牛之鍋

营业中

休息中

其實都好一段時間冇食火鍋，某日就約左朋友們去試呢間任食火鍋。點餐係用QR code掃描我就要咗個蟲草湯底，有朋友就叫咗個沙嗲湯底，我趁未真正開始打邊爐嘅時候已經飲好多啖湯，好香藥膳蟲草蔬菜同飲品就自助喺出邊自取首先我哋就叫咗啲刺身，我同我1個朋友一齊落order，而另外兩個朋友係兩公婆所以佢哋就指點自己嗰份，方便點方便食刺身都好新鮮，雖然佢同我地點嘅份量唔同但係佢啲三文魚唔係話切到博切切，都有啲厚度食落有口感。然後帶咗幾件壽司，好得意細細粒，岩哂過口癮牛肉同豬肉都擺得好靚🥰仲有蠔，另外牛柏葉冇影到，我想講牛柏葉勁好味勁爽口d蝦都算中大尺寸，很好🥰你哋呢個炸香芋球勁好味，一個人又係可以食兩三粒，外脆內軟好香口我哋四個都勁鍾意食甜品所以基本上每樣都有叫🥰 甜品真係好值得一讚，同平時嘅放題好唔同，佢呢啲甜品係屬於真係自己整，而且個質素係甜品舖嘅質素😍仲有綿綿冰，瞓到細細份好啱一個人或者兩個人一齊食！甜品呢度真係好加分，唔係人哋嗰啲出邊普通雪糕/唔好味嘅蛋糕😂大家都食到勁飽🥰不過要留意一夠鐘之後就冇得再落order😃

今晚相約了一位好友食晚飯, 大家想吃得豐富但又不想太貴, 於是便揀選了銅鑼灣鵝頸橋附近的牛之鍋吃個日式火鍋放題。擺放醬油及飲品的位置相當乾淨企理, 還有任飲的生啤。新鮮蔬菜自助區任拎任食。一人一鍋的模式很適合在疫情下衛生的做法, 不用怕交叉感染, 落單是用單據上面的QR CODE。美國極上牛肉作為性價比之選, 牛肉用上了美國的極上牛肉也算是很有誠意的了, 看到脂肪成份不高, 多多吃也不容易增磅, 而且牛香味也算濃郁。特選豚肉豚肉方面算是肉脂平均, 口感嫩滑之餘肉質也算是中規中矩。刺身&壽司吃火鍋同時也能品嚐到幾款精美的刺身和壽司, 光看賣相可以媲美日式居酒屋的質素, 吃落同樣是魚香脂滑, 鮮甜無比。燒菠蘿火候也控制得很好, 菠蘿多餘的水份被蒸發掉, 剩下的果糖令菠蘿燒得更香甜。甜品甜品也有幾款任君選擇, 愛傳統的糖水有綠豆沙, pancake及抹茶雪糕也相當高質。

鍾意打邊爐又鐘意食牛肉, 一定要去放題先滿捉到心裏面嘅肉望。先揀咗湯底先，呢度好多勁正嘅湯底。一人一個😋，自己揀咗最鍾意嘅胡椒豬肚湯。再迫隔離嗰個叫埋另一款想試既湯底❤️個胡椒豬肚湯勁好味，嘢食未嚟我已經飲咗一半🤣出去出面搞下啲汁醬，夾左一大盤蔬菜，啲菜睇落都幾新鮮，拎埋嘢飲就坐返埋位叫野食☺️佢依到幾好用QR code自己點野食，唔洗煩到d姐姐！牛肉佢呢度分咗美國牛肉同埋美國極上牛肉，個人覺得美國牛肉口感軟強，肉味比較濃。佢另外仲有好多熟食同刺身，勁食咗幾輪刺身。次次都好新鮮，同埋上檯都好快，完全冇揼波鐘！仲有一定一定要食蝦，應該係海蝦嚟，超級超級新鮮，又爽又甜又大隻！我諗我哋食咗一斤🤣另外最喜出望外嘅就係佢哋啲甜品，完全唔係Hea做，講真真係俾錢嚟食甜品都抵！芒果布甸一食就知唔係啫喱粉整，仲有藍莓芝士杯cream chee withse味重仲好滑。其實我哋每一樣都嗌左，真係杯杯都咁好食！

