影片
附加资料
全新放题:日本料理、火锅、即制甜品，超过200款美食二小时任饮任食
营业时间
今日营业
12:00 - 23:00
星期一至日
12:00 - 23:00
以上资料只供参考，请与餐厅确认详情
优惠
相关文章
今日嚟到铜锣湾一间火锅放题，拣咗B餐，火锅串烧甜品刺身任食仲有啤酒任饮。黎到首先拣咗个汤底先，可以选择一人一锅又或者大锅，今次终于唔使陪个朋友食辣啦，我拣咗一个蕃茄浓汤，朋友拣咗麻辣鸡煲。鸡煲上到枱系七成熟，记得唔好咁心急即刻食，鸡肉嫩滑又入味，食完鸡煲可以选择加汤又或者转过第二个汤底。蕃茄浓汤味道鲜甜足料。决定转左个麻辣汤底。等紧个煲滚嘅时候就梗系食咗刺身先啦，刺身选择好多，三文鱼肥美，虾大大只，好新鲜。火锅配料都有好多选择，B餐有美国极尚牛肉，美国肥牛肉，澳洲洋肩肉等等，牛味浓郁薄切，肥瘦适中。仲有任食嘅海鲜，有鲍鱼扇贝蚬鲩鱼片，样样都好新鲜。任食区都有好多蔬菜同埋丸类嘅选择，整体感觉都干净企理。仲有串烧食，正食饱饱之后梗系要食埋甜品啦。甜品有好多选择，甜品柜可以任取，亦都有啲即场点，例如芭菲等等，实在太饱，所以我哋净系叫咗木瓜炖雪耳同埋雪燕流连忘返，两款甜品都好足料，好滋润。今次嚟到都几多人嚟食，但系环境都唔系好逼夹，干净清洁，侍应亦都好快手主动清理枱面。
继续阅读
难得同屋企人去铜锣湾揾食，话最想打边炉，见到牛之锅有平时晚市$298任食B餐（包串烧、火锅、甜品、鸡煲），呢度主打一人一锅，8款汤底任选，我哋唔食得辣，所以我拣咗「椰子鸡汤」，妈咪就试「三鲜豚肉汤」。椰子鸡汤带淡淡椰香，清鲜够润喉；三鲜豚肉汤海鲜味浓郁，滚菜一流！🍲肉类方面，我哋试齐四款：美国肥牛同极尚牛肉油脂分布均匀，一涮就食得；澳洲羊肩肉冇骚味，嫩滑多汁；特选豚肉同鸡件够新鲜，配边炉酱一流。串烧区有肉有菜有海鲜，不过食肉兽如我哋都叫咗大量蔬菜平衡吓（翠玉瓜、秋葵、烧青椒、烧番薯仔）。刺身有三文鱼、北寄贝、赤贝、鲍片同带子，鱼油香浓又够厚切，海鲜控必食青口、济州蚝、连壳鲍鱼同鲜虾，蚬肉都几肥嘟嘟！隐藏推介「烤榴梿」，外焦内软香气爆炸，榴梿控请锁定！🥢火锅配料吧有齐杂菇、丸类、拉面，自己拎好方便～最惊喜系「甜品放题」！即制甜品升级大碗，必试「雪燕榴梿忘返」，榴梿肉多到铺满面；「宇治抹茶芭菲」层次丰富，抹茶雪糕带微苦回甘；即叫即整嘅「榴梿雪糕芭菲」同「焦糖炖蛋」香浓到唔舍得停口！传统港式甜品如芒果布甸、芝麻糯米糍都水准在线，马卡龙靓到影完相先食～冇限时安心食，成餐饭食足2.5小时，全程加单快、服务员亲切，一家人食得开心又温暖。$298任食咁多野，尤其甜品同海鲜质素高，性价比真系唔错！无论家庭聚会定朋友开心share都好适合，因为无限时可以坐好耐。
继续阅读
