牛之鍋

营业中

休息中

今晚同屋企人在銅鑼灣吃放題，餐廳在鵝頸橋附近，平時經過很難發現，因為位於大廈裡面。餐廳已有不少食客，有飲品區、醬料區、蔬菜區，蔬菜的種類夠多，有娃娃菜、香菇、金針菇、蕃茄、蓮藕、黑木耳、芋頭等，選擇應有盡有。飲品區有各式紙包茶、汽水、啤酒等。首先點湯底，可以選擇一人一鍋。⭐️蟲草花松茸湯一人鍋湯底夠清淡健康，有蟲草花和松茸。⭐️胡椒豬肚湯一人鍋入口有胡椒味，不錯。另外餐廳還送來一盤草飼牛俐，入口爽口，牛味頗突出。打邊爐除了可以選擇肉類，還可以選擇海鮮，例如花膠、青口、生蠔、海蝦等，海鮮選擇不少。此外，也有不少刺身和壽司，例如三文魚、鰻魚、北寄貝、鮑魚片、赤貝等。 最後還有重頭戲甜品，這裏的甜品頗出名，例如楊枝甘露、藍莓芝士杯、泰式芒果糯米飯等，質素真的不錯，值得一試。

早排同個好耐無見的朋友出嚟去銅鑼灣的牛之鍋打邊爐，但係我覺得有少少失望了。第一，我們一早買左券加埋一200蚊，話可以食埋日式放題，一人一鍋打算放便一點，但揀的椰子湯清到好似清水咁，係得個幾片椰子，見到個一刻有點錯愕，如果湯底係似椰青水都算，但係唔係囉，係無乜味，得咸味，咁都可以叫椰子湯底？定係我地食券因為有折所以質素差？第二，張枱好細張，頭一兩輪都上菜係咁上，我都知係怕啲客肚餓，但搞到張枱無位放嘢，好逼，同埋好唔明點解有些人都是二人，但又有四人枱，又係因為買券的原因？第三，經常漏單，每一輪都總有兩三樣嘢漏，以為佢係無貨，太天真啦，下一輪入紙再叫又有喎，咁即係人為的原因。第四，都唔知係要讚好刀功定點，肥牛片少得來薄到可以透光，本人覺得厚多少少會好些少。第五，試過有幾次出到去，都有好幾樣任食的食物係無晒，甚至出幾次都係一個無食物的兜，不過今次相信唔關用折扣優惠券事了。但都要講返有部分甜品係ok，比較好的係芒果綿綿冰。至於抵唔抵食，值唔值得食就大家自己衡量了。

喺openrice買左早鳥優惠，$175一個人，琴日同朋友請半日假5點半去食2小時放題火鍋任食。琴日掛住食無影相，我地2個人，火鍋可以一人一個小鍋，我地叫左個麻辣湯同埋蟲草花松茸。前者用嚟淥肉，丸，菇之類，後者清淡湯底專淥菜同海鮮。麻辣湯底淥完我無再用其他調味，淨係加些小蒜茸䓤莞荽。蟲草花松茸湯底我都無加調味，可以食到海鮮嘅鮮甜。佢湯底加湯係加水，不過我地加左幾次都覺得仲係ok嘅。講完湯底講食物，大部分食物係用手機掃QR code用手機落單。琴日5點半係唔多人食，啲嘢上得好快。飲品，調味料，火鍋啲菜呀，菇呀之類出面自己拎。火鍋肉類入座嗰陣送左一碟牛舌，落單我地淨係叫左極上肥牛同羊肩肉，肥牛ok但羊好肥。其他都有叫啲丸，炸魚皮同海鮮。老實講，我無諗過2百幾蚊嘅放題加火鍋有海鮮叫，對我嚟講係驚喜之選。我地叫左蝦，青口，蠔同埋蜆，見到仲有花膠，不過我地無興趣所以無叫。青口蠔同蜆好鮮甜，我地有再encore。鍾意食海鮮嘅朋友絕對可以一試。放題都係正常嘢，刺身有三文魚，八爪魚，希靈魚，帶子，甜蝦，北寄貝，赤貝，仲有一兩款唔記得。唔算大件同厚切，但又放題又火鍋，咁嘅size對我地嚟講啱啱好，唔夠食

