熊拉麵 (蘇杭街)

营业中

休息中

📍🇭🇰 熊拉麵（上環店）突然想吃日本野，反正來到港島就搵到呢間拉麵店都唔錯，有不同的湯底、麵底、軟硬度同配料俾你任加任減，做出自己中意吃的口味😋仲有冷水任你斟🍽 但坐位就一般，不可以坐太耐，但上菜速度快！多人的時候就要等一等位啦！.1- 招牌熊拉麵｛HK$85}我揀左梅頭瘦叉燒配中幼麵，本身有隻溏心蛋，但初吃面頭的時候麵各方面都唔錯，但之後到底就稍為鹹左些。.2- 廣島蠔豚骨湯拉麵配4隻大蠔 ｛HK$105}我的同行朋友就揀左呢款拉麵，蠔好肥美😋🤤好好吃！

星期六晚經過熊拉麵，平日下午經常都排長龍慨的日式拉麵店難得。剛開門，位子有很多，我帶著兩位小朋友就試一下熊拉麵。餐廳都很細心，有掛衣服的角落，有提供發圈給需求綁起頭髮的女士，很窩心。我點了一份招牌熊拉麵，因為有小朋友分享的關係，我走了秘制醬，有點可惜，想試一下味道。湯底夠濃厚，不會過油，的確適合小朋友。面都可以選擇粗幼度及硬度，我唔喜歡太軟的，選了中幼普通面，入口都有口感。叉燒不太肥，合我心意，腍而不韌。最後要介紹一下辣芽菜，很香麻油味，辣味都足，伴面一流。

中規中矩既拉麵 湯頭唔會似味千既重口味feel 🤣清清淡淡豬骨湯底 仲加可以試得出拉麵既底蘊雖然味道不太味精 梅頭叉燒 比想像中既不太相似 味道偏淡😐切得太薄 口感嚴如食風一樣 拉麵必配既溏心蛋 味道還不錯呀

Came here on a rainy day and was looking forward to having a nice bowl of hot ramen. Luckily I was not disappointed. My boyfriend ordered a carbonara ramen which was something different, it was quite heavy and thick with cream. The ramen noodles still had a good texture but the egg seemed a bit out of place. I am a more traditional person  stuck to picking something "regular" like a Garlic Pork Bone Soup base. I ordered extra hard noodles which was perfect for me. The soup base was a bit salty b

真心超好食既拉麵，呢間店舖細細間咁，未食之前仲會擔心會唔會唔好食，點知佢個麵一黎我就發覺自己錯了，佢個湯底係十分之咁濃郁，濃濃既豬骨湯味，整得十分好味，而佢既肥叉燒又係不得不讚，大家記住一定要叫肥叉燒，佢呢度整得真係超好味，燒過勁香既叉燒肥瘦比例冇得頂，一放入口即刻感動!除此之外，佢呢度既糖心蛋都係咁好食，可以話係一碗麵既靈魂，佢呢度既糖心蛋亦都係咁好食，放落湯度真係冇得頂。另外佢呢度既餃子都整得好好味，大家可以一試。

今日工作去到上環呢一個完全唔熟悉嘅地方，中午時段想搵飯食都選擇困難症上身🤯，完全無從入手。朋友咁岩話黎搵我一齊食飯，就幫我揀咗呢一間拉麵店🍜一齊試吓。哩間拉麵店係佐敦都有分店，朋友之前睇過網上有人推介過，一直想試吓。雖然中午時段排左十零個人，但兩個人都唔算等好耐。店入面都係🇯🇵日式拉麵店既裝潢，有廚師前高台，同一般大台，需要同人搭台。今次朋友就叫咗佢嘅期間限定——廣島蠔豚骨湯拉麵，而我就揀咗招牌🐻熊拉麵。好快熱辣辣嘅拉麵🍜就送上。第一啖飲個湯底，對於追求濃郁重口味既我，雖然飲到豬骨味但唔夠濃好似仲欠缺左啲骨膠原咁。麵質我揀左幼身普通硬度，食起黎口感岩岩好，軟硬適中仲有少少韌度。而叉燒🐽就揀左火灸肥叉燒，切得薄薄但肥瘦尚算適中，但唔夠軟唔夠油脂分布平均。流心蛋🥚好流心，亦有蛋味但滷得唔夠入味。朋友個碗其實基本上多兩隻蠔外，同我選料都一樣，而隻蠔就好普通一啲都唔鮮❌，只係比較大隻。有人話佐敦分店好食啲，咁大家自行判斷一下🤔。完