👧🏻😋👅🍽✨超值边炉串烧放题🥳-🍲 晚市无限时任饮任食放题三个餐都包火锅+甜品+鸡煲/汤底, $258 A餐同$298 B餐既肉类同配料一样, 食到几靓既猪牛羊鸡肉, B多左串烧同刺身, 多元化得黎性价比最高🍲 但如果对牛肉好有要求, 都可考虑C餐任食新鲜潮汕手切牛同M5和牛! QR code落单好快送到, 全晚亦冇漏过单, 店员收碟收骨都好勤快🫡▪️串烧🍢 我钟意既款式差唔多全部都有, 虽然细细串但任叫唔嬲上菜又快, 我地都食左好多🤭 大推牛舌, 鸡肾, 羊肉, 鸡软骨; 全部都系串烧店质素▫炸物🍤 只有两款就系芝麻鸡翼同榴梿炸弹, 冇食榴梿但芝麻鸡翼劲出色, 炸到胀卜卜又多汁, 建议加多啲款唔好浪费咁好火候 😍▪️海鲜🐚 半壳扇贝系B/C餐先有既期间限定项目, 洗得好干净又处理左, 净系放粒肉落锅就得, 大只好鲜甜🦪 韩国蚝肉唔大只但都好juicy, 脆鲩鱼片爽脆唔腥又冇骨好唔错▫甜品🍫 惊喜! 比我想像中火锅放题既任食高质好多, 中西式都有, 木瓜雪耳好滋润!🥧 心太软即整需时, 个蛋糕壳好薄而朱古力流心好软滑, 浓香朱古力唔会太甜, 配云呢拿雪糕堪称完美🍮 Crème brûlée未至于PL咁用靓云呢拿籽, 但都好香蛋味, 焦糖脆皮都恰到好处▪️饮品🍻 有樽装homemade茶同果汁, 亦有罐装啤酒汽水同纸包饮品; 多肉葡萄虽然甜咗啲, 但有啫喱同果肉又几清新
继续阅读
近期试咗一间系铜锣湾主打任食火锅 + 串烧 + 刺身的牛之锅。我哋选了$298套餐，选择种类多，性价比相当唔错。汤底拣咗寿喜烧同椰子鸡汤。刺身：鱼生切片厚薄适中，口感滑嫩，虾类与贝类都相当唔错。泰式生虾加埋酸辣调味，为整体带来新鲜感。海鲜：海鲜种类非常多，包括鲍鱼、扇贝、大虾、蚬等，都处理得干净企理，鲜味明显。煮完无腥味，保持原始口感，配搭椰子鸡汤尤其出色。肉类：牛、羊、鸡、豚肉都有提供，肉质普遍不错，特别是牛肉油花分布均匀，涮一涮就入口即溶。羊肉冇膻味，豚肉亦够滑，满足不同喜好。串烧：串烧提供多款肉类与蔬菜，鸡软骨烧得香口不干柴。调味适中；蔬菜类如菠萝、蕃薯仔等亦烧得香甜，令整体层次更丰富。其他火锅配料：火锅配料方面，从牛柏叶、鹅肠，到八爪鱼滑、鱼皮、乌冬都有提供，能满足不同口味需要。质素整体不俗，尤其墨鱼滑弹牙好味。甜品：最意想不琴系甜品表现突出，选择多。尤其是朱古力心太软与焦糖炖蛋，甜度刚好，质感细致。而杨枝甘露与绿茶巴菲则清新解腻，为整餐划上完美句号。
继续阅读
第一次来，庆祝生日，真是难忘的生日聚会！食物质素很差，落了单等到水都滚埋都未有上菜，落了单多数都没有送来，数量也不符合，是见你几多个人就求其俾几样𩠌你，落了几只蚝到了埋单都没有出现过！有啲冇order例如小笼包和饺子又送上俾你，想执饱你个肚，甜品冇样好食，最难得是软雪糕都可以整得那么差。一坐落灯，已经感觉不是太干净，未食完已经感觉肚痛，回到家中家里有两个成员到肚疴的情况，如果唔改善真系好难有下次！
继续阅读