炙・宴 (新城市廣場三期)

营业中

休息中

沙田新城市第三期最近裝修好了，有不同餐廳進駐在商場裏。這間是其中一間，餐廳門外很特別有隻大豬仔做裝飾仲要有個火爐燒住佢，雖然望落去很殘忍但一睇就知道是食燒肉嘅地方啦！宮崎和牛鐵板漢堡牛扒是沙田店限定的。我點了宮崎牛鰻魚雙拼飯 $159鰻魚非常香濃厚，味道鮮而宮崎牛有四大片，牛肉嫩滑又有牛味，飯香夠煙韌。牛豬雙拼壽喜燒 $149熱辣辣壽喜燒窩幾足料，雙拼牛同豬薄薄的可吸收晒湯汁，豆腐味濃有豆香，粉絲幼滑加上一碗白飯好滿足啊！

特選宮崎和牛飯 $159 5⭐️十個正，諗唔到原來新城市有咁正既和牛，依個質素係港島或者尖咀應該要2百蚊以上仲要唔飽🤣，肉質好軟，入口有即融既感覺，無咩可以挑剔既地方，除左張枱有d細 土地問題-日本和牛丼 $129 5⭐️認真- 和牛香味好出，超正 CP值100分，如果我地唔係有叫到宮崎牛，$159同$129唔係差好遠，不過係食得出既，宮崎牛比較軟同埋真係香d🤭但係一分錢一分貨呀，依款都非常推薦-💬炙・宴 #沙田沙田沙田正街18號新城市廣場第三期2樓A215號舖

1) 下午茶套餐 $62- 味噌湯- 迷你沙律- ABURI-EN豚肉丼2) 沖繩豬煎餃 (3隻) $223) 北海道炸蠔 (1隻) $184) all + 10%炸蠔沒想像中肥美, 但算juicy, 沾上醬汁, 酸味味挺開胃的。煎餃外表軟腍, 內裡juicy, 醬汁特別, 又係酸味味的。迷你沙律清新爽口, 味噌湯味濃, 有海帶和豆腐。飯用一見鍾情米製作, 粒粒分明, 份量不少。豚肉雖薄切, 但有5大片, 肉質雖軟但有少少嚡口。邊有肥膏, 不油膩, 甘香, 醬汁遍佈肉片和飯, 味道不錯。

Shatin in an area where we are never really sure what to eat. We always end up eating inside a mall. An that mall seems to always be New Town Plaza. On this day, we came across Aburi-en. It seemed new and as it was all about the meat, boyfriend was interested. And it's a good thing we arrived at 6! It filled up quickly and there was a long line of people waiting to dine!Menu is n English, Japanese and English. You pay on your way out. What they serve is grilled meat on top of rice. Yep. There is

同老公阿女一齊去行街，成日經過想試但都好多人，難得今日早經過唔洗等好耐就試下啦，叫咗一個特選宮崎和牛飯同宮崎牛•沖繩琉香豚雙拼飯，和牛飯好食，而雙拼飯都係牛好食，豬就差啲，中等啦！不過啲女侍應就真係好特別第一個唔知咩事開完張單，係一嘢大大力從我背後旁邊掉落枱面，我仲要抱住個bb嘅，我大人都比佢呢一下嚇一嚇，之後我再order多個帶子小食，又係同一個女侍應，黑口黑面乜都冇講就咁將份帶子放響張單上面，而枱亦唔係冇位囉，大家睇相可見，我都未見過有人係咁上枱嘅！另一名女侍應就拉張櫈由東去西，沿途經過啲客人，佢唔係拎起張櫈帶過去，而係響地下拉過去，無人會唔知佢咁嘈地拉緊張櫈囉！整體嚟講嘢食係ok好味，但啲人唔係好得囉！

又同豬老婆揾食，老婆隨手一督督左間不太昂貴的日式料理。諗住門口有隻豬公仔，應該主打豬肉飯。結果兩隻傻豬都係叫咗豬肉飯，一個係沖繩璃香豚重，另一個係最普通嘅豬肉飯。普通豬肉飯食得出係有麵鼓味，而沖繩豬係燒汁味加飯多少少。再加埋個非常普嘅餃子，味道亦極度普通。一坐低時俾咗杯熱水，但之後都冇主動Refill。落order對佢講個編號，佢哋都係問返你個食物名稱。唔算冇禮貌，不過可以好好多。同另一個評論一樣，冇選擇嘅時候可以選擇。

七點八入座 舉左幾分鐘手 終於有侍應見到我地落左一個豬丼 同 豬加牛丼一路無人俾水我地 （其他客都有）再舉左五分鐘手 終於有人見到 俾水我地我地發揮無比耐性 等到八點幾 其實真心肚餓由落單起計五個字 仲未有嘢食頂唔順舉手問 先知道落漏單然後話會優先做我地張單哈哈 咁唔係優先 係你落漏單 無做嘢 做漏嘢然後終於有張單（如圖）黎到我地枱面隔左陣有嘢食黎到 用一個頗大嘅托盤托住個侍應一手擺低 半個托盤都係枱出面 就頭也不回咁走左其實好危險架囉個牛普通 有啲膩豬 就乾柴 埋單近三百蚊 有加一 咁嘅服務 咁嘅食物 一定無下次

