牛の鍋日本料理

营业中

休息中

天氣涼左，先開始覺得有D秋意啦！雖然應該就黎冬天先岩！😅一凍就會想打下邊爐或者燒烤，但打邊爐又有冇諗過食埋放題呢？雖然無諗過但呢度真係可以咁做，一次有兩種享受，真心唔錯！又要打邊爐又要食放題，真係好忙，選擇又多！😆樣樣都想試下！湯底揀左壽喜燒，甜甜地最岩打邊爐！而打邊爐重點就一定係牛肉啦！美國極上牛肉脂肪紋細密唔會過多過肥，食落又唔會乾，係唔錯既選擇👍🏻！仲有大量火鍋配料，真係試唔曬🙈另外放題既選擇就更眼花，壽司、刺身、燒物、天婦羅真係應有盡有，平時食放題有既佢一定有！天婦羅仲要熱辣辣，上得又快又新鮮👍🏻值得一提既就係甜品啦，選擇多不在話下，仲要試左幾款都好正，雪糕窩夫外脆內軟🤤真係一試難忘！

秋風起～又係時候去滾一滾，去熊貓的悅來坊相中呢間牛之鍋，妹夫食過介紹去食，有信心保證，地方闊落，四人卡位再加張小枱放食物，唔怕唔夠位迫迫夾夾～除打邊爐外，壽司丶刺身丶炸物串燒應有盡有⋯浦坐低已經馬不停蹄咁點嘢食，我地先揀咗個芫荽皮蛋湯底，火爐梗小不了肥牛啦~呢度有美國牛肉同極上有肉，仲有羊肩肉同豚肉添，海鮮丶特色丸類丶鴨血丶餃子一應俱全，眼花撩亂。揀完火鍋配料，就梗係食下熱食同刺身制下個五臧先，雞軟骨丶炸魚墨魚餅丶雞泡魚干丶燒蟹蓋丶燒日本薯仔排排上桌，熱辣辣，夠香脆，又酥軟，再來刺身，肥美鮮嫩，仲件件都有返咁上下厚度，又幸福又滿足，不消一會，湯底已經起哄，係時候要滾了，肥牛可分大小碟叫，紅卜卜，油脂分布平均，牛香四溢，海蝦又新鮮又大隻，鮮甜美味，丸類除有普遍款，亦有特色類，如炙燒芝心包，芝士爆出，小心燙口呀～粟米流心丸，味道像粟米羹，幾得意下食完一輪後，係時候走動走動，行去時蔬自助吧，除有蔬菜類外，仲有姑菌丶芋絲丶麵食紅薯粉和豆品食物⋯多不勝數。每款拎一件都裝滿我地兩個兜兜食到八八九九之時，又係另一個胃出動的時候，佢地呢度D甜品係即叫即制，而且有別外面D放題款式，CP值高~有芭菲丶新地

平日2佰幾蚊，有刺身、壽司、天婦羅、一品料理、火鍋、芭菲雪糕、沙律吧、飲品，CP值高，雖然地方交通不是最方便，不過價錢吸引。第一回合是「刺身」有：墨魚、帶子、北寄貝、赤貝及有頭甜蝦，北寄貝非常新鮮爽口，帶子和赤貝都很不錯。第二回是壽司，海膽赤蝦、黑松露帶子、火炙芝士蝦、芒果吉列蝦卷，都不錯。熟食又怎樣呢，「芝麻雞翼」和「燒菠蘿」超正的喔，一定要點喔，「醬汁金菇牛肉卷」比較重口味。火鍋湯選了「清甜椰青湯」椰青香味厲害，「美國極上牛肉」肉質挺順滑，墨魚滑跟芝士波波腸都好。重點來了，「宇治抹茶芭菲」和「扭紋抹茶新地」都是必吃的喔，抹茶味香，「軟雪糕窩夫」都不容錯過，新鮮即制。喜歡榴槤的，有「榴槤甘露」「榴蓮班戟」「榴蓮炸彈」，還未飽的我們，再嚐了「仙草芋圓」、「泰式芒果糯米飯」、「珍珠伯爵茶奶凍」、「3.6牛奶燉木瓜雪耳」、「腐竹鵪鶉蛋」。服務好，下單速度快，回收碟都很快。

