牛之鍋

营业中

休息中

今晚係一人火鍋 呢度主打一人一鍋既食法 加埋係放題最平只要$175起,超級抵食 每節限時120分鐘，最後落單時間為節完結前半小時火鍋配料選擇豐盛，亦有多款日本料理如天婦羅、揚物、刺身，性價比非常高! 一系列甜品包括宇冶抹茶芭菲、扭紋抹茶新地、軟雪糕窩夫牛肉安格斯油花都幾平均,肉味濃 切得薄身,一燙就熟即刻食得,入口薄嫩牛味濃另外任食刺身 三文魚 八爪魚 赤貝帶子等共八種 色澤都算新鮮仲有用冰墊底起菜另有炸物小食,芝麻雞翼最好食 仲有天婦羅幾款湯底共十款 沙爹,番茄,豬骨等選擇~肉類除牛肉外仲有羊肉片,雞件 ,美國牛肉質素算高,不用$200超值有埋放題食平均消費$200評分8/10銅鑼灣堅拿道西10號冠景樓2樓A號舖

每次係鵝頸橋附近搭巴士都會見到大大個招牌寫住「牛の鍋」好奇心驅使之下就約埋屋企人一齊黎試下餐廳唔算細，晚飯時間差唔多滿座一個價錢就包含咗各式各樣嘅火鍋配料同放題美食客人需要掃描QR code落單～入座後可以去「醬料區」調配火鍋醬料「飲品區」任飲各式各樣嘅「蔬菜」「極上牛肉 (大碟)」「特選豚肉 (大碟)」個人覺得豚肉比牛肉好味脂肪比例較多，肉味濃郁「海鮮類」有蠔，仿鮑片，蝦，鮮魷，青口，大白蜆絕大部分嘅海鮮都好新鮮，無腥味尤其係蠔同埋鮮魷，我哋encore咗好多次哈哈「火鍋配料類」有響鈴，韭菜餃，午餐肉，流心丸，麻吉燒「刺身類」有三文魚，仿鮑片，北寄貝，帆立貝本來以為放題刺身質素都係一般，點知好新鮮好鮮味！「炸物」有芝麻雞翼，紫心香芋丸特別推介紫心香芋丸！外脆內軟，香芋味道非常濃郁，食落去熱到出煙！「章魚燒」大大粒，好有誠意「甜品」有楊枝甘露，仙草芋圓，榴槤班戟，芒果糯米飯，榴槤甘露，抹茶芭菲鍾意榴槤嘅朋友一定唔好錯過佢嘅榴槤甜品做得非常出色，榴槤味突出之餘，仲有榴槤肉係入面其他甜品都做得好好，楊枝甘露係我的最愛，又係encore咗好多次～總括而言，呢度以日式放題+飲食火鍋來講，食物質

最近多左食放題，因為吾使揀食乜，品種又多😛 今日就去左“牛之鍋”，睇到openrice 嘅食評，好多嘢食喎，今日到我試下先😅 $220食足兩小時，又有得食火鍋，又有刺身，壽司，串燒，甜品。。。。 飲品款式都好多，有啤酒，Jolly Sandy 同好多款汽水添呀👍一人一鍋，乾淨衞生，有各自口味👍 極上牛肉，放入湯，拖兩下就食得，牛味濃👍有不少海鮮，仲有雞公子同花膠添😋😋😋 火鍋配料嘛。。。一般都齊晒啦😅魚皮，響鈴，餃子，肉丸。。。蔬菜，蕃茄，菇類就自己攞喇😉日式方面嘅剌身都好多👍 三文魚，希靈魚，赤貝，北寄貝，甜蝦。。。款款都新鮮 壽司最可愛係舊飯好細，一口就食晒，又吾會太飽肚，可以食多好多其他嘢，真係好😅😍 金菇牛肉，醬汁牛舌，雞泡魚乾，燒菠蘿。。。真係數之不盡😛甜品款式都好多😍榴槤班戟，榴槤甘露，芒果糯米飯，仙草芋圓，樣樣都試到，好香，又吾會太甜👍手機落左order好快就有得食，叫一件樣樣試下又得，食到鍾意嘅叫幾件又得，吾會浪費食物👍啲order吾會吾亂，又吾會走單，真係值得一讚👍

