炙・宴 (新城市廣場三期)

营业中

休息中

今日近近地落沙田新城市行下，係一田附近見到一間超可愛既燈籠小豬餐廳，吸引好多人同隻小豬影相，餐廳原來主打丼飯，價錢親民餐廳裝潢走日式簡約風，卡位座位，座位舒適。火炙三文魚丼（$88）有6塊火炙三文魚，三文魚新鮮肥美，一D都唔腥，飯粒飽滿，口感柔軟。宮崎和牛漢堡兒童套餐（$128）兒童套餐賣相吸引，而且色彩繽紛，套餐入面有玉子燒、炸大蝦、腸仔、和牛漢堡、薯角、沙律菜、粟米、啫喱，好豐富，其中和牛漢堡肉味香濃，入口即溶。沖繩豬腸仔（$48）蘋果汁（$28）

晚上途經，見不用等位，一行三人，入座坐了卡位前後左邊到加了大紙板，可能因疫情關係，要分開點服務員送上熱水，並非日本熱茶，有點奇怪😢叫了1）宮崎和牛壽喜燒火鍋味道不錯2)炸北海道八爪魚🐙味道不錯，可惜太細碟3)宮崎和牛炸薯餅味道不錯，可惜太細碟4)豬腩肉辣味增豬骨拉麵賣相肉酸，味道普通，拉麵，太淋5)蒜味洋蔥日本和牛檔配溫泉蛋遲上菜，奇怪味道，不好食，不值得推介食了$518服務員，憑收據，下次幫襯，有八折另外，晚市，泊車，多一個鐘優惠

自從沙田新城市三期裝修完都冇黎過，新城市三期多左好多唔同餐廳，今日簡左一間主打食丼飯既餐廳。餐牌主打丼飯，除了豚肉丼、和牛丼、三文魚丼、一品料理，仲有一人鍋，價錢合理。日本產和牛丼-和牛有6塊，厚薄適中，和牛脂肪平均，沒有筋，肉質軟腍，和牛充滿油香，入口即溶，6塊和牛完全唔夠喉，丼飯配上秘製醬汁，秘製醬汁亦唔會太少或太多，剛剛好撈完一配飯，而且丼飯採用日本宮城縣產一見鍾情米，口感煙煙韌韌。炸北海道八爪魚-新鮮熱辣辣炸起，粉漿不會太厚，八爪魚爽口彈牙。提子威士忌梳打-提子和威士忌比例恰到好處，不會太重酒味，順滑入口。

想食日本野嘅日子。夜晚新城市好多食肆都唔再入枱，好彩仲有呢間有得入，又算新，見到門口隻豬燈籠幾可愛，就人去啦。兩個人叫左炙三文魚親子丼、南蠻炸雞丼加左碗味噌湯、炸八爪魚同炸豆腐，野飲就一杯original 同柑桔highball。碗飯一嚟到，淨係見到一堆菜同啲餸，鋪滿晒成碗，我嘅係南蠻炸雞。炸雞嚟講冇咩特別，冇咩肉汁，配個有醃青瓜的沙律醬，個味唔會好滯，個飯有淋到甜醬油，所以入口味道唔錯，配埋沙律菜入口，感覺健康。炙三文魚幾好，正常三文魚生厚度，3mm左右熟左，食落口感未去到好滑，不過呢個價錢，cp可以啦。炸八爪魚唔係好多日本餐廳有，所以比較特別，有塊檸檬係隔離，記得要唧落啲八爪魚，食落冇咁油膩，仲有檸檬香。八爪魚炸得幾好，唔會太韌。炸豆腐我好中意，佢唔係超市嘅盒裝豆腐！係板豆腐嚟！！有豆香，仲唔會似盒裝豆腐一咬就爛晒。中意食豆腐嘅一定明我講咩。野飲就正常啦，不過以為柑桔應該會甜甜地，結果得個酸字。兩個人埋單加一都四百幾蚊，兩個飯兩個小食兩杯野飲一個湯，總cp嚟講就有少少貴嘅。

又黎沙田覓食 見到呢間門口有隻個樣好萌嘅燒豬🤣比佢吸引左 入去試試佢地每個set都會有沙律 面豉湯 沙律夠新鮮 湯底亦有好甜嘅魚味 我地揀左豚肉鰻魚雙拼飯 豚肉雖然係薄身 但完全冇煮到乾左或者鞋左嘅情況 仲有肉汁喺中間 鰻魚就啱啱相反 好厚肉 成個組合大滿足！另外就係一set沙田店限定嘅和牛鐵板漢堡牛扒 配有多種蔬菜 炸薯角 仲有碟飯 食得我好飽😜 最重要嘅係佢個牛真係勁正 牛味香濃 但冇騷味 質感好滑 應該係因為肉同脂肪嘅比例平均另外勁讚嘅係跟餐加$8嘅四季柑汁 應該係用左梳打水做底 加埋個酸味較重又有番咁上下甜味嘅柑汁 成個感覺好開胃 而又唔知點解整到好凍 飲落好刺激 夏天更完美 好消暑🤤最後亦加左個小食 南蠻炸雞 炸得蘇脆 唔硬 我最中意係佢個醬 有啲似食土耳其菜嘅果種 有crossover 嘅感覺 有特色❤️