好耐無去熊貓酒店， 原來而家唔同晒， 多左好多食店， 今日幾個朋友約食飯， 佢地建議食牛之煱， 我初頭聽以為係日式牛肉打邊爐， 原來唔止打邊爐， 仲係fusion 野黎， 因為仲有刺身， 壽司， 手卷， 炸物， 甜品有泰式芒果糯米飯食， 又有中式糖水楊枝甘露。。。hahaa.... 真係多完化， 可以一餐滿足晒大家嘅要求呀。想等別講下牛肉， 豚肉同羊肉， 因為好多時放題肉類都係一般般， 而呢度嘅牛肉， 豚肉 羊肉都唔錯， 唔會無肉味。 蔬菜都係新鮮又多種類選擇。$2️⃣3️⃣8️⃣ 可以任飲任食吃到飽， 真係好好好抵呀。。。

噚日(24-10-2019 Thur)老公生日,我哋郊遊完後,夜晚同爸爸齊出街食飯,我諗起女友人WK提過嘅呢間打邊爐,於是嚟呢喥.由於好早,侍應俾咗望街景嘅卡位我哋坐,火鍋湯底我哋揀咗參鬚杞子火腿雞湯,完全唔覺有呢啲材料嘅味道.其實每樣食材味道都正常,而最出眾嘅係粟米流心丸,炙燒芝心包,凍豆腐.而甜品,我哋要咗扭紋抹茶新地,軟雪糕,楊枝甘露同3.6牛奶燉木瓜雪耳扭紋抹茶新地,我覺得冇乜抹茶味,只有雲呢拿味,但老公話食到唔甜嘅抹茶味,好食.楊枝甘露味道淡.3.6牛奶燉木瓜雪耳,燉咩吖?只係將材料放埋一齊就係,木瓜根本冇煮過.服務:第二次俾點餐紙時,個侍應話下次寫埋枱號XX.1.之前兩次落單,你老闆同另一個侍應都冇叫我哋寫枱號.2.我唔係喺喥做,點知呢張梒係幾多號?之後至睇到枱號黐喺放點餐紙嘅架喥.第3次落單時有係點咗羊肩肉,但竟然俾咗特選豚肉.明明話放題係食2個鐘,我哋重有半個鐘時間,佢哋竟主動拎張單嚟要我哋埋,點解呢?價錢:星期一至四,每位成人$178.00,長者優惠價$158.00,我爸爸就有資格,所以人均消費係$188.47.落單叫湯底時,侍應問我哋會唔會7:30pm前埋單?可以平

香港火鍋店越來越多😂點樣先可以出奇制勝一係就要學似人哋有特色嘅裝修再唔係就要有特色。今日趁住朋友收早，就搵咗間食火鍋放題。而且有埋刺身及燒物。$200幾蚊已經有齊晒咁多野而且呢個價錢已經包埋任飲，雪櫃內的飲料🥤款式有好多另外如果唔鍾意飲凍野嘅話，亦都有熱茶🍵提供反而我覺得最特別係在於甜品，第一次食放題甜品係咁高質素肉類分別有四款，而我覺得最好食係美國極上牛肉🐂脂肪位比較少，而且牛肉味濃郁。其次羊肩肉🐑都唔錯，帶有陣陣膻味☺️個人都比較建議食海鮮🐠🦐🦑廣島蠔及海蝦都是推介之選廣島蠔size都好大隻，海蝦蝦肉好彈牙而且唔會梅另外仲有海膽手卷，雖然唔算特別高質，但係一啲都唔膻花之戀中規中矩，唔算大件，所以可以食多幾件。因為唔係台台都有加到日式燒物，所以基本上炸物多數都係新鮮炸起，比起出邊放題一早炸晒，呢度略勝一籌講返甜品先推薦榴槤班cake及芒果糯米飯，窩夫亦都好鬆軟，就算我同朋友食到好飽，都堅持食咗兩Round

