影片
更多
2019-09-03
119 浏览
屋企人生日，諗食咩諗到頭都爆。咁岩見到荃灣熊貓呢間火鍋店除左打邊爐之外，仲有魚生、炸物同甜品，而且仲係放題任食，真係好岩我地一家人食。晚市火鍋 放題任食 店員向我哋推介左新出嘅清甜椰青湯底，感覺唔係幾熱氣又解熱，所以我哋就叫咗黎試吓啦。仲可以加$18任食清遠鮮雞變椰子雞煲添。唔止添啊，like埋佢Facebook仲送澳洲和牛肉一碟啊，如果唔係就要加錢先可以食到啦，真係好抵食呀！嘩，有勁多張點心紙可以揀嘢食，火鍋料，海鮮，壽司，刺身，天婦羅，甜品等等，真係花多眼亂。除咗點心紙嘅嘢食可以揀之外，仲可以出去出邊嘅蔬菜區拎啲蔬菜食添！仲有飲品都係可以任飲㗎，呢度竟然有解茶，真係唔怕食完會濟呀！壽司同刺身種類都算多嘅，質素都算正常嘅。另外又有好多炸物可以揀，呢啲都不過不失啦！比呢個價錢又可以食到火鍋又食到壽司刺身，同其他食物，都幾唔錯㗎啦。記得留肚食甜品！記得留肚食甜品！記得留肚食甜品！因為太重要，所以要講3次。甜品種類多到樣樣都好想試，最後試左好多款，例如：宇治抹茶芭菲、扭紋抹茶新地、精選綿綿冰、仙草芋圓、軟雪糕窩夫，新加Menu仲有好多人都好鍾意嘅榴槤班戟同埋芒果糯米飯😂我自己就鍾意簡簡單單
屋企人生日，諗食咩諗到頭都爆。咁岩見到荃灣熊貓呢間火鍋店除左打邊爐之外，仲有魚生、炸物同甜品，而且仲係放題任食，真係好岩我地一家人食。
晚市火鍋 放題任食
店員向我哋推介左新出嘅清甜椰青湯底，感覺唔係幾熱氣又解熱，所以我哋就叫咗黎試吓啦。仲可以加$18任食清遠鮮雞變椰子雞煲添。唔止添啊，like埋佢Facebook仲送澳洲和牛肉一碟啊，如果唔係就要加錢先可以食到啦，真係好抵食呀！
嘩，有勁多張點心紙可以揀嘢食，火鍋料，海鮮，壽司，刺身，天婦羅，甜品等等，真係花多眼亂。除咗點心紙嘅嘢食可以揀之外，仲可以出去出邊嘅蔬菜區拎啲蔬菜食添！仲有飲品都係可以任飲㗎，呢度竟然有解茶，真係唔怕食完會濟呀！
壽司同刺身種類都算多嘅，質素都算正常嘅。另外又有好多炸物可以揀，呢啲都不過不失啦！比呢個價錢又可以食到火鍋又食到壽司刺身，同其他食物，都幾唔錯㗎啦。
記得留肚食甜品！記得留肚食甜品！記得留肚食甜品！因為太重要，所以要講3次。甜品種類多到樣樣都好想試，最後試左好多款，例如：宇治抹茶芭菲、扭紋抹茶新地、精選綿綿冰、仙草芋圓、軟雪糕窩夫，新加Menu仲有好多人都好鍾意嘅榴槤班戟同埋芒果糯米飯😂我自己就鍾意簡簡單單嘅宇治抹茶雪糕，可以食多幾杯都得啊！食完真係可以飽到捧住個肚走😋😋
张贴