好耐無食過日式放題，心癮起一於同老公去拍拖食好野。朋友話銅鑼灣牛之鍋抵食又多野揀，$228一位，有火鍋、日式料理、甜品、飲品任食，價錢都幾合理。火鍋湯底可選大鍋/鴛鴦鍋/一人一鍋，我地揀左九州豬骨鍋及沙嗲鍋, 一人一鍋唔識爭😎用QR Code 點餐落單，仲有自助蔬菜吧和飲品任飲。蔬菜的種類好多，仲有蒟蒻、腐皮、蓮藕、菇類、烏冬、公仔麵，夾埋肉類間住食，無咁肥膩又豐富啲。火鍋配料主要係肉類和海鮮。推介 #極上牛肉，紋理分明，油脂分佈都幾平均，輕輕燙3秒已經可食，牛肉味香濃，入口嫩滑，自己一個都食左成碟😋#特選豚肉 色澤比較粉紅，入口香濃嫩滑，肉味突出，仲好有口感。海鮮配料有新鮮海蝦、魷魚、大白蜆、滋補花膠。全部都好新鮮，隻蝦仲有少少彈架，蜆都仲郁架，雖然有啲殘忍😵‍💫，但咁代表夠新鮮，煮熟左乜都唔洗加都勁鮮甜好味🤤其他火鍋配料仲有牛柏葉、風琴豆腐、各種丸類，選擇好多。唔好錯過仲有刺身壽司🍣 帶子、三文魚腩、鰻魚都好高質，整叫即製上枱仲好有光澤。一品料理同燒物選擇都好多，炸粟米、芝麻雞翼、炸榴槤波、炸黃金生蠔都好香脆惹味。最後一定要留肚食埋甜品，超過10款中西式甜點，宇治抺茶芭菲、綿綿冰、

首先每人一個鍋的, 係而家疫情既情況下, 十分之好, 無咁易感染.湯底濃度普通, 唔算太濃, 普通食材就都算乾淨既, 呢到選擇唔算多, 因為有d貴價小小既食材,要qr code落單的.呢到既肥牛, 算係中級左右啦, 牛味濃的, 又唔算太多肥肉, 打邊爐係可以的.口感比較薄.壽司係飯有小小鬆, 其他正常, 味道都唔錯既,係飯太鬆個到可以改善一下.醬料唔夠多, 都係配醬油既料, 如果有辣醬會更好, 因為火鍋辣醬好緊要, 都會影響到d客第2次再唔再黎食.因為都好多人食辣.  醬料有傳統芝麻醬.呢到甜品反而唔錯, 整得都精緻, 味道都係唔錯, 係雪糕好似有小小唔夠凍,所以拎到出黎時已經有小小溶既感覺.呢到野飲算多, 解茶最好, 打邊爐去油去濟. 整體而言, 服務算好熱情, 質素正常, 價錢不貴!

去開銅鑼灣，又突然好想食放題喎，睇OpenRice 碌咗好耐，發覺好多放題都真係幾貴，其實都好自然嘅，銅鑼灣呢個地段，地舖租金都貴過其他佢好多啦，所以如果想喺呢度搵平食嘅放題，都幾難！碌完OpenRice就碌社交平台，竟然有人介紹銅鑼灣二百幾蚊放題！ 成個放題嘅質素都好平均，火鍋係主角，另外燒物、刺身都記得點黎食，而我除咗喪食火鍋嘅肉之外呢，壽司都食咗幾盆，佢啲軍艦係新鮮包嘅，紫菜上枱時仲係脆㗎。 同好多放題一樣，蔬菜都係喺出邊攞，嘢飲又係自己任攞，但係就冇雪糕寄俾自己裝，而係點紙仔然後佢攞出來，所以會有少少溶，但係個buffet杯都好吸睛！ 一至四晚餐連加一約 $250

