牛之鍋

营业中

休息中

天氣凍，打邊爐就唔小得！今晚約左朋友銅鑼灣行街shopping ，再過去登龍街望下456幅牆畫😂之後再搵野食。咁岩見到呢間乜都有嘅火鍋放題，又有得打邊爐，又有刺身壽司，又有放題燒物炸物，仲有甜品放題！！我地6點幾上到去，都已經有幾枱食緊啦。餐廳都算大間，好多位，分BC區，所以6個人都可以一齊食㗎。一坐低，侍應會問要邊個set ，我地揀A餐，因為乜都可以點，全放題，b餐只係得打邊爐㗎咋。揀完餐可以揀埋鍋底，可以一人一鍋，又可以大鍋，我地揀左鴛鴦鍋。蟲草花松茸+花膠荳香魚鍋QR code點餐，想食乜都點乜，機本上寫1就係一粒一件，食幾多就嗌幾多。刺身估唔到有驚喜喎，幾新鮮，又唔會結哂冰。個三文魚仲係三文魚腩嚟㗎！好正，入口無根位好食。仲有推介赤貝，好食鮮味。。。希靈魚爽口彈口，甜蝦一條條唔會冰，有甜味的！壽司一樣有驚喜！個飯唔會好大舊。壽司都有好款式，賣相都靚㗎炸物我就點左炸蠔，蝦多士，炸鰻魚，芝麻雞翼。炸鰻魚我覺得浪費左小小，食唔出。但炸蠔入口好多汁，蝦多士入面真係好多蝦㗎。重點即炸，熱辣辣！串燒好普通，應該唔洗點😂前菜小食全部都係小小份，海蜇沙律好好食，夠哂爽口！清酒煮蜆又係鮮味又好飲

今晚嚟試吓個火鍋加甜品放題。一人一鍋叫左椰香沙爹湯和豬骨湯各一，沙爹湯充滿椰奶香味，豬骨湯就得個鹹字，吾建議。自助飲品種類繁多，有凍有熱。牛肉薄切，灼一灼就食得，牛脷有咬口，豚肉就一般，蠔、蝦和蜆都新鮮，貢丸、芝士波波腸也不賴。牛根丸、蛋餃、魚皮餃、魚滑試過就算。甜品都可以話系嚟度嘅亮點，試過抹茶芭菲、窩夫、榴連班戟、楊枝甘露、杧果糯米飯、糖不甩、湯圓、綿綿冰爆珠，以放題餐廳而言，係幾好食。埋單 $414/2 位（120 分鐘）都ok 嘅。

環境3.5/5口味3.5/5服務3/5性價比4/5星期五中午想趁午市時段便宜去試試這家評分頗高的日式放題火鍋。來到門口，首先需要爬兩層樓梯，入口處完全沒有侍應接待。午餐時段，不加刺身或其他肉類，每人$118。這個價位來說，提供的餐食還算划算。但整個餐廳好像只有有一個服務生，落單、上菜、埋單、收碟都全由她一人完成。慢是在所難免，但除了慢，菜品也很不齊全，點五個上三個，且要三番五次催促。整體來講，便宜但是需要一些耐心，可以嘗試但不要抱有太高的期望。

難得可以去黎銅鑼灣行下，梗係要食好西啦😋😋😋係近鵝頸橋有間火鍋放題店好似唔錯咁就去試下先🤪同一般放題店一樣都係有超多野食😍而火鍋可以選擇每人一煲或者一大煲，睇個人喜好😚我個人覺得一大鍋先有打邊爐既感覺😝😝湯底都有8款可供選擇，有中式同日式，我比較中意壽喜燒多d，湯底甜甜地鹹鹹地咁，可惜味道唔夠味，如果可以濃返d就完美😊😊火鍋配料方面都出面差唔多冇咩特別，而肉類款式選擇亦都唔多，有美國極上牛肉，紐西蘭羊肉同豚肉等🥸🥸牛肉質素都唔差，食落都有牛味，想靚d既牛肉可以加錢要極上雪花牛小排🤩🤩打完邊爐點少得刺身，炸物，壽司🍣識食一定要食甜蝦，鮮甜美味🥰🥰唔少得鮑片同北寄貝食落都爽口鮮甜😋😋怕食唔到咁多壽司，所以就叫左芒果吉列蝦卷，海膽三文魚籽，火炙芝士蝦😆😆芒果吉列蝦卷，炸得好脆口😙仲有芒果做點綴，超有口感我中意👍🏻海膽三文魚籽，三文魚籽又大又有海水味，可惜海膽就冇咩味道，可能唔夠新鮮🤭🤭火炙芝士蝦，重重既芝士配上蝦既鮮甜，芝士仲入口即溶，味道簡直一流👍🏻👍🏻👍🏻食後點少得甜品，選擇都有好多，有糖水，雪糕等🤤🤤我私心推介係榴槤甘露😎榴槤既甘香再配上珍珠同西米，食落超有口感🤩🤩🤩飲品任飲，都係汽水

