燈籠滷味 (登龍街) (已結業)

遠看已經見到長長一條人龍在登龍街，原來是過江龍「燈籠鹵味」，首度插旗海外，香港是首間分店，疫情下可以吃地道台式食物頂下癮，香港人有福了。朋友早到已排到隊頭，慳左唔小時間， 亦是本人的福氣。 小店掛著大小形燈箱，凝造著台灣的味道，店子內裡窄窄長長，真心是迫夾的， 經過近門口的廚房位 ，被鹵水香氣深深地吸引著。 我們從只有一頁的菜單中， 選擇出自己喜歡的   先從麵底開始， 我對 這兩個字很有興趣， 選了重點麵底 $12餸方面，點了較大路的 $9 所有食材均切成細件，看上去不小， 但實質吃下肚的不是很多。 大碗麵湯比較小，因為重點並非湯底， 而是各式各樣的食材。先要講下[ 係乜東東， 如果你食過港式 麵你就會知我講緊乜，口感比福麵稔小小， 超自強索湯能力。 小店滷水汁由台灣直到，保證香港店同台灣店食到嘅係同一款味道。鹵水汁深啡色香噴噴，鹵水味道惹味得嚟帶少少甜，唔會鹹到食唔到食材原味。 其中最吸引我的一定是索味之首 豆腐軟棉適中， 好味。貢丸加入冬菇，食落又彈牙， 更富東菇的香味。 白蘿蔔入味鬆化， 不過略嫌切得太細。           食量不大的這碗份量我覺得岩岩好。 朋友很豪氣

相信港人受到疫情影響未能外遊，得知銅鑼灣登龍街開左來自台灣知名師大夜市的燈籠滷味特意拜訪。晚上5點半左右，已經出現排隊人潮。同男友商量過後都係買外賣番屋企慢慢歎。店內都有兩個充滿港味嘅霓虹招牌。另一邊廂見到台灣常用的餐牌招牌。自選滷味配料約$10一款左右，還有台味小食、台式飲料及台式甜品等。和師大夜市見到的一樣琳瑯滿目，雖則少了種風味，但而家衛生健康最緊要！綜合滷味拼盤 $48重肉食者又有選擇困難症強烈建議選呢個拼盤。調味較淡味少少，配埋附上秘製辣椒油味道昇華了不少。（豬耳朵、豬鍵肉、雞翅膀、雞腎、雞脖子）台式蒜香腸 $26 蒜香味濃郁，咬落彈牙有油香。（自選滷味） 祖傳滷湯用左台灣總店直送秘傳配方，內含上等桂皮、花椒、甘草等十多種中藥材，飲落湯頭順口甘甜。百頁豆腐、甜不辣彈牙有口感。大豆皮、金菇、蘿白、高麗菜煮得入味。強烈建議加麵底，$10份量多。冬粉掛湯力強，吸收晒滷湯精華。

一心見到FB有宣傳，而我都幾喜歡食鹵味，所以我決定排隊都去試下我同我朋友叫咗两碗，朋友係王子麵,百頁豆腐，甜不辣，雞。我就粉絲，雞翼，豬耳，豆皮。我哋仲叫咗個炸花枝丸拼貢丸。首先我嗰碗，粉絲冇味，真係恕我直言，豬耳係街邊車仔麵鹵水味都重口味過佢。豆皮怪怪哋而我朋友嗰碗，王子麵我覺得幾好，起碼有味，其他野係冇味㗎花枝丸同貢丸不過不失，但唔值我去豪大大都好味過佢我最後其實有嗌野飲，不過我都係覺得麻麻最後我只此一次

