牛の鍋日本料理

营业中

休息中

今日因爲公司有活喺荃灣 所以全體提早放工 難得早放 就同左另一同事去呢區搵野食～～～ 同事係大胃王 佢痴線地話想打邊爐+放題+甜品但最痴線係真係有餐廳可以fulfil 晒呢三樣野！？！？間餐廳叫牛之鍋 位置喺悅來酒店附近，但我地最尾發現其實係近大窩口啲！我地晨咁早六點就到，店員叫我地先點湯底 之後再慢慢叫野食～我就叫左椰子湯底，椰子清清地唔錯 跟住就到火鍋配料：之後第一件事就梗係要食肉啦！佢有四款肉類任食份量仲有得揀細碟/大碟美國極上牛肉 零脂肪 薄薄一片一淥就熟美國肥牛最啱我朋友 半肥瘦 紐西蘭羊肩肉唔羶豚肉我地都唔太好 無試到 之後就係我最愛既海鮮: 蠔,蝦, 青口 都好新鮮 正～～再黎有啲丸類 但因為我地想試多啲放題嗰邊既野 所以丸類幾乎無點過 但基本牛豬墨丸芝士都有 丸友們放心 菜呀菇菌麵都可以自己喺自助bar度攞，都好多野揀 火鍋部分停一停 我地就跳番去放題部分刺身是必點項目吧～三文魚厚切 、帶子鮮甜 甜蝦肉質有咬口 全部滿意！之後到燒物環節 隆重推薦呢條雞泡魚乾 佢係即整 熱辣辣超好食！！！ 仲有第二推薦有芝士焗蟹蓋，味道好香，蟹蓋釀左洋蔥芝士蟹肉 好惹味 不得了已食左好多

位於熊貓酒店內，好多火鍋配料揀，地方好大好舒適。任飲任食，又有刺身壽司、炸物天婦羅、火鍋等等，勁多選擇。火鍋都有好多選擇，我地叫左皮蛋芫西湯。刺身控一定要多點啦刺身有三文魚、蝦、鮑魚片、希靈魚、帶子、螺片、赤貝。刺身色澤光亮，而且鮮甜，上菜速度快。最中意就食三文魚同蝦，入口質感肥美帶油脂，蝦鮮甜大隻。壽司都好多種類，又有花之戀、三文魚腩、海膽手卷等等，飯不會大舊，岩哂想食多幾款的朋友。炸物有芝麻雞翼，仲有炸蝦、鰻魚天婦羅等等甜品先係重點！很重要！獨有嘅「即製甜品」！專程聘請甜品師為客人即時製作甜品！我地點左芒果糯米飯、榴槤班戟、榴槤甘露、抹茶巴菲，全部都係甜品店的水準，全部都要點！飲品方面，普通飲品甚至酒精飲品，應有盡有。整體來說都係性價比極高的放題，下次會再食！

其實放題食得多，今日朋友推介既依間位於荃灣悅來芳既日式火鍋放題，真心係食過最優質最多款式，而且仲有差唔多10款即製甜品既放題，暫時真係冇一間可以同佢比，價錢係超級超級唔合理地平靓正我book左8點，入到去已經爆場佢地需然係做日式火鍋主打，但佢地都有刺身壽司，炸物供應，仲要一d都唔馬虎，好多選擇，上菜又快三文魚仲要俾魚腩，入口即溶，好新鮮個榴槤炸彈超好食，前後食左4粒跟住到主角火鍋，配料太多，唔可以樣樣試，由於我地唔食牛，所以主攻羊&豬，羊肉好好食，有輕微騷味，咁先係食羊 ，豬就肥瘦適中，放入口即時溶化d蠔同蝦好新鮮，又大隻，前後食20隻都有最後一定要留肚食佢依度既甜品，全部即製，有10幾款，其中有幾款榴槤甜品，榴槤控必食，未試過食放題背即製甜品食，好滿足，仲影左多相，不過唔夠位post,要大家自己去感受，最後一提，服務都好好

