熊拉麵 (蘇杭街)

营业中

休息中

I visited Kuma Ramen with my best friend on Saturday and fortunately, we didn't have to wait at all. The method of ordering is each individual diner will fill out a sheet of paper, so you can customize all your preferences for your ramen. The ramen arrived shortly we ordered and it was quite delicious, especially their aburi pork. My whole experience went downhill when it came to paying. We requested for the bill to be separated for the two bowls of ramen and the cashier (young woman, couldn't g

鍾意熊既我 見到呢間餐廳有熊出沒，緊係要同fd去試一試。好得意，菜單裡面既麵都有熊字。店裡面唔算好大，但都唔算細，可以容納到十幾個人，亦都唔會好逼。店內有張圖show好似係有wifi 要問店員拎密碼，好似係，唔知有無理解錯 XD講返d野食，菜單係一張圖文並茂，可以比我地填寫各種口味，麵既粗幼，要邊一種叉燒之類既選擇。呢間日式拉麵店有各種拉麵，白熊黑熊赤熊拉麵，分別係白湯，黑蒜湯同辣麵，仲有其他，無特別記住係咩。我就試左黑熊拉麵。呢個麵既麵質唔錯，湯都幾好飲我個人係幾滿意ga。附上一張圖

這家拉麵味道不錯，很多朋友都說過了，就不多重覆，但服務態度真的有待改善。因為太不可思議，吃過麵後我就馬上上來看看食評，果然有食客和我的感受一樣。最離奇的是，明明過了繁忙時間，全店一半座位是空的，居然還安排不相識的顧客坐在一起！譬如一張長方枱，四邊加起來可坐8人，1+3+3+1，竟也要不相識的兩對朋友共4人連著坐！空出短邊的單座位也不行！心感太離譜，於是起身轉位到bar枱坐，店員好像臉有難色，要求我們靠近另一位食客那邊坐，但店子明明很冷清，怎麼就不能分開一點？而且也不像會在短時間能坐滿啊，究竟是甚麼強迫症才會要顧客必須無縫坐在一起呢？我留意到這裡已不只一人提出同樣的評語，竟然至今仍無改善，坦白說麵的味道雖不錯，但此刻香港也不缺好吃的拉麵，少了這一家也不可惜，實在不必為瘋狂的安排受氣，欲前往的請三思！

又一個拉麵night-out 今天來到上環的熊拉麵招牌熊拉麵 ($85)🐻湯底是濃厚奶白的豬骨湯 質地是較稠的那種 也是我喜歡的那種質感 但味道沒有看起來難麼濃 適合香港人口味 對於拉麵我是喜歡重口味的那種 所以我會覺得這個湯比較淡 但味道是可以的🐻選了火炙半肥瘦叉燒 燒過的叉燒特別香 肥瘦分佈平均 肉嫩不膩🐻選了1.5mm中幼麵(要了軟的)  說是加了蒟蒻粉 會比較爽口 可惜掛湯能力有點遜色🐻對於秘製溏心蛋的流心程度非常滿意 雞蛋也醃得入味香蔥沙拉醬餃子 ($42)🐷很少在拉麵店有特色/特別味道的餃子 這個賣相非常吸引 餃子上堆滿香蔥和日式沙拉醬 餃子皮煎得很香脆 內餡肉汁豐富🐷沙拉醬跟煎餃完全是絕配 鹹甜的味道很惹味 香蔥減少了油膩感 真的太好吃太幸福總結: 拉麵素質是above average 但餃子是驚喜地出色 這個餃子真的是必試 

收工又係時候搵下好野食。呢間拉面店，就係公司附近，平時lunch好多人排隊，收工見少人d, 梗係要試下。黑熊拉面。湯底係黑蒜，夠哂特別。因為我幾鍾意食黑蒜，其一係佢好味，其二當然係黑蒜夠哂健康啦。而呢間特別之處，係面既軟硬都可以自己簡。而我就簡左硬面。叉燒煮得岩岩好，絕對唔會好韌。朋友仔就食超級白熊拉面，湯底係豬骨，一樣好濃。蛋是糖心蛋，一咬落去就漏哂D汁出黎，絕對唔會好似其他拉面店煮得隻蛋太熟。讚！而佢其他配菜都好好食。