在疫情下 ... 都需要搵D台灣野食黎平衡下我冇得去台灣既苦 !! 今日黎左銅鑼灣，見到宣傳話佢係正宗鹵味，冇理由唔黎會一會佢，本來以為疫情下冇乜人出黎食飯，黎到見到佢都係有條龍仔，都要排啦 !! 好掛住台灣呀我 ...好快就可以入座，原來店鋪有兩層，我地係樓下。我地好似車仔麵咁點哂想食既野，就安心等食。好好笑我地大家都唔知對方點左咩食，黎到就好似一樣咁 !!呢碗係我既，我今日好想食王子麵，呢個都真係台灣先有 !! 開心 ~~ 高麗菜都好重要 !! 其實即係椰菜啦 ~ 再黎就係豬腸同鴨血。個王子麵入哂佢地鹵汁既味，正 !! 個鹵汁好藥材味，果然同台灣好似 !! 係個鴨血太薄喇 ... 雖然佢都有煙韌，但個口感實在太薄弱 !! 豬腸都好入味，下次要再叫多D送 !!隻佬果碗黎到我笑左好耐 ~~ 咩黎呀 !! 一樣樣既 ~~ 我淨係聽到佢話要食冬粉，之後都唔知佢叫乜 !! 心靈相通 ??本來叫個蘋果鹽酥雞，點知賣哂 !! 咁叫左呢個 炸花枝丸拼貢丸 ~~~最尾再加個 綜合芋圓加仙草，佢既仙草大愛呀 !!! 跟本就一樣樣 ~~ 好開心呀 !! 芋圓佢寫到明係 九份芋圓，但我個人認為佢唔夠煙韌，

聽說台灣的燈籠滷味在香港開了分店，和朋友馬上去嘗試。來到門口，已經有很多人在排隊。我們預先拿了菜單，先選擇食品。這裏和台灣不同，我們先在紙上選擇想要的滷味，然後交給店員即可。首先先說說他的招牌滷味，面底有數款選擇，包括王子麵，粉絲、稻庭烏龍麵等等。既然吃滷味，當然選擇最能夠吸收湯底的粉絲啦。選完麵底就開始選擇配料，這裡的配料大概$9-12一款。首選當然是滷味！最愛豬耳、雞腎和大腸，然後再選了一些菜類和火鍋配料。菜單後頁則是香港獨有的小食和飲品，還有糖水呢！所以都選擇了幾款！下單後在等待途中就看到店內的裝修都是走台灣風，貼上復古台灣海報，令台灣味更濃啊！等了一會兒，終於把食物等到了！大大的一盤滷味，份量不少呢！粉絲吸收了滷味汁，十分入味，而且沒有煮過火，爽口彈牙。滷味方面，可以看到大腸清理得很乾淨，而且煮得軟軟的，十分好吃！豬耳朵大條，脆脆的十分好吃！至於其他配料亦十分入味，為了不浪費，所以扣了麵底，兩人食剛剛好！至於香港特有的小吃方面，炸花枝丸金黃色熱辣辣很好吃，不是麵粉丸。台式香蒜腸，每片腸上都有蒜片，不過個人就沒有吃蒜片，單吃香腸也有很香的蒜味。飲品方面有幾款台式飲品，大大杯解渴一

最近不能出國遊玩，便來這裏嚐嚐台灣的美食和飲品。冬粉(粉絲)(少麵)($10)，冬粉軟滑，掛滿湯汁，所以本身透明的。入口帶點爽滑，如同時喝下湯汁。大份的麵底只需要$10，確實很抵吃。百頁豆腐($11)，綿軟卻彈牙，與鵪鶉蛋($9)一樣，其新鮮彈牙的口感本身就與滷水汁很夾。鴨血($10)，鴨血薄切，仍能吃到軟中帶爽的口感。白蘿蔔($9)，最喜歡這個配料。白蘿蔔非常軟稔，近乎入口即溶，本身多汁的白蘿蔔再吸收了湯汁，配同樣滑的冬粉很適合。另一碗是王子麵($12)，第一次吃王子麵，與平時吃的公仔麵和伊麵有點分別。麵條吸滿滷汁，吃下去是很香的公仔麵味和滷水香，而且比平時吃的麵更彈牙。豬耳朵($12)，友人認為這款配料最好吃，豬耳非常爽脆。米血糕($10)，也是第一次吃，友人評這是第二好吃的配料。口感很特別，軟糯中帶硬，與滷水汁很配。甜不辣($11)，友人說不知這個是甚麼，所以點這個。甜不辣是魚漿製品，口感如韓國年糕帶點軟糯，如韓國吃過的魚餅，與新鮮爽滑的杏鮑菇($9)是相對的口感。小吃有很多選擇，香炸花枝丸拼貢丸($28)，份量不多，但炸過的丸類非常香口，外脆內爽，口感和味道都很出色。台式飲品選

