燒肉酒場 (已搬遷) 新店位置

回鄉暫無期，放假出來搵下日本書，在看完書附近發現了有間唔錯又方便嘅燒肉店，可以加杯燒酌再在鐵板上燒，份外有一種風味！餐廳位置在排檔旁邊，所以平時唔行過真係唔知它的出現，但相反想可以在這裡Hea都唔會比人發現😜！這裡亦有好抵食嘅套餐！今日放假想食好一點於是就係選了自己燒嘅燒肉，豬牛羊雞都有得選擇，除此之外亦有不同嘅佐酒小吃！先點了份吉烈炸蠔，落單後等了一陣就上枱，廚房速度快，外脆內軟，蠔味濃郁，配埋杯冰凍嘅西柚燒酌酸甜有汽十分醒神！而這裡主角就是蒙古羊卷肉，將羊卷肉放在燒熱了嘅鐵板上，一陣間再反就已經差不多熟了，加埋枱上嘅味粉，又唔會覺得羊騷味太濃，而且肉質都十分軟熟嫩滑，怕食羊嘅朋友都可以接受！另外佢嘅柚子雞腿肉都唔錯，件件都係嫩滑嘅雞腿肉，加埋用上了柚子作為調味，入口帶點淡淡柚子香味，如果喜歡濃味嘅朋友又可以點少少醬汁入口！估不到朋友想進加埋個車海老，大大隻在鐵板上燒，上面撒了少少鹽，蝦肉彈牙之餘還啖啖肉，又係另一個唔錯嘅選擇！就係咁慢慢嘆，又係一咁尋回了一個回鄉休閒嘅感覺！

已經一年冇飛去日本探親啦！好掛住日本的美食，最近睇日本美食節目介紹成吉思汗燒肉，好似好好味咁😋睇到我同老公都流晒口水，決定上網搵一間嚟試吓！最終我哋選擇咗 銅鑼灣的燒肉酒場，睇相感覺好似去咗沖繩咁，正！成吉思汗燒肉主打羊肉，是北海道出名的料理，幻想下天寒地凍食熱辣辣嘅燒肉係幾咁幸福呢！日式餐廳的傳統，用餐前會奉上收費椰菜絲沙律作為前菜，吃燒肉前以椰菜絲沙律清一下味蕾，清新爽脆醬汁又開胃。蒙古羊卷肉 $78這是店員的精選推介，成吉思汗燒肉的山形烤盤用來烤燒羊肉、牛肉和蔬菜特別惹味。蒙古羊卷肉的肉質鮮嫩美味，味道較重而且有咬口，脂肪剛剛好入口特別幼滑。原來燒羊肉配洋葱是日本鄉土料理的食法，不油不膩，兩者夾在一起入口爽甜又有口感層次，記得食之前加啲成吉思汗粉，很好吃。美國牛板腱 $78牛板腱油花分佈均勻，肉質軟嫩中帶有彈性，肉味特別濃郁，口感有嚼勁。韓式豬腩肉 $78醬汁應記一功，以韓式醬料醃製，味道香口惹味！足夠一邊燒一邊聞到香噴噴，香上加香非常好味道。羊湯茶漬飯 $58除了燒羊肉外，最後來一碗羊湯茶漬飯也有驚喜，先喝一口湯，口裏滿滿都是羊味，吸收晒所有羊肉的精華。檸檬燒酌 $68老公一邊