今日開學第一日，梗係要把握sem頭悠閒既時光，同friend一齊食餐好既放題啦😚一早聽聞荃灣呢間牛之鍋日式放題性價比極高，我地係大窩口站出地鐵，行段天橋唔到10分鐘就到，唔使日曬雨淋，地理位置算係優越👍。店內裝潢走和式風格，以白色燈籠吊燈配合淡黃色壁燈，營造出一種溫暖既家居感。另外裡面卡位數量好充足，我地下午6點到達，都唔需輪候好耐即可入座，舒適既環境好方便親朋好友聚餐。食物方面，食火鍋最緊要揀個靚湯底先，店內有提供大概8款湯底，我地就揀左最唔會中伏既蕃茄薯仔牛柳湯。湯底煲滾後薯仔同牛柳味香濃，可惜蕃茄味稍淡，所以我地揀左d新鮮蕃茄同菌菇來提鮮。餐廳既自助區裡提供多新鮮蔬果，雪櫃內野飲都幾齊全。亦貼心地準備了不少醬料，除左䜴油、芝麻醬同花椒等十幾種常備配料外，for食刺身壽司的wasabi 和 海鮮要用既青檸汁都有一一配齊。對我地食客來講，最吸引既梗係多選擇啦。menu寫住既火鍋底料，包括各式丸類、素菜、肉類同海鮮類就已經成3張紙啦。肉類上選擇有限，個人覺得美國極上牛肉口感滑嫩，相比之下特選豚肉就比較普通啦。丸類個人推薦粟米流心丸同芝心包，料足且味道香濃。好奇特既一點，呢間放題海鮮反而

今晚去咗位於荃灣Panda Hotel嘅一間高質放題，可以任飲任食兩小時的。包括有日本刺身、火鍋&甜品。由於想清清哋，唔想太熱氣，所以點了一個清甜椰青湯底，等待個鍋滾起嘅時候，最好就係食住刺身等。一遞完Order紙，都好快上刺身，刺身亦都好新鮮，味道鮮甜🍻火鍋配料及小食有好多款，質素不俗。肉類&海鮮類都唔錯，肉類油脂分佈平均，薄切上枱，滾起幾秒已可撈起入口，肉味濃，特別係羊肉，朋友食完讚不絕口👍🏻另外有自助吧，可以自取多款飲品及蔬菜類，款式真係好多，實咗是花多眼亂😆最後梗係食甜品啦～～甜品係有師傅專門「即場製作」的，每樣份量細細的，所以你可以試多幾款👍🏻讚！我分別試咗：宇治抹茶芭菲(Must Eat Item!!!!)、軟雪糕窩夫、珍珠伯爵茶奶凍、泰式芒果糯米飯🍚！個人認為甜品🍮既有水準，而且款式比較特別，喜甜者必試！！！

朋友發掘了一間日式放題火鍋店，近大窩口站附近，有得打邊爐又有日式放題，而且食物款式很多，適合一班朋友去聚餐的好地方。火鍋料亦都很豐富，海鮮有蝦、廣島蠔及鮑片都係任食，牛肉都有兩款，不過和牛就要加錢，其他丸類、腸仔及蔬菜比較大眾化。推介海蝦，新鮮大隻。刺身款式很多，大部份都很新鮮，味道都很鮮甜，而且切得都幾大件，有三文魚腩，肥美有油香。天婦羅炸得香脆，但都比較油，炸雞翼炸蠔都不錯。其他小食味道不錯。新鮮即製甜品有十幾款，又窩夫到燉桃膠都有，而且都幾有水準，喜甜必食。飲品竟然有支裝sparkling rose，真係前所未見。

今日同同事去左食，因為見到午市火煱放題只係68，不過要加一。佢午市唔太多人，所以唔係好洗等位。同埋好多火煱料都唔洗同人爭。午市既話一個人可以叫一碟肉，咁可以係豬肉﹑極上牛肉﹑極上羊肉﹑美國牛肉。D肉都唔錯，肥瘦都均勻。咁68蚊貨仔，我同你講好好食，好新鮮，你都應該唔會信啦XD佢既火鍋料都幾齊，有好多菜﹑菇﹑丸﹑腸。同一般日式火煱放題差唔多。同埋佢包左飲品同雪糕任食。我覺得佢既特色就係平，同埋中午番工可以唔洗等位就打到邊爐。

