炊豕店 (加路連山道) (已結業)

銅鑼灣炸豬扒飯-終於有機會黎試試。餐廳設計明顯有擺心思，好有創意。平日晚市都要排一陣隊，餐廳裡面用餐時會見到旁邊一路炸豬扒，隻隻都係新鮮出爐，好香!餐廳既臺同擺設都貼得近，用盡每一個空間，帶出種復古餐廳風味!服務方面都好，見夥計都幾快手。試左個炸芝麻雞翼（中型有翼）：外層炸得啱啱好，脆脆地，裡面d肉都做得好嫩，再加上七味粉，辣辣地，脆脆地，正! 炸豬扒飯配肉燥汁：好大好大塊豬扒同飯，包你一定食得飽。 塊豬扒徐左大，其實真係炸得好，油味唔會重，炸漿唔會話太厚，一流!豬軟骨飯：個汁做得好，肉都都唔會話太軟或太老，個人認為徐左豬扒飯，黎個都係另一個招牌菜式!

喱間豬扒店開咗業都一排 但門口仍然會有人龍 可見人氣有番咁上下🤔主菜清一式淨係做豬 最多俾埋叉燒午餐肉你揀 店入面裝修偏懷舊風 坐正牆個面打個卡都唔錯 但想坐到就真係睇你運氣喇😂😂😂加上店入面座位其實有點小逼狹 不過為咗食 喱啲又點會阻到你呀！.🍴秘製豬扒撈粗麵 (肉躁汁) 🐖 HKD$54話曬豬扒都係招牌 當然第一啖就試佢啦！小店好貼心地將炸好嘅豬扒切咗件方便大家 但其實仍然係好大塊咖 一睇已經覺得值回票價😌豬扒雖然話係炸 但並唔係吉烈好厚粉個種 反而係台式酥炸豬扒嘅感覺 厚得嚟唔會過鞋過韌 外脆內軟仲要有肉汁！suprise!!!🤩值得一讚嘅係除咗飯㡳 仲有得揀麵㡳 啱囇唔鐘意食飯嘅我🤭麵㡳沾滿咗半肥瘦肉粒嘅肉躁汁同香口嘅炸蒜 一啲都唔乾又唔太油膩 就係令你一啖接一啖🤤不過鐘意食飯嘅朋友一樣有正嘢 就係可以加飯(+$2)同減飯(-$1) 就算大胃王想嚟都no problem啦！五十幾蚊咁嘅質素 絕對可以encore再encore🤠推薦度：9/10

話說真心唔知銅鑼灣有呢間鋪頭！甘岩同朋友講開銅鑼灣有咩好食，佢介紹呢間叫我去試下，仲叫我要早的去，唔係會排隊！好喇，收工即刻極速飛去，去到門口1845，仲有吉位！即入！坦白講，佢餐牌係簡單的~ 但絕對唔影響佢好唔好食~見到好多人都係叫炸豬扒....但作為一個唔識死的食客...我當然唔會叫炸豬扒,哈哈哈當日叫左一個肉燥撈粗面+海蜇海蜇話咁快就到~睇樣都知好食~食落就知....係平時係日式鋪頭食個的味付海蜇~ 份量都算幾多! 估佢唔到~ 初時以為只會係CHEAP CHEAP海蜇添!等多一陣碗粗麵就到~ 見個樣係豐富既~ 肉都算好多~食落麵冇梘水味~但係有嚼頭，唔會軟淋淋!隻蛋都好入味~ 唯一美中不足就係的炸蒜好硬....就算撈左落去的麵到都係好硬好硬......之後要慢慢搵返佢出黎.....亦可能係原因點解佢點餐紙上面會有一個選項係走炸蒜....如果大家黎食既話我都建議走左佢!總括黎講~ 呢間鋪頭將會成為我係銅鑼灣的口袋食店~ 因為的野真係幾好食~ 而且價錢又唔貴!推~鋪入的裝飾其實都幾有意思既~ 應該係店主真心有諗過的~到食完俾錢走個陣...就見到門口開始好多人排隊....唔想排隊的各位