家姐話喺熊貓酒店搵到間超抵食嘅放題～太耐無嚟熊貓酒店呢邊～原來都變咗好多喇～搵咗一陣先搵到～不過其實都好易搵嘅～去到先發現，原來呢間牛之鍋係任食日式放題同火鍋嚟嘅～平時任食嗰啲餐廳都係主打任食嘅其中一樣～佢就兩樣都有齊！仲要係超抵價添！天氣開始凍凍哋～又係時候放肆一下喇～環境都幾開放式，好似空氣好流通咁～唔會焗住喺一個室內咁，食完返屋企個身都無成陣打邊爐味坐低左之後，我揀咗火鍋湯底～就瘋狂點日式料理、刺身、燒物、天婦羅.....之後就出去拎調味醬油，返到去，食物就啱啱好上枱～喪食雞軟骨、日本蕃薯、墨魚餅、炸蝦天婦羅火鍋湯底揀咗莞茜皮蛋湯，食咁多熱氣嘢，揀返個清熱湯底補一補火鍋配料雖然唔係各式各樣～但正常打邊爐嘅都有齊晒，滿足晒打邊爐嘅欲望～好抵食～又食到超級飽～大胃王去挑戰吓

又到左一期一會既日子，三五知己最好都係食火鍋，可以一路食一路傾。今次揀左荃灣呢間牛之鍋，日式火鍋+放題，岩哂口味不同既朋友。淨係湯底已經有 8款選擇：九州豬骨湯，壽喜燒，蕃茄薯仔牛粒湯，清甜椰青湯，皮蛋芫茜清湯，麻辣湯，胡椒豬肚湯，參鬚杞子火腿雞湯。仲有一款特別推介椰子雞鍋（+$18)跟住配料方面可以係menu 度揀，種類都唔少，除左火鍋配料，仲有刺身類，壽司類，料理類真係可以當埋日式放題。蔬菜類同飲品就係自選區自己揀。肉類方面有6款選擇，其中2款要加錢：美國牛肉，美國極上牛肉，紐西蘭羊肩肉，特選豚肉，澳洲和牛肉200g (+$118)，日本黑毛和牛肉200g (+$178)我地試左極上牛肉同美國牛肉，肉質上真係好大分別，極上牛肉好好味。好快就食左3個鐘，大家都食到捧住個肚咁走。下次可以試埋其他湯底。

好朋友之前送咗份禮物比我，咁我梗係識做請返佢食飯回禮啦！嚟咗荃灣呢間「牛之鍋」黎個任食火鍋先！晚市兩小時火鍋有兩個選擇，一個包埋日本料理，另一個唔包，只係相差$50 ，我哋梗係食貴嗰個啦！哈哈！一坐低就不停剔紙仔，選擇都好多啊，我哋要左好多刺身、壽司，另外亦都揀定火鍋材料，湯底都有幾個選擇，估唔到有胡椒豬肚湯底，就試吓呢個啦！出面有混醬區，仲有兩個雪櫃的飲品任飲，有紙包飲品、啤酒汽水和韓式飲品等等。上菜速度都好快，等緊個煲滾之時就食咗刺身同壽司先，好新鮮好味呀！有甜蝦、赤背、海膽壽司……食個不停，正呀！食完生冷野就打邊爐啦！我哋要咗美國極上牛肉、豚肉和羊肉，都不錯。海鮮類代表有印尼海蝦、紐西蘭青口、日本廣島蠔等等，鮮甜味美。當然都有普通啲嘅選擇，例如丸、餃、豆腐之類。不過好可惜，兩個女仔真係食唔到幾多野，眼闊肚窄，只係叫咗一round咋。仲有啲燒物、天婦羅等等都食唔到。最後要留肚食甜品嘛，甜品選擇都好多，樣樣都好想試呢！要咗個宇治抹茶芭菲及珍珠伯爵茶奶凍，好好味呀！尤其是係個抹茶芭菲，賣相勁靚，一層一層有雪糕、湯圓、脆脆米等等，超級好食！