打邊爐的日子又到了 ～～～近日秋意濃濃 又係食火鍋嘅好時機😄 就捉咗大嚿陪我去食呢一間火鍋 順應一下秋天嘅氣息～～～餐牌選擇頗多 係兩小時任食 佢哋有A餐同埋B餐 兩個嘅分別就係在於 A餐會有埋刺身 由於我哋兩個都鍾意食刺身嘅關係 所以我哋就揀咗A餐 兩個餐整體價錢都唔係差好多 只係幾廿蚊嘅差別～～～佢哋嘅食物種類頗多 例如有沙律 一品料理 刺身燒物 壽司 手卷 軍艦 天婦羅 揚物 即製甜品同各式肉類等等 除此之外 出面仲有自助區 會有啲飲品同埋蔬菜等等 可以比大家食 （有手工啤，推介！）🍺～～～整體選擇豐富 由於太多嘅關係我就唔一一細講 揀幾樣覺得必食嘅同大家分享下 首先沙律方面嗰個人最鍾意嘅就係佢哋嘅蟹籽沙律 切得一條條嘅青瓜同蟹柳絲 浸泡係大量嘅沙律汁底下 我最鍾意就係呢一種多醬嘅感覺 爽🥄～～～而刺身方面 我哋最鍾意嘅就係佢嘅三文魚 帶子同埋北寄貝 全部質素都好鮮甜 叫咗好多次都冇乜漏單情況 而且每一round嘅質素都差唔多🍣～～～燒物方面 可以試下燒雞泡魚乾 好特別冇乜地方食到呢樣嘢 另外千島燒蟹蓋亦都係醬汁豐富 愛醬之人會好中意💕～～～最後亦都提提大家 一定要留返個肚 試下

爸爸生日，一行四人，來了這間銅鑼灣樓上火鍋店吃火鍋，他們的湯底可以選擇一人一鍋，或者一大煲一齊打邊爐，由於佢哋嘅湯底眾多我哋有個個都有啲分歧，所以最後就揀咗一人一鍋可各自揀自己鍾意嘅湯底。.我哋四個分別揀咗，皮蛋芫荽清湯，胡椒豬肚湯，清甜椰青湯，同埋受喜燒湯底，大家都互相試咗對方嘅湯，最後得出嚟嘅結論係，香香甜甜嘅受喜燒湯底最受歡迎。.火鍋材料上全家人大家的口味各有不同，好在選擇都不少，可以滿足到唔同的人。爸爸就最愛吃他們的肉，當中美國極上牛肉同埋紐西蘭羊肩肉就最得佢歡心。.我就最喜歡他們的刺身，一共有八種刺身，希靈魚是我的最愛，赤背就咁生食或者放落湯底打邊爐食，感覺都唔錯。另外鮑片亦都係味道濃郁。.除此之外下列的食物我們也非常喜歡：-黑松露帶子壽司-燒鰻魚壽司-芒果吉列蝦卷-黃金墨魚餅-紫心香芋丸-芝麻雞翼-海蜇沙律-日本章魚燒-燒菠蘿-燒茄子最後吃得飽飽之際，想起他們還有甜品，由於實在太喜歡吃窩夫，看到他們有軟雪糕窩夫，又忍不住叫了一客，窩夫非常鬆軟綿密，軟雪糕就好香甜，食完一客忍唔住又叫多一客，最後捧着肚皮回家。

煩囂鬧市中的休閒國度 pancake令人印象深刻～～～日日都要返工，唔通個個都想返工咩，難得放假梗係要搵間coffee shop好好咁慰勞下自己。☕️～～～喺上環嘅呢一條差館上街，喺度搵到一種令人休閒的感覺，因而走進了這間餐廳。就是這麼隨心，想找一個地方享受美食之餘，亦可以同朋友一齊聊天放鬆。😌～～～🥄餐廳牆壁充滿特色油畫，好有藝術感，打卡一流。餐牌上的食物許多都有長長的名字，看著非常吸引。～～～飯食：🥚滑蛋蒲燒鰻魚穀米飯 $120.✨滑蛋有濃濃牛油香氣，非常滑和嫩口，而且貌相精緻，鰻魚外皮帶微微焦脆，好香口，而飯底則是用上了穀米，感覺非常健康。入口味道層次都豐富。～～～🍹飲品：皇室伯爵鮮果茶 $48泡泡龍（鮮檸檬氣泡齋啡）$48.與友人一人叫上一杯飲品來互雙交換嘗試一下。兩款飲品，各有千秋，果茶香甜而不過甜，散發淡淡伯爵茶香氣，非常清新。而另外一杯泡泡龍🐉亦很有特色，齋啡好nutty，加上清香檸味，好refresh同提神。～～～🧁甜品：招牌燒海鹽忌廉麻糬Pancake配北海道牛奶雪糕及水果（花生醬練乳）$85.作為甜品控，到cafe又怎麼可以不叫甜品，加上見到個個都叫，令我都忍唔住叫返

