炊豕店 (加路連山道) (已結業)

呢間餐廳想試左好耐架啦，出左名大件夾抵食。之前要排晒長龍，宜家夜晚八點幾去排都唔駛等好耐。一路都想試果個人氣推介蔥油豬扒飯，點知排到我地就話賣晒啦，好傷心，下次都係要早啲黎😭😭秘製豬扒飯（肉燥汁）+ 厚午餐肉既然冇晒蔥油，唯有揀肉燥汁啦。見到佢個厚午餐肉好肉好正咁，所以加埋。😍痴線㗎，塊豬扒真係又厚又大塊，真係大得過我塊面啦！豬扒皮炸到好鬆脆，可以食到卡卡聲，豬扒肉偏粉紅，啲肉質又煮得幾嫩口架喎。肉燥汁就一早鋪左係啲飯上面，感覺好似台灣啲滷肉飯咁，送飯一流，唔覺意食晒成碗飯。另外加果厚個午餐肉真係超厚呀！沖繩豬軟骨飯 再叫左呢個沖繩豬軟骨飯，好足料，豬軟骨好大件😋豬軟骨煮得好腍好入味，配菜有埋蓮藕，一樣炆到好入味！個醬汁都唔會太咸同太油仲有d甜甜地味，所以撈飯都唔錯！（另一方面，提提大家，如果食唔到咁多飯，可以剔返少飯，仲可以減$1架；又或者大食既朋友，都可以加$1要多飯。又或者可以轉撈麵架！）炸芝麻雞翼 雞翼炸到外面香脆，但入面肉質鮮嫩，好juicy 唔會好乾身。但要小心剛剛炸起會好熱呀，辣親咀仔就唔好啦🙈

炊豕店 (銅鑼灣).六點半去到都已經要排三四枱😨🤣 人流好旺盛！ 我就未試過嘅見到好似幾正咁今日又過左cwb玩所以黎試下(⁎⁍̴̛ᴗ⁍̴̛⁎)⚜️咖哩豬排🥩飯⚜️ $60.咖哩汁同豬排分開上(⁎⁍̴̛ᴗ⁍̴̛⁎) 好貼心咁就唔會整淋左啲豬扒 🥰 入面有薯仔，咖哩汁都好香濃惹味，少少辣，好食！.⚜️蔥油豬排飯⚜️ $60.蔥油豬扒飯係店舖嘅招牌菜，香葱油配上白飯好正(˶‾᷄ ⁻̫ ‾᷅˵) 大大堆葱淋係飯上，賣相顏色好靚🥰 講番個豬排炸得好香，外皮同肉分開，證明真係熱辣辣即炸！.⚜️辣味海蜇⚜️ $20.冰凍爽脆嘅海蜇，係開胃嘅前菜，仲要微辣(⁎⁍̴̛ᴗ⁍̴̛⁎)更加惹味！—————————————————————-環境：⭐️⭐️⭐️⭐️味道：⭐️⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️⭐️.📌炊豕店 (銅鑼灣)銅鑼灣加路連山道11號地下

上網睇到呢間個豬扒多到爆嘅平民美食店，book mark 左好耐今日終於順路行過銅鑼灣可以去食😁😁我地食晚餐時間，到店門口已經有一行人在排隊，排緊嘅時候就睇下餐牌先，諗下一陣食邊款🥶🥶我叫左呢個秘製豬扒撈面（肉燥汁）你可以揀食飯或者轉撈面都得塊豬扒好厚身，炸到好脆，但唔油膩😋😋朋友仔就叫左呢個蔥油豬扒飯個蔥油醬好野味，送飯一流，不得了👍🏼👍🏼👍🏼‼️價錢經濟實惠，份量十足，must try

响銅鑼灣附近番實習，緊係要發掘下有咩好食終於俾我揾到呢間好出名食豬扒既店鋪，一於去試下啦！雖然要排隊，但都排左陣就入座算係好快，我就點左招牌蔥油豬扒飯$60.一黎到，賣相十分好，亦都睇得出好足料。食炸或者煎既食物，最怕就係炸粉太多，但呢間啲豬扒食落唔會反而脆得黎啖啖肉將啲蔥油撈飯食，將油花發揮到極致，令碗飯十分惹味。不過下次會少蔥花，過多就會有少少咸。整體黎講好值得一試

星期六的加路連山道少了一份繁忙，不過卻讓呢間豬扒店更亮眼。未到7 點已經開始有人排緊隊，可以就早d去啦!店內嘅裝飾好有60年代嘅香港味，但又有少少日本風。一場嚟到緊係要試下豬扒飯啦，配肉燥 (-$1可以叫少飯)咁就唔怕做大哂鬼啦好大塊豬扒啊， $56咁抵有d Surprise另外怕太多豬扒食唔哂，點左沖繩豬軟骨 $58最鍾意佢有d筋位咬口十足，蘿蔔又超入味，送飯一流試埋麻辣炸魚蛋，上面鋪左香蒜好惹味香辣海哲，口痕可以一試唔好忘就呢個價錢包埋野飲，銅鑼灣邊度搵~