久違的晚餐，晚市堂食開返後的第一個晚餐，我揀左去食燒肉，因為屋企做唔到，難得開返當然要揾間好既餐廳滿足下個胃。最後揀左間位於銅鑼灣渣甸坊附近叫燒肉酒場既餐廳，見openrice評分唔錯，睇啲相都ok，所以就決定試試佢。餐廳位置唔難揾，我地冇預約，好彩唔洗等位，內裡坐位唔算多，已經七成滿座，環境佈置偏日式，我地坐低之後，就已經有人過黎介紹個餐牌同埋啲肉。因為店員推介呢到既羊肉，所以我地叫左羊捲肉、羊西冷，之後再叫左牛板腱、伊比利亞梅頭豬、柚子雞腿肉，仲叫左啲熟食，炸豆池魚、羊湯烏冬，最後叫左野飲，鮮橙燒酌、威士忌梳打。首先熟食黎左先，我對於個炸豆池魚相當滿意，9成都係我食😂 女友就鐘情個羊湯烏冬，我反而覺得唔夠味，咁都好，各有所好唔會爭😂之後啲肉都相繼到枱，我哋首先燒左羊捲肉同羊西冷先，放各兩塊，因為店員推介，點都試左先，冇想像中咁重羊羶味，加啲孜然粉，即刻升華上去另一個層次，我自己偏愛羊捲肉，多過羊西冷。之後再燒牛板腱同伊比利亞梅頭豬，又係各兩塊先，牛板腱正常發揮，牛味足，但有驚艷既絕對係伊比利亞梅頭豬，肥瘦適中，又有豬味，濃郁又唔羶，推介。最後輪到柚子雞腿肉，因為雞肉普遍燒耐啲，所以

晚市終於開番，即時約朋友見面行街食好野，識食一定要食燒肉，因為屋企好難搞太大味。於是book左燒肉酒場食日式燒烤，餐廳佈置好得意好有日本feel。一坐低就有沙律食，待應服務周到，教我地點樣燒，食得辣既可以加孜然粉，鐵板上洋蔥可無限添加。我地叫左好多款肉-牛板腱，好好味韓式豬腩肉，最鐘意呢個夠香口柚子雞件 ，好香夠清新蒙古羊卷肉 ，唔羶易入口另外朋友要有飯落肚，所以加左-溫泉蛋肉燥飯 ，溫泉蛋汁撈肉碎超正！唐掦雞軟骨，脆口炸物最後飲杯西柚燒酌，爽！飽食醉大滿足😚😚😚

星期天和朋友到久別了的銅鑼灣購物，路過一間日式餐廳，被燒烤的肉香吸引，於是便入內一試。餐廳不大，但富有親切感，而且食物和菜式選擇很多，有鐵板燒和定食等多項選擇，牛肉豬雞海鮮......等。我們選了鐵板燒。首先來個“椰菜絲沙律”, 椰菜絲爽口，加上芝麻醬的香味，非常醒胃。店員SET 好烤爐，上面放上洋蔥，我們便開始大快朵頤了。“羊卷肉”, 肉質鮮嫩，肥瘦適中，有羊味而沒有羶味。“牛板腱”，薄切的牛板腱特別爽口味濃。“韓式豬腩肉”，甘香肥美,加上韓汁更可口。“柚子雞腿肉”, 無骨啖啖肉，雞肉嫩滑又有柚子香味。“炸雞軟骨”, 酥脆入味，送酒一流。“車海老”, 三隻新鮮大蝦，原汁原味。“羊湯茶漬飯”, 羊湯味濃，粒粒珍珠米的白飯綿軟可口。最後是“檸檬燒酌”和“西柚燒酌”, 大大塊果肉，果香陣陣，酒味濃郁。吃一頓豐富美味的午餐，付大眾化的價錢,在中心商業區實在難得。

成吉思汗燒肉係北海道出名嘅料理，用山形烤盤燒肉之前喺北海道試過真係一試難忘估唔到而家喺香港都可以食到正宗嘅成吉思汗燒肉，裝修中充滿日本居酒屋風味添餐牌主要都係羊羊柳、羊膝、羊腩、羊架除咗羊，仲有雞肉、海鮮；牛肉都好高質㗎前菜係椰菜絲沙律，酸酸甜甜，非常開胃仲有薯片加辣粉燒過嘅洋蔥加上肉汁，非常好味平均每款菜式都係$7-80，價錢唔貴記得落埋孜然粉，惹味好多牛板腱$78韓式豬腩肉$78 柚子雞件 $78淡淡柚子味，好清新蒙古羊卷肉 $78真係一d羊羶味都無，好正呀西柚燒酌$68車海老 $78溫泉蛋肉燥飯 $58唐掦雞軟骨$48