8點幾同個 frd 喺上環D 小街周圍行, 睇下有咩好食, 經過見到有間拉麵店好似幾得就入咗去。入到去環境唔錯, 幾有日本小店 feel, by the way D waiter 講"歡迎光臨" 日文幾準, 唔會好似其他香港嘅日本餐廳變左做 "二一三一四"😂😂幫襯呢D 小店, 我習慣都係叫佢哋 menu 冇嘅期間限定, 今次呢個係魚湯拉麵。賣相唔錯, 拉麵掛湯好煙韌, 而且湯底好濃好足料, 木魚味真係好香! 叉燒都好冧好有肉味。我最怕喺香港食D 拉麵太冧, 湯底太水, 呢度完全冇呢D 問題。隻糖心蛋睇相都 feel 到啦, 做得好好。如果叫普通 menu D 拉麵嘅話要額外加錢先有, 但係我覺得呢個點都要試下!整體來講非常出色, 香港有貴好多嘅大型拉麵店都做得唔夠呢度正宗, 而且重點係, 一碗只值 $88!!! 仲要冇加一!!!!!!! 各位一定要嚟試下, 支持下呢啲性價比高嘅小店 (都唔算太少, 起碼有分店😂) 我一定會再嚟 ga!

年初四好多餐廳都無開見到拉麵好似都幾吸引就諗住試一試 大概等左20分鐘👻我估旅遊書應該有介紹過呢間拉麵因為都幾多遊客🆗食拉麵緊係要講佢嘅湯底魚介味道比豬骨濃我會覺得佢嘅湯底好似煮得唔夠耐水同材料分開味道嘅感覺🤷🏻‍♀️麻麻地面同叉燒都無咩特別 反而係粒溏心蛋 我好喜歡食落去係有d酒味？！有一種陣陣酒香 好好食！——————————食物質素：6/10環境衛生：6/10舒適度：5/10服務：5/10 性價比：6/10總評分：5.5/10——————————#foodblogger #foodlover #foodie #hkfoodie #相機食先 #上環

香港拉麵店都幾多下，之前都試過唔少，今次試呢間熊拉麵～🐻佢餐廳入而有分bar位同枱位，個人比較鐘意bar位因爲有得睇下啲師傅整下野～😂佢有幾款拉麵簡，今次就要咗碗招牌熊拉麵。睇menu，佢湯底係用豬骨12個鐘頭猛火煮成，係心機之作呢～👍🏼用12個鐘煮既豬骨湯味道有咁上下水準，味道油份啱啱好，飲落幾舒服。今次要咗粗麵口感幾好，而個火炙半肥瘦叉燒好食，燒得香又入口即溶。而個隻蛋仲要係流心既，正！

上個星期六陪朋友去上環整啲嘢 諗住順便喺嗰度食埋飯 點知就遇到呢間拉麵店🙈我同朋友本身都幾鐘意食拉麵 加上見到呢間鋪頭晏晝都咁多人排隊就諗住試一試佢😏店員都好細心 係我哋等入去嘅時候 順便俾埋餐單我哋填 到左入到去就好快有得食👍🏻餐廳雖然唔算大 但感覺幾舒服 仲可以睇到師傅整野食添😂之後我就叫左個 黑熊拉麵！一嚟到就已經聞到好香嘅黑蒜味 黑蒜油鋪滿成碗拉麵嘅面 而且就咁望上去配料都幾多🤤首先試左個湯先 個豬骨味好濃郁 但略嫌有少少油 麵入邊嘅配料都有好多 其中木耳都好爽口之後就梗係要試吓主角啦！ 面嘅質感適中唔會太冧或者太硬👍🏻 加埋啲湯一齊食感覺仲正😍另外枱面上仲擺咗幾款小菜可以比大家自己添食 我自己就幾鍾意呢個辣芽菜 惹味得來又幾爽口🙈整體來講價錢同出邊拉麵店差不多 但質素方面就幾好 麵同湯整得幾出色👍🏻