有返咁上下大胃，間中都要食一餐任食放題，今次食呢間有火鍋又有日式料理刺身，一次過滿足晒兩個願望前菜沙律👇🏻日式既冷盤真係好開胃，叫左八爪魚，螺肉，海蜇，蟹籽沙律，作為大餐前小食，有種清新既感覺刺身壽司👇🏻瘋狂食刺身，叫完又叫，食得最多係帶子，本身都中意食，加上新鮮度都足夠，當然要大吃特吃豬牛雞羊👇🏻 每樣肉都最少食左一碟，極上牛絕對係食得最多的一款，牛肉肥瘦程度剛好，又有芝麻醬同蒜蓉豉油，一啖肉一啖蒜不過份😎 薄切豬肉都幾正，口感不錯火鍋配料👇🏻好多種類的丸，芝心丸年糕魚蛋等等經典打邊爐必備食物全部都有。仲有多種海鮮，連蠔都有。菜同麵就要出去自己拎，竟然有薯粉！即刻攞左d，吸收完湯入味又好食熱食料理👇🏻即炸天婦羅熱辣辣好好味，一品料理例如蟹蓋，串燒，雞泡魚乾，一定要配啤酒食，好惹味送酒一流飲品甜品👇🏻飲品唔洗講，乜都有，熱飲可以飲茶。甜品都好多選擇，窩夫出奇地好食，脆得來又軟綿綿，仲有綠茶新地同芒果糯米飯，平均黎講都好食，甜度正常味道平均價錢👇🏻成人平日$228鴛鴦鍋加$18加一服務費

與朋友到銅鑼灣食打邊爐，選擇多的一間。上菜非常快，甜品的種類非常多，而且唔差，非常適合愛食甜品的我。留肚食甜品。➰雙拼湯底➰麻辣燙➰蟲草花松茸湯➰燒物➰大蝦天婦羅、黃金墨魚餅、番薯天婦羅、紫心香芋丸、黃金炸生蠔、榴槤炸彈、燒日本番薯仔、燒雞泡魚乾、燒菠蘿、千島燒蟹蓋➰壽司刺身➰蟹子軍艦、燒鰻魚壽司、味付螺肉、海蜇沙律、三文魚、八爪魚、鮑片、帶子、北寄貝、赤貝、甜蝦➰火鍋肉類➰紐西蘭羊肩肉、極上牛肉、美國牛肉、特選豚肉、紐西蘭羊肩肉➰火鍋海鮮➰生猛海蝦、日本廣島蠔、大白蜆➰火鍋配料➰風琴豆腐、腐皮響鈴、粟米餃、韭菜豬肉餃 ➰即製甜品➰宇治抹茶芭菲、軟雪糕窩夫、泰式芒果糯米飯、榴槤班戟、藍莓芝士杯、珍珠伯爵茶奶凍、榴槤甘露、芒果布甸、冰糖雪耳燉木瓜（熱）

好耐無食過放題，今次隨機入左間好多人食既牛之鍋，因為多人食一定無死🤣，食物種類有好多，連生啤都係任飲湯底加$18可以轉鴛鴦鍋，揀左蟲草花松茸湯/番茄薯仔牛肉湯，湯底真材實料，求其撈起都成堆松茸同蟲草花，之後仲食埋佢地補補身😂刺身三文魚/甜蝦/帶子/鮑片/八爪魚/北寄貝/赤貝/希靈魚，無睇menu都記到咁多，全部種類叫少少都食到好多款，刺身都算新鮮，落完單上菜都好快肉類最正當然係極上牛肉，油脂分佈不錯，肉質偏瘦，所以食多多都唔怕。其他肉類仲有肥牛，羊肉，豬肉，同五香雞肉，雞仲有醃過，本身已經好入味海鮮食左蠔，青口等甲殼類，蠔幾大隻，原本都已經去左殼，直接落鍋就可以，而且感覺上乾淨，因為完全唔洗自己處理個殼菜類火鍋用的蔬菜同麵食類可以出去自己拎，菇類菜類都有，公仔麵薯粉烏冬一應俱全炸物放題又點少得天婦羅🍤，基本款樣樣有，仲有榴連波波/墨魚餅/紫薯波波，平時比較少見的天婦羅，鮮炸出來特別香脆美味甜品太多款式了，只係試左幾款，其中芒果棉花冰好正，配果味爆珠，一邊椰奶一邊芒果汁，同甜品舖食既一樣飲品汽水/茶/果汁/啤酒，全部任飲🤩 作為酒鬼，我地4個全程淨係飲啤酒，一路食一路Cheers, 好開

