炊豕店 (加路連山道) (已結業)

同一個朋友即興去食呢間鋪，平時中午都多人排隊，今日閒日去食個晚餐點知吾洗排，一黎就有位！我地各自叫左個飯，一個咖哩味，一個蔥油味仲加左份魯水蛋同午餐肉！買相係相當吸引，仲大大碗，豬扒都大份！我揀既係咖哩汁豬扒飯，飯同汁分開上真係十分好。第一口試左豬排原味，外脆內滑，好正之後點埋個咖哩汁，個汁第一口食係甜甜地既，然後食食下就湛啲辣味出黎，好惹味最後竟然食晒成個飯同埋啲咖哩汁反而個魯水蛋就麻麻地，有點偏咸，可以吾試整睇黎講呢間鋪既豬扒飯都幾高水準，而且價錢又底食，值得一試如果吾使排隊的話哈哈

呢排係銅鑼灣活動比較多 自己一個食lunch都會搵d 抵食又飽既lunch 行行下就行左去希雲道左近 再搵下有咩好食啦 跟手行返去公司今日就黎搵到呢間近禮頓道既豬排店 我今日就叫左個蔥油豬扒飯加配煎蛋 蔥油炸得幾好 淋落個飯到唔錯 豬扒炸得黃金香脆 而且夠大份 男人一定夠食 成碗飯差唔多見唔到底 70$左右 十分值得抵食  waiter們都十分有禮 排隊時間都算唔算太長 多d人就要認真考慮 因為店舖大小唔算太大 但食物質素十分高 推薦大家可以去試下 

路經幾次已經想試，今日晚上大約六點半左右嚟到，啱啱好有位可以入座，坐低左冇幾耐，見到門外已開始陸續多人，需要等位入座。豬軟骨約有4件，炆到超腍，配有爽脆蓮藕片及白蘿白，飯量十足，唔怪得聽到隔離枱嘅男士會嗌少飯啦～約有4件豬手，膠質豐富，撈粗份量足，好夠飽炸雞翼走辣，但仍然食到有微辣，塊皮炸到卜卜脆，加埋芝麻＆炸蒜，香口惹味。比起其他飲品，果汁似乎較健康，唔甜，推介店內座位有限，大部分人食完就走，大約大半個鐘內就食飽飽，出現到門口有超過十人排緊隊，而環顧四周就只有呢間小店排長龍，證明佢向同區嘅性價比算高，先會保持到一定人氣。

性價比達人地點：銅鑼灣食店：炊豕店食品：蔥油豬扒飯豬扒整得唔錯，起碼唔 “痴牙“ 同埋 “唔鞋“ 先，而且夠大塊，覆蓋晒成個碗 😂 味道又唔錯。不過我反而將重點放左係 d 蔥度，因為 d 蔥既味道就好似食越南既香茅豬扒飯果 d 蔥咁，拎黎 “送飯“ 一流，而且佢唔似出面 d 越南餐廳咁，俾得少少你，而係大量 😍環境：🌟🌟🌟🌟服務：🌟🌟🌟🌟價錢：🌟🌟🌟味道：🌟🌟🌟🌟性價比：⭐⭐⭐環境，服務同味道都唔差，但我始終略嫌價錢貴左少少，如果埋單價錢係 5 字頭，即使係 $59 都好，我心裡會覺得舒服 d，而且會俾四粒星#性價比達人 #性價比 #銅鑼灣#太多唔開心事 #發覺只要自己開心就好 #想做就做 #吃喝玩樂 #向自己理想進發

平日返工都無周圍去食，今日男朋友突然肯黎搵我食午餐wor，咁就即刻search下附近有咩好食啦。最後搵到呢間炊豕店近近地，價錢又ok就決定呢間啦我同男朋友分別叫左蔥油豬扒同咖哩豬扒。一咬落去，哇，熱辣辣又厚身，好好食！ 配埋蔥油飯好特別呀！ 不過食食下略嫌小小油同咸囉。飯量唔係好多，想食飽就要加大飯啦！至於咖哩味，一般般啦 一啲都唔辣，不過質地都唔算稀既，可接受啦咁既價錢有咁大塊豬扒，我覺得抵食既黎銅鑼灣呢邊都可以試下餐廳環境方面就一般啦，比較逼，同埋午餐時間黎會好多人，要預時間等等

