炊豕店 (加路連山道) (已結業)

今日同朋友講起邊間炸豬排好食，咁岩我朋友係附近番工話有次同同事黎依間食炸豬排超好食。起初我都唔相信係咪真係咁好食，所以就走左去試。去到門口真係人山人海要排隊，果然名不虛傳。終於到我地喇~一坐低就睇張order紙有咩推介，一見到有招牌豬排飯係有蔥油係入面就諗都唔洗諗即叫。落單冇幾耐就即刻有得食喇，應付咁多客人都做到咁有效率，真係值得一讚。我未食單睇個炸豬排既賣相就已經吞晒口水，點知一食舊豬排落口就已經停唔到口喇!舊豬排竟然可以炸到外脆內軟又多肉汁，肥而不膩。再加埋蔥油既香味撲鼻，真係配合得天衣無縫。此外，一碗豬排飯仲要大件夾抵食，男人黎到食都可能食得好飽。所以真心推薦大家去食依間以炸豬排為出名既餐廳!

其實我係咁岩路過銅鑼灣。係open rice搵左好耐有咩食終於搵到一間有少少興趣而且好評好多既餐廳初初一黎到有廿幾三十個係我前面！其實我只係得個半鐘既時間，驚食唔切。但係人流好快，等左大約四五個字已經有位入去。排隊就黎可以入去食個陣佢會叫我地落定單寫定食咩，因為咁人流好快蔥油豬排撈麵，蔥油超香。不過其實蔥油配飯係好食好多。蠢左價錢平民。60蚊左右. dinner銅鑼灣地區搵唔到呢個價錢有咁正既野食重點黎啦。豬排。嘩。好食到dum一聲好入味，豬排好鬆軟，外皮好脆撈麵就正正常常，蔥油下次一定要配飯另一個要左咖哩豬排飯咖啡味好重，撈飯一洗佢唔係日式偏甜個隻咖哩係偏少少辣豬排就都係咁鬆軟咁脆小食叫左海折。不過水準我覺得比一般日式餐廳差因為佢既海折偏硬身出面食既好軟身不過整體屬中上

呢間係難得要排隊都想食嘅一間😆上次食完再encore，六點三去到就要排，好彩等左20幾分鐘就有位當然要點個招牌豬扒飯啦hkd56最欣賞最令我念念不忘嘅可以話係佢嘅炸皮，雖然睇落好似有啲分離，但佢煙煙韌韌得嚟又好脆😋 配上肉燥送飯好正啊！同朋友一齊嘅話不妨叫多一款飯試多樣，因為豬扒份量好多沖繩豬軟骨飯hkd58 Omg 軟骨同肉分明但又好軟淋，保留左軟骨嘅咬口！ 配左蓮藕同蘿蔔 絕對唔比豬扒飯輸蝕口痕點多左個香辣海哲hkd20 都幾開胃

琴日同朋友行街突然搵到呢一間餐廳，見到個裝修都幾靚同幾有特色，所以就決定入款食👍🏻見到佢價錢喺銅鑼灣區來講算係好平，而且啲飯都好大碗好抵食，咖喱汁好香好大兜👍🏻，啲豬扒都好大塊同好脆，係平價之選👍🏻十分推薦

同男朋友係銅鑼灣行街，想搵一啲比較平既野食，係openrice 見到咁多好評，於是就試一試舖面比較小，容納既人比較少，但門口已經排緊隊，都等左一陣先有位，睇黎幾旺入到去係比較復古懷舊風格，牆上面既poster 都幾搞笑幾有意思，哈哈，環境不錯！我地嗌左兩個豬排飯，見店家推薦就試下蔥油同咖哩，另外仲有唔同小食，我地就試左炸魷魚。豬排非常厚，肉質算嫩，唔會炸到乾哂，值得一讚！飯量都好多，一個女仔多數都食唔哂，男仔食就差唔多喇咖啡汁幾香幾濃，俾一大碗，絕對夠送成個飯啊。魷魚食落仲幾彈牙，外脆，份量正常，不過不失啦！ 我諗呢間店主打都係豬扒，大家黎既時候一定要試一試豬扒啊一定大件夾抵食

同朋友黎到銅鑼灣行街，唔知食咩好，諗返起上次黎到呢間餐廳大排長龍所以冇試到，就行過黎試下睇下駛唔駛排隊啦下午茶時間果然係少人d，咁我同朋友去到就唔駛排隊即刻入左去，雖然坐得同隔離位有d近，但係店鋪十分乾淨企理，我地坐低就用點餐紙點餐見好多人叫呢個蔥油豬扒飯，我地兩個人都叫左一樣嘅飯，飯上面塊豬扒勁大塊，切開左做四舊，炸得勁脆，又唔會炸過火，一d都唔un，幾嫩，但都有d肥膏，我就自己咬走左，上面d蔥油先係重點，勁香。可以撈哂成碗飯，呢碗飯冇記錯唔駛50蚊，喺銅鑼灣用呢個價錢又食到呢個質素，唔掛得成日都咁多人黎排隊食