識悉銅鑼灣人都知道有間好出名食豬排呢間店，已經食過好多似~平時我都叫開蔥油豬排飯，今次試另一款肉燥豬排飯~因為唔肚餓關係其中一碗五餐肉叫左少飯，並非份量少~大食朋友仔其實可以加錢加飯量~講返豬排今次有某d部分粉醬偏厚，不過豬扒味道就仍然甘好味，唔鞋口，咬落去多汁唔干~整體味道絕對係我暫時食過最好味豬排飯~但肉燥vs蔥油味~下次我都係會選擇返蔥油 另外，講返五餐肉煎蛋飯，如果係五餐肉控就一定要試，我平時無特別好食五餐肉，第一次食時候的確有點驚喜，又大件又厚香口~今次第二次再食無左新鮮感同特別感，普通正常一碗餐蛋飯~味道係好食!如果間店可以有手沖野飲就好，有時食d炸野，想飲d凍檸茶，水果茶去油膩~

Dinner同朋友去食呢間出名食炸豬排嘅炊豕店。之前lunch食過，次次都排嗮長龍，尋晚居然做到隊首，排咗五分鐘就入到去。其實餐廳都幾細，位置唔多，我地坐咗入去比較後嘅位置：俾大家睇下餐牌先：款式就係得咁多，但我諗多數人都係會黎食豬排。之前有次lunch黎朋友食咗厚切午餐肉煎蛋飯，佢都話唔錯，可以一試。但今次我都係保保守守叫返豬排，我叫咗秘制肉燥汁，朋友就叫咗蔥油！肉燥係d豬排下面，都幾好味。蔥油黎講，我同朋友都覺得太鹹，如果好喜歡蔥油嘅人就會好鍾意，因為都幾重手。重點，豬排方面，炸得好酥脆。味道都醃得好好味。但有少少皮肉分離嘅情況。同埋頭尾d粉太厚，得炸粉冇肉食。肉質方面，好鬆軟好好食。但每舊都帶少少少少粉紅色（可能係啱啱好熟所以肉質先咁嫩？）我地叫咗個小食，辣味海蜇。我地兩個都覺得偏鹹咗少少😢overall黎講，豬排係好食嘅，但個人會介紹肉燥多d，除非好鍾意蔥油。可以加滷蛋（$8），我加咗，覺得幾好食！值得加嘅。

傳說中既台灣蔥油脆皮豬扒飯：👎🏻個皮夠脆但係硬脆唔係鬆脆，失敗🤬👎🏻脆醬粉太厚同塊豬扒一樣厚，失敗🤬👎🏻塊豬扒夠大但冇味冇肉汁兼附送過量鬆肉粉導致塊肉係粉紅色的，極度失望🤬👎🏻蔥油太多太鹹比例不對稱，純為握Like，失敗到極🤬👎🏻上餐速度快但冷氣不足兼焗促及坐位極不舒適，失敗之中既失敗🤬🤬總結：伏已中，絕對絕對絕對絕對絕對絕對絕對絕對絕對絕對絕對絕對絕對絕對冇下次！

蔥油豬扒飯 ($60) 加太陽蛋 ($8)豬扒真係好好食😍唔會太軟，都唔會太肥，食落去仲有少少炸既脆，但又唔會超油，真係極品！加埋完全唔留手咁落左超多蔥，1d漏既感覺都冇🤤 掀起個蛋 下面d蔥落埋個太陽蛋都令到個飯冇咁乾身，可以用蛋汁撈飯 🤗-秘製豬扒飯 配魯肉汁 ($56) 加厚餐肉 ($10)豬扒其實同蔥油豬扒既豬扒一樣，但係呢碗飯係配魯肉汁！食落去都好有口感，好有台灣既感覺😍 而且塊厚餐肉真係好厚 大部分女仔應該食完d送都飽左了 😂以呢個價錢係中上環其實真係好抵呢！可以再戰😚

秘製豬扒 咖哩汁hkd$58🤘🏻一碗性價比極高既港式炸豬扒飯,豬扒原塊大大塊去炸外層好鬆脆又唔會感覺好油膩.豬扒唔會炸到好乾身.咖哩汁帶少少椰香味撈飯一流.💪🏻雖然豬扒都一樣咁大塊但感覺相比之前無咁厚切但整體味道都無退步.炸芝麻雞翼 hkd$22🤘🏻炸得幾香皮又脆雞翼面上灑上少少辣粉同芝麻令味道更香口