以前經常路過「炊豕店」的舊店，直至某天發現它不在原位，腦海裡旋即響起結業、搬家等一連串問號！也許人的習性就是這樣，平日不聞不問，每當失去才會有反應！我們的香港不就是了嗎？以往香港人常將忙掛在口邊，漠視身邊的一切，現在方醒覺我們的家病倒了！當天難得老公可以六時半下班，老媽又邀約赴雀局夜戰去了，我們倆便決定到訪搬到加路連山道的「炊豕店」，希望愛不會太遲！ 離晚市最繁忙時段尚有半小時，可眼前餐廳的空桌廖廖可數，大概只剩兩處可供選擇！ 「炊豕店」店面不大、有點擠，不過沒有那些焦燥的場面雜聲出現，令心情保持平靜！「炊豕店」的凍飲不外乎汽水，紙包飲品、瓶裝果汁和礦泉水，這都對不上我的口味，熱飲的蜂蜜柚子較合適，不過只有熱，所以我沒有點飲品，而死不介口的老公則乘機要了忌廉，跟餐 HK$5 ，非常合理的收費！未屆 1905，餐廳已坐滿了，令我更期侍「炊豕店」的食物！本看上了下午四時後供應的煎蛋焗豬扒飯，可惜當天未有提供，只能退而求其次要來了肉燥滷蛋飯 (HK$54)。晚上盡量不吃飯的我，當然是要求小飯，誰知小飯令肉燥滷蛋飯的吸引度急劇下降，真對不起！我會用有如一座火山流著閃爍的岩熔來形容鄰座的肉燥滷蛋

大名鼎鼎嘅蔥油豬扒飯！諗左好耐食肉燥汁定咖喱汁定蔥油好，最後睇到佢推仲蔥油就嗌咗呢一個！一上菜見到份量勁多，個豬扒又厚又大，蔥油又超級多😂而且飯量都唔少（原來可以少飯🤦🏻‍♀️），食落個豬扒好正好好味，炸得唔會好乾，肉汁仍然鎖係裡面。蔥油同啲飯一齊食又係勁香勁好送飯！！！不過對我嚟講會油膩咗啲，但係好食的！細食嘅女仔可以同frd share呢一個加另一款就會好啲冇咁heavy！整體都幾好食！！

蔥油豬扒飯 $62呢度嘅豬扒飯出名好大塊，配上大量蔥油，一上枱已經流晒口水😍 豬扒啱啱炸起熱辣辣，但又唔會好厚炸粉，真係啖啖肉，d蔥油多到可以撈飯，好正🤤.辣味海蜇 $22份量多，唔辣可以當普通海蜇咁食，好惹味好爽，夠開胃！.芝麻雞翼🍗 $29對比起豬扒嘅size，雞翼比較細隻，果然係小食！不過係做得唔錯嘅🤣.麻辣炸魚蛋🍢 $22識落用咗好多魚肉去整，好足料，又彈牙，配炸蒜好好味🥳🥳.Btw 原來呢間野係讀”吹始店”🙊

銅鑼灣區行遠少少有一間隱世豬扒店，富有台灣特色，去咗試佢嗰蔥油豬扒飯😍塊豬扒真係大到呢作為平時去燒味舖都鍾意食油雞飯嘅我，用蔥油撈飯，實在係好味到流口水。今次啲蔥油大大粒再配厚賜嘅炸豬扒下一款新嘅嘗試。感覺就好似將中國嘅風味加入左台灣又或者日本嘅厚切豬扒特色，再加埋一碗大大嘅飯，食完真係好滿足！我今次就係塊蔥油豬扒飯加多罐汽水檸檬+C，六十五蚊。環境都算靚不過坐得有啲迫，我一個人去食唔駛等好耐，但係眼見兩人以上都要排一排隊。總括嚟講，可以一試，不過我們再上次試嘅柚子豬扒飯就更加有特色，對比之下呢個冇咁特別！