呢排出街食飯都驚驚10點無mtr要快啲食先返到屋企但係喺呢間餐廳食放題就無有怕事關上菜快零漏單食到飽飽先走走一入到去感覺幾好乾淨企理起碼啲餐具格面都唔會“痴立立”鴛鴦湯底加$18叫左蕃茄薯仔牛柳粒番茄較多其餘材料較少高度推薦胡椒豬肚湯🐷🐖超足料放完火鍋料落去滾真係有淡淡胡椒既辛口由於美食眾多無法一一介紹但係有某幾樣野真係唔讚唔得好似燒菠蘿好有水準🍍味道好甜有焦香完全唔會酸同有渣刺身選擇雖然唔算多但你叫幾多就上幾多從不miss order新鮮顏色鮮艷口感紮實爽口🦐大大隻鮮蝦放入個煲🦐咪話唔爽!好快熟，變靚靚橙色索埋胡椒湯底仲正另一個最大既賣點就係“即製甜品”🍒🍦唔好成日話啲男人一味食肉唔顧女仔感受啦如果帶女朋友黎呢度食一定無怨言所有甜品都好高汁我自己都唔怕肥KO左3-4款🍨🍧🍦🍰首推一定係雪糕窩夫好味到"驚豔"!!!🍭雖然雪糕份量細左啲好多所謂waffle專門店都唔夠佢好食😮😮😮入面好moist 好有蛋味外表依然好脆雪糕牛奶味超濃夾埋一齊食最正!!!(我要雪糕大杯啲!!!)另外朱古力mousse 甜中帶甘唔會一味死甜食落好似無咁肥wo珍珠伯爵茶奶凍又係超好味茶味非常強同飲緊珍珠奶茶完全無

這火鍋店嚮悅來酒店商場內，由地鉄站行來，不算近，但勝在全程有瓦遮頭又冇燈位。火鍋配料好新鮮，海鮮好飽滿，特別是生蠔及蝦，味道鮮且肉質結實。肉類則色澤紅潤，不論牛肉、豚肉抑或是羊肩肉也一樣文理清晰，油脂比例啱啱好，不會太油或太靭，好正!疏菜則多數枱面，俾客人自取。放題包埋刺身及甜品。刺身唔會將價就貨，食落好鮮甜。跟壽司一樣，比正常size略細。我覺得咁樣幾好，可以留肚食多幾款。這裡的甜品也有睇頭，很多是即制的。 芒果糯米飯是新加的，椰汁味好香，糯米則好煙韌。榴槤班戟上枱時外皮還是暖暖的，榴槤味亦夠香濃。

做咗成年五週年，午市爆丼五十蚊加一，雖然睇啲料好似幾多，但午餐嚟講唔算平，唔值得專程過去食。今次叫係順路，試吓實物係未真係大放送？飲品賣點係樂怡仙地，得佢有少許酒精，但其實雪櫃飲品啤酒以外任選一罐，一定係韓國果汁性價比高；沙津用紙碗裝，唔環保，份量只能說是伴碟，菜新鮮，芝麻醬都足。蒲燒鰻魚、和牛、溫泉蛋盛丼，個名梗長，份量就唔多，仲話爆丼，梗細個碗都唔算爆呀？但一定夠飽，基本係一座飯山，加兩件鰻魚，四小塊牛肉片係面，仲要好似裝唔哂梗溫泉蛋又用多個紙碗，係未和牛就唔知，只知係烤肉，油脂唔多，軟熟度同醬汁味剛好，比普通烤肉好食，鰻魚用火槍燒過，中式彈牙口感，好多碎骨，整體味道都可以。赤蝦刺身盛丼，好遲先到，但刺身丼個碗竟然同上面一樣，而且真係爆！隻蝦大大隻好吸引，其他見到色澤都知唔錯，依個丼就真係值。精選甜品，可以選雪糕或意大利芝士蛋糕，明明選了蛋糕，但無論唔見前面幾隻字定後面幾隻字，都同現實有出入！應該叫朱古力奶凍，朱古力幾足。整體其實都失望，首先十二點開門首枱入去，已聞到成陣醬汁味，望真原來枱上電磁爐附近都係醬汁漬！衛生令人擔心；主食味道唔錯，尤其刺身丼真係值，但等太耐，放飯嚟真係唔洗