蔥油豬扒飯（人氣推介）$60忌廉（跟餐加$5）炸芝麻雞翼（兩隻）$28炸魚蛋（五粒）$20-我係勁鐘意食多蔥油既人所以知道呢間餐廳之後係慕名而來😍一碗飯的份量有很多 已經可以食飽兩個人（個人進食份量都算多）本來想叫辣味海蜇 但賣晒😟所以叫的小食全部都係炸的炸芝麻雞翼燶左小小魚蛋都唔錯👍🏻蔥油飯好正😋 但食完成口都係蔥味🤭溫馨提示1: 每位最低消費$40，外來食品及飲品每樣收費$20溫馨提示2: 店鋪不收毫子-

台式食物，一般都係諗食肉燥飯呀，大雞扒個類，好少聽人講話食炸豬排。今次就黎試下呢間港台風味嘅炊豚店，試一試佢個炸豬排味道如何啦。七點去到已經排緊隊，店面裝修唔錯，不過坐得有d窄，唔係咁舒服。但咁反而有d台灣小店感覺。今次叫左蔥油豬排飯，蔥油堆滿成個碗，好邪惡！豬排炸得好脆，唔厚粉，入口鬆軟！加左佢枱面嘅辣椒醬，味道幾夾，雖然好似好紅，但唔會太辣，好香！另外叫左個小食，炸由魚酥，別有一番風味。同炸豬排嘅口感完全唔同，好有咬口！食炸野都係配返可樂正d，一啖豬排一啖可樂，直頭係享受！想無咁肥，都有果汁可以揀，有蘋果汁同橙汁。總括黎講，味道相當唔差，野食黎得好快，店員態度都好好，有推介我地揀d乜黎食！會再黎！

特色既炊豕店，等左好耐，終於食到有特式風味既食物。店舖唔大，木製枱凳，細細但特色。仲有開放式既廚房，俾你睇到製作過程，一目了然。「我們都是食豬長大的」🐷店舖寫住呢句，但呢到既蔥油豬扒飯同一般喺出面食到嘅真係好唔同，我諗呢塊豬扒係用嚟炸嘅材料（唔係一般炸粉！？）同埋做法都唔同。大大塊豬扒份量十足，表皮炸既部分好香脆，薄薄唔油膩。肉質嫩滑，究竟係點整既呢？仲有一隻太陽蛋🍳，撈埋蔥油汁送飯，成件事好夾，真係好滿足！排左咁耐隊入黎，呢塊豬扒真係有佢獨特吸引之處。

黎呢間餐廳食飯次次都排哂隊，餐廳出名大大件豬扒，又平又好食！今次就帶男友過泥試下，本以為落雨同夜小小去會無乜人等，點知一樣排長龍😱😱其實餐廳環境較細同迫，但都可以吸引甘多人食，原因真係好好食🤤🤤今次我地都排隊等左15分鐘，又吾算好耐既。食物餐單就只有呢啲，主打炸豬扒👇🏻👇🏻蔥油豬扒飯：餐廳人氣食品！哇，啲豬扒有4大件再加上滿滿既蔥油，真係好吸引！啲豬扒多到遮住啲飯。呢間豬扒吾係平時食開用麵包糠炸果啲豬扒，而係用中式既開粉漿去炸，所以炸漿好薄一層，食入口好脆吾吉口。豬扒已經醃製好，食落去吾癡牙。。好正啲飯係粒粒分明，好香吾係淋patpat。🍚豬扒飯：炸魚蛋：好小見有炸魚蛋食，可以走辣，魚蛋係彈牙好食。。魷魚酥🦑平時食既魷魚酥係用大隻既魷魚。呢度係用小八爪魚🐙細細舊，而且吾會用粉漿包住去炸，所以吾會食到成口粉又油。餐廳雖然係炸物為主，但係入面食野吾會覺得好大油煙，不過環境較迫同窄。但係銅鑼灣區泥講真係大份又抵食！😂

嗰日喺銅鑼灣行完街想食個快飯 我搵到呢間小店 喺利園附近大約三點嘅時候見到都有人嚟呢間店果然係出名餐牌上面有好多嘅嘢食都係幾十蚊 嗌咗一個特製豬扒飯配 肉燥汁 豬扒好大份呀 豬豬扒真係大過隻手板呀加咗十蚊 嗌咗個炒蛋大豬扒 皮外脆 內嫩 唔會太油 碗飯亦都幾大配埋個肉燥汁 撈飯食岩岩好最後 加$8 嗌咗個蘋果汁 最後加埋都係唔過80蚊 真係好抵食㗎喇Conclusion: Recommend to those who want fast food at a reasonable price in CWB.