中女朋友要去鵝頸橋打小人，我放工跟埋去見識下，又幾搞笑。之後就去咗附近 銅鑼灣冠景樓的 牛之鍋，佢哋嘅日式火鍋放題料理真係出名抵食，如果早食早走賣單都係$200。火鍋湯底我哋一個清淡一個重口味，有清甜椰青湯，突出食物的原味道。同埋刺激的麻辣湯底，真係豉油醬料都唔使沾。自助區首先自助區有很多款式新鮮的蔬菜，如果鍾意食澱粉嘅仲有烏冬、公仔麵，打邊爐當然唔少得汽水啦！任飲想飲幾多就飲幾多唔使就住就住。極上牛肉、美國牛肉我哋係牛魔王當然第一時間食靚牛，肥瘦均勻，肉味濃郁，肉質很好。刺身落單我就自製刺身拼盤，厚切有口感，每款都很新鮮，有我最愛的甜蝦、帶子、三文魚、希靈魚，鮮甜又好味。五香雞件朋友的清甜椰青湯配搭五香雞件就最啱，成個椰子雞煲咁嘅款，雞肉嫩滑好味。滋補花膠矜貴的花膠，滋潤養顏，女生食多點有益，又有骨膠原，推介！火鍋配料的水餃、丸丸也是新鮮可靠。壽司、天婦羅、燒物、炸榴槤鬆化好香口，芝麻雞翼質素不錯，食得我們心花怒放。甜品推介大家一定要留肚食甜品，即叫即整，款式選擇多，楊枝甘露、芒果布甸、我最愛的是抹茶芭菲，好懷念京都吃的抹茶甜品🍵口感有層次，雪糕軟滑、紅豆甜美、脆脆有咬口。總括而言，

今晚去咗間好抵食嘅火鍋放題😍😍一個價錢食到火鍋➕日本料理➕即製甜品🍦🍨超過200款食物，真係令人眼花繚亂，樣樣都想食😁😙👍餐廳環境幾大，座位多，坐卡位好舒服，店員有禮又夠快手。因為我哋七點半前離座，價錢好抵，大人$198, 小朋友$128。🥘火鍋一人一鍋，阿女揀咗壽喜燒，我就揀椰青鍋。 QR code落單冇漏單，除咗一定會有嘅牛肉，豬肉，海鮮款式都多，海蝦、 蜆、蠔、青口，都幾新鮮。🍣日本料理款式超多，有串燒、天婦羅、刺身壽司，蔬菜同飲品就自己出去拎。🍮🍡最尾必食即製甜品，我哋食咗好多款，有仙草芋圓、薑汁湯圓、🥭芒果糯米飯、宇治抹茶芭菲、楊枝甘露，細細份可以試多幾款❤️😍

又黎食牛之鍋啦🤤呢度既120分鐘任今火鍋 刺身壽司 炸物 甜品真係巨吸引啊～❤️電子落單好方便 連飲品款式都唔少火鍋湯底選擇可以揀一人鍋/share鍋如果同朋友分別想要唔同既湯底 自私一人鍋就岩晒我地要左蕃茄薯仔牛粒湯 味道香濃牛肉豚肉屬於薄切 下湯好快就食得 如果厚返少少相信口感會更佳💜鮮蝦同大蜆都係我推介之選 大蝦🦐爽口彈牙 食完一隻會停唔到繼續食😋串燒之中 茄子🍆 雞軟骨都唔錯 茄子唔係原條 係預先串好黎燒 再加上木魚同特調醬汁 味道剛好 唔會太重口味😗雞軟骨脆卜卜 略加岩鹽已經好好味～.呢度既甜品絕對係要留肚食 款式好多而且味道👍🏻芋圓仙草 珍珠伯爵茶布丁🍮 即叫即整既窩夫 宇治抹茶芭菲🍨都係必食之選芋圓 珍珠煙煙韌韌 仲有薄片仙草🤩加埋紅豆同花奶 細細杯好易就食完 真係要狂encore!!!