筆者數年前路經炊豕店，已被那懷舊的裝修吸引，可惜當時已吃飽，無緣入內一試。及後來銅鑼灣的日子總在星期日，終於到昨晚才第一次進店用餐。店舖已搬至加路連山道，裝潢是搶眼的工業風格。店舖面積不大，到店時大約六點半，還有少量空位，未到七點就坐滿。點餐紙攝在筷子筒內，一人一張自己剔選想吃想喝的項目，方便之餘不怕點餐過程聽錯。餐廳以豬肉料理為主，小食方面會見到豬肉以外的選擇，如雞翼、魷魚鬚等。筆者和男友各點一個套餐，再加個芝麻雞翼share。點餐後飲品先來，冷藏過的飲料很解渴，難得的是鮮果汁也只加$8，不算太貴。主菜豬扒飯上桌的時候，兩大碗炸豬扒看上去很壯觀😂葱油豬扒飯 (8/10): 葱油很香，豬扒咬下去油香四溢，飯量很多，建議女生叫少飯。秘製豬扒飯（肉臊汁）(8/10): 豬扒是沒有分別的，都是又juicy又淋，只是白飯上面澆了肉臊汁，多了份甜味。芝麻雞翼 (8/10): 雞翼香脆，入面和豬扒一樣juicy，推介😋Summary: 整體性價比很高，服務也不錯，以客流量這麼高的店舖來說沒有催促你盡快點餐，食完亦只是幫你整理桌面，感覺良好。題外話：見到有人order外賣，膠袋上的logo很可愛😍

Highly highly recommend 唔大食嘅絲打可以同朋友share ahhhh 😆大大碗豬扒菜飯，連蛋同午餐肉 (around$90)坐high chair位，望到個staff 嘅製作過程，已經好shocked......本身想叫少飯，但已經來唔切。 我諗個飯量係平時屋企飯碗的2.5 倍份量。 碗上厚切午餐肉！菜飯底的飯用油爆香過，非常好味呀🤤🤤不得不提嘅係主角！！！！大大塊炸豬！To be fair，我覺得店主為左視覺效果，炸粉用得太多了，雖然望上去豬扒有成隻碗咁大，但其實一罐都係炸粉 orz。怕肥嘅我唯有切走啲炸皮，如果唔係都太濟了。豬扒本身比較肥，脂肪含量好多。所以係特別jucy geh...但我都係覺得over左少少😆

喺IG見到朋友分享之後就一直好想來試下了，來到之後完全畀裝潢吸引到，簡約嘅裝修反而好有日本風味畀我一種我好似日本漫畫《孤獨的美食家》裏邊的感覺咁樣過來食美食，好特別。點咗一份蔥油豬扒飯加只蘋果汁。蔥油豬扒飯一送來就畀個蔥油香味吸引嗮，好香好香，豬扒炸得好熱辣每一件都喺好靚嘅金黃色，大大塊嘅鋪滿喺個飯上邊，分量好足。豬扒外脆裏嫩，肉質又多汁，勁好食。蘋果汁都好好飲。

又好耐冇出帖喇🙈冇計⋯工作忙過以前好多😭每日啲腦力用哂係跑數度⋯無心機再寫文😖但係咁落去都唔係辦法⋯唔可以俾份工蠶食哂我嘅生活😤我決定要重新拎返枝筆⋯係keyboard先啱😂呢間真係咁啱路過先會試食，主打豬扒🙈我叫左肉燥豬扒撈粗😂男友就揀左蔥油豬扒飯😂上檯嗰下真係嘩一聲，好似好大塊豬扒咁⋯點知原來係好厚炸粉先啱⋯有半塊都係炸粉💩至於上面啲炸蒜完全乜味都冇⋯好神奇😆男友碗蔥油豬就同我調轉，咸到_ _😂 到底係點樣做到架😂酥炸魷魚鬚都唔弱，一樣係冇味嘅😂點左喼汁勉強擺到落口咁啦⋯不過$38食啲咁嘅嘢⋯唉⋯又中伏😂 我就嚟可以改名叫 #試伏器#曾經的IT狗#試伏器伺服器#食嘢都係掛住啲生意#要開始搵返生活嘅平衡#為美好生活飲杯#下個帖會更好#foodie #yummy #camerafirst #吃貨 #相機食先 #運動就是為了吃更多

好耐之前已經聽過炊豕店，知佢嘅豬扒飯好出名，今日放工之後就去試一試☺️夜晚七點半去到已經大排長龍，睇嚟真係好受歡迎😆由於有限時用膳嘅時間(45分鐘)，所以都只需要話等好耐已經可以入去lu~我同朋友分別嗌咗葱油豬扒飯同秘製豬扒飯(肉燥汁)😋呢到嘅豬扒真係超級無敵大😂女仔完全唔會食得哂🙈佢啲葱油仲要多到cover咗大半塊豬扒😂雖然我本身都鐘意葱油，但係都略嫌多咗少少👀不過個豬扒真係無得輸🤘🏼外脆內嫩，絕對唔會覺得佢好乾身...飯入面亦都會有啲頭抽，混合埋葱油一齊食，好好味！🤤朋友嗌嘅秘製豬扒飯(肉燥汁)同樣都係咁好味🤩出去食魯肉嘅時候有時真係會驚食到好多肥豬肉，但係呢到絕對無呢個問題😆套餐加$5有嘢飲添😙一場嚟到我哋除咗食豬扒飯之外，仲食咗炸芝麻雞翼🐔係即叫即炸，上枱嘅時候係熱辣辣脆卜卜，好香口😍雞翼愛好者必試！最後每人食咗$80左右，係銅鑼灣晚餐嚟講絕對係一個比較平嘅價錢🤓值得試一試！餐牌👇🏼