今日同事話要去上環幫老細買嘢，問我有冇興趣一齊出去食飯，我見冇落雨，就出去行一下，我朋友帶咗我去上環蘇杭街熊拉麵食，黎呢度梗係一定要食拉麵，我叫左個火炙肥叉燒拉麵，叉燒肥美，啲面又彈牙，湯又好味，糖心蛋正。IMG:1]

時隔一段長時間再食拉麵，既然走到中上環區，就去試試呢個在這邊有不錯評價的熊拉麵！預約 8 點去大館，所以提早到上環先進餐，見到 6 點先開門嘅熊拉麵未夠鐘已經有人排隊，本來怕再遲一點就會滿座，所以就拿拿聲行過去食個早來的晚飯。餐廳會先將客人全部分配到 Bar 枱位置，店內有二十個座位左右，而且用餐時間短，翻桌率高，一般都唔會等太耐。餐牌有八款選擇，不過可以自選麵嘅粗幼度、軟硬度，個人化選擇近年都係香港拉麵店的趨勢。熊拉麵的招牌菜「招牌熊拉麵」同樣是港人最愛的豬骨湯底，豬骨味濃但又不是一味死鹹，麵條雖然選了中幼麵，仍然是非常幼的麵條啊（喜歡粗麵條的我 (;_;) 不過軟硬度剛好，溏心蛋未係非常流心，醃製時間可能未夠長所以唔夠鹹。角切叉燒粒超好食，肥瘦適中，一咬即化，全麵最高質的部份！男友點的是「魚介熊拉麵」，湯底魚介味非常濃烈啊！兩種湯底都有一定水準，屬香港少見高質拉麵店。不過食完真係唔記得幾錢，大概人均 $90 左右，跟香港一般拉麵店同樣價錢，不過不失。總結：諗唔到食咩先再嚟！

通常我一個人想食quick dinner既時候都會選擇米線或者拉麵，貪佢夠快夠方便，重點係一個人食都完全唔會尷尬平時返工放工必定經過呢間餐廳，但從來都無試過，係時候要食下啦！一去到都有d選擇困難症病發，因為呢道供應ok多唔同湯底，選擇豐富重點係，連叉燒都可以自選肥瘦度，好貼心啊食拉麵終於都唔洗一定要連埋充滿肥膏既叉燒，岩曬我呢d中意食瘦肉既人～由於第一次黎，我當然試下個招牌熊拉麵先啦！我tick咗要瘦叉燒，中幼麵，硬麵，走蔥加埋個香味油～湯底非常濃厚，好香既豬骨味！而我幾欣賞個麵條，因為雖然我選擇咗硬麵，但都唔會過分硬到好似未煮熟咁，我覺得恰到好處而我都非常中意個瘦叉燒，一d都唔會’鞋’口之餘又健康d，減低罪惡感。經過既不妨一試呢間拉麵店

湯底幾濃味，有濃濃的豬骨味，但略鹽，喜歡吃醃漬食物的，旁邊有辣芽菜，可以吃少少醒醒胃。而麵質彈牙，亦能沾湯。整體不過不失。對於餃子迷來說，煎餃子令人有點失望。皮雖可口，但有點油，味道有點味精，對於喜歡吃蔥的人，加多蔥進吃不但更香口，也能減低油膩感。下午時間去通常要排隊，等十五至二十分鐘。建議12點前去吃。 環境尚算ok,播放著日本動漫歌，輕輕鬆鬆地吃個日本餐。

熊拉面, 同D同事久唔久都有去食開, 九州既味道一直都係我日本拉面既心水選擇,熊拉面湯底做得好出色, 我通常會叫佢"招牌熊拉面" 佢個湯底好豐富既雞骨味,好濃, 你係會FEEL到佢好多骨膠原, 因為個湯有有膠質, 另外佢入面塊日式叉燒煮得好林, 上枱前又會燒一燒等佢有多一層焦香既味道~ 溏心蛋每次都要加多一隻先夠喉, 個蛋黃好紅, 一睇就知係靚日本雞蛋做~ 好入味~ 正~另外佢枱面個D醃芽菜都好好味~ 好爽口~ 不過唔食得辣既朋友要小心~ 佢係幾辣下架~不過我食得辣~ 好正~~值得一食再食既日本拉面~