香港人吃東西總是很貪心，想一下子滿足晒多種願望，今次就試試近大窩口的火鍋放題餐廳。晚餐分兩個plan: 一個是火鍋甜品任食，一個是火鍋、日式料理和甜品放題。一場黎到，就放縱一晚，選擇試晒所有食物吧！點菜只分很多種類：有刺身、燒物、炸物、火鍋配料等等。每樣點上一種，相信已經很飽了。外面的漲了自助區有醬油，日式麻醬和多款配料。旁邊還有甜品配料自助區，能夠自由配搭適合自己的口味。飲品也有很多款茶類、果汁、汽水，連酒精飲品也是任飲的。多款特色飲品也可以想過夠，比一般的放題店選擇多呢!湯底選了胡椒豬肚湯，味道10分濃郁，黑椒味突出，帶點香辣味！豬肚酸菜也很入味， 10分推介。牛肉和羊肉等肉類也很高質，雪花紋路鮮明，入口肉味香濃。丸類選擇多，例如麻吉燒、芝士丸、芝士波波腸等。外面還有蔬菜面類自助區，淨係吃火鍋配料已經很滿足了。放題還包括炸物，芝麻雞翼香脆可口，還有少見的炸鰻魚可以品嚐呢。刺身也頗新鮮，北寄貝和希靈魚也可以任點！多吃幾片也回本了。燒物有燒雞脾肉，炸雞軟骨等串燒。芝士焗蟹蓋味道很豐富，蟹蓋釀入洋蔥芝士和蟹肉。少不了八爪魚仔和美孚螺肉等開胃小吃。也點了灸燒芝士蝦壽司、花之戀、燒鰻魚等壽司

為咗慶祝朋友 考日文試N2合格， 我哋就去咗呢間餐廳度食番個高水準嘅火鍋同佢慶一慶祝！！！好彩我哋有預先book位如果唔係分分鐘有排等。呢間火鍋店 除咗打邊爐之外佢仲可以食埋沙律、天婦羅、壽司、刺身、串燒同埋甜品。初頭因為佢呢間店以火鍋為主，所以以為佢啲壽司、刺身、串燒等等都係麻麻地，點知食過先知佢每樣餸菜都唔會馬虎，值得一讚。打邊爐嘅一般菜式佢基本上都有，例如丸類、餃子類、肉類等等。而佢D蔬菜係自己去出面自助取。喺今次打邊爐裏面最令我哋驚喜嘅就係美國極上牛同埋紐西蘭羊肩肉。美國極上牛既脂肪比例比平時食嘅肥牛少好多，所以牛嘅味道就更加濃郁。佢脂肪分佈相對較平均，所以食落去，牛肉又嫩滑又味濃。紐西蘭羊肩肉 絕對係好羊者嘅美食。 佢食落口有一浸好濃沃嘅羊騷味。 鍾意食羊嘅人絕對會encore再encore。除咗呢兩樣比較有驚喜嘅肉類之外，另一樣有驚喜嘅就係佢個甜品。 佢嘅甜品種類都幾多，而我最鍾意最推介嘅就係扭紋綠茶新地。 呢個扭紋綠茶新地既綠茶味真係好濃郁，食完後，口腔都仲有一陣綠茶味，絕對值得大家去試。

同幾個好姊妹食飯，女人都係意見多多，最後大家就揀了這間牛之鍋，除了有日式放題，亦有火鍋及即製甜品，一次過滿足了三個願望。飲品的款式都是汽水、茶，還有啤酒等。所有素菜都是自助形式取用，唔怕會漏單。刺身有三文魚、帶子、甜蝦等，三文魚都算肥美，帶子鮮甜。壽司及卷物都唔少，壽司飯不會太大件，正好一啖一件。火鍋配料款式很多，墨魚滑、蝦、蠔等都很新鮮，尤其是墨滑超彈牙，當然不少得牛肉啦，肥瘦均勻，但肉味較淡。天婦羅炸漿不厚，新鮮熱辣又脆。最後不得不試即製甜品，有窩夫及綠茶雪糕等等，女士至愛。

屋企人生日，諗食咩諗到頭都爆。咁岩見到荃灣熊貓呢間火鍋店除左打邊爐之外，仲有魚生、炸物同甜品，而且仲係放題任食，真係好岩我地一家人食。晚市火鍋 放題任食 店員向我哋推介左新出嘅清甜椰青湯底，感覺唔係幾熱氣又解熱，所以我哋就叫咗黎試吓啦。仲可以加$18任食清遠鮮雞變椰子雞煲添。唔止添啊，like埋佢Facebook仲送澳洲和牛肉一碟啊，如果唔係就要加錢先可以食到啦，真係好抵食呀！嘩，有勁多張點心紙可以揀嘢食，火鍋料，海鮮，壽司，刺身，天婦羅，甜品等等，真係花多眼亂。除咗點心紙嘅嘢食可以揀之外，仲可以出去出邊嘅蔬菜區拎啲蔬菜食添！仲有飲品都係可以任飲㗎，呢度竟然有解茶，真係唔怕食完會濟呀！壽司同刺身種類都算多嘅，質素都算正常嘅。另外又有好多炸物可以揀，呢啲都不過不失啦！比呢個價錢又可以食到火鍋又食到壽司刺身，同其他食物，都幾唔錯㗎啦。記得留肚食甜品！記得留肚食甜品！記得留肚食甜品！因為太重要，所以要講3次。甜品種類多到樣樣都好想試，最後試左好多款，例如：宇治抹茶芭菲、扭紋抹茶新地、精選綿綿冰、仙草芋圓、軟雪糕窩夫，新加Menu仲有好多人都好鍾意嘅榴槤班戟同埋芒果糯米飯😂我自己就鍾意簡簡單單

