炊豕店 (加路連山道) (已結業)

次次去完南華會打波，都會見到炊豕店有不少人排隊，今次同波友決定要食一次，潮聖下。門面已經有哂餐牌、海報，給你率先欣賞選擇，望住幅相，加上鋪內傳出的香味，已經垂涎三尺。大概排十分鐘左右，就可以入內。不約而同，我同波友都點了蔥油豬扒飯加$8蘋果汁，豬扒有三件，每件都大大件而且厚切，炸粉很薄，咬下去卜卜聲，肉汁仍然保留到，蔥油很香，而且蔥的分量很多，豉油汁咸甜適中，用黎送飯一流。加$8有原支裝蘋果汁，很抵，蘋果汁甜甜地，中和返油膩感。芝麻炸雞翼$29 雞翼連翼尖，灑滿了芝麻。由於我地冇走辣，所以表面有少少紅色辣粉末，咬下去有流汁，非常juicy，雞皮炸得又香又脆，而且不算辣，怕辣者都食到!飯量很多，男生食完一定夠飽，下次我會選擇少飯。

呢間餐廳長期係熱門排行榜到，一直都想試好耐啦！見今日小人排隊，就入去試試佢😋 用餐時間一個鐘，因為外面等候嘅人龍較長，所以時間都幾tight。另外餐廳亦都比較早截龍，差唔多九點就last order 了。 餐廳裏面坐滿哂人，好熱鬧。姐姐雖然忙，但服務態度幾好。裏面不乏台灣式嘅deco。見到我們都是食豬大的有啲搞笑😂 蔥油豬扒麵，因為睇其他食評講如果叫飯會太多食唔哂，所以試下叫粗麵😋 豬扒真係好好好大塊，大過我隻手😂 而且非常厚身，淨係食豬扒都飽。炸粉唔多，啖啖肉。仲要十分抵食😨 不得了 炸魷魚，味道唔錯。但係配炸豬扒嚟食有d too heavy😣 炸蝦大大隻，可以一試。小食得嚟唔算重口味之選。 炸辣魚蛋，呢個好味又唔會太辣😛 食到好開胃！

見到中環同埋銅鑼灣分店都咁多好評，睇完joker就黎試吓。 點知試完先知道咁...伏!排咗10分鐘就可以入去，本身諗住叫豬扒撈麵，點知八點已經冇晒面，淨係可以叫飯食。之後聽到隔離個女仔叫焗豬扒飯，點知個侍應又話(重要態度麻麻地)個爐壞咗(嗰陣時我已經心諗你不如關店算啦😂不過一心諗住如果豬扒好味都可以補返數)點知一見到個賣相已經覺得好伏，除咗佢係薄切之外，豬扒又唔夠味、炸粉又厚、入面仲有啲膠質既野好怪。食完即刻覺得好浪費我quota~大家樂嗰啲上海排骨菜飯好食過佢。好。多。倍！本身我已經封筆唔再寫食評，但係真係唔想大家中呢個伏，我以後都唔會再去！

之前聽朋友介紹呢一間銅鑼灣餐廳，聽講豬扒做得非常出色，今日同老婆經過銅鑼灣，於是就試一試，果然唔錯！首先，我哋叫咗一個秘製豬扒撈粗麵。秘製豬扒炸得非常香脆，表皮熱騰騰，內裏肉質保持juicy,難度非常高！而且豬扒有三大塊，分量十足。撈粗麵條非常香濃，配上肉燥汁，啖啖滋味另外，我哋叫咗一個沖繩豬軟骨撈粗麵，配上蓮藕、白蘿蔔，非常匹配。豬軟骨味道香濃，把日式和台式煮法合併起來，幾特別最後，我哋叫咗兩支果汁，分別有蘋果汁和橙汁，產地來自葡萄牙，很新鮮，只需加$8總括來說，價錢很合理，雖然人龍很長，但其實只需等15分鐘左右，而且侍應很有禮貌，服務幾好

點了葱油豬扒飯，豬扒好crunchy, 肉唔厚，not juicy，葱油太鹹，portion OK. overall average. service needs to improve, I saw a waitress demanding a single customer moving table, not polite and I wouldn't had move if I was her. additionally, I waited 10 mins for my bowl. they clearly wanted to clear all the take away customers first but they shouldn't had neglect the walk in.