今日到銅鑼灣Shopping，血戰完一輪又攰又肚餓，即刻係附近搵咗間火鍋放題，諗住荷包空虛咗，個肚要充實返。打慣邊爐嘅香港人，一嚟到當然勁快手揀個湯底，叫定啲肉，然後食住啲刺身墊肚啦。刺身都唔錯幾新鮮~呢到最大特色係食物來得好快，點完無耐就已經有得食，唔會似出面火鍋放題等咁耐先有得食，啱晒心急又肚餓嘅人。而另一個特色就係鴛鴦湯底可以分開獨立鍋上，疫情時候提供多一分安心，食都食得自在啲啦。食咗一輪填下肚先，之後就去咗出去睇下野飲，應有嘅都齊，又有啤酒，好似都唔錯。揀完野飲就行到隔離揀蔬菜，都有好多選擇，所以都拎咗啲番茄同菇返去。呢度飲品選擇都唔少！！ 相當好！調埋個醬汁之後，個湯底就來到了。我地分別揀咗椰青水湯底同壽喜燒湯底，椰青湯味道少甜偏淡，通常食火鍋愈食就愈咸，呢個湯底就啱我呢啲怕重口味嘅人。另一個壽喜燒湯都不過不失，都相對比較清淡。今次我地主要想試佢嘅牛同羊肉，感覺牛肉嘅口感都幾紮實，而且掛到椰青湯，食落都幾清甜。羊肉就比較濃味，我就覺得一般，可能我係牛魔王。到最後環節，我先發現呢到最正嘅原來係甜品，芒果糯米飯真係好好食，一啖一個我都食咗幾粒。個抹茶雪糕味道都好正宗，甘甜得嚟又軟

今晚約左男朋友食飯，見佢前排成日OT 捱到瘦哂🤭 今日精心挑選銅鑼灣一間日本料理火鍋放題「牛の鍋」同佢大吃大喝一餐😜。-餐廳性價比高，食物款式多❤️火鍋湯底有數款，我們選擇雙拼，點了壽喜燒及蟲草花松茸湯。 壽喜燒的甘甜與松茸湯的菇香，很滋味。火鍋配料亦很豐富，丸類、海鮮、肉類。美國極上牛肉、特選豚肉，羊肉，肥瘦均勻，肉味濃郁。 五香鮮雞件亦很滑嫩。自助區還有各款蔬菜🥬。-❤️刺身方面刺身都有多款選擇有：三文魚、北寄貝、甜蝦、帶子、赤貝等等。最愛帶子的鮮甜；赤貝亦很彈牙。-❤️壽司方面最喜歡黑松露帶子、三文魚親子軍艦，材料新鮮，紫菜脆口。-❤️其他日式料理芝麻雞翼，炸得皮脆又香口。 榴連炸蛋爆漿吃得過癮。串燒香蔥雞腿肉，燒茄子亦很惹味。-❤️甜品甜品款式比起其他放題真的很多選擇！每款都好吸引，有宇治抹茶芭菲及新地、仙草芋圓、榴蓮Pancake、藍莓芝士杯等等當中我最愛的有抹茶芭菲、楊枝甘露、綠豆沙及泰式芒果糯米飯😋抹茶芭菲賣相靚，雪糕很香滑、糖水甜度適中、糯米飯口感煙韌，芒果🥭十分香甜。-放題質素真的很高！ 黎緊一班大學同學gathering, 都會建議黎依度呢🤩

好耐冇食放題揀咗銅鑼灣呢間牛之鍋，貪地點夠方便，而且又有得打邊爐又有得食放題，啱晒貪心嘅我！飲品同菜類係出面自己拎，選擇真係好多，仲有啤酒果啲，呢個價錢有得啤酒任飲都算係咁！呢到可以揀一人一鍋又或者要個大鍋，我揀左一人一鍋，我呢個蟲草花松茸湯，清甜得嚟又幾足料！菜類新鮮不停有人refill ，啱晒我每樣鍾意食少少嘅性格！打邊爐點少得炸魚皮，炸魚皮夠香脆唔會係放到淋晒嘅質素，海鮮多選擇，推介蝦，因為夠新鮮所以肉質好彈牙！鴨血係我至愛，忍唔住一叫再叫！牛肉都有幾款，賣相都唔差，食落有牛味，唔會太肥太瘦！刺身都有唔少嘅選擇，味道正常！熟食味道又幾出色，雞軟骨好食到叫左2 次，茄子整得有誠意，個醬汁調較得好食！佢有超級多款甜品但真係食唔落，所以淨係叫咗兩款，仙草芋圓夠煙韌，估唔到連榴槤班戟都有！總結，款式真係好多，特別甜品真係媲美糖水店，呢個價錢可以食到咁多野真係算係咁！