5點半的晚餐，優惠價$207/人（已加一）早啲食早啲消化感覺無咁肥😂意外的好食，性價比一流初初以為價錢咁平個湯會好似水咁淡，點知都幾濃味叫左鴛鴦鍋（+$18）壽喜燒同冬蟲草花松茸湯底牛肉好薄，但我ok😆可以狂點魚生都幾新鮮，壽司舊飯好細實在太好了炸物都好脆，芝麻雞翼好正👍🏻茄子算岩岩熟，唔太夠淋，燒菠蘿好好食甜品都有好多款，淨係覺得個伯爵茶奶凍唔好食，有啲苦，其他都ok, 抹茶芭菲同窩夫最好食呢個時段無乜人，服務都算不錯，啲野又上得快，呢個價錢有咁嘅質素都算係咁啦

加錢叫咗個連日式餐，其實200幾百幾蚊唔會有咩期望。但真係太差！火鍋料黎哂個鍋都未到，三催四請先到，落嘅Order出唔足，永遠都唔會齊，冇都唔會講。加錢有刺身加壽司，但叫足十轉都未見到一舊壽司最尾同我哋截單，要紙落單落甜品，好啦叫左幾款，等左十分鐘影都冇，催一催先講賣哂？？？！勁昆水，想食到一肚氣就去啦

今日約左個勁耐冇見既港島朋友食晚飯，諗住要搵間又抵食，又坐得耐既，依家食放題都真係不二選。呢間牛之鍋見D人食評唔錯，就打電話訂位。都唔算好 FULL !! GOOD ~ 地點好方便，直情係 TS 隔離街市附近，好快就搵到。唔錯 ~ 上面黎登記完就可以入座，我地既座位都好舒服。我地選每人一鍋，如果叫左大鍋，就放唔到野食，每人一個開心好多 ! 我叫既係沙爹湯，朋友叫左蟲草花湯，我個湯底唔錯，我地每人都整左一碟醬料都冇用過，呵 ~ 個牛黎到都覺得唔錯，呢個係極尚牛，另一款美國牛好肥，我直情唔記得影相。哈哈 ~丸仔我地每樣都叫左2粒黎試，又唔駛食太多，每人一粒岩岩好。極尚牛我地仲 encore 左碟，都真係幾好 ！但薄左D ~熟食都有唔少既選擇，我地叫左D刺身同壽司，刺身都好新鮮，壽司又唔會好大件，唔錯 ! 個芝麻雞翼好脆，我地叫左兩轉 !! 仲有串燒都唔錯 ~ 好多種選擇。甜品仲勁多種，我地飽到都叫左4種黎食，好癲 !! 當中最好食係 抹茶扭紋雪糕 ，勁正 ~ 朋友最想食係芒果糯米飯，點知今晚冇... 好在有其他佢都想食既野 ! 甜品都真係令人開心 ~ 

銅鑼灣呢間打邊爐好正因為種類繁多，有刺身，壽司，燒身，炸物，仲有好多款既肉類同蔬菜，飲品甜品都好多選擇，全部黎一round之後好滿足。肉類： 有極上牛，豬肉，羊肉同雞肉。由第一碟到最後一碟水準keep住咁, 貨真價實侍應so far快手，女既都幾溫柔咁放低食物同定期清枱上既碟。最不能錯過既一定係甜品！超高質其次係牛牛同各種肉。刺身都係十分正，夠凍，我地食左四五round點過既食物都好高質。醬汁自製，加左生蛋黎點肉食，與別不同，特別正

之前同同事響「牛之鍋」午市放題幾抵食，見晚市不過係$228/位，有火鍋、甜品，仲有日式料理，所以特登叫老公一齊去食晚市🙂。餐廳坐位幾闊落，加上QR code order食物，主要店員來來往往，上碟又快，幾好。8週年送1份草飼牛舌💯湯底好正，一人一鍋shabu shabu，又衞生，又多個湯底選擇。我就要個養生蟲草花松茸湯，老公要個最愛芫茜皮蛋湯，兩款湯料十足。飲品、蔬菜吧&醬油都幾近門口，又整齊。蔬菜吧選擇好多，南瓜好甜，自己食左幾轉。整體食物質素高，絕不將貨就價，款款新鮮。牛肉特別吸睛，鮮味之餘又唔「鞋」，2個人都見左4、5轉，專攻牛肉🐮🐮 除左肉，仲叫左好幾轉生蠔，響鈴&韮菜餃，好滿足。火鍋料吃太飽，熟食小嘗-炸蠔、金菇牛肉，新鮮熱炸，正！最後叫左個甜品-宇治抹茶芭菲&朱古力慕斯，值得推介！