今天又來到銅鑼灣尋找美食， 看見這間位於地舖的燒肉酒場裝橫特別，所以便和朋友入內一試。 顧名思義餐廳的食物以燒肉為主。我們首先叫了一客椰菜絲沙律，沙律清甜新鮮配上沙律醬，份外美味。我們今天的主菜是燒肉，所以怎能不叫招牌燒肉呢? 分別叫了羊、牛、豬和雞，完全滿足喜愛吃肉的我。我首先說說羊卷肉，肥瘦適中，羊味濃而不羶，喜歡吃羊的朋友必定要試試，即使我不太喜歡吃羊，也覺得美味呢!接著是牛板腱,牛魔王著稱的我，怎會放過 一嚐這裏的牛呢?這個部位的牛肉雖然沒有太嫩滑的感覺,但牛肉味濃，較適合不喜歡吃肥牛的朋友。我們再來一個柚子雞肉，以柚子醃製，味道清新，是不錯的配搭。由於朋友愛吃豬， 我們也叫了一個韓式豬腩肉，醃製的醬料很香濃，豬腩肉雖然有點肥肉，但經燒烤後沒有了那種肥膩的感覺，香脆可口， 都是不錯的選擇。最後我們點了海蝦，蝦的香氣撲鼻，肉質爽甜，不錯呢 !大胃王的我們又再點了一客羊湯茶漬飯，湯底帶有淡淡的羊味，坊間很少可吃到啊！我們也叫了兩杯果酒，以燒肉佐酒，簡直完美！

讚1.氣氛好，雖然係日本都無食過燒羊肉店，但感覺上真係好似係日本居酒屋咁2.羊肉好多部位，而且真係個個部位都食到唔同味，羊軟骨最好味，油香中有少少脆身，不過要預訂先有，羊柳都好味，羊既羶味係剛剛好有而唔會太濃，羊腿肉都夠嫩，羊心就帶啲血味，幾有深刻印象3.唔使自己郁手燒，侍應會幫手，所以燒得好準，呢樣野印象中係得區內另一間台式燒肉店會咁做，好適合懶人彈1.油煙係勁既，基本上全身衫褲都要洗過2.唔食羊就慳番，雖然有牛豬之類，但其實好少其他野揀3.酒水選擇都係少

係銅鑼灣行完街,由於限聚令關係,太耐無出過街食燒肉,用OPENRICE搵到呢間燒肉酒場,位置就係希慎後邊條行仔行入去,3分鐘路程都唔洗就搵到量完體溫後,就可以入去坐低,餐廳樓底好高,抽氣又做得好,唔怕好太油煙會令到透氣好辛苦!一枱一個獨立GAS爐,再有餐廳自己整既洋蔥碎/檸檬汁/燒肉汁洋蔥可以無限添加,超正,輕輕燒一燒就食得,十分爽口!前菜係椰菜絲沙律,望落去無咩特別,但係食落去椰菜係超新鮮爽口,同個醬汁好爽,十分開胃!鮮橙燒酌,橙味既燒酌,又有橙味既清新,又有燒酌既味道,正!羊卷肉,牛板腱,豬頸肉,炭火雞腿肉,全部肉都好新鮮,小小既雪味都無,燒完之後仲超香,又唔會好油膩炸豆池魚,意想不到地啖啖肉,用黎配燒酌就一流!一餐好完美既燒肉,再加杯燒酌,呢個下午實在太正了!