呢間牛之鍋之前喺荃灣已經同朋友試過，覺得佢啲嘢真係好高質！近排發現原來佢喺銅鑼灣都有間分店仲好近我公司！今日放咗工就帶咗同事一齊去試吓～～～六點幾黎到已鬼死咁多人，佢地食物款式都幾多下，我地揀左打邊邊再加放題 ！ 呢度個邊爐好正，可以揀一人一鍋又或者可以揀一齊share一個大鍋！但我想自己跟返自己個湯底所以一人一鍋就最好～～我地揀左皮蛋芫荽同椰青湯底 貪佢清清地唔會太熱氣(好似係) 打邊爐第一時間梗係要揀牛肉啦！我哋揀咗極上牛肉同羊肉，貪佢唔會太肥～除咗牛肉仲有羊肉豬肉同雞件選擇揀完肉類就到海鮮出場！海鮮種類都算多有蝦蝦，廣島蠔青口、沙白花膠同魷魚等等 全部大大隻好新鮮！大推沙白好甜呀～～～跟住就到刺身， 必叫嘅三文魚厚切肥美，帶子口感飽滿甜蝦肉身爽厚全部goodgood~~~再到日式料理，有雞泡魚乾金菇牛肉卷，蟹籽沙律；炸物即叫即整既燒菠蘿燒蕃薯仔，榴槤流心丸仲有我地叫左幾款壽司，全部細細件，可以試多幾款～～火炙系列大推！呢間放題最大嘅賣點就係佢嘅皇牌甜品！款式勁多，大推日式宇治抹茶芭菲仲有雪糕刨冰；西式甜品例如係芝士蛋糕榴槤班戟其中大推伯爵茶珍珠奶凍；最後仲有中式糖水楊枝甘露雪耳

喺銅鑼灣想搵一間放題食下肉，因為啱啱做完占😛search到呢一間，望落去幾平又唔錯，其實睇中佢甜品好多款🤣場地唔係太大，座位之間會有少少迫，但係都OK嘅。肉類方面有牛肉、羊肉、豬等等，質素都唔錯，而湯底我哋就揀咗雙拼，其中一個係蟲草花，好多料🤩海鮮方面會推薦蠔！👍🏻而串燒就雞軟骨都唔錯呀，刺身來講帶子就會比較好。壽司當然要嗌火炙系列啦！唔差嘅，飯唔會太大嚿😊終於嚟到重頭戲，就係甜品啦！😛估唔到呢一間舖竟然會有抹茶芭菲食！仲要質素都唔差，另外仲有超級特別嘅榴槤甘露，裏面係有真榴槤果肉㗎 ！榴槤味係超級濃郁，我好鍾意❤️伯爵茶奶凍都幾正，伯爵茶味好香好濃郁💕Oreo朱古力mousse都幾好食😋📍牛之鍋 (銅鑼灣)銅鑼灣堅拿道西10號冠景樓2樓A號舖

今日係銅鑼灣工作完，知道附近有間日本料理加打邊爐既餐廳，仲要價錢唔貴，就同埋朋友一齊去光顧下。😚入去坐低後，第一時間就去左拎飲品解渴🥰因為天氣實在太熱，餐廳的飲品種類很多，紙包飲品都有10幾款，而普通啤酒外仲有生啤任飲，岩哂一大班朋友過嚟食。😍除咗飲品，食物款式都係好多好多，我地揀左壽喜燒湯底🤓，跟住出去拎左好多蔬菜🤣，仲叫左牛舌，美國牛肉和美國極上牛肉，一次過放哂落去，大飽口福。😚日本料理的選擇都好多，因為我們今次想打邊爐，所以好少叫壽司食。🤓燒物和天婦羅就食左炸雞翼、紫心香芋丸、串燒日本雞軟骨、大蝦天婦羅，都係值得一試的選揀。🙈