今晚食完飯又未夠飽周圍行下睇下有咩宵夜食啦，咁岩上網見到台灣過江龍既燈籠鹵味就試下，成十點幾都可以仲咁多人都有🤦🏽‍♂️🤦🏽‍♂️🤦🏽‍♂️所以就決左買番番屋企食，但係已經有好多想食既出名既都無晒😭佢啲鹵水汁同台灣既一樣好似係台灣咁，但係份量就好小，每款都要十蚊八蚊，唔係太平，我揀左最吸味既野，芋絲，蘿蔔，大腸全部都好入味，蘿白好甜又無渣👍🏼個鴨血最好食，好滑，唔易散👍🏼👍🏼不過個芋丸又真係幾好味，好煙韌係我鐘意既口感😚

我超級鍾意食車仔麵，知道呢間車仔麵成日排長龍，好多人幫襯，所以今日就終於黎試吓，等左一陣之後入到去，店員就會比張紙你揀嘢食，佢哋所有面底都係拌麵，冇湯底架，感覺都幾新鮮，而佢哋啲面底都有幾種選擇，我就叫左粉絲，一來車仔麵好少會食到有粉絲，二來感覺粉絲伴滷水汁之後會更入味更好味，餸菜佢哋都有好多款選擇，好多都係以台式料理為主，大部份餸菜都係用佢哋招牌滷水汁去奄制，所以一定唔會清淡，仲會好濃味添，主食之外仲叫咗一款小食，就係脆炸花枝丸，一杯野飲黑糖珍珠奶茶，亦都好細心咁俾你選擇凍定熱啦，小糖定無糖啦，小冰定冇冰啦等等，我就選擇咗熱嘅黑糖珍珠奶茶，味道不錯因為我揀咗小糖所以甜度適中，好好飲，花枝丸香脆內院，熱辣辣，下次會試吓鹽酥雞，至於拌麵味道都幾濃郁，白蘿蔔好軟身亦都好入味，不過略嫌冇得俾人揀辣定唔辣，因為我係比較鍾意食辣，所以有辣會更惹味一啲，到最後我哋就叫咗個甜品就係三色芋圓，裏面有紅豆，芋圓，同埋黑糖珍珠，不過略嫌甜品比較淡口一啲，整體都可以，另外不得不提嘅就係佢哋嘅裝修設計得好好，好復古，好懷舊，入去食嘢嘅時候令我感覺到好似返咗80年代初咁，下次都會繼續幫襯。

今日又下午茶黎到燈籠街搵食呢度競爭真係好激烈食店時時都會轉換今日見到間台灣引入嘅滷味店試業過黎試下暫時未有甜品芋圓真可惜不過主食都差不多齊全喜歡呢度都幾環保點單係客人自己親自畫上點菜紙畫完可以抹走重用👍呢度主要係食車仔麵形式嘅台式粉麵所以餸菜以至麵食嘅選擇都同港式唔同我喜歡佢有好多蔬果類嘅選擇比港式更健康！揀左幾款肉同瓜菜配冬粉明明揀左少麵但黎到都勁多份量👍餸菜份量一樣好多撈勻晒一碟！佢呢度係無湯嘅冬粉早已吸盡招牌滷水汁先再奉上所以成碟都好香🤤揀嘅瓜菜果然無錯蘿蔔，翠肉瓜同芋絲都好索汁👍貢丸好香又彈牙我仲另加左炸地瓜條呢度嘅地瓜條係偏粗身嘅所以超多地瓜蓉喺入面仲有呢度唔係配甘梅粉嘅係配淮鹽嘅平時食開甘甜味道，原來用鹹香味都幾夾