上次去北海道沒有機會試成吉思汗燒肉，當日經開銅鑼灣看到原來香港也都有得吃，便即時同朋友進去試試！餐牌選擇也不少，想每種肉都試少少，所以我們點了羊卷肉、牛板腱、韓式豬腩肉和柚子雞腿肉，還有兩杯燒酌配燒肉！兩個人食份量很足夠，因為這裡的爐邊洋蔥是可以免費添加，很好食很滿足！牛卷肉很juicy，羊肉味濃，加上秘製的成吉思汗粉，像是孜然粉和七味粉，羊味更加提升，太好食了！而牛板健很大塊，牛肉亂畫點上燒肉汁和捲起洋蔥粒一起食，更加惹味。韓式豬腩肉燒完肥膏位很脆，而且韓式醬汁味道也不錯。柚子醬雞腿也很滑，份量多，但柚子味不突出，反而和成吉思汗粉很配合！基本上我什麼也下秘製孜然粉，味道總覺得更好食！我們也加了一份炸蠔，炸得很有水準，而且蠔也是飽滿鮮甜的，加上蛋黃醬很好食！最後我們點了一個羊湯茶漬飯，味道很好，十分推薦！完全可以嘗到香濃的羊肉味和茶漬的味道，但兩者原來很配合！加上紫菜和京蔥絲，真是很下飯！整體來說，很推薦喜歡吃羊的人來試，有多款羊料理和羊部位燒肉，但其他肉類也高質，加上有無料添加洋蔥，可以食得很滿足！另外，餐廳環境很日式居，店員很友善，而且熱情有氣氛，不禁令我想到在日本居酒屋時的情境！

晚巿開返喇！一齊高呼一下🤣 肉食系男朋友即刻約我去食燒肉，話太耐冇食就黎唔記得燒肉係咩味🤭/今次佢搵左間以為係普通日式燒肉店，點知原來係蒙古燒肉😯烤盆同一般嘅唔同，中間隆起，圍住生洋蔥好特別餐牌上亦多左唔少羊肉作為選擇所以我都嚐下鮮羊卷肉、羊西冷，不同部位都分得仔細入口唔羶，帶有羊肉嘅香味同韌度油香會令洋蔥更添香氣又係伊比利亞豬🤤油脂分怖平均，燒到外脆內軟，係我最愛🥰雞肉都可以燒得好嫩滑，記得唔好太大火本身諗住燒肉唔叫小食，但隔離個位堅持叫d唔會係屋企整到嘅野食當慶祝，唯有就下佢🤣不過又真係幾好食，炸得唔乾而香脆，骨都軟晒成條食得👌🏻最後見幾特別所以叫左羊湯烏冬，食落其實同一般烏冬好似冇太大分別反而有一股香味，怕羊味嘅人都可以食到👏🏻/ 唯一要提醒嘅係燒嘅時候加少少油同佢地嘅蒙古調味粉（我地乜都有落），好食好多😋

與朋友路經銅鑼灣要搵吓嘢食醫肚由於我好鍾意食洋蔥朋友就同我講有一間燒肉店嘅洋蔥可以任食我聽到就覺得好興奮於是佢就帶咗我哋呢一度試吓由於真係好耐冇去旅行一入到黎嘅咁我就覺得好似去咗日本咁樣一坐低點好野食侍應就已經放好咗洋蔥喺度之後就送上開胃沙律沙律入面係椰菜絲，加咗沙律醬上面再加左啲脆片清新得來又有口感呢個羊卷肉，我覺得非常好食好香嘅羊肉味道仲要係好juicy,配埋飯食簡直一流而呢一個羊西冷睇上去好似食緊牛咁樣佢嘅口感都係同食牛差唔多但相比起剛才嘅羊卷肉羊嘅味道冇前者咁突出但口感好燒過嘅豬頸肉非常香脆另一個我鍾意既，就係柚子雞腿肉雞肉入味，食落口有清香嘅柚子味再加上肉質非常嫩滑好好食呢一度，下晝仲做緊八折優惠價錢非常合理，味道有水準同埋除咗燒肉之外呢一度仲有其他嘢食Lunch time食一個飯都可以我都幾推薦一間燒肉店👍🏻

