再加胡椒粉遮住啲味，但依間餐廳完全冇禁做，睇得出老闆對食物原本味道既重視。🍩冬甩女👧🏻🍩食評👅👧🏻🐮🥩厚切牛舌拼牛五花定食 $98中意食牛舌既我，就叫左呢個set🤤。上菜時，牛賣相好靚，牛花吾錯。兩款牛味幾重，厚切牛舌咬落好有口感，同平時食開既薄片比，有少少juicy既感覺。將佢煎到四邊燶燶哋，中間5至7成熟，再點埋佢哋既醬汁，正到爆。牛五花都好香口，薄薄地。牛完全唔韌。有粒冬菇可以吸吓油，將佢煎香嚟食都幾香口。 🍩冬甩小資訊🍩1️⃣定食set配有前菜、味增湯、白飯，2️⃣油煙味重，抽氣吾好🥺3️⃣窩心有圍裙，唔怕彈到件衫🥰4️⃣

見到門口個menu有好多唔同部位既牛揀 又有得玩下自己燒下牛 就入咗去試試🤓✿ 牛匠特選牛肉定食 $98一嚟到見到塊同手掌差唔多大既牛扒有啲嚇親😂 $98咁大塊真係估佢唔到‼️塊牛扒口感比較厚實 油花比較少 唔似得和牛嗰啲咁香油脂感 但係肉質都算幾鮮嫩 無咩筋預熱塊石板大約3-5分鐘就可以開始燒喇用返跟餐送黎既牛脂肪搽一搽塊石板就可以防黏底配返兩款特選醬汁 果味燒汁同埋生薑芝麻汁黎食就比較解膩 個人比較鍾意果味燒汁 冇咁濃味比較清香啲😋呢份定食包埋前菜、麵豉湯同埋白飯 性價比真係幾高‼️朋友就叫咗個鮮果壺漬牛肋條($118) 用唔同嘅水果醃製咗既牛肋條 有一陣幾特別既鮮甜味 都唔錯～🍎🥩📍牛匠石燒 尖沙咀金馬倫道34-36A號福僑大廈地舖評分ʕ •̀ o •́ ʔ 👅味道：♥♥♥/5💸cp值：♥♥♥♥ /5🤟🏻回頭率：♥♥♥/5

今日經過尖沙咀買外賣，見到呢間餐廳有$39個便當幾抵食就買來試吓，不過真係麻麻地我叫左個日式汁燒牛肉拼芥末脆牛舌飯，日式汁燒牛肉個醬汁好似啫喱咁一嚿嚿，啲牛肉又老又韌😣；芥末脆牛舌食落去一浸油，完全食唔出牛舌味，食落仲有浸怪味，好似橡筋咁咬唔開🤢好彩加咗$18要咗個珍寶照燒雞翼，如果唔係真係要捱餓，雞翼幾大隻，不過炸得有點焦，加咗好多七味粉調味，係幾惹味其實之前食過呢間餐廳堂食都覺得冇咩問題，但係今次外賣就真係好失望，價錢平但質素差左，希望餐廳能在價格同水準中間攞個平衡，改善質素

肺炎肆虐 百業蕭條就算lunch time 街上依然冷冷清清唯獨這家餐廳有人相繼光顧皆因它推出抗疫價 外賣自取 便當 $39 (連外賣盒費用$41)menu兩餸便當 可任意自選主食及小食 送紙包飲品（隨機附送） 早就看見這宣傳單張猜想這個價錢的便當 份量應該少得可憐所以就沒有光顧了誰知道這便當飯多餸更多！味道還是超水準唔會係因為抗疫價 是是但但維皮就算平做便當似係另類推銷 sell鋪頭ge 高質食過幾轉個人特別推介牛舌小食 （A &E） 明明係小食但係牛舌居然有 4舊單單牛舌的份量已經係厚切牛舌飯的份量個人冇咁鐘意蟹柳粟米系列（11-13）比較鐘意咖喱系列（14-17）好期待疫情快點結束比我信心去食堂食！！！