疫情下大家護己護人都應該不外遊，所以我們都取消了台灣之旅，在心情爛透的一刻看到報導介紹這間在台灣師大夜市人氣高企的「燈籠滷味」，精神為之一振，要立即去光顧慰藉一下心靈。店舖滷味招牌有豬腳筋、豬腱、豬大腸等，經過長時間滷汁燉煮，味道濃郁入味！配料有好多選擇，包括：豬肉片、龍蝦沙拉丸、鑫鑫腸、豬大腸、豬血糕、米腸、杏鮑菇、金針菇、豆干、高麗菜、蘿蔔等自選 《稻庭烏龍麵 $13》配豬腱肉 $10、豬耳朵 $12、白蘿蔔 $9、絲瓜(翠肉瓜) $9。香醇特調滷水汁加上食材，麵掛上滷水汁，特別惹味！另一碗 自選 《冬粉(粉絲) $10》配大腸 $10、雞腎 $10、白蘿蔔 $9、四季豆 $9、彈牙貢丸 $9、鴨血 $9。個人認為滷水汁配冬粉最好吃，因為冬粉夠吸汁，入口淡淡滷水的香甜，很美味。另外彈牙貢丸 最令我深刻，一咬即流肉汁，十分汁潤鮮味，高質！小吃：《起司玉米蛋餅 $30》- 老實說還有很大的進步空間。《香炸花枝丸拼貢丸 $28》- 口感彈牙，不油膩，不乾有肉汁，推介。兩杯降火的台飲：《冷泡桂花烏龍 $18》《冬瓜茶 $20》+仙草 $4《綜合芋圓(冷) $28》當然要一試芋圓，夠煙韌感，

呢期好鍾意 小吃當正餐 早排去完旺角掃街 今日就去銅鑼灣 食地道台灣小吃-小店滷水小吃選擇多 常見排隊買外賣嘅人龍 冇計啦 要食心頭好😋 係要有所付出嘅-#🥢滷水小吃 🐷豬耳朵 ($12) 🦆鴨血 ($10) 🍄杏鮑菇 ($9) 🥬高麗菜 ($9) 四季豆 ($9) 另加冬粉 ($10)豬耳朵切成條條幼絲 爽口好食唔肥膩 鴨血亦煙韌有咬口 配埋四季豆高麗菜 健健康康材料簡單 但係咁就成為豐富嘅一餐 配埋爽口冬粉絲 非常飽肚-#🍎🧆蘋果鹽酥雞 ($38)鹽酥雞食唔少 蘋果味都係第一次試 鹽酥雞香脆可口 夾片薄薄嘅蘋果切片一齊食 尚算有新鮮感-#🧀🌽🥞起司玉米蛋餅 ($30)芝士同粟米係最強組合 融化芝士裏面夾雜香甜粟米粒 鹹鹹甜甜 味道出奇地協調 食素食葷嘅朋友 都會鍾意-#🥤黑糖珍珠奶茶 ($24)食台灣小食 梗要叫杯經典珍珠奶茶 茶香奶滑 珍珠粒Q彈 一邊咀嚼 淡淡嘅黑糖味慢慢滲出 唔太甜得嚟又解渴 又有嚼勁 好好飲🥰

排左半個鐘，好失望 ，完全不值得先講主打滷味，單外觀同poster對比就差太大，實物冇吸引力，食落平平無奇 味道淡 出面好多滷味反而仲好味 其次係湯底，好鹹(本身食開重口味都覺得鹹)，啲麵吸晒啲湯搞到成個麵更差沒有下次