同事介紹喺銅鑼灣鵝頸橋附近有間放題店既有火鍋亦都有日式刺身、炸物、串燒等等嘅美食，人頭費每位都只係大約兩舊水，見咁抵食就嚟試下。一入到餐廳見到部生啤機我即刻心心眼，啤酒任飲好多間放題都有，但係有得任飲生啤咁高成本製作就真係少見，即刻瘋狂斟幾杯爽皮一下先。美國極上牛肉雪花均勻，入口滑嫩，點少少蒜蓉麻醬，風味更佳。火炙三文魚壽司，三文魚被火炙過後油脂爆發，口感豐腴，令人非常滿足。芝麻雞翼，芝麻雞翼表面佈滿芝麻，炸得非常香脆，雞肉嫩滑，醃得入味。燒日式墨魚丸，估唔到呢度連日式嘅燒墨魚丸都有，賣相仲要相當精緻，最鍾意佢可以逐粒逐粒嗌，咁就唔會 ARE 住個胃可以食多啲其他款式嘅食物。刺身拼盤，刺身拼盤選擇不少，我哋選擇細細份嗌咗三四次，確保新鮮。日本廣島蠔蠔身飽滿，個子不小，實屬回本之作。

今日同男朋友嚟到銅鑼灣呢間放題我哋見佢價錢都幾平 又有火鍋又有刺身壽司又有甜品本身都冇乜期望但係點知發覺佢所有嘢都幾好食唔會好似平時啲放題鋪 求其拎啲嘢俾你食首先我要讚下佢嘅麻辣湯底 佢絕對唔係平時就咁調啲辣椒落去嗰啲湯底係有個麻辣牛油湯包所以其實我入到呢間舖頭嘅時候已經聞到好大浸麻辣香味之後佢嘅牛肉質素我都覺得幾唔錯 唔會好多根而且厚薄度適中 之後我哋都係叫下刺身串燒炸物呢啲質素都唔錯但我想講個重點係佢啲甜品係超級好食有窩夫 唔會硬繃繃又有牛油香味佢個珍珠伯爵茶奶凍真係估佢唔到軟硬度適中 個奶凍充滿着伯爵茶香味

正值發育時期的學生食生日飯 ，日式放題是不二之選，否則食到窮都唔飽 。牛之鍋位於鵝頸橋附近，地點方便 ，包羅萬有!食生的食熟的都大把選擇。而且非常抵食    超過200款兩小時任飲任食，放題兩小時日本料理，火鍋甜品平日價錢$228，假日$248，長者仲有優惠 。可以食盡美國牛肉，廣島蠔，美國極上牛肉、紐西蘭羊肩肉、特選豚肉 ...都幾好坐一人一鍋，可以擇自己喜歡既口味。9款湯底包括有九州豬骨湯，壽喜燒、蕃茄薯仔牛粒湯、清湯、皮蛋芫茜清湯、麻辣湯、胡椒豬肚湯 蟲草花松茸湯和 沙嗲湯!我點了蟲草花松茸湯， 味道淡淡的 ，感覺滋潤有刺身可點飲料是自助的冷熱飲料，有酒精無酒精既都有生料區，菜蔬都好新鮮一提既係呢度嘅串燒同天婦羅都非常出色， 即叫即整!單是燒菠蘿和雞軟骨我已經再三返點榴槤炸彈，紫心香芋圓和黃金炸生蠔!超高質串燒雞軟骨、燒菠蘿和千島燒蟹蓋 黑松露帶子壽司，燒鰻魚壽司和三文魚腩壽司燒茄子好juicy食完一輪熟食後，到食火鍋了!紐西蘭羊肩肉帶點羊味，愛食羊的人就會喜歡這個羊特有的味道美國牛肉，不過不失，厚簿適中一放進鍋子涮幾下就可以食了牛肉美國極上牛肉 ，肉質鮮甜，雖然說不上入口即溶，