一次過滿足你三個願望😊😉平時食放題都係多數，一係齋食日式一係齋打邊爐，有時都覺得幾悶幾沒趣😆 今次適逢同舊同事gathering，所以就提議左間又有日式料理又有火鍋又有即製甜品既任食放題，一次滿足哂我地既無限慾望😂😂·放題任飲任飲2小時，火鍋料刺身壽司炸物串燒甜品包羅萬有😋 刺身十分不錯，特別喜歡象拔邦、赤貝及帶子🐚 食落爽脆有口感🤤 花之戀細細件一口一件，食多兩件都唔怕滯啦😉 芝麻雞翼炸到金黃鬆脆，一咬開熱辣辣啲煙係咁噴出嚟，好好味呀😋 很喜歡燒菠蘿，我自己食左5件😂 甘甜多汁好重菠蘿香味😚·而火鍋料亦十分出色，美國極上牛肉色澤紅潤，肉裡面既油花紋理鮮明，薄薄一塊涮10秒就食得，牛肉味頗濃，不錯的👍 海鮮類都係任食🤤 日本廣島蠔非常大隻，熟左仍然十分飽滿，結果我食左10幾粒，非常滿足🤩 另外較為特別嘅有芝士波波丸及我的至愛牛柏葉，食左好多呀我😂😋😋·最後當然要滿足埋我第二個胃，甜品種類好多，宇治抹茶雪糕🍦同榴槤斑戟都好美味😍😋 本身對任食甜品唔抱太大期望，估唔到咁高質，非常有驚喜👍👍

以為是放題有甜品。原來是甜品店有放題呢(X市面上放題店種類繁多，要吸引客源都各出奇謀，今天吃的這家牛の鍋，不但包辦放題、邊爐、串燒，還有媲美專門甜品店的甜品種類及水準！ 這個價目表的價錢已經很吸引，相對一般晚市放題較為便宜。在不太期待的心情下進入店內就馬上有驚喜了。 這是一般放題店難以看到的酒精飲品！酒鬼朋友說便利店喝一樽都要10幾二十蚊的。 然後這是可以Order的食物種類列表，完全不比那些大X屋等300以上的放題選擇少。 我們當然要嘗嘗招牌的牛肉火鍋了。 牛肉的質素不錯！這是羊肉。兩款肉類都很快淥熟，鮮嫩且有肉味。 放題少不了的刺身。當然不會只有肉，新鮮蔬菜自助供應。回歸主題，是時候分享甜品的感受了： 楊枝甘露，酸甜冰凍，果肉份量十足。 仙草芋圓，仙草涼粉的獨特香味沒有被其他材料蓋過，有很天然健康的感覺。

是日要去指定地方拎雪糕月餅🥮，順便和老公食個dinner! 見到呢間日式放題唔算貴就打算試下。酒店上一層都幾方便！原來呢個火鍋放題都唔簡單，除左火鍋料外有埋壽司、燒物熟食甜品及任飲飲品。🔸火鍋湯底揀左清清地既芫茜皮蛋湯底。配料及疏菜種類都有幾多選擇，有菇類及幾款菜，個人覺得咼筍同冬瓜都好食，新鮮爽爽地既，食得多肉要食番d蔬菜平衡一下！仲有火鍋一定要配既響鈴和魚皮餃😋🔸火鍋肉類點了肥牛、黑豚和美國極上牛肉牛每款也是薄切的，肥瘦適中而肉質都幾嫩口亦夠新鮮，大概放落湯到15-20秒倒就可以食，有質素👍🏻個人比較喜歡美國極上牛肉，牛味濃一點，唔駛太多調味都好食！火鍋料仲有新鮮海蝦、鮑片、蠔、鮮貝及魚，個人最欣賞是海蝦及蠔，蝦夠生猛好新鮮，鮮味十足，打邊爐岩灑👍🏻而蠔就夠灑大只！壽司類我們點了黑松露帶子、海膽甜蝦、蟹籽壽司🍣，本人是帶子粉，帶子鮮甜配黑松露香，好食所以encore左一次！甜品方面都有幾多選擇，我們選了滋潤既木瓜雪耳同埋好有水準既茉茶芭菲！整體放題及火鍋食物都幾有水準，下次會再幫襯！