呢間台灣黎既過江龍滷味店總店位於台北師大夜市，今次首次黎到香港，係試業期間已經大受歡迎😝K6點零去到已經見到有條小人龍等緊6點半重新開業😏主要分成堂食同外賣兩邊。佢地沿用台灣總店既祖傳配方滷湯😆點菜先可以先選擇麵底($10)，如果選擇王子麵、稻庭烏龍麵，就要加$2-$3不等😝，之後就可以自由選擇配料啦🤗四大項包括肉類、豆品、菜類同火鍋料，價錢大約係$9-$10一款，真係有啲花多眼亂🤣選擇困難症既朋友可以留意下佢地打🌟既推介，今次K就揀左豬腱肉、大豆皮、高麗菜、甜不辣同花枝丸，估唔到份量都幾多🤣麵底滿滿的🤗麵質比較爽口，而且索汁一流，不過味道就偏重左少少。配料既甜不辣同樣吸哂滷湯既味道吖！呢度仲有其他台灣風味小食，好似綜合滷味拼盤($48)咁，就有齊豬耳朵、豬腱肉、雞翼、雞腎同雞頸，如果嘆住啤酒一齊食超爽！仲有蘋果鹽酥雞($38)，都醃得幾入味嫁～甜品方面就有綜合芋圓($28)，裏面會有紅豆、珍珠同埋芋圓地瓜圓，如果鐘意，仲可以加6蚊要埋仙草添吖😆*這是相片原圖

難得放假，同男朋友去左o係銅鑼灣登龍街新開的台灣滷味專門店- 燈籠滷味食晚餐。我地當日八點半左右到，見到門口大排長龍，果然人氣高企。餐廳裝潢設計幾有心思，好有台灣地道風味好。點菜形式好似車仔麵咁挑選配料，可以選擇麵底或者淨餸，在餐牌上圈出自己想吃的食物。除左滷味之外，餐廳亦有多款地道台式小食，包括滷肉飯、鹽酥雞、九份手工芋圓等。我地兩個人各自叫左個麵同杯野飲，另加左個香炸花枝丸拼貢丸。王子麵配豬耳朵、豬腱肉、大腸、雞腎、雞翼、白蘿蔔、高麗菜、百頁豆腐 –王子麵好掛湯，滷汁濃郁入味，但唔會過鹹。豬耳朵香脆爽口；豬腱肉嫩滑得黎帶有嚼勁；豬大腸好乾淨，口感軟滑，齒頰留香； 雞腎質韌脆嫩，口感好好；雞翼好juicy；白蘿蔔入味無渣；高麗菜清新爽口；百頁豆腐口感細嫩。冬粉配雞翼、杏鮑菇、甜不辣、大陸妹(唐生菜) 、鵪鶉蛋、四季豆 – 冬粉份量十足，Q彈吸汁；杏鮑菇口感鮮脆滑口；甜不辣煙煙韌韌；唐生菜爽脆嫩綠；鵪鶉蛋軟嫩入味。香炸花枝丸拼貢丸 - 香脆得黎唔會油膩，花枝丸同貢丸好彈牙。黑糖珍珠奶綠 - 黑糖味道濃郁又帶焦香，珍珠煙韌有咬口冬瓜茶 - 清新順喉。

新開幕不久的台灣味道，來自師大夜市的燈籠滷味！要排隊，果然受歡迎！新開的試業午餐餐牌及人氣推介！好似港式車仔麵的自選餸菜！太多人，所以改外賣，自己揀想食的餸菜，煮成一碗熱辣辣的台式滷味。呢一碗滿滿的，內有雞翼、大豆皮、高麗菜、百頁豆腐、蘿蔔、玉米旬、甜不辣、雞胗。豆皮及蘿蔔好入味，索滿滷味香！甜不辣口感QQ的，好有台灣味！麵底是稻庭烏龍麵，口感好煙韌。台式香蒜腸，一口香腸一口蒜粒，非常惹味。後面的九份綜合芋圓，飯後甜品一流！黑松沙士及茉香綠茶，延續台灣的味道！