尖沙咀處處都係好嘢食，不過講到燒肉，朋友介紹呢間又真係幾正😻😻 石燒A4和牛肉眼定食🐮 ($238)雪花❄️分佈，脂肪比例50:50，食落軟綿，肉香味濃😽日本A4鹿兒島牛肩肉🥩 ($208)我至愛牛肩肉，少少煙韌，肉質鮮美，無乜脂肪感，食完少啲罪惡感🤪🤪 芝士黑豚卷🧀 ($88)除咗牛，其實黑豚都係一個好好嘅選擇。😛薄片，勝在皮脆、肉結實，半層爽口脂肪，一啖入口，三個口感。蘸上芝士醬，又係另一種味覺享受，滿口芝味，更加滿足🤩不得不說，麵豉湯有玉子豆腐+海帶，吊出鮮味，而鹹度剛好。🌟擺碟的冬菇，原來大有作用，當岩燒石上的燒肉搶火時，將冬菇放在旁邊可以即時滅火🔥 到冬菇燒熟，又係一味餸🤣👉🏻肉味燒冬菇🍄

一直對石燒有種抗拒唔到既情懷上OpenRice搵食，睇到呢間即刻想試我地2大一細去，開左2個爐比我地，細細個，一人燒一個，每次一塊，咁樣比較易控制，又唔會overcooked 啲肉都係優質肉，但我個人就中意食厚身啲既牛，口感豐富啲，佢就全部都係薄牛肉我特別唔推介大家食「薄脆石燒吉列牛」，入面肉偏肥，個吉列皮一般，$168一份，我情願加多少少叫多份牛肉黎燒試埋啲熟食，熟食好ok，鰻魚夠厚，個「和風芥末脆牛舌」估唔到咁好食

好彩book到位，晚上19:00已經爆場，90分鐘都夠時間燒，要讚一讚間餐廳即使爆場但油煙味唔多👍🏻同大部份其他餐廳一樣，睇menu scan code落單，方便又快捷，而佢地係少數用呢種模式運行但service仍然好到位👏🏻👏🏻 再來食物部份🥩，2個人點得唔多，但都好飽📍牛匠極上盛合懶人之選，有哂唔同部位，油脂分佈平均，切嘅大細都恰好，放上石燒，油份湧哂出黎🤤🤤每啖都係滿滿嘅幸福感😍📍羊架餐廳主打唔係羊，但呢個羊架喺水準之上，中意食羊嘅人會❤️少少嘅羊膻味，肉質唔會乾亦唔會韌，冬天呢啲時間食成個人暖粒粒🌤有機會會再去!!

因為好耐無食燒肉，所以呢日lunch同朋友特登嚟呢一間餐廳食！lunch set包麵豉湯同前菜 (中華沙律) 價錢唔貴，食完覺得好抵！😍😍我嗌左特選牛肉石燒定食 ($98)，加左煙三文魚沙律🥗，飲品就試吓芝士奶蓋桂花四季春朋友嗌左芝士黑豚卷定食，加左唐揚炸雞🍗，飲品係芝士奶蓋茉莉蜂蜜。麵豉湯好足料，有好多昆布同有玉子豆腐，都㔾match🤣唔係好咸，係好飲嘅！食到有啲飽既時候，食下沙律都幾開胃，煙三文魚有兩塊，啲沙律菜都好新鮮，沙律醬唔錯唔會好酸。牛肉肉質鮮嫩，份量幾多，牛肉味重，呢個價錢食到呢種質素嘅牛真係抵食。飯都幾香不過如果有埋飯素就好啦🙈至於黑豚肉呢，都係一樣咁好食😋肥瘦適中，食落唔覺得heavy，份量都好足！炸雞塊有4件，兩個人share啱啱好，雞皮係脆既，都正常好食嘅🤣原本都有啲驚芝士奶蓋會好滯，但佢有啲似係輕芝士既感覺，同埋鹹鹹地，配埋啲茶一啲都唔滯，有種好fresh既感覺👍🏻店員服務態度都好好，會不停同我哋換炭開火，又會提我哋用粒菇吸油，仲會比圍裙我哋著！呢樣真係幾貼心，唔多煙肉餐廳會比圍裙啲客人著🤣會再去試吓佢啲和牛！😍