炊豕店 (加路連山道) (已結業)

收左工要去銅鑼灣上堂，上次周事命紹過話好食不過要排隊，到銅鑼灣先5:30，於是去博下食唔食到。爽呀！去到先得兩個客，所以早放工有早放既好處（雖然要倒屎咁早起身😫）叫左招牌既蔥油豬扒飯一個人食係絕對飽有突，豬扒炸得好香粉亦唔多，真係啖啖肉。同埋有勁多蔥油可以撈飯，仲有條菜心等你無咁油膩，以$60既價錢黎講係銅鑼灣真係抵食。今次太早食，個胃放唔落咁多野食，下次要會一會塊厚切午餐肉😋，見隔離塊午餐肉真係好大塊。

-炊豕店 @ 銅鑼灣一條安靜嘅內街入面有一間非常熱烈充滿笑聲嘅小店...-葱油豬扒飯飯碗一上枱已經香到不得了個葱油真係無得頂如果你係重口味人士就一定會食過翻尋味但係如果平時食得比較清淡可能會覺得偏咸左少少葱油份量都幾多架個人覺得可以減少啲啦至於豬扒就可以接受啦尚算鬆軟的不過炸皮同肉扒有啲分離有啲可惜不過總括都算係幾有特色-肉燥鹵蛋豬扒飯相對地無葱油飯咁油膩肉燥都做得幾香份量都足夠撈飯唔錯！-個人黎平時真係比較少食豬肉如果小店可以有葱油雞扒飯我一定好開心😆

Normal Tuesday after school, I was with my frd Jessica. We are always craving for good food but with a valuable price as well so that day we chose this Taiwanese cusine!In the first place, I did not expect much as I thought it would be like a fast food store with normal taste and quality. However, they surprised me and I am quite impressed now after trying their dishes. Thus, let me introduce what we have attempted on the last Tuesday.First, it was a FRIED PORK RICE WITH SOY SAUCE. It was absolu

最近成日見到有人介紹呢間炸豬排，忍唔住約咗個friend一起去食。去到大概八點左右都仲有人排隊，同個friend 睇住份Menu等，大概等咗10分鐘就入得去。佢份menu係一人一份的，要自己填。入到去我地坐咗係bar枱，樓面唔大不同唔會好迫，傾計都計到。🔺葱油豬扒飯 （加蛋）$70我叫咗呢個人氣推介葱油豬扒飯，梨到塊豬扒大到我地都嘩咗聲，細食可以要叫少飯，啲飯都算多，豬扒又足料👍🏻塊豬扒係精華所在，外脆內軟又夠juicy，無骨又方便懶人食🤪啲葱油雖然好似好多咁，但係一啲都唔好鹹同油。加埋隻煎蛋好有港味🤪如果中意重口味，建議可以加啲豉油😋🔺秘製豬扒飯（肉燥汁）加鹵水蛋 $66我個friend就揀咗同我唔一樣嘅秘製肉燥豬扒飯。嚟到嘅時候我地以為得好少肉燥。點知一打開豬扒，成碗飯都係肉燥，完全唔會有一啖係淨飯咁食🤭啲肉燥好夠味，唔會好鹹，撈飯一流👍🏻🔺椒鹽魷魚鬚 $38我哋另外仲叫咗炸魷魚鬚🦑超級無敵勁好食，好脆！一定要試！🥤飲品我地跟餐叫咗杯蘋果汁同熱嘅柚子蜜。跟餐都係加$5-8，好抵！不過蘋果汁就細枝左少少，我飲兩啖就飲晒😂喺銅鑼灣食飯來講，埋單大概$180 2個人，又有嘢飲，又有小食，

我唔知食錯咩，腸抽筋左成個星期，呢幾日好好多，我就黎呢間我恨今左好耐嘅豬扒飯店。平日，中午，一點九，仲係好多人，等左差不多半粒鐘先有得入。入到去，好迫，枱與枱之間唔係人行...打開餐牌，款式唔多嘅，不過望落款款都吸引，我叫左蔥油。我想講唔關我胃口未完全好番事，感覺成碗油淋淋，蔥有點腥，感覺太多了！豬扒方面，味ok ge，粉漿厚薄適中，肉身肉同肉之間有肥膏，諗住係用質素幾好嘅豬扒啦，第一啖鞋嘅，第二第三都係鞋...超級失望味又唔係特別吸引，都成六七十蚊，食完好口渴，怕怕...