打邊爐同日式料理，都係我同我朋友既最愛，尼間就係日式放題加海鮮火鍋放題。一坐低當然二話不說就揀咩餐先啦，有兩個選擇，一就火鍋加甜品，另一個就再加多個日本料理，$218就可以食哂咁多樣野，食到咁新鮮嘅海鮮同刺身，咁當然就係揀尼個啦。之後即刻出去飲品區視察環境，除咗汽水、果汁（最愛忌廉溝鮮奶）啤酒外、仲有Somersby都係任飲啊。鐘意飲酒既當然吾好錯過。另一邊就係蔬果蔬菜區，都有好多好多選擇👍🏼邊爐方面我哋揀咗麻辣湯底🥵辣得好刺激啊、仲要越食越辣越入味！火鍋料有好多選擇，大約有10張紙俾你揀，每一樣都好想試好想食，淨係肉都有四款俾你揀。尤其極上牛肉、又滑又好有口感！啱晒啲食肉獸！海鮮方面，海蝦、廣島蠔夠哂新鮮，仲有食麻辣火鍋，至愛鴨血，尼到居然都有阿！推介炸物脆卜卜芝麻雞翼夠晒野味、飲酒食一流、食完想再食。雖然食得好飽，但食甜品係有另一個胃吖嘛。必食D24榴槤班戟，濃郁嘅榴槤味、實在太正啦！脆卜卜雪糕窩夫 岩岩整好熱辣辣既窩夫加上雪糕，好滿足阿！最後有一口芒果糯米飯，實在太滿足啦呢一餐，食到好飽飽呢！

很久以前去過這間火鍋店 但想不到現在去卻有意想不到的😻 連甜品都特別值得一嘗 火鍋與平常的一樣 但是甜品卻很多的選擇 那個宇治抹茶芭菲 還有軟雪糕班cake和窩夫 好像去了一個甜品放題店😂🙈

近近地就搵到呢間日式火鍋放題俾佢試吓，老人家無牙，最好就是烚下烚下啦椰子北海道牛乳鍋湯底呈乳白色，有杞子、椰子等清甜又滋補，啱曬老人家刺身放題又點少得刺身喎，件件刺身都新鮮甜美而且厚切，絕不吝嗇火鍋料1有四款肉類任食，可選大/細碟非常貼心。環境舒適座位寬敞椰子北海道牛乳鍋湯底呈奶白色而且牛乳濃香配搭椰子清甜滋潤火鍋配料四款肉類任食而且份量可以選擇細碟或者大碟美國極上牛肉薄切透光口感柔軟而且脂肪較少肉味。

雖然呢排好熱，但係都無阻阿魚打邊爐的決心！.因為去左荃灣行街，上網睇見到悅來坊有間打邊爐，所以就去試下～～～.🐟💬：.上到去悅來坊2樓，就見到餐廳了.餐廳都幾闊落，如果想坐卡位，記得要出聲，餐廳職員會幫手安排！.原來呢到唔止邊爐，重有刺生仼食，一次過滿足阿魚想食邊爐又想食放題的願望！.阿魚同朋友叫左2個湯底：（1）椰子🥥北海道牛乳湯，重奶味，幾正（2）蕃茄薯仔牛柳粒湯.講下幾樣必叫的野食先：.（1）美國牛肉，肥瘦適中，竟然會好過極上牛肉😱（2）三文魚刺生，幾肥美！（3）海膽魚子壽司！好正，海膽都幾新鮮，細細舊可以食多d！！（4）天婦羅同炸蠔都係即炸，熱辣辣😍😍.🐟FISH'S REMINDER🐟💡阿魚提醒💡.（1）有生雞蛋仼拎！（2）記得留肚食甜品呀！（3）要坐卡位，記得入座時要求呀！（4）蔬菜🥬、飲品都係出去仼拎的.🐟📝：8/10.🍽🐟📝📌牛の鍋 📍 荃灣荃華街3號悅來坊2樓202號舖（港鐵荃灣站 B2 出口, 港鐵荃灣西站 D 出口）📞電話: 26138178⏳營業時間：星期一至日12:00 - 23:30