今晚約了朋友係時代廣場個到行，心血來潮想打邊爐，當然這裡都有，但要搵間抵食選擇多嘅放題朋友就提議行過小小嘅位置食，當然沒有問題，這裡唔難搵，但有時都會錯過，在銅鑼灣堅拿道西橋底行過去灣仔方向，右邊行就見到，行樓梯上或按大廈內對講機開閘入去乘升降機都得！上樓梯2層轉右就見餐廳，這裡主打火鍋放題，有兩種選擇，今晚食得豪華啲多$50就可以加埋有日本料理食，本身已有火鍋，同即製甜品，任食2個鐘，絕對大滿足！座下就先選湯底，這裡最好嘅地方就係可以選擇一人湯底，以自己口味，不用大家就，今晚我就選擇了沙嗲湯底，而朋友就清甜椰青湯，一個濃一個清！落單用手機掃code 處理，簡易又方便，當然除了掃瞄落單，出面還有自己蔬菜吧，同飲品櫃，有啤酒汽水任飲！落單後好快出配料，肉類分量可分大小，咁就唔會浪費食物，個極上牛同美國牛都唔錯，肉嫩軟熟，極上牛味道更濃，就係咁就可以追份大，而其他嘅火鍋配料選擇都十分之多，海鮮都有大大隻海蝦，香滑濃味嘅廣島蠔，煙韌爽口嘅鮮魷魚件同鮑片，還有軟滑嘅花膠，同埋台灣鴨血，真係不停吃！而選擇了有日本料理，當然要食埋刺身，我都唔理樣樣都點，份量少少，整體都新鮮，三文魚、北寄貝、帶子同

今日難得同友人一齊早放工，佢帶咗我黎呢間牛之鍋，話平時一到六七點就排隊，都幾難book位。早黎係有著數嘅，無book位嘅情況下，有位食好開心。🥰呢度除咗可以打邊爐之外，有多款日式料理，沙律、刺身、壽司、手卷、軍艦、天婦羅等炸物、甜品一應俱全目測有一百幾十款美食，我哋主力食美國極上牛肉和刺身，前者切到非常薄，放20秒左右就食得，雪花均勻得來牛味都夠重，好高質！每款刺身都即叫即切，黎到嘅時候，全部凍冰冰冇出水👍呢度甜品都好豐富，日式嘅宇治抹茶芭菲、窩夫，泰式芒果糯米飯，台式嘅仙草芋圓，港式嘅楊枝甘露都有😍😍，而且每樣細細碗，可以試到好多款❤️

-🔸晚市放題2小時（日本料理+火鍋+甜品） $248-星期五happy Friday同男朋友去銅鑼灣shopping，見好耐冇打邊爐就搵咗依間牛之鍋，兩小時任飲任食夠晒飽肚。坐底揀湯底，我哋揀咗芫茜皮蛋湯，之後可以掃QR code揀嘢食。除咗有海鮮、牛肉同其他火銅配料之，仲有日本刺身、炸物，同埋大量甜品呢！而另外仲有自助區，有多款蔬菜、麵食、醬料同飲品。最推介係美國極上牛肉、五香鮮雞件、日本廣島蠔、仲有滋補花膠，食材都好新鮮好味架！