周末既中上環同平日完全唔同，多左一份寧靜同悠閒，所以有時都會同朋友黎行下食下野今日路過見呢間熊拉麵好多人等位，而且店面好似日本地道拉麵店，就入去試一試有好多款拉麵選擇，同朋友分別揀左招牌熊拉麵同魚介熊拉麵店舖細心甘提供冰水，係甘熱既天氣真可救人一命！而且叫飲品仲會連冰底上，很窩心魚介熊拉麵湯底有淡淡味噌味，軟硬適中麵底上面鋪左塊稍稍燒過既叉燒，十分美味！糖心蛋亦十分有水準，必試！招牌熊拉麵既湯底完全唔同，係有濃厚既肉味，同行朋友話好好味，連湯都飲晒如果大家去開上環，推介大家一試！

前幾天女朋友說很想吃日本拉麵，於是今天提早下班，我在上環找了這間熊拉麵，聽說牠的日式餃子很好吃，就跑來嘗嘗了。可能六點鐘還很早，不用排隊直入。店內有四人桌也有bar台設計，我們這次坐bar台，點菜是每人一張店餐紙自己畫，無論是叉燒、麵條、配料都可以選自己喜歡的。👍🏻👍🏻我點了元祖魚介豚骨熊拉麵（$88），平時吃拉麵都是選豚骨湯嘛，這次想說來點特別的，這個魚介豚骨湯不愧是元祖日本母店的湯底，一百分💯沒話講，很濃但不會太咸，魚介香味十足，我覺這好味程度可以跟米芝蓮拉麵一較高下！！叉燒我選了梅頭，肉比較多肥比較少，口感很軟，拉麵我選了粗（1.5mm)的硬麵，麵條點湯更入味，配上黑蒜香油和唐辛子醬汁，多重享受。熊自家制餃子🥟（$38）這家餃子用特製的機器去煎，底煎的夠脆，不會太厚，肉汁超多，必點！喜歡吃辣的，還可以加錢配自家制辣蔥😋😋結論是必定再會去吃，但最好選人少的時候去，就不用排隊等位置。留意這家只收現金😉😉

中午放飯時間，朋友介紹話好食就去試。等位大約等左10分鐘，坐左吧台位置，仲有免費凍水飲，係大熱天時黎講已經好好!兩個人叫左3樣野，130元一碗拉面價錢偏費，不過如果好食就真係無所謂既。餃子一黎到，熱辣辣，一咬黎去脆得黎又有汁，唔講以為自己食緊小籠包，真心唔錯 (HKD 38)到左重點熊拉面，辣味唔夠，叉燒肥瘦適中，湯頭偏濃，要飲好多杯水先清到個口既味精味，130元其實唔值竟然我朋友叫既窩蛋叉燒飯真心唔錯，叉燒加上汁已經夠曬送飯。出奇地好迷而且價錢唔貴，都係HKD 32 元。算是合理水平係上環區

在上環路過此間拉麵店，入來一試之後有很高水準的表現。叉燒豚肉好好味非常之林，近乎入口融化。玉子即是溫泉蛋，做得非常之好流心效果一流。麵質有彈性不硬不軟。可以一試再試。誠意推薦的一間日式拉麵店。

今日放學經過上環，突然想食拉麵，諗起朋友介紹過呢間熊熊熊拉麵，於是入去試下啦。星期一下午時間人不太多，都有好多個位。一個人揀左吧枱角落坐，貪佢靜靜地。拉麵款式都有好多款，但我想食得淸少少，我點左個黑熊拉麵，貪黑蒜夠健康。黑熊湯底黑媽媽，夠多蔥，湯面層油有d厚，不過飲落唔油膩，清甜得來湯底蒜味亦濃厚。火炙叉燒半肥瘦，非常香口， 口感十分軟滑。至於拉麵食落彈牙，亦唔易淋，不錯不錯。總括來說，算係幾正宗嘅日式拉麵，食完十分滿足。