依家打邊爐嘅舖頭越黎越多，對於我呢D打邊爐愛好者黎講係天大嘅喜事！但有朋友就比較鐘意食放題多D，所以揾一間所以滿足晒大家願望嘅舖頭！呢度嘅飲品選擇都幾多，欣賞佢有鮮果汁飲！仲有自助區可以攞唔同嘅菜，款式都唔少，連我最鐘意嘅萵筍都有！湯底我地揀左壽喜燒同埋胡椒豬肚湯。壽司燒湯底比較淡味，應該水嘅比例多左D。反而胡椒豬肚湯就好有驚喜，勁香胡椒味，就算加湯加到後期都依然夠味！有2款牛肉選擇，極上牛肉嘅肉質實淨D，牛味都出D，但美國牛肉就滑D。特選豚肉唔錯夠嫩又有豬肉味仲有海鮮可以選擇！份量可以自己控制刺身幾新鮮而且選擇都唔少，特別推介赤貝，海水味濃又爽口！忍唔住食完一件又一件！串燒最推介燒茄子，外皮燒得微微脆身，調味亦都好足夠，無論口感同味道上都相當出色！係大片蕃薯整嘅蕃薯天婦羅呀！我嘅最愛，依家越黎越少見。海蜇沙律勁爽口！平時食放題都少見呢個菜式，而且味道好夠，十分推介！甜品選擇相對比較少D，呢個榴槤珍珠甜品賣相一般般，食落其實唔太差，有D似某間甜品店嘅榴槤忘返嘅味，不過雪得唔夠凍，如果整凍D會好食好多！

朋友成日嚟呢間打邊爐！！成日聽佢講呢間又好味又平靚正✨今日收工一於同朋友仔試下先💓呢度環境唔錯 邊爐仲係一人一鍋！ 喺疫情下 多左份安心感覺♥️佢哋湯底有好多款可以揀:蕃茄薯仔牛粒湯底 、胡椒豬肚湯底、皮蛋芫荽清湯、清甜椰子湯底等等🥳我哋就揀咗前兩款試左啦~~ 蕃茄味濃郁！！ 湯底都幾正🥰之後就嗌左一碟豚肉同牛肉💓牛肉肉味極濃！！ 「牛魔王」既我地真係不停encore 啊😍😍 豚肉亦都係打邊爐不可缺少之一🙋🏻‍♀️🙋🏻‍♀️豚肉厚薄適中，咬落去十分爽脆！！ 真心推介~~仲有仲有啊~~呢度仲有小食、壽司、串燒、炸物架！！ 今次就試咗鰻魚壽司同埋蟹子沙律🥗鰻魚壽司經過火炙後更加好味😍之後仲嗌咗我最愛嘅芝麻雞翼同埋炸蝦天婦羅！！呢啲真係冇得輸~~黎到真係可以大量encore喔😎😎最後最後到咗甜品時間，簡直係驚喜！我哋試咗三款甜品🍮 全部都極高質！ 我就最愛宇治抹茶芭菲🍵 呢個抹茶味極濃~~仲有啲脆脆配埋喺度多重口感真係好好味😋

想食火鍋，又想食刺身，想食放題，更加想食甜品，就嚟咗銅鑼灣嘅牛之鍋。 可以一人一小鍋，又可以同朋友share一個大鍋。 我今日揀咗清甜椰青湯，又真係幾清甜喎，唔錯。送咗一碟草飼牛脷，切得好薄，淥一陣就食得，彈牙有咬口。極上牛肉有牛肉香味，偏瘦，nice； 而美國牛肉就超肥，白色脂肪太多。 可以不斷encore個極上牛肉就得喇！刺身每樣叫咗少少試吓，有冰鎮住。 燒物一定要食燒菠蘿，新鮮香甜開胃；千島燒蟹蓋細細隻，反而個千島醬好食過入面嘅餡。炸物我鍾意食榴槤炸彈，香濃榴槤味，外脆內流心。海鮮幾出色，日本廣島蠔、海蝦、藍青口、白蜆都掂喎，尤其係海蝦好大隻，肉質鮮爽！今日嘅主角係甜品，好多選擇，連榴槤班戟、芒果糯米飯、榴槤甘露都有，最好食係宇冶抹茶芭菲，一層層，抹茶味濃郁，又靚又滋味。