朋友介紹呢間炸豬扒店 話非常高質 咁當然要一試啦🥳 平日1點幾去到啱啱好有枱 餐廳係小店 座位比較少 坐得都少少逼夾~~咖哩豬扒撈粗 $60連骨豬扒大塊厚切 外皮薄身 炸得香脆 唔淋油的 咬落去肉質鮮嫩 仲要有肉汁好juicy❗️咖哩汁上枱已經聞到好香 食落味道微辣 甜甜地 配豬扒一流🤤中午唔想食飯所以叫咗撈麵 小弟就揀左粗麵 麵質彈牙爽口👍🏻另外精華所在係啲炸蒜 撈埋咖哩同麵一齊食 增加口感 又有陣陣蒜香味 係另一個境界🤪~~總結1）高質炸豬扒店 值得一試2）份量都正常 飽肚啲可以叫飯

呢間已經食左幾次，今日同朋友黎食，夜晚好多人。價錢平民化，又食得飽，係銅鑼灣呢個商業地帶黎講真係算幾抵食。我地叫左個咖哩特製豬扒飯，再追加午餐肉。個飯一黎香氣立即撲鼻而來，而秘製炸豬扒嘅份量同size 係大過我塊面， 非常誇張 ！味道而言 ，都係一流嘅水準， 可以炸到外脆內嫩，醃得幾好，係我食過好味嘅炸豬扒。午餐肉齒頰留香，有陣陣豬肉的香味，外層煎得非常香口，仲要係厚切，真令我覺得驚喜。咖哩汁係分開上，我覺得咁樣好好，唔會整淋d豬扒之餘，又唔會令到d飯濕曬。呢碗飯只係賣五十幾蚊，性價比高，抵食抵食。辣味海蜇夠麻油味， 海蜇彈牙，做前菜岩岩好。椒鹽魷魚即叫即炸 。 椒鹽魷魚鬚嘅椒鹽味唔重，不過勝在唔算好咸，魷魚都算幾脆。

They say a balanced meal is a meal woth all colors, and look! here I got a red coke, yellow bean sprouts green spring onion and the beautiful golden brown pork chop.The pork chop is indeed pretty good, slightly on the oily side, but decent quality. I did get super thirsty after, so the coke helps... but got me wondering how much msg I just consumed. Or was it the heat? The line is a decent twenty minutes wait, and in this heat, you have to give it to whoever has the patience to he in line. To ma

【 一份炸豬排撈粗呀🙋🏻‍♀️唔該。】..呢間專賣炸豬排🥩嘅台式餐廳，每逢 Lunch Hour 都大排長龍。小妹並唔係豬排愛好者，但食完呢到嘅炸豬扒都覺得好唔錯！豬排係即叫即炸，大份厚身，炸完之後都保持到 juicy 嘅肉汁。炸皮嘅質地更似上海式嘅炸法，唔係台式炸雞個隻。呢個炸法反而令皮又脆又唔會覺得油膩 👅..好鐘意佢個肉燥撈粗底♥️有麻油香本身炸豬排冇汁，加嘛個撈粗食就啱啱好。.$56蚊一大碗，食物好味但唔好追求環境舒服喔

跟友人係南華會打完波，走過來加路連山道搵野食醫肚，途經炊豕店，恰巧見有座位，於是急不及待入內光顧。餐廳幾年前新開張時，已光顧過一次，試過秘製豬扒飯(肉燥汁)，味道不錯，今次想試埋其他小食，於是點左一款飯，另加幾款小食。我同友人點左蔥油豬扒飯(+厚午餐肉+飯)、炸芝麻雞翼(2隻)、辣味海蜇、酥炸鳳尾蝦🦐(3隻)及兩罐汽水。🔸蔥油豬扒飯(+厚午餐肉+飯)見到大大塊豬扒及厚切餐肉，已經垂涎欲滴！飯嘅份量亦相當十足！味道方面，豬扒香脆鬆軟，餐肉香脆厚實，加少少蔥油配飯，非常香口惹味。🔸辣味海蜇海蜇賣相精美，份量十足，口感冰涼爽口。🔸炸芝麻雞翼雞翼炸得剛剛好，食落肉質嫩滑，加上芝麻同味粉，非常香脆可口。🔸酥炸鳳尾蝦🍤鳳尾蝦🍤炸得剛剛好，食落不會太油膩，口感厚實，加埋沙律醬同黑芝麻，味道可口。🔸飲料食煎炸食物，又點可以少左汽水，汽水價錢相宜，跟餐$5、散叫$10。🔹除左食物，另店舖嘅設計都幾有特色。食到尾段，開始接近晚飯時段，顧客開始多，座位安排亦開始有點緊張，坐得較為親密。若果想前來光顧，絕對需要考慮時間的重要性啊！上網搜尋🔍，見中環現有另一分店，看來室內環境稍為闊落光猛，下次有機會都想同朋友去