今日係銅鑼灣附近見完客,就係返附近搵D小店試一試啦之前都有聽日朋友介紹銅鑼灣有一間好出名既食豬扒既鋪頭咁就一於出發去搵一搵啦,地點黎講都真係唔係咁易搵,穿過大街行到細巷見到一條長長既人龍先知道自己去岩左地方,出地鐵站都要行成十幾分鐘,穿出利園先可以搵到,就算地方再偏,鋪頭再細,依然吸引大量食客黎排排排...呢塊豬扒睇黎一D都唔可以小看今日就試左一個蔥油豬扒飯蔥油非常濃味,豬扒好香脆,唔會乾身有肉汁飯上面仲有秘製醬油,十分好味,可惜既係唔可以叫多汁總結:味道可以算得上一流,絕對對得上個價錢環境有D逼迫,食完就好想離開,唔會想坐多陣傾下吹下咁(租金問題,明既)台面稍稍有D油,如果可以乾淨小小一定滿分

每次去銅鑼灣打波的時候，經過這間店舖，雖然店舖細小，但每次到食飯時間都是擠滿人，而且店舖門外都會有人排隊等候。今次決定在打波之前去了解一下它的吸引力。今次因為我們在7点前到達店舖，所以不用等候便可以直接入坐，入坐後發現店舖內的裝潢很有回到六七十年代的感覺，摺椅及牆上的巴士票，很有趣。那個人氣推介的蔥油豬扒飯，炸得香脆的厚豬扒，仍保持肉汁，再加上很多蔥油，非常美味。還有沖繩豬軟骨飯，豬軟骨軟滑適中，加上好好的秘汁，非常回味。

銅鑼灣依間炊豕店，已經bookmark左好耐，今日終於食到🤩夜晚7點幾黎到，條隊無想像中難排喎😎雖然店舖細，但人流都去得快。嗌左一碗 #葱油豬扒飯 ($62) 同 #秘製豬扒飯（咖哩汁） ($62)，每碗都放上四大件厚切炸豬排，幾乎睇唔到下面啲飯!果然名不虛傳，炸豬扒外脆內軟，肉質軟嫩多汁，不過有啲厚粉。葱油多到唔洗錢咁，估唔到燒味飯食得多既葱油，原來同豬扒都勁夾！食完成口都係葱油味，爽呀😇咖哩汁就普通左啲，係大家樂大快活啲港式咖哩汁，幾好食但無咩特別咁，下次可能會試肉燥汁。隻蛋煎到有燶邊，蛋黃仲保持流心，勁正。見唔少人都會加 #炒滑蛋 同 #厚切午餐肉，但今餐太邪惡就無嗌到。反之嗌左碟 #涼拌大豆芽 ($22)，咬落爽脆，涼拌醬汁帶微微酸香，嗌下自己今餐好健康。

朋友介紹，上網見到有人話要懲罰佢，所以黎試吓～中午lunch 時間黎食，店內坐滿人，店外都有人排緊隊，所以我決定外賣攞返公司食。等左5分鐘，就有得攞啦！一打開見到大大份豬扒，一格份量嘅蔥油，同埋唔少飯。豬扒一共有四舊，外面炸得好脆，裏面好多汁，唔錯👍🏻👍🏻蔥油用嚟撈飯，食極都仲有，味道啱啱好唔太鹹$8枝嘅蘋果汁，唔係made in China，來自泰國，鮮榨蘋果汁，幾健康，幾好飲整體來講，性價比高，大分夾抵食，之後會再幫襯。

好多人都話呢間既豬排好大舊又好食！今次就專登黎到銅鑼灣呢間試一試佢。一黎到真係好多人排隊！我地都排左半個鐘左右，先有得入去食！估唔到呢度既豬排真係超級大舊，炸得幾好，唔會好似其他個d豬排咁全部都係粉。👻👻👻加埋撈麵一齊食真係幾好食！同埋佢比勁多蔥，d蔥超多，同d豬排好夾都😬😬😬連個午餐肉都係超大舊！如果女仔食既話真係未必可以食得曬！d雞翼都好食，呢度d嘢既性價比都好高，真心好平，幾十蚊有咁既質素同份量🤪

星期三6點20分到 2個人食 另一位未到 店內超過一半空位 請問點解要客人 一個人企門口罰企呢？ 先不論好食與否 未齊人入座是否能改善一下問題 第一 我願意先叫2人份食品 依舊不淮進入 第二 餐廳的確超多空位 而且沒人等位

炊豕店 (銅鑼灣)銅鑼灣加路連山道11號地下作為一何FREELANCE 自由業工作者, 四處走四處食, 行得多易餓就行到邊食到邊大大塊豬扒睇到已經流曬口水了!!!$58 跟台式肉燥汁架豬扒飯, 多肉汁, 薄薄架炸粉有點酥香!! 睇住廚房即炸架, OPEN KITCHEN 新鮮熱辣$22 多要了辣海蜇小食一份, 酸甜開胃但零辣, 爽身有足水份呢!全台灣式大碗飯 ,抵食。同埋pork chop 真係好大,不過就醃得比較甜啦！超好食。下次經開再幫襯