<好正既葱油豬扒>🐷炊豕店 細細間台灣小店 葱油豬扒推介 其它小食好似魚蛋 都十分唔錯 cwb值得食既小店👍🏻 🍴話梅花鵰豬手撈粗 52 蚊🐷用左好多洋葱絲裝飾 豬手有4,5 舊 燘得幾幾軟熟同幾有花鵰味 撈粗麵 既豉油汁偏濃 連埋洋葱絲同花生碎 一齊食好有口感 佢個麵係比較爽口 口感十分唔錯 🍴辣味海蜇 20 蚊🌶海蜇夠凍同爽口 佢汁幾甜辣 加 d 芝麻增加香味 唔錯既餐前小食 👍🏻 🍴麻辣炸魚蛋20 蚊🐟🌶炸得好香脆既魚蛋 出面脆入面彈牙 麻辣汁 個味唔錯 如果麻辣 d更好 加埋花生碎增加口感 唔錯 🍴葱油豬扒飯 60 蚊加煎蛋 8 蚊🐷🥚大大塊炸豬扒 厚身既肉既香脆既外皮啖啖肉 🐖葱油汁 好香濃好夠油香 撈飯正 加埋另加既煎蛋 蛋汁溶哂落去飯入面 正🥚#葱油豬扒 #炸豬扒 #麻辣魚蛋 #海蜇Score 平均分 <7.5/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻~~~~~~~~~~~

一直係OpenRice 都有留意開依間野 知道好出名所以決定去試一試！秘制豬扒飯+肉燥汁塊豬扒超級大塊同厚身，蓋過哂成個碗！肉質好鬆軟，好易咬，好多肉汁！平時唔鍾意食炸豬扒的我都覺得值得試而加左肉燥汁之後更香，撈飯食一流呀！涼拌大豆芽先黎個小食，都幾重醋味，對住鐘意酸嘅我就岩口味，又可以開胃解膩滷水雞翼味道比較甜既滷汁，唔洗怕過咸，雞翼尚算入味，肉質唔鞋口这里的菜式多样款式多，口感纯正喇。服務：服務態度好，店員臉上常有笑容。 環境ok，消費有比較親民

終於都考完試啦！同男朋友去慶祝食好嘢炊豕店係Lee Garden，南華會附近，唔難搵！同一條街有幾間食店，去到時7:30，只有炊豕店全院滿座，等左十五分鐘左右就入到去，唔太耐呀～餐廳係行簡單工業風，仲有個正方形Rolex鐘，有種懷舊嘅感覺～有bar枱有普通枱～男朋友好鍾意食豆芽，所以叫咗呢個涼拌豆芽，有豆卜，豆芽同麻油撈埋，好香男朋友飯都未食，就食晒呢碗野🤣我叫咗呢個肉燥豬扒飯，豬扒大大塊，炸到脆卜卜，正仲有條小棠菜，營養均衡不過我一個女仔食，飯就多咗啲，我下次會叫少飯男朋友叫咗招牌蔥油豬扒撈面加滑蛋，一拎過嚟嘅時候，我哋兩個都「嘩」咗一聲，勁大份中途我不停咁問男朋友食唔食得晒㗎，因為真係勁勁勁大份！男仔黎都一定食得飽！之後我發現原來招牌豬扒係厚一倍嫁！下次我都試下先可能因為加咗蔥油，撈麵食到底嗰陣有啲油～不過唔緊要啦，唔食咁底就OK另外在嗌左個滑蛋，我就自製香蔥炒滑蛋加埋蔥油十級香總括嚟講，豬扒脆卜卜，夠厚肉，呢個價錢喺銅鑼灣係高CP值之選！

小店外面遠遠都到一條人龍，好在我地得2丁人吃飯，店員話人齊可以坐bar台。星期五有台唔洗等算唔錯。豬軟骨撈麵 - 個撈有芝麻油底好鬼香，應該加左少少豬油tim,  軟骨試左一舊仔，太林，我唔太喜歡。評：7/10 招牌豬扒飯 -呢個蔥油真係好鬼香，加埋塊脆皮豬扒，真係有脆脆聲！飯飲珍珠米，個人覺得要加少少甜鼓油重正。評:8/10 椒鹽魷魚- 一般，漿係脆，不過覺得魷魚是冰鮮，肉質有一點林林地，評: 6/10