約咗班friend去銅鑼灣唱K！但係又未到時候！所以我和朋友兩個自己先去搵食！但係又唔想坐咁耐⋯⋯當然又要好味啦⋯⋯近排香港嘅豬肉非常昂貴⋯⋯但係呢間餐廳仍然做到一貫嘅水準！豬扒超大塊！🤩🤩俾個like佢👍👍🎈🎈🎈炊豕店🎈🎈🎈蔥油豬扒撈粗麵哇！豬扒超大塊！肉質甘香鬆軟！外層炸得又香脆！上層覆蓋着一個香蔥山🤩配以香脆嘅炸蒜！麵質彈牙！配以特製豉油！👍秘製豬扒撈幼麵（肉燥汁）都係果句豬扒超大塊！睇到都開心😃！肉質鮮嫩多汁！肉質帶少少肥😬非常甘香😋加上秘製肉燥汁！我覺得幼麵仲好味⋯⋯沾滿肉燥汁！炸雞翼雞翼外層酥脆可口！內裏保留肉汁！非常鮮嫩！整體非常滿意！而且價錢便宜！🤩🤩依家香港喺邊度搵啦⋯⋯

星期五晚，6點45分去到前面有兩pair，等左5分鐘就有位。入面坐得有d逼，同隔離檯都幾近下。我叫左個豬排肉燥飯，豬排好好味，皮脆肉嫩，唔會好咸，一d都唔覺得油，十分推薦。配上凍可樂，好過癮好爽。肉燥飯一般，事關我個人比較鍾意食熱辣辣既白飯，但係e個飯係暖既，所以會扣d分。老公叫左個豬排蔥油撈面，呢個十分推介。蔥油同撈面好夾好好味。另外我地仲叫左個辣魚蛋，普通魚蛋有d麻辣味再加d炸蒜，好一般無乜驚喜。

平時食飯時間呢到都排長龍，今日3點幾去到避開左人流！呢到最出名係豬扒，之前食過佢既豬扒飯，所以今次就叫左個人氣推介既蔥油豬扒但轉左做撈粗面。塊豬排好大塊，炸到岩岩好，唔會太焦又香口，加上豬排本身有調味，所以單食已經好夠味。同埋佢會切定一塊塊比你！d蔥油比得好大方，有超多，撈面食一流啊！小食方面叫左個涼拌大荳芽，本身以為係韓國菜個種味，但呢個冇咁重口味，入面仲有豆卜，好開胃。椒鹽魷魚酥都幾大碟，又係炸到好酥脆！ 仲有炸芝麻雞翼，辣辣地好惹味啊！我唔太食得辣都接受到呢種辣度，不過就算唔食得辣既朋友都可以叫走辣。本身以為係雞中翼，不過佢係雞全翼！雖然呢到鋪頭唔算大， 但係炸物的確出色，係值得一來既小店！

每次經過都會見到有人排隊，咁岩做完運動6點幾就同朋友一齊去食，排隊個陣已經諗好要叫蔥油豬扒飯🤤呢到既熱門菜式，有時會sold out哂！－－－－－－菜式1. 蔥油豬扒飯 4.8/5👍🏻👍🏻我地總共叫左4碗，朋友有加埋蛋，蔥油多到差不多可以蓋住塊豬扒，而且豬扒亦係新鮮炸好，炸粉薄豬扒厚🤤🤤好滿足，飯量亦很多，一碗我都食唔哂⭐️$60食到一碗高質既豬扒飯，係一間會再想去多次既餐廳，但平時放午飯或者晚餐真係太多人，6點幾去都等左10-15分鐘左右，入面空間和座位不多，如果約朋友聊天打發時間就未必適合

成日係網上見到朋友影住碗豬扒飯打卡，非常吸引，所以今日就突登慕名而黎試試佢！呢度既門面同店內既裝修都好特別，好古老同有懷舊既感覺！🤤叉粒豆角蔥花炒滑蛋賣相好吸引，份量都好足；蛋好滑，豆角蔥花都好爽脆，加埋叉燒既肉絲質感，令成個飯既口感好豐富！而佢香飯粒粒分明，唔會太濕。🥳蔥油豬扒撈粗一上枱見到佢面頭一大堆既蔥花已經流晒口水！豬扒就已經幫我地切件，非常貼心。一啖食落去，豬扒外脆內嫩，係勁酥脆！肉既顏色偏粉紅可見炸得剛剛好，而佢肥瘦好均衡，有小小膏令肥扒更有油香；佢既鹹香加埋蔥油真係絕配！加埋一啖撈粗，佢既粗麵軟硬適中，唔會太硬或太淋，而調味既豉油唔會太多，岩岩好，所以唔會好鹹；而上面仲有好多炸蒜，蒜香令麵食落去既味道同口感都更有層次！😋😋😋所以，我大力推薦呢碗蔥油豬扒撈粗麵！炸芝麻雞翼雞翼既SIZE幾大，而外皮既芝麻令佢既香升華左；由於佢岩岩炸起，所以我一咬開，雞肉既肉汁就流晒出黎，而佢既雞肉肉質嫩滑，加埋芝麻既香味真係無得頂！🤟🏻橙汁/ 蘋果汁2支果汁都係100%天然果汁，加8蚊黎講真係好抵飲，好fresh!🤪2個人食左呢個價錢，咁既質素真係物超所值！👍🏻