雖然已經食過，但朋友成日見到咁多人排隊都係想試吓。今次我地大概7點三去到鋪頭，當時有一條五六個人嘅人龍，等咗大概三四個字就入咗去啦。炊豕店店舖唔大，裝修簡約，採用左半開放式廚房，食客可以望到廚房既格局和店員備餐既情況。客以食豬扒為主，可以選擇既菜式唔多，但係貴精不貴多呀嘛。今次我地叫左秘制豬扒飯( 肉燥汁),話梅花雕豬手撈麵和椒鹽魷魚酥。秘制豬扒飯( 肉燥汁)💛💛💛💛💛呢度既炸豬扒飯真係算大份又好味。豬扒既份量有我兩隻手掌甘大。炸粉厚薄適中，炸既程度唔乾，有肉汁，調味適中，真係好好味。而個肉燥呢係有小小肥豬肉，會入口即溶，配埋個汁，成啖飯好香，好滋味，其實淨係食飯都好滿足，如埋個豬扒，好一流。不過都好大碗，少飯其實都夠食。話梅花雕豬手撈麵💛💛💛💛平時都唔會特別叫豬手，但見佢個名甘特別就試下啦。個豬手一黎到就聞到一份梅香，所以肯定佢係烹調過程一定有用到梅。豬手做得好好，入味，有一種輕梅味，唔重口味。豬手唔會得個皮，有食到骨膠原既香個種入口半溶既感覺，都係唔會濟既。呢個係撈麵，佢有乾蒜帶香左成個麵，撈麵撈得好平均，每一啖都食到佢個汁鹹而不太重口味既味道。不過個麵底就會有比較多油，要就一就住

終於有假放下啦🤤🤤🤤適逢日頭要幫朋友去銅鑼灣拎啲野🙉還掂拎完撞正Lunch Hour🍴🐷趁未搵朋友前吃個最後的午餐先🙈位於銅鑼灣加路連山道既炊豕店😆雖然距離銅鑼灣站比較遠🙇🏻‍♂️但有空閒時間黎附近散下心行下街過黎亦是不錯☺️喺F1出口行過黎亦算方便就腳的😆呢度環境裝修簡約之餘☺️牆身掛滿著懷舊海報既設計☺️亦盡顯香港地道傳統特式😆以地道傳統既香港特式環境做襯托😆煮出甚具風味食材亦盡顯特式😆秘製豬扒飯配肉燥汁(加滷水雞蛋 +💸8)經慢煮烹調後豬扒肉質嫩滑Juicy之餘🐷🤤脂肪比例均勻食落唔會太油膩😆外皮炸得酥脆配合嫩滑肉質😋更煮出外脆內軟既絕佳口感🐷🤤而肉燥飯更係小肥由細到大既最愛🍚😚🙇🏻‍♂️🐷經慢火細熬富鹹香既肉燥汁☺️肉燥汁中既魯肉肥肪比例均勻🤪🐷淋上飯中每一口都回味在心☺️🍚而另外加配既滷蛋食落都算滑嫩之餘😋🥚配合五香滷水慢煮亦夠入味的☺️🔥如果有埋流心效果會更佳更好口感🙈😆涼拌大豆芽爽口健康既大豆芽😆配合微微酸香既涼拌醬汁食落更為開胃🤤做開胃前菜一流😆😋

平日放工七點半前黎到，已經有幾個人排緊隊。門口有大大張Menu，圖文並茂，好處係可以一路排隊一路睇定食乜，壞處係一路睇會一路流口水愈睇愈肚餓。自己手寫落單，一張過睇晒全店有乜揀，任君選擇。未黎炊豕店之前，一直想試人氣推介ge蔥油豬扒，睇下係咪空有人氣。晏晝食左好大碗飯，於是轉撈粗，豬扒鋪滿蔥油，再加埋炸蒜，撈埋一齊簡直香氣逼人，豬扒夠肥唔韌，炸得香，如果炸粉薄身d會較好。沖繩豬軟骨份量足，店員話醬汁係用蔬菜熬煮而成，甜甜地，豬軟骨相當入味，雖然未到入口即溶，但都輕鬆咬開，蘿蔔同蓮藕都好新鮮。雞翼好香脆，無多餘油脂，面頭灑上七味粉，好鬼惹味。跟餐紙包、汽水加$5，果汁只係貴少少加$8，果汁幾好唔太甜，飲完唔會黏住喉嚨。