熊拉麵 (蘇杭街)

营业中

休息中

經常聽人講上環好多好野食，特別喺蘇杭街一帶，無論燉湯、碟頭飯、常餐、車仔麵都不乏其例，今日就黎試試呢間開左都一段日子嘅拉麵舖，睇下喺呢個藏龍臥虎嘅上環區中生存，究竟要有幾好食！門口裝修與一眾拉麵店無異，以現今香港拉麵「焗你排隊」嘅經營模式黎講，呢間店嘅座位算多，舖面都幾大，坐得幾舒服。一場黎到，一係唔試，一試就試最勁果個超級巨熊拉麵啦！入面有一隻味玉，四大片叉燒，四塊紫菜，非常大堆頭！豚骨湯頭夠味但未算好濃，麵條亦唔太覺有皂水味，食落幾舒服。味玉流心做得唔錯，唯獨叉燒有少許筋，但可以接受。另外仲試左個香蔥沙律醬餃子，諗住幾得意，點知其實個醬同餃子唔係好夾，下次都係食返原味算！

While in the Sheung Wan area, I was craving some ramen and found that Kuma Ramen was very highly rated. I got the black Kuma ramen, which came with some tender pork pieces and half an onsen egg. At $80 that's reasonable value for money, but I would rather they give me one whole onsen egg as I left not feeling full. The noodles I chose here are the thin type and were cooked to just the right texture!I like how the ramen here are highly customisable. You can choose the cut of chashu pork that you

唔係好經常食拉麵, 因為成日都要排隊, 又熱又焗既地方排隊真係好辛苦!不過見呢間熊拉麵唔使排隊, 就去試下啦~有最傳統既冰水提供~!除左幾款拉麵之外, 仲有餃子呢D小食好鐘意佢地既拉麵80幾蚊已經包左一隻溏心蛋, 好多拉麵店都得半隻, 或者完全冇, 其實好孤寒囉...佢地既麵叫普通已經好彈牙, 麵湯底好濃郁好好味, 又唔會好多油, 而且好重骨膠原感, 叉燒係比較瘦既版, 但係都好鬆軟又唔會鞋, 隻溏心蛋就更好吃, 裡面完全流心, 蛋白已經全熟, 甜甜地又少少醃漬既咸味, 真係煮得好好!餃子都算幾皮薄餡靚, 幾好味既~推介~~~~

再次幫襯這美味的日式拉麵店！今次選了一款時令食品，櫻花蝦濃味拉麵。櫻花蝦咬落好香脆，而且蝦味濃郁。配上湯底非常惹味湯底亦不會太濃或者係太淡。麵質軟硬適中。其實這碗拉麵的主角是豚肉，他足足有1cm厚，而且咬落絕不會硬身，亦不會蚊到太腍。而且在出菜之前師傅會搵火槍將其豚肉灸身，逼出油花，令其更加惹味。招牌熊拉麵，一樣顯示他的招牌款式，豬骨湯底味道濃郁，但不會太膩。麵質軟硬適中，加上木耳做配菜。令食客咬上麵質有特別的口感。豚肉如上的確好味。這間小店真係可以一試再試。

這間熊拉麵是一間小店， 10分有日本風情。今日和朋友來到，我點了一碗櫻花蝦湯底拉麵，朋友點了一碗豚肉味湯底拉麵。櫻花蝦湯底拉麵是季節性的，湯底非常濃郁，散發着蝦的香味，回味無窮。而豚肉味拉麵湯底有豬骨味道，但是沒太大驚喜。

去完永安百貨，搵下附近有咩食，朋友推介尼間拉麵店員安排了我地二人坐師傅面前，可以睇住佢地整拉麵😚自己畫紙落單，客人可以依據自己既喜愛選擇麵的幼度、硬度、叉燒既種類同配料。👍如果冇preference 又可以選廚師推介櫻花濃蝦拉麵（$88）我選了火炙肥叉燒、普通中幼麵、走蔥，另加一隻溏心蛋（$10）。超多櫻花蝦，湯底好濃但又唔會好咸！肥叉燒真係好正，油脂入口即溶！但可以再大塊d就好啦🤩溏心蛋都超正，整得岩岩好！

天氣開始涼涼地，就開始想食碗暖笠笠既拉麵，今日就黎到佐敦呢一間主打濃厚豚骨湯底既拉麵店一試究竟。一如正宗拉麵店，選擇貴精不貴多。亦一如正宗拉麵店，係以寫紙仔形式落單。台上仲放有唔同配料，任君選擇。招牌熊拉麵($85)食拉麵最緊要係咩呀？梗係個湯底啦！湯底好壞已經足以決定呢碗拉麵值唔值得食，而呢到就係值得食既果一邊啦！湯底濃厚細滑，香滑醇厚，好似飲緊牛奶咁順滑既感覺。雖然係豚骨湯底，但湯底唔會太咸或太膩，所以唔會有涸喉既感覺。非常有質素的一個湯底。叉燒我選擇左火灸肥叉燒，最特別係叉燒係稍稍火灸過，令叉燒帶有點點焦香。而肥叉燒本身肉質肥美又軟嫩，滿滿既脂肪入口即溶，入口除左有濃濃既肉香，仲有豐富而且有層次又唔膩既油脂香，真係好好味。麵款我選擇左1.5mm中幼麵。麵質都幾爽滑順喉，而且食到淡淡麵香。秘製糖心蛋成功造到令人口流晒口水既糖心效果，食落口creamy軟滑既糖心蛋，蛋味非常之香濃。加埋罐汽水，埋單一百蚊有找，以呢個質素黎講，絕對物超所值！

今回試佢話期間限定。。。 櫻花蝦叉燒拉麵。其實同佢個熊拉麵冇乜分別， 只係面頭多咗一堆櫻花蝦。 面份量+湯底，水準依舊，😋好味，味濃但會太油。單吃🦐， 脆卜卜， 微香，但一與上濃郁的湯頭， 好快會淋咗， 畀個湯味遮蓋曬啲蝦味。$88一碗同店內其他拉麵，只係貴多咗三蚊，也可接受。整體okay，一試也可.