晚上跟朋友打完球之後，路經排滿隊的炊豕店。有見時間尚早，於是便排隊等侯。等了大約十分鐘便可入座，坐位不是很寬敞，加上帶著球拍的我，更有感擠逼。我們點了蔥油豬扒飯，蔥油加上白飯本身已經是很完美的組合，再加上又熱又脆的豬扒，這碗飯真的很好吃！豬扒不會太肥利，剛剛好！60多元於銅鑼灣一帶，是真的物超所值！強烈推介另外我們亦點了芝麻雞翼，雖然有點乾，幸好微辣令雞翼味道帶點驚喜。蘋果汁也不錯 只是另加8蚊就能喝到。下次來，可以嘗嘗他們的肉燥飯～

今日行經銅鑼灣，見到依間細細舖頭仔好多人排隊，本住「執輸行頭，慘過敗家」嘅心態即刻排隊入去試下先！排住隊個時望下d裝潢，又幾懷舊喎，古老味道嘅門口，九龍錶行嘅rolex鐘，配合木枱摺櫈，成個環境乃至小擺設配合即刻昇華咗！值得一讚係我地排隊個時填咗order 比咗職員，之後入到去坐低無耐即刻有得食，上菜時間極快。由於第一次黎，所以我就叫咗個蔥油豬扒飯，係依度嘅招牌！碗飯不但好大碗，連份豬扒都好大塊。䓤油味重。我一開始先放䓤油加豬扒，咬落去唔會皮肉分離。之後再拎蔥油撈飯食，簡直食唔停口！如果鐘意食辣，可以加d辣椒入去撈，更加正！我又叫咗個小食酥炸鳳眉蝦，蝦夠大隻，唔錯。最後，不得不提就係個蘋果汁，依隻牌子十分少見，細細地，幾得意，個人就覺得甜度適中，幾好飲，可以一試！

今次同朋友黎試一間好出名，專食炸豬扒飯既台式鋪頭食飯。個日人流唔算多，唔洗等位就食到啦。秘制豬扒飯（肉燥汁）- $58 首先講豬扒，脆漿炸得唔錯，好鬆化。豬扒肉質結實，炸得岩岩好，帶有少少肉汁。味道亦調較得恰到好處。豬扒下面就有肉燥汁，味道帶甜，撈飯食一流添！提提大家，呢度可以嗌少飯，就減一蚊。另外，鋪頭上菜速度快，豬扒溫度暖身，值得一讚！

約左幾個朋友一齊返去揾返啲童年回憶，記得讀書既時候食炊豕店覺得好貴，而家出左黎做野，反而覺得係銅鑼灣呢啲旺區可以食到咁既質素既食物，真係性價比好高。門口既感覺同以前好似，特別係門口呢個點餐紙既setting ，個時好多人迫係到揀食咩，個模式都仲係一樣。話得要揾回憶，緊係食返最原始既味道啦，呢個蔥油豬扒飯真係無得輸，仲係成座山咁多豬扒，特別係啲蔥油，真係多到跌曬落黎。平時出面食個啲可能得個少少，成碗飯都唔夠撈，呢間就唔同呢，仲多過飯，每啖都有味，最啱重口味人類XD。不得不講下個豬扒既厚度，係好認真既成吋厚，唔好以為係炸粉扮肉個啲一般貨色。唔好覺得厚豬扒就一定會好柴，呢個係軟熟唔會實的的，仲唔會個朕鬆肉粉既味，各位食肉獸可以一試。仲有呢個酥炸鳳尾蝦，勁大隻，好香脆，最好就一人一隻就夠了，約夠三個朋友就啱啱好，唔洗爭。野食都算有得揀，唯一美中不足就係飲品冇咩選擇，好彩都有可樂飲。如果有凍檸茶個啲，可能會更加正~

我唔算成日去銅鑼灣，如果唔係朋友話呢間好好食我都未必會行下行下搵到。係門口已經已排隊，不過今日唔算排左好耐，同埋餐廳超貼心，係排到咁上下可以落單，一坐低差唔多野食就到！餐牌～選擇唔算話好多，但係對於我呢啲有選擇困難症既人就岩晒！當然要試試佢個招牌啦！環境唔算好大，但係好別緻。有好多好特別既裝飾，我諗餐廳係走懷舊路線。重頭戲黎啦！招牌蔥油豬扒飯！本身有諗過試下配肉燥汁，但見餐廳其他人都係食呢個，就叫左蔥油！蔥油同豬扒個味好夾，而且蔥油撈飯真係好好味，我平時算細食都食晒成碗飯！炸豬扒個炸漿做得好好，食落好脆。最重要係個豬扒，一啲都唔韌，又大份，正呀！加8蚊仲有支靚靚蘋果汁飲！最後唔夠喉當然要叫番個小食試下，呢份酥炸蝦同炸豬扒一樣，滿分！