今晚同爸爸提前食生日飯，今餐食日本料理、火鍋、呢到嘅甜品仲要係即叫即整，呢到超過200款美食，仲係兩小時任飲任食，飽你食到攬住個肚走，抵食又好味 一黎就揀湯底先湯底有9款，我就揀咗“皮蛋芫茜清湯(大鍋)”，如果唔想要大鍋，仲可以揀1人1鍋㗎。之後掃qrcode揀火鍋配料、刺身、壽司、燒物、天婦羅、沙律、甜品，飲品就係飲品自助區選擇(有罐裝及紙包裝)，仲有打邊爐食嘅蔬菜類，都可以攞枱上面個白色大碗攞出去裝㗎，仲有醬料區 火鍋配料肉類及海鮮：特選豚肉(細碟)、台灣東鮑片、滋潤花膠、紐西藍青口、大白蜆、炸魚皮、豬肚 壽司：三文魚親子軍艦、香蔥吞拿魚軍艦、芝麻鰻魚卷、芒果吉列蝦卷、加洲反卷、黑松露帶子壽司、 日式沙律：海蜇沙律、芝麻八爪魚、味付螺肉 刺身：八爪魚、赤貝、帶子、鮑片、三文魚、希靈魚、甜蝦、北寄貝 燒物：千島燒蟹蓋、燒雞泡魚乾、串燒香蔥雞脾肉、串燒雞軟骨 即叫即做甜品：榴槤甘露、香草綠豆沙、藍莓芝士杯、OREO朱古力慕絲 牛之鍋 (銅鑼灣分店)銅鑼灣堅拿道西10號 冠景樓2樓A舖

已經好耐冇食放題，特別鍾意有得打邊爐兼食魚生嘅放題~~ 呢間自助形式落單，掃個QR code，已經唔係傳統寫紙仔😢又變成時代嘅產物。講返環境先，有卡位坐，舒服闊落既。價錢方面就星期一至四 $228。放題黎講，仲要有得打邊爐，算係抵食。蔬菜類方面都多選擇，淨係疏菜都有六款：西蘭花、菜心、娃娃菜、生菜、白菜、仲有一款唔太肯定 (莧菜?)。其他都係d大路野啦~~飲品都有野簡，有得任飲生啤，咖啡。🔺壽喜燒一人鍋特別在於可以揀一人鍋或者二人share一個大鍋，鍾意開心share嘅朋友或者鍾意獨食嘅朋友都有得揀！湯底唔錯，係甜日式豉油味，唔會太鹹啱啱好， 浸娃娃菜個陣會食得出壽喜燒湯底原味，好正🤪🔺蟲草花松茸湯一人鍋呢個就足料喇，因為湯底真係有蟲草花，但放心唔會太重藥材味，反而係幾香嘅菇茸味。 鍾意養生嘅可以揀呢個湯底。🔺草飼牛舌 (頭盤送)雖然薄薄地但勝在有彈性，爽口，鍾意食牛舌既朋友應該都會鍾意食嘅。🔺 極上牛肉唔會太肥， 又有少少油花，啱曬女仔食~~🔺大白蜆有蜆嘅鮮味，無沙，唔錯。🔺燒茄子 其貌不揚但食落又幾好食，應該係用咗日式醬汁去燒。🔺千島燒蟹蓋朋友話呢個一般，有少少蟹肉既，但我諗喺放題

今日難得同友人一齊早放工，佢帶咗我黎呢間牛之鍋，話平時一到六七點就排隊，都幾難book位。早黎係有著數嘅，無book位嘅情況下，有位食好開心。🥰呢度除咗可以打邊爐之外，有多款日式料理，沙律、刺身、壽司、手卷、軍艦、天婦羅等炸物、甜品一應俱全目測有一百幾十款美食，我哋主力食美國極上牛肉和刺身，前者切到非常薄，放20秒左右就食得，雪花均勻得來牛味都夠重，好高質！每款刺身都即叫即切，黎到嘅時候，全部凍冰冰冇出水👍呢度甜品都好豐富，日式嘅宇治抹茶芭菲、窩夫，泰式芒果糯米飯，台式嘅仙草芋圓，港式嘅楊枝甘露都有😍😍，而且每樣細細碗，可以試到好多款❤️性價比係高嘅🙌🏻🙌🏻