以前來過吃覺得味道不錯, 很有日本的感覺, 所以特意再來吃多一次, 在上環地鐵站出來直走五分鐘就到了~ 很容易找得到這邊不論是拉麵款式還是叉燒 麵款 麵的硬度什至是香油也可以自己選擇~ 最近還有期間限定的拉麵: 櫻花濃湯拉麵這次我點了一個招牌熊拉麵, 角切叉燒粒,細麵~拉麵的湯很濃 但沒有很重味精的感覺 角切叉燒粒的肥瘦度剛好,完全是入口即溶, 蛋亦有流心, 濃濃日本的感覺順帶一提, 店舖還有提供髮圈給女士, 各位女士就算沒有自備髮圈也不會吃得狼狼狽狽, 這點真的非常細心~

心血來潮想食拉麵，發現上環依間拉麵舖，有分店的，就入黎試試。拉麵向來既貴精又貴美，選擇唔多，但味道有一定既保證。既然講到“招牌熊拉麵”人氣Number One, 就試下啦!! 我既選擇系招牌熊拉麵+角切叉燒粒+ 1.25mm 幼麵＋普通硬度。而朋友就試左魚介熊拉麵＋火炙肥叉燒+ 1.25mm 幼麵＋普通硬度。招牌熊拉麵到啦! 湯底唔錯，溫泉蛋熟度恰到好處，麵質可以接觸，角切叉燒粒份量唔少，但個人覺得味道有點而似五香肉丁，整體都唔錯。(價錢：$85)至於魚介熊拉麵，個人覺得望落比招牌熊拉麵更為吸引，一陣陣幽香既魚介味， 火炙肥叉燒易於入口，幾野味 (價錢：$88)我地既位置系圍著做拉麵既地帶，可以邊食邊觀察下師傅點樣整出一碗碗香噴噴既拉麵。

通常到左食飯時間都遇到同啲問題： 唔知食咩，同埋洗唔洗排長龍。 今日同個同事出去，佢行下行下話想食拉麵，就去左呢間熊拉麵。十二點過少少到就已經有人排緊隊。我哋前面有大概八個人，等左二十分鐘。因為無乜特別想試其他，所以都係叫返個招牌態拉麵。(得一張相，因為開始食之後就好少影相)先講個湯。佢係豬骨湯底，唔太味精，味道其實幾好。我同個同事都差唔多飲晒啲湯。另外值得讚嘅係佢粒蛋。佢做得好嘅係佢好入味，又好流心。肉方面就有三種選擇。有燒左嘅肥叉燒，瘦的肩肉，同角切什麼什麼。我揀左肥叉。個肉係幾好味，唔算太肥，不過得一塊。。。個面就馬馬地，有啲似即食麵。食 lunch 都算ok. 因為份量真係唔多。

The food is ok not too salty! However the staff’s attitude is very bad. They also don’t wear masks and chat while they’re cooking. The staff cooking the ramen also complained about the line outside in front of other customers .... will not revisit this restaurant.

係附近做完Gym，餓到不行又唔想食茶記，左兜右兜之後黎到蘇杭街，醒起朋友之前有推介過呢間「熊拉麵」，見到唔駛點排隊就決定食佢。排緊隊果陣餐廳就會俾定張點餐紙你慢慢揀，圈低你想食果款就得...一般拉麵店通常只得麵既軟硬度有得選擇，但呢度就再多兩樣，麵款同叉燒👍🏼點左「白熊拉麵」湯底係豬骨湯，好清甜濃郁👅加上叉燒上面有梅子醬，撈埋之後個豬骨湯更加突出，成碗湯差不多清空😋火灸肥叉燒，燒左之後感覺冇咁肥膩，但一樣咁好食。

走到上環看到一家日式拉麵店，是日趕時間，本來就打算吃個速食午餐，拉麵正合心意！餐牌有幾款醬油選擇，我選了元祖魚介油，是元祖豬骨湯加秘製魚介油。跟普遍的拉麵店一樣，客人可按自己的口味，選擇配料、麵條的煙軔度等。在白色豬骨湯上加少許魚介油，淡淡的魚油香味，提升湯的味道。拉麵本身有一隻半熟蛋，我再追加一隻令湯麵更豐富又飽肚。半熟蛋好味，蛋味濃郁，蛋漿的生熟程度剛剛好。叉燒入味又夠瘦，加上拉麵夠煙軔。整體味道好！環境整潔衛生，坐在吧枱上，可以看到煮麵過程又是一種娛樂和享受！枱面有水杯，客人可以自行在吧枱上倒一小杯冰水，餐具齊全整潔。

今天經過上環，看見有間熊拉麵，店內都坐滿人，相信也不錯，店內座位數目都比一般拉麵店多，所以很快就可以入座，餐牌上有八款拉麵、餃子等，我點了一碗招牌拉麵和一罐汽水，都是以點餐餐紙形式落單，叉燒可以自選肥瘦，麵類也可選粗幼，麵的硬度點了普通。吃拉麵湯底一定要夠熱，這碗拉麵上檯時都非常熱，麵的硬度適中，糖心蛋絕對是一百分，好吃的程度難以筆墨形容，再配上一罐冰冷的汽水簡直絕配。總評：整體都滿分，下次會再試其它味道拉麵。