平時都好少行入去小巷揾餐廳，但今次有朋友介紹話有一間豬扒飯好食，所以專程走入去小巷搵吓，去到門口嘅時候覺得好似一間日式嘅餐廳，點知原來入到去係食蔥油豬扒飯，原來仲可以轉撈麵底！一向鍾意食涼菜嘅我叫左涼拌大豆芽。另外都叫咗一啲炸物，椒鹽魷魚鬚同埋芝麻雞翼。蔥油豬扒撈麵份量唔太大，有一塊好厚嘅豬扒，豬扒都炸得鬆脆，入面仲有好多肉汁，豬扒入味。面頭加咗蔥油，蔥油都幾香，撈完面d面都好滑身，唔會乾，仲好多蔥添。撈麵用咗豉油去撈，另外涼拌大豆芽味道唔錯，味道清清地，但係都好入味。另外叫咗椒鹽魷魚鬚，上枱嘅時候溫度適中，炸得好香口，芝麻雞翼有少少辣，好香口，雞翼都好入味，雞翼表皮好脆好脆，再去嘅時候一定會再叫！

接朋友放工緊係去間位置方便啲架啦！7點前抵達見到唔太多人排隊，一入就入得有位坐❤️幾乾淨，同埋個牆身好靚～價錢好親民，銅鑼灣食到一百蚊內唔簡單🤣🤣據說有時會轉menu, 大家黎嗰時不防留意下有乜特別飯食！！！今次叫咗蔥油豬扒飯，好大碗又勁厚蔥油好滿足！😋😋個豬扒咬落去有汁，個皮仲脆脆地，吸咗啲蔥油味～勁多蔥油真係🤣滿足仲叫咗叉粒頭角蔥粒滑蛋飯個豉油汁好好味～以前食嗰啲冇落豆角，咁樣食都幾有驚喜，口感豐富好多，爽口又感覺健康啲～叉燒粒就幾香口，有質素的。叫多個椒鹽魷魚鬚食完感想係，我想食多一碟😆😆😆好似大排檔食到嗰啲咁，估唔到係到都食到唔會咬唔開，個炸皮係正既❤️very good跟餐叫埋兩個飲品，埋單先$164，好抵😛飽到不得了，值得encore

放咗工周圍去，見到呢間野門口咁多人排隊，出於好奇心就去試吓啦。之前已經聽過呢間野，都係去到先知原來佢出名食豬扒喺門口排隊大約排左半個鐘左右，先入到去。入邊嘅裝修都幾特別，不過人頭湧湧，座位都比較迫。食物選擇唔係好多，但係都足夠。咁我哋就叫咗椒鹽魷魚，秘製肉燥豬扒飯，同埋沖繩豬軟骨飯，仲有一杯茶豬軟骨飯一上到嚟，好多飯啊！建議細食嘅朋友可以叫少飯，仲可以減一蚊。豬軟骨份量亦都非常之多，好欣賞佢有條菜。之後就到我肉燥飯啦！勁大嚿新鮮熱辣辣嘅豬扒喺面，肉燥就係啲豬扒嘅下面。啲豬扒揸得啱啱好，外脆內軟，就算擺咗一陣間先食，都係熱辣辣嘅啲飯都唔係普通嘅白飯，有啲似珍珠米，食落充滿口感！啲肉燥半肥瘦既，食落爽口。之後就到小食，我覺得依間餐廳嘅炸嘢實在幾出色，分量亦都較為多，比我感覺係幾抵食乙最後講埋杯茶啦，普通用車仔香片沖出嚟嘅，不錯總括而言，啲嘢食又抵食又新鮮，有機會都會再去食多次！