疫情的限制下，週末放假時，大多留在家中抗疫，避免到人多地方聚集。有見近期的疫情放緩，限聚令放寬，便相約友人到沙田一間日式炙燒丼專門店吃午餐。店內環境寬敞，清潔整齊。店員安排我們到較入位置就坐。翻開餐牌，我選取了照燒雞肉丼，友人則選了豚肉鰻魚雙拼飯，我們還叫了一碟日式煎餃子開心share。等了約10分鐘，店員便把我們order的食物呈上。兩款丼的賣相也很吸引，友人急不及待把鰻魚和豚肉送到口裏。「鰻魚外脆內軟，肉質厚實肥美，加上秘製醬汁，好好味呀！豚肉亦十分軟腍多汁，配白飯一起吃，簡直是絕配！」而我的照燒雞肉丼亦不遑多讓，雞肉外脆內軟，又多汁，配合照燒汁，有畫龍點睛之效。最後上的煎餃子不過不失，餡料豐富，兩個人share，份量剛剛好！

今次同友人係新城市廣場行街，大家都唔知食咩好，見到間店門口有隻豬，好得意😍就入去試下食呢間日式餐廳。入到去見到好多選擇，但一見到鰻魚黑豚肉雙拼丼，貪心既我即時選擇咗呢個飯♥️果然無選擇錯！雖然呢間店嘅鰻魚唔係炭燒，少左d炭燒味，但佢鰻魚口感一流，外脆內軟，啖啖肉，配埋特製鰻魚醬汁，諗返起都流口水🤤另外，重有跟餐加$12就可以有溏心蛋一隻，溏心蛋同日本嘅一模一樣，真係好好食🤤最後，✅值得一讚，每張枱都有一大包濕紙巾比你用，好貼心的！

< 宮崎和牛🐮拼沖繩硫香豚🐷鍋>日式火鍋當然是要配上一些高級的和牛🐂或豚肉🐖才行，可以選配壽喜燒或豬骨湯底，配料有冬菇、娃娃菜🥬、金菇、豆腐，材料真的很豐富，而且亦都好健康，除了有一碗滿滿的白飯🍚，當然少不了一隻新鮮的雞蛋🥚！把剛剛煮好的牛肉和豬肉沾上蛋漿，滑滑的放進嘴巴，那種滋味有沒有人明白？🤩🤩🤩不過主角當然就一定是和牛及豚肉，個人覺得牛肉相對更美味🤤🤤，脂肪同肉的比例則剛好，完全沒有韌的感覺，只有幾片牛肉真的不夠我吃，哈哈哈🤫🤫豚肉亦都不錯👍🏻👍🏻，雖然都不韌但相比和牛較為肥腻，個人建議大家光顧可以只吃和牛鍋，可以吃更多美味的和牛啊😚😚！加上服務員態度很好，支持支持！😍😍🥣店舖：ABURI-EN HK 炙・宴，日本炙燒丼飯專門店🍚🍚📍地址：沙田沙田正街18號新城市廣場第三期2樓A215號舖

新城市廣場近一田嗰邊，大約開咗半年嘅日本餐廳，主打豚肉丼、牛丼。以下係四人份量都好夠飽。宮崎和牛配鰻魚雙拼飯🐮鰻魚飯一向都受歡迎，今次有得配和牛就梗係要試吓啦。鰻魚正正常常，都幾肥美，宮崎和牛就偏瘦，不過都夠淋。當店名物豚肉丼🐷個人認為豚肉仲好食過宮崎和牛，好大片，醬汁亦都好夠多可以撈飯😂一客牛舌🐮👅有5舊仔，唔算好厚，味道正常，中規中矩。日式餃子🥟呢個餃子皮好薄，煎到顏色幾好睇，不過以為個底會脆脆地，點知林左。雞扒丼🐤🐥雞扒份量超多，不過肉質有啲乾身，唔夠Juicy~另外嗰碟係炸魷魚粒，呢個幾好食，好香口，好彈牙🐙🐙總括來講，食物都中規中矩，冇咩驚喜，略嫌價錢貴左少少。如果要搵位食飯都算容易，通常經過見到都唔會好多人等位😂