🔸晚市放題2小時（日本料理、火鍋、甜品）📆星期一至四🕠5：30～12：00👨🏻成人（$228/位）👦🏻小童（$138/位）去鵝頸橋打小人就聽得多🙊但原來附近有間任食火鍋放題餐廳都頗為出名🥢200多款美食任君選擇😍7：30前離場再可享有優惠價🕢價錢相宜💰稱呢度為抵食火鍋店絕不過分💁🏻‍♀️🥘雙拼湯底🍲 （雙拼+$18）🌶麻辣湯、🍄蟲草花松茸湯前者辛香味十足💥味覺層次相當豐富😌鍾意食辣嘅朋友千萬不能錯過💗後者則藥材味較濃🥣湯料有紅棗👉🏻姬茸菇👉🏻杞子👉🏻蟲草花等✨滋補養生🧏🏻‍♀️🍖火鍋肉類🥩極上牛肉、美國牛肉、紐西蘭羊肩肉、特選豚肉、草飼牛脷（送）薄切牛肉色澤粉嫩🐮油脂比例均勻☺️香味濃郁💋羊肉腍滑軟嫩😋不帶羶味🐏口感唔錯🎉豚肉肥瘦相間🐽油香滿滿👏🏻整體嚟講肉類質素相當高💛🦪火鍋海鮮🦐日本廣島蠔、生猛海蝦、大白蜆廣島蠔鮮味四溢且肥美飽滿😻海蝦肉質厚實細膩👍🏻爽口彈牙🏅大白蜆鮮甜多汁🤤帶有淡淡海水味🌊值得推介✅🥟火鍋配料🔔風琴豆腐、腐皮響鈴、粟米餃、韭菜豬肉餃第一次試食風琴豆腐👀估唔到可以咁入味🥳豆腐完全吸收晒湯底嘅精華💃🏼邪惡指數爆燈😈腐皮響鈴亦同樣吸引🛎口感爽脆酥香🏵打邊爐必備之選🤟🏻🐟壽司

店好方便係鵝頸橋隔離店舖4人座位都多唔會坐到好迫咁火鍋加甜品放題（平日）都係$228可以慢慢食吹下水其實都好抵湯底味道選了比較特別的皮蛋芫茜及蟲草花松茸湯底算比較清但香所有菜類、響鈴都可自己拎飲品方面以罐裝為主全部任飲我當然主打食牛美國牛肉極上牛肉兩款既色澤都明顯新鮮分別在於口感美國牛肉比較多脂肪口感較佳所以我瘋狂吃了5大碟依家八周年大放送送美國草飼牛舌海蝦肉質非常爽口我都叫了3轉其他丸類及海外我都有試架以為以火鍋牛為主打刺身會冇咁新鮮？你完全錯了刺身新鮮肥美沒有腥味厚切仲要有帶子壽司一口一啖我都有再encore而炸物我必吃芝麻雞翼外脆內嫩天婦羅蝦皮夠薄又爽口聽聞甜品是牛之鍋主打大大話話有十多款選擇而宇治抹茶芭菲及新地真係正嘅「非佛」吃時唔會一口綠茶粉係好滑好香抺茶味食幾杯已回本所以我食左兩杯唔怪之得好多人一心來其實想吃甜品啦

選擇豐富任食火鍋店 必食足料黃金墨魚餅～～～是日帶爸爸媽媽黎撐枱腳 等媽咪可以輕鬆下唔使煮晚飯 呢間餐廳近叮叮站 我哋食完飯可以直接返屋企 幾方便😊～～～平日七點幾嚟到 餐廳都幾多人 好彩有醒目訂位 佢地嘅自助餐牌選擇頗多 例如有沙律 刺身 燒物 壽司 天婦羅 手卷 軍艦 即製甜品 出面嘅自助區就有飲品同蔬菜 飲品選擇亦唔少 例如有提子清酒 香橙清酒 蜜桃茶 咖啡飲品 啤酒同金橘檸檬等等🍹～～～自助區方面 推薦索汁薯粉 柔軟枝竹 軟糯日本年糕 粉綿芋頭 同低卡路里嘅芋絲 呢啲都係我一再encore嘅食物～～～刺身方面推介鮑片 甜蝦 希靈魚 鮑片味道濃郁 甜蝦就新鮮香甜 希靈魚唔係一款我平時鍾意食嘅魚 但係呢度嘅希靈魚就好好食 無論質感同埋新鮮度都很不錯～～～甜品就推介仙草芋圓 泰式芒果糯米飯 同楊枝甘露 仙草芋圓 清涼消暑有口感 芒果糯米飯就非常特別 椰汁係呈淡綠色嘅 非常吸睛 最後楊枝甘露甘甜而不夠甜 備受挑剔嘅爸媽讚賞🥭～～～除咗呢啲之外 燒物方面 我仲鍾意要日本番薯仔 千島燒蟹蓋 同燒菠蘿等等 酸酸甜甜嘅juicy燒菠蘿 尤其解膩 ~~~最後 天婦羅方面我嘅心水之選就有啲多😆