今日朋友介紹去咗呢間食牛肉好出名既火鍋店，一食之下果然真係好吸引!開頭都搵咗一陣係邊佢係一個大廈既2樓，門口按制後就會開鎖，或者行樓梯都得!入到去係好傳統既港式火鍋店，一望就見到呢間店既重點之一，就係可以自己無限飲生啤! 基本上真係好少火鍋店有咁既安排，夠哂冰凍又夠泡!火鍋可以揀一人一鍋或者一個大鍋，我地今次就決定一人一鍋自己食咩都得!一開始會送碟牛舌，一食之下真係好嫩又夠爽口，見到poster原來係英國牛唔係普通內地牛，好有咬口又重牛味!手機自助落單都幾方便，我地叫咗蜆、牛柏葉、豬肚同埋鮑片，整體都好新鮮爽口，特別係蜆肉好甜冇沙! 另外出面可以自己夾菜，都係幾清甜又爽口! 丸類方面都幾好夠彈牙唔會梅，整體好出色!熟食方面都好出色，特別係芝麻雞翼真係好好食，熱辣辣又有肉汁! 天婦羅蝦同埋炸蠔都好好食唔會重油溢味! 壽司亦都係比想像中好，魚生新鮮而且火灸類既都好好食夠惹味!最後既抹茶芭菲都好有驚喜，抹茶味濃又足料，我地每人都最少食兩杯!整體呢度火鍋好出色食材夠新鮮，下次一定會再嚟食!

銅鑼灣餐廳林立，依家就推薦大家一間超抵食日式刺身➕火鍋➕甜品120分鐘任飲任食放題。🇯🇵食物包括刺身壽司🍣一品料理🍱，天婦羅🍤，揚物，燒物🍢等等，數十款食物任點任食🤗講吓個火鍋先🍲，湯底有九款選擇，可同行朋友選擇雙拼鍋或自己一人一鍋亦可🙆‍♀️美國極上牛肉及美國牛肉🐄，食左幾輪牛肉都保持高質素，油花綿密，下湯大約淖十多秒，牛肉便熟了，牛肉入口鬆化兼有牛肉味。其他打邊爐材料如海鮮🦐，餃子🥟，丸類🍥等等，多款選擇，大家記得食幾多叫幾多，唔好浪費呀👍各款蔬菜可以自己出去拎，選擇多，擺放整齊又乾淨🥬飲品方便都係自取，各款汽水茶類涼茶啤酒都有提供，旁邊仲有咖啡機同生啤機，都係任飲㗎！ 🍻最後不得不提就係甜品，甜品選擇都多，當中本人覺得最好食嘅係窩夫，宇治抹茶新地，芭菲等，建議大家留肚食甜品呀！ 🍨

9 0 後 的 味 蕾.收工同班同事想搵間又有啤酒飲，又有唔同嘢食俾大家揀，邊食邊吹水，上OpenRice 睇下睇下，搵到呢間平價親民日式火鍋放題。.曾經風靡一時既火鍋+日式料理放題似乎又捲土重來，依家好多大型商場有同類嘅連鎖火鍋任食餐廳。.生活係美食之都，香港人都係最鍾意係咩都有得食有得揀既buffet，一餐滿足哂所有要求。.#大胃王 要出動啦！.食完呢間餐廳，覺得佢真係好抵，二百零蚊食到飽，又有啤酒飲，真係窮人恩物，刺身、壽司、天婦羅、炸物、燒物、沙律、甜品，仲有好多火鍋料，任君選擇。.#Beerholic 留心呀！💥生啤任飲，今舖真係名副其實食飽飲醉🥰.推薦食物：頂級牛肉色澤靚、軟淋唔鞋口羊肉極香羊騷味炸雞翼皮輕脆、肉滑燒波蘿多汁波菜新鮮 抹茶巴菲、茶香味濃雞泡魚乾、厚身唔乾、餸酒一流

前排見openrice 做緊優惠同埋食評幾好就去試下， 點知出晒事， 估計我呢段comment 好可能會被消失， 維持返佢既高評價。 講返正題， 刺身一般般， 火鍋食材最出事， 好多都唔新鮮， 睇得出擺左一段時間， 食物一黎到食少少已經無胃口， 熟食炸物還好， 而唯一好既竟然係甜品， 雪糕幾好食， 食左兩杯。 餐廳環境一般， 唔好貪平有優惠😕 唔好同我講一分錢一分貨， 都差唔多成二百蚊個人， 閒日出面150蚊左右已有大把更平更好食環境更好既選擇😕