今日返完去OT就諗下食乜好之前曾經經過呢間小店但冇為意今次有機會試了大概因為時間尚早吧，加上星期六上環區食晚飯一定冇乜人，我係第一位客人店面地方簡潔，冇乜特別華麗裝潢，每個座位都係一張木櫈，好有中國酸枝木傢俱個種 feel揀左 bar 枱位坐，有張餐牌貼左喺度，唔使慢慢揭每個座位已放了一張點餐紙，照跟中文字應該冇大問題吧反轉面仲有其他選擇我就點左廚師推介嘅招牌熊拉麵配以火炙肥叉燒 (點都唔會揀梅頭瘦叉燒吧，角切叉燒粒更加唔會考慮)廚師完成拉麵後客人需企起身捧起碗拉麵放落枱 (好新鮮的感覺不過叉燒只得一塊另外拉麵係配有一隻半熟蛋，做得不錯其他有部分拉麵係冇配半熟蛋的另外亦有些小配菜作調味，大概是辣的所以我冇落，右邊綠綠地個罐亦唔知係咩所以都冇落到整體黎講85蚊我覺得唔錯，好過有D收成舊水一碗但又唔太好食有機會再黎的話試試佢個廣島蠔拉麵

天氣凍放工就想食熱野，於是揀左位於上環蘇杭街呢間熊拉麵（佐敦都有分店）。有普通豬骨湯底，黑蒜湯底或者辣既。最近仲有d期間限定。Order 紙可以根據自己口味選擇。點左一個招牌熊拉麵，果然無失望。湯底唔會太油，濃濃的豬骨湯味，火炙肥叉燒入口即溶（雖然肥啲，但真係好好味，真心推介），不過麵口感略硬。$80算抵食，下次會再黎

喺香港食到一碗好既日本拉麵的確有點難度，熊拉麵係近黎食過最好最不錯既拉麵👍🏻先講最重要既湯底，豬骨湯濃厚得來唔會覺得肥膩或者過油；另一重點係佢地既叉燒有三款選擇（ 梅頭瘦叉燒，火灸肥叉燒，角切叉燒粒 ），梅頭瘦叉燒係hesheat.hk既推介，叉燒瘦得黎唔會覺得柴皮，非常入味，肉質軟嫩，啱曬對肉有要求既你👍🏻👍🏻另外食拉麵當然唔少得糖心蛋🥚好出色做到真·流心，熊拉麵既糖心蛋無論味道同火喉都做得非常出色，極讚👍🏻👍🏻

天氣凍最好就食拉麵~<熊拉麵>一直都深受上環打工仔歡迎 最近發現今個月推出左期間限定-廣島蠔豚骨湯拉麵~ 行過緊係要試下la~價錢方面，兩隻蠔賣$95, 四隻蠔賣$105, 兩款都會配一塊燒，我就點左四隻蠔感覺份量岩岩好~我本身唔算非常鐘意食熟蠔，不過d蠔味真係幾重同鮮甜多汁，原來熟蠔配豬骨湯都幾夾！豬骨湯依然係好濃郁！今次無試其他小食，不過熊拉麵ge煎餃子同溏心蛋都有質素，可以一試~Ps. 今次幫襯ge上環分店座位有限，lunch hour 想食最好預早少少排隊

As Ramen goes it does hit the spot! The Tonkotsu soup base is of to high standard. I choose the the black garlic ramen and it was tasty but could have done with even more intense garlic flavour! The pork was great - its a thick cut that was juicy and meaty, though the standard only comes with one piece - could definitely do with another slice!Most of the sets don't come with an egg and so you need to order that separately. So all the extra condiments - whilst not expensive - does add up pretty q