 這晚在鰂魚涌做了讓腹肌腳肌撕裂然後會痛好幾天的Megacore運動之後，肚皮餓得當下可以鯨吞下一頭豬的我，決定衝過去銅鑼灣的炊豕店，點個我最愛的招牌豬扒飯醫肚。  趕到去餐廳的時候已經是8點左右，正值晚餐Peak season時間，店鋪正有不少人排隊。幸好，只是等待了10分鐘有座位。  招牌豬扒飯可以配肉燥汁，咖喱或是葱油。  我和男友就點了一碗配肉燥和一碗配葱油。 豬扒炸得靚，咬落個脆皮會發出“喀喀“聲音；豬扒肉質都幾腍身。  肉燥汁會比較香甜，而葱油則是比較鹹香，各有春秋。大概真的是餓到發瘋了，我想不消五分鐘已經吞滅了這碗豬扒飯，難怪餐廳說“我們都是吃豬大的”。魷魚鬚撒了炸蒜，配酸酸的醋汁可以減膩，吃了一口，居然意外地好吃！經過油炸之後，魷魚的海鮮味還能稍微保存下來，不多，但比其他餐廳炸得只剩下炸粉的味道要好太多了。

今日同個friend去咗銅鑼灣佢話要帶我去食一間食豬嘅餐廳今次去咗佢銅鑼灣嘅分店下晝三點嚟到都要等位睇嚟呢間餐廳都幾受歡迎等左兩個字到就可以入座啦Menu好簡單大部份都係食豬豬扒豬軟骨豬手🐷🐷招牌應該係蔥油豬扒飯我見枱枱都有人叫🙊但蔥油應該好肥所以我放棄咗最後我地2個人叫咗1個飯1個麵1個小食2杯野飲😂😂泰式豬扒飯好癲呀好多豬扒!!!! 成座豬扒山咁 深不見底要咗少飯 會減1蚊架醬汁係泰式辣醬😂酸酸甜甜好惹味個豬扒炸得好香脆 不過都有d肥🙈🙈 我咬走咗d皮同肥膏整體嚟講好正好match 不過少飯又真係少咗d 但係女仔嚟講絕對夠食! 另外沖繩豬軟骨(轉撈粗麵) 我個fd轉咗麵 初頭以為唔夾點知又ok wor 啲麵係撈好咗有醬嘅 似台灣拌麵嗰隻醬😂豬軟骨有好多 好淋同入味不過麵食得多有d膩但都好食嘅😆另外嗌咗個海哲😋😋夠凍夠辣夠煙韌😆it s my favourite 雖然坐得有d迫 但唔洗加一人均消費100以下性價比不錯 可以再戰👍🏻

見到呢間餐廳排晒長龍一定有保證啦！星期四又到週末，放工就去遠少少食個晚餐。辣味海蜇我最鍾意食海蜇，見到小食有海蜇梗係即刻叫一碟，用嚟送飯非常惹味。泰好味豬扒飯— 期間限定見到阿姐係咁推介啲款豬扒飯。我本來諗住叫豬軟骨㗎，都即刻轉軚試吓先。有啲花生碎喺面同有少少青瓜洋蔥，醬汁酸酸甜甜，豬扒大塊juicy又唔燶，真係抵讚。唔好睇碗飯好似細細碗，作為一個女仔我係食唔晒嘅。值得一讚係條菜竟然洗得好乾淨。蔥油豬扒飯加煎蛋餐廳招牌菜就係呢款蔥油豬扒飯，加多隻雞蛋即時變咗男人嘅浪漫。蔥油味好香，鍾意食蔥嘅朋友就一定要叫碗黎食，究竟呢度嘅炸豬扒係點樣做到炸完都唔會乾爭爭架呢？熱茶兩杯呢度嘅熱茶雖然係茶包，但係都唔係普通中國茶，有少少花茶味真係驚喜！餐廳裏面仲有個餐牌教你點讀個餐廳名添！整體來講呢間餐廳台式十足，比較適合鍾意食炸豬扒嘅人士，要留意少少就係餐廳食物比較濃味，未必個個人都適合，不過個人來講就真係滿分嘅！💯

係銅鑼灣食到個吾錯既 蔥油豬扒飯佢個賣相好吸引，好多蔥油鋪晒係豬扒面上，用黎撈飯食，不過蔥油太多會有啲咸但豬扒熱辣辣大件夾抵食，炸粉吾厚，好鬆軟好好味🤤😋😋

我都算食得誇張，第一天去咗中環分店食招牌豬扒滷肉飯，第二天再帶屋企人去銅鑼灣總店，平日，晚飯黃金時間有5-6 個人排隊， 都係排一陣，正嘅！兩日內光顧兩次為乜? 為咗食埋豬扒撈粗， 兩間嘅豬扒味道有些少不同， 可能係open kitchen，好似比中環店整得更鬆，更脆， 好惦！ 蔥油汁好似多得滯，食到最尾啲蔥油係食唔晒嘅！屋企人叫咗天婦羅炸蝦話好鬆脆可口，雖是配菜，絕不馬虎， 開放式廚房睇到店員製作過程，團隊好企理乾淨，衷心值得推薦！