係銅鑼灣行街 同朋友想食得好又唔太貴 所以就過左嚟食台灣野間鋪都好受歡迎 星期五人流都幾多 係出面都排左十五分鐘左右呢度主打係豬扒飯 但其實種類都幾多 主食到小食都有唔同選擇麻辣炸魚蛋如果大家唔係咁食得辣 可以叫佢將辣醬放埋一邊 咁就唔怕啦😊炸魚蛋熱喇喇炸起 香脆可口 亦都唔會炸到好乾 十分惹味！沖繩豬軟骨飯豬軟骨好大份 而且煮得好淋 好易入口 加上香蔥同簡單蔬菜 食落好balance 好香口 正👍🏻肉躁炸豬扒飯豬扒下面有不少魯肉 好惹味😋而豬扒不愧為呢度主打 炸到外脆內juicy 香口得嚟又唔會乾 真係好好食👍🏻跟餐仲叫左兩支果汁🍹

收左工，又未買餸，係附近見到呢間排曬長龍，應該吾會中伏呱！魷魚鬚($38)好多鬚都好粗壯，吾會好幼身，或者碎濕濕，得翻炸粉。基本上每條都好大條，炸皮吾算好厚粉！葱油豬扒-炒蛋-白飯-檸檬茶 （$77）勁量葱油！佢好特別，吾會淨係葱味，係薑蓉咁，呢個秘製汁真係無敵！滑蛋真係入口即溶咁，又吾會好生，時間煮得岩岩好！豬扒真係真心正。佢完全係厚切，咬落好鬆軟，我肯定佢落左好多心機係醃製同處理個豬扒！豬扒餐肉飯-可樂 ($73)餐肉吾係好咸，送飯係好Match，而且都好厚好大塊！肉燥係好好嘅汁，因為令到啲飯一點也不單調，昇華到令一層次。份量好大碗，我同朋友根本食唔曬！所以都好抵食真心好食啊⋯⋯

同朋友做完運動之後，雖然好邪惡，但係都好想食返呢一間食豬扒飯嘅餐廳。嗰日六點左右到餐廳，唔需要排隊，餐廳都有大約10個顧客。雖然間餐廳好細，但係食物嘅選擇都算多。朋友話因為實在太邪惡，所以就決定兩個人食一碗飯。最後我哋帶咗蔥油豬扒飯同埋兩款小食，包括辣味海蜇同酥炸鳳尾蝦。我哋上網見到佢嘅午餐肉好吸引，所以都點左午餐肉同滷水雞蛋。睇張相都見到其實豬扒嘅厚度，好厚身但係又唔會好硬，同面身嘅炸皮好夾。午餐肉真係好厚身，係有炸過嘅！滷水雞蛋嘅水準就中等，冇乜特別。而佢嘅哈哈我覺得好值得一試，因為佢真係啖啖肉，而且唔油膩。辣味海蜇其實辣度唔高，食落去嘅辣度反而比辣到更加出。

聽到人哋介紹呢間鋪頭 於是就黎試試🤪🤪🤪🤪條街附近唔係話好旺 周圍嘅食肆都冇乜人排隊 唯獨係呢間小店有十幾人排隊🤨店舖座位唔多 所以都要等一段時間 加上齊人先俾入🤣🤣🤣🤣 但係食物有多款選擇 我哋就揀咗叉燒蔥蛋粗面同埋豬軟骨飯🍚🍲 粗麵麵質適中 反而味道偏淡 大家可以自由加入頭抽調味😂😂😂😂叉燒蔥蛋個蛋質幾滑 叉燒亦都唔太肥 啱啱好👍🏻👍🏻👍🏻👍🏻豬軟骨飯味道一流 啲汁加埋啲白飯 令到本身唔好飯嘅我都食咗大半碗😻😻😻😻 另外叫左兩種小食 大白芽同埋海蜇😽大白芽份量都幾多 有一大碗🤪海蜇道相對比較濃 建議夾住飯或者面一齊食 先唔會cover 咗主菜嘅味道😀

每一次經過呢間鋪頭都大排長龍，之前好似係食台灣野嘅嗰陣時都已經大排長龍啦，咁多人食但係都唔知點解執咗笠變咗做呢間！？今日12點去到就已經人山人海我哋足足排咗1小時1:00先入到去，入面位置好少，但食完之後可以同大家講值得等佢有好多個唔同嘅set嘅咁我都唔一一介紹啦我介紹最原始最多人嗌嗰個就係吉列豬扒肉操飯睇個賣相都知好食啦 嚟到已經好香咬落去啲豬扒仲會有肉汁流出黎 豬扒本身係無配蛋既，要自己加嫁！總結，真係好食！唔怪得咁多人等啦