職員全程係我地食野張檯隔離清潔餐具，筷子碗碟杯等不停互相碰撞，吵到幾乎覺得自己係大排檔。食物方面正常，無乜驚喜。考慮埋環境同噪音，價錢就唔係太值得了。我寧願有個地方安靜d起碼可以傾計。

  呢個時勢唔係太想出街食，但餐餐喺屋企食又真係有D dry!! 咁啱出一田買嘢，買完嘢順便食埋先番屋企。成日見到呢間炙‧宴好多人排，個樣都好有特色，吸引我嘅係吊喺上面做裝飾嘅豬豬，原來唔係開左好耐，上年11月先至開架~  入去要先量體溫，亦有提供搓手液，每枱都有可愛嘅Sweet Monster濕紙巾，進食都放心D。員工都有4、5個，點餐同上菜都幾快。第一次食呢間，Joy Joy子點左人氣No.3嘅火炙豬腩肉豬骨湯拉麵，配有沙律。賣相幾靚，份量十足，配菜都幾多種，特選用「豚角煮」作為重點。湯底對我黎講都幾重要，可以話係一碗麵嘅精髓。先飲一啖湯，味道幾濃，帶有蒜香味。麵身選用細麵，配合豬腩肉係唔錯嘅配搭。重點黎啦！「豚角煮」同東坡肉相似，肉質軟嫩，豬皮同肉簡直入口即溶，味道帶甜，塊肉夠厚身。不過食吓食吓係有D膩，幸好有沙律調和一下。  屋企人就點左火炙三文魚飯，同沖繩琉香豚肉配鰻魚雙拼飯，勝在食材夠新鮮，味道都唔差，各自都配有沙律同麵豉湯。黎緊好似會開分店，如果餐牌上麵類嘅選擇加多啲，咁就好啦！

收左工朋友推介下就黎左呢間餐廳，平時好怕食太多肉既關係，開頭有少少抗拒，但朋友話好食就試下啦。睇完MENU我就決定叫豬肉飯加隻蛋，而我朋友就叫鏝魚和牛飯。我個豬肉飯，豬肉非常鬆軟，雖然有小小肥膩，對於少食肉既我黎講都可以接受，雖然都係食唔曬。溏心蛋個質素當然無日本質素咁好略為熟左小小和牛鏝魚飯舊和牛就麻麻地啦 唔夠嫩但反而鏝魚就幾好對比豬肉飯，和牛飯無咁滯

今日同屋企人去這家餐廳，三個人叫了兩個餐。分別是燒豬肉野菌飯，鰻魚和牛飯。另外加咗$15有沙律和麵豉湯。燒豬肉大大件， 十分惹味，肉質鮮嫩。鰻魚和牛飯比想像中遜色，牛肉唔夠嫩，鰻魚不錯但小心有小刺。另外，還叫了燒三文魚沙律，大概三人份量，有啲辣，味道不錯。炸雞有大概二人份量，上面有沙律醬，但味道不太特別。最後買單大概三百幾蚊，今日好在有下午茶七折優惠，如果你鍾意食炙豬的話，可以一試。但本人覺得可貴。

原本去到新城市中心林住食outbaxk, 但係要等位就行下先，點知見到呢間新開未試過又唔洗等就試下啦～但係今次唔記得影相😭同男朋友叫左一個鰻魚宮崎牛飯$159 同埋一個鰻魚豚肉飯$129開頭覺得價錢都有d貴 要百幾蚊個飯，但食落都feel食材幾有質素鰻魚係燒過，而且冇刺的，雖然無日本食既禁好但呢個價錢算唔錯牛肉睇落油脂唔太多，但食落竟然非常有牛味，佢話宮崎牛嘛😂豚肉得幾塊不過塊塊都幾大下，唔會乾，都幾好食但係飯質都有點兒太痴，如果唔好禁水會好dBtw 佢地有幫客人度體溫

期待咗好耐， 香港本身淨係得屯門有因為有少少遠所以好耐都未去。而家沙田都有就即刻去試，新開餐廳有新豬食😍門口隻豬好大隻好多小朋友都未去影相，幾 Kawaii新黎新豬肉，啲豬冇乜歷練勁幼齒，好幼嫩，多汁，香同唔騷 。食豬食到好飽. 有多重口感，日本和牛丼都好正，牛好滑，好嫩口，都有入口即溶嘅感覺！超推介個豚肉丼同和牛丼，一定要試下！餐廳都幾闊落，坐得舒服，都幾適合小朋友有High Chair有幾多卡位。叫咗嘢食唔使十分鐘就有得食，快靚正