來到才發現這裡換了舖，之前明明是間好吃的鰻魚飯來的，現在變成了吃燒肉，還要是北海道特色成吉思汗烤肉!!前兩年去北海道的時候都沒試到，現在竟然在香港就有? 即刻試試先~理論上, 成吉思汗烤肉應該是吃羊的, 食店裡的裝修也可以看得出。但事實上這裡除了羊, 還有其他肉類可供選擇, 方便迎合各類口味。椰菜絲沙律，在一眾肉類當中充當解膩的角色，非常正確的選擇。炸雞軟骨，香脆熱辣，送酒一流。烤肉盤上桌，附贈滿滿的洋葱，還可以無限添加。肉肉烤出來是有坑紋的，看起來很吸引。羊卷肉，燒熟後配上店裏自製的成吉思汗粉（孜然粉+辣椒），羊肉的風味完全發揮。羊西冷，稍厚的厚度，有著特別的口感，店員說不用烤到全熟，味道更佳。柚子鷄腿肉，肉質嫩滑，調味剛好。韓式豬腩肉，油花較多，烤出來的肉質帶有油香。羊湯烏冬，羊味濃厚，感覺滋補。總的來説，頗具特色的一餐，值得一試。另外店員有禮，服務周到，也值得一讚。

今午約了女友去銅鑼灣. 燒肉酒場,主打燒肉有:  牛, 羊,  豚, 雞.  重有海鮮, 還有..............野菜, 伴酒炸物, 飯, 烏冬, 甜品...........飲品糸列也有多個選擇.....室內裝潢樸實, 融入日式風格, 全木系的枱椅.點餐後, 侍應立即送來日式 椰菜絲沙律,  先食沙律熱熱身, 沙律菜食落爽口, 都幾新鮮, 開胃.食燒肉配燒酎, 我叫了 西柚燒酎, 入口味清且香,有餘絲西柚般的味, 的確值得一試. 餐廳提供燒汁, 洋蔥粒都好齊備.店員迅速為我們送上烤爐, 及淌滿滿洋蔥.第一個燒肉是女友點的.  紐西蘭羊柳, 這個來佬羊柳肉看來不錯, 嫩滑非常, 腌得入味. 肉厚爽甜, 無騷味, 再配惹味醬汁, 好欣賞.牛板腱,  份量足, 片片色澤艷紅, 賣相不俗自己燒自己睇火, 易得到喜歡熟度, 最理想, 牛板腱油脂少, 燒後超香牛味, 食落稔滑, 好好食, 很不錯.豬頸肉, 燒得焦香微脆, 咬下肉甜多汁, 又不膩喉, 有肌肉光澤, 入口爽滑彈牙, 女友最仲意系食了也吾會肥.  柚子雞腿肉, 用了雞最好的腿肉部位，又已去了骨, 醃料用柚子醬, 燒烤後爽口又美味

最近好鍾意食燒肉，雖然疫情關係多了在家燒，但偶然出外食一餐都係一種享受，銅鑼灣新開嘅日式燒肉酒場裝潢超有日本風，感覺置身當地燒肉酒場而呢到主打北海道有名成吉思汗燒肉，仲主攻羊肉不同部位先來前菜沙律，椰菜絲配上開胃酸咪咪醬汁，面上仲有脆口薯片另一係芥末八爪魚，用芥末漬過嘅八爪魚，微微辛辣又爽口彈牙飲品真係超足料，檸檬燒酌及西柚燒酌好大杯，入面勁多原片水果，飲落好濃果香又清新羊卷肉肉質幾嫩滑，羊味好出但又唔過羶而羊西冷又比較厚實，羊肉味更濃更實在另外仲叫了牛板腱，大塊而厚實，仲帶有一點雪花，牛味偏濃肉質嫩中帶咬口燒豬肉我最愛豬頸肉，肉嫩得嚟仲有一點爽口筋位，如果燒焦一點仲好食如果鍾意食內臟，雞腎都係不錯選擇，非常之厚切，燒完勁爽口脆身，少少調味已經好好食最後叫埋羊湯烏冬，羊湯好鮮甜有濃香羊味，但唔會好羶，日式烏冬一樣彈牙美味