放下平日當然要食lunch 啦，其實本身諗住今日都唔會有下午茶，仲要14:30就有又幾好喎，其實新城市裝修完我都未識揾d鋪，好就好在佢係我最鍾意嘅卡通龍貓橡子共和國店斜對面，我記憶一定深.叫咗個小朋友餐感覺比係我地真係貴咗d, 佢地個餐真係唔叫抵食，不過兒童餐就是這樣的，但佢好就好在佢個漢堡唔係平時一般食嘅林bi bi質地，所以都已經唔錯。但牛嘅當然係我個碗啦，不過係牛就小咗d。豚肉都咁淋身，飯係一粒粒煮得好好。仲有炸餃子🥟炸雞加小小錢食。而且員工都好友善。但最特別係凍水要比錢，熱水先免費

宮崎和牛鐵板漢堡排($138)整體口感唔錯 有肉汁唔亁身燒汁有少少蓋過和牛嘅味道不過兩者食落都係幾夾😚.宮崎和牛·沖繩琉球豚肉雙拼飯($149)呢個真係不 得 了！😍賣相一般 但味道100分！和牛入口即融🤩 豚肉完全唔韌 好淋🤤再加上燒汁配飯 正！😆.本身睇menu覺得幾吸引就入咗去入去再OpenRice先睇到好多負評好驚係伏🙈但試過就知一啲都唔伏！😍其中一個原因可能係佢地食嘅係日本國產牛價錢平過我試嘅宮崎和牛所以口感相比和牛會韌好多如果大家去試呢間餐廳一定要去試佢地嘅宮崎和牛！😝📍 炙・宴 Aburi-EN HK(沙田)沙田沙田正街18號新城市廣場第三期2樓A215號舖

諗住試下新嘢，唔駛星期六，日，一定要飲茶嘅當然要試佢本店的宮崎牛，所以叫咗宮崎和牛加鰻魚飯，但是.............分量是少，宮崎牛好堅固，不夠爽口，加了醬汁在牛上鹹了一點鰻魚就ok . 軟淋。159 元火焰豬腩肉豬骨湯烏冬，豬腩肉一半是肥豬內😒，濃不夠濃，咸了一點88 元

帶位員工要求人齊方可入座，不過等候期間，有食客人數不足一半便可入座。 帶座員工只說可入座食客等待很耐，所以特別安排優先入座。 所以入唔入得，任帶位員工隨心安排。 食物質數可以，只是對員工操守有所以失望。

新無印對面，方便。食招牌菜，團肉生姜燒飯，飯太「爛」，豬肉「梅」的，檸茶不夠熱。價位相對比較高。環境舒適，服務一般，但食物質素唔得，不合性價比。午餐時間都不滿。

知佢食豬比較出名，但心血來潮想食牛，佢有兩款牛丼揀，其中一款裏面有洋蔥所以冇選擇就叫左另外一款，結果啲牛超韌亦都冇咩牛味，同員工反映亦都非常有禮貌地作出說要的話可以更換，但我冇咁做，埋單時嗰位職員卻叫我應該嗌貴啲嘅另一款會比較好啲，我當堂着燈🔥，係咪即係每次去一間餐廳都要嗌最貴嘅嗰一款嚟食先至係最好？咁都得？轉頭又話我食呢個牛味重啲，sorry，唔覺喎

今天一行5人去了沙田鋪試這間新開的食肆，有同事前兩日試過，佢地試雞同豬，雞有點硬但好甜，食豬個個話麻麻🤭，但我們今天去食，又覺得唔錯喎。鋪內裝修設計都幾舒服。我們點了五款食物，大家開心share。我們選了兩客宮崎和牛鐵板漢堡牛扒 ~ 漢堡扒份量唔細，下面還放了一片洋蔥圈，鐵板上，配薯條同甜甜粟米粒，配了適量既汁，再配一碗白飯，很好吃，真是一個不錯的選擇。😋😋特上鰻魚飯 ~ 鰻魚份量也是不少，燒得適中再配鮮甜鰻魚汁，好味。仲有白飯，蔬菜沙律，麵豉湯跟呢！南蠻炸沖繩雞丼 ~ 嫩滑炸雞再配南蠻醬汁都唔錯。蒜味洋蔥宮崎和牛飯配溫泉蛋 ~ 薄牛肉塊煎得軟硬適中，好有口感，好有肉汁，我覺得好好味呀！😋❤都值得一試，不過我覺得如果可以送埋凍熱飲品仲正呀！