【牛之鍋】呢一間係又有火鍋又有放題食嘅餐廳，而且食物同飲品種類都幾多😗😗佢特色係除咗可以用大鍋打邊爐外，仲可以俾你揀獨立一人一個鍋，就可以就返各人嘅口味揀湯底🍲 牛肉嘅質素都唔錯，唔係一淥完就得反碎肉個款🥩 而且都算係有幾多配料俾你選擇。 壽司同刺身方面相對就少啲選擇，但質素唔錯過得去嘅。另一個特點就係佢有幾個甜品係幾好食😋 平時出邊放題大部份都係雪糕，佢地有一個珍珠伯爵茶奶凍同宇治抹茶芭菲🍵整得幾出色 個芭菲基本上見到全場人都有嗌佢😂🤣 媲美掃街食到既甜品😳但缺點係，佢張枱真係好細，而且個場比較迫，係超多人😂 仲有佢一上食物就一次過上😂 結果啲嘢食唔夠位擺🤯 另外因為個場都多人，所以等候嘢食嘅時間都頗耐🥲

今日來到牛之鍋，入到去，環境不算好寬敞。坐低後，開始被員工既友善辛勤態度吸引左，主動溫柔詢問需要，他們雖然年輕，但態度很好，服務效率高，抵讚👍🏻！同朋友一人一鍋，有九樣湯底選，我選了椰青湯底，朋友選了皮蛋芫茜湯底。食物方面，海鮮，刺身，牛肉，串燒，甜品，炸物可以用手機點，蔬菜就在蔬菜食物bar自取，朋友話蔬菜洗得乾淨。這裡飲品選擇多，就連啤酒都三野選，雖然自己唔飲。哇，美國極上牛肉🥩來啦，滾幾下好快食得，肉味香濃，味道有驚喜喔，牛肉比其他肉好吃😋。炸物:炸芋泥香甜外脆內軟。雞翼熱烘烘，皮脆肉嫩。天婦羅蝦和炸蠔我覺得好吃，外層唔會厚。海鮮:北寄貝，三文魚，帶子都夠鮮味。甜品:有驚喜，這裡宇治抹茶芭菲係真係品嘗到抹茶味，略似日本🇯🇵果d。整體而言，食物選擇多種類，服務好，性價比高，三五知己開餐暢飲好選擇。

放題呀！事隔差不多一年了，因為都害怕成為放題群組、自助餐群組，而且確實已經習慣了在家煮食，練得一身好武功，實在很少外出吃大茶飯了，於是千揀萬揀，揀了這家字喎，看見食評都說是性價比挺高的。 ➡️ 平日一至五成人收費 $250 連加一。先說價錢，作為一個放題，二百多元已經可以吃火鍋、刺身、壽司、炸物、燒物、甜品、雪糕⋯⋯連飲品都是飲飲，先不說味道，這個價錢肯定已經可以交代了。 ➡️ 再說食物質素已經是在深一個層次了。火鍋固然是不錯，食物種類也不小，但我覺得壽司及燒物同是必點，壽司是新鮮包的，因為軍艦壽司那塊紫菜還是新鮮脆口的。

有一日突然好想打邊爐、又想食刺身…點知Openrice 搵到有新店，竟然可以一次過滿足三個願望😂 放題火鍋、刺身同埋甜品有2個plan 可以選擇既，而我選擇左刺身+火鍋刺身黎講係叫做唔錯，呢個價位仲有咁多選擇我已經好滿意…一開始會送一碟比較靚既牛，之後既牛都比較薄身，豬都同樣有呢個問題…但係無所謂我叫多幾碟姐😂甜品方面: 朋友評論榴槤味既甜品可以…忽略…其他我覺得綠茶芭菲唔錯可以試試❤由於我突發想食，就無買coupon啦，就要HK$228+1一位，建議想試下既朋友可以早小小買coupon預約。

三五成群 有咩好得過打邊爐/放題❓🤔牛之鍋唔洗你揀 佢地有個套餐A ($228)包晒日本料理同火鍋放題 我就係要呢啲-餐廳食物種類應有盡有😎上至刺身 壽司 軍艦 手卷🍣下至炸物 串燒 一品料理 天婦羅🍤仲有各種火鍋肉類同即制甜品🍨-以下幾款係我地覺得幾高質嘅 誠意推介: 🥩美國極上牛肉牛肉味重 脂肪比例適中🐏紐西蘭羊肩肉最為驚喜🤩 淋身且極重羊羶味🤪🍗芝麻雞翼外皮金黃香脆 內裏肉質juicy嫩滑🍣火炙三文魚腩壽司/三文魚刺身三文魚腩肥美之餘三文魚味都幾出🍺1664生啤放題不解釋🤪🤪🥬各樣火鍋蔬菜想講呢度嘅蔬菜非常新鮮好食好少可放題火鍋店有呢種質素嘅蔬菜!!強烈推薦波菜😼😼🍦宇治抹茶芭菲同平時咩乜乜抹茶屋嘅雪糕芭菲有得揮🤯依個收尾bellofood好滿意😝