火間土 (已結業)

吃過幾次, 食物質素幾好, 環境和座位也叫人滿意, 就是服務呢, 也可列入全港十大至差的食店了(個人認為稍比好彩好, 但比鳳城差). 最近聽朋友說食物質素也下降了..... 雖然沒空說食評, 也要趕來給個"喊".

朋友生日，去北京道一號火間土慶祝。諗住先叫第一Round 野食，食到咁上下先叫第二Round。我地成班朋友習慣幫每碟食物影相，放o係OpenRice.com 介紹。第一Round 上左之後，我地開如影相，但一個女伺應埋黎同我地講唔準影相。真係奇怪，未聽過食店有D 咁既規例......佢解比我地知話D 人黎抄佢地D 野食，所以唔比影。就算唔比都無辦法，咁樣係阻止唔到我地對OpenRice.com 既熱誠，唯有偷偷地影......影多幾張又被發現左，佢都好有禮貌咁叫我地唔好影，或者影埋人先可以，咁我地唯有連人一齊影啦。後來，有個女經理走埋黎望住我地，我地無理繼續影，跟住佢竟然邊行邊走咁講出以下說話!!!!!!!「超~~ 走黎抄野咁鬼CHEAP!!」(邊走邊射厘眼，不屑的樣子)嘩？你地咩野食咁巴閉呀？我地成班Friend 食盡港九各地啦，有咩好野未食過？怕人抄就唔好開門做生意丫麻，身為經理竟然做D 咁既服務態度，好野!!!我地同之前o個位女伺應講好滿意，叫番頭先個經理返黎道歉，佢唔肯，仲話：唔好意思啦，我代佢同你地道歉啦。咁既態度，唔洗指意我地叫第二ROUND，更加唔會有第二餐。之後已經無心

上次同個friend 去尖沙咀個間食，食到一個冷盤叫"xx魷魚"，我同個friend 食左第一啖就即吐出~d 魷魚腥到入唔到口，之後同個侍應生講話要退or 換同等價食品，他說要問個經理~個女經理一來態度囂張，和他理論的內容實在令我和我fd 太生氣，一來就用經理身份大我呢個客，仲主動比佢張card片同投訴電話叫我去投訴，死話個碟野無問題，我即打去投訴，但office 收工，搞左成2個星期先平識!! 真係覺得不知個食品有問題，連個經理都有問題，呢d 唔係以客為先的餐廳真係唔好去為妙喇~免得貼錢買難受，換來一肚氣!!

這間日本料理想試很久, 奈何看來消費略嫌貴咗d. 一直都未有機會未. 上星期五晚有空, 約了朋友們去試試. 這裡出名的應該是粒粒魚生飯, 魚生好新鮮, 飯的軟硬也很適中, 不錯不錯. 我當然有叫的最喜歡的日本燒餅, 燒餅是即叫即制, 不是用現成的急凍燒餅, 味道不錯. 而牛舌略為\"un\"一點. 石頭鍋蛋飯不錯, 不過好似無咩餸咁. overall 好食, 不過價錢貴咗d..

今次係我第二次黎呢間餐廳到食…上一次坐房最低消費海景房$500而今次男朋友又一早BOOK左海景房坐房最低消費為$700(未加一)食物夠熱，新鮮不過D人好似吹你走咁…個半鐘唔係好夠但係整體黎講係唔錯既~

食呢間野都講明得個半鐘....不過朋友想食都無計~~~個view無想像中咁得....同埋可能埋邊有一檯十幾個人...環境都幾嘈下...食既野都係大路既魚生,燒物,壽司卷,炒拉麵...味道都幾好.....服務都ok...不過係覺得成日比人催催供咁....食得唔盡慶....

朋友生日約在「火間土」晚飯，第一次光顧此餐\廳，給我的感覺頗高檔的，在北京道一號八樓，這裡設有獨立塌塌米房間(設最低消費)，而我們預訂了窗口位置，可眺望整個灣仔海旁，搭正八點還可欣賞到\"幻彩詠香江\"激光表演，就當是給朋友的生日助慶吧！我們點了：1)特大魚生粒飯- 特大? 一點也不大,但魚生粒足料,還有三隻甜蝦2)創作壽司- 創新到不知用什麼食材造呢?!! 味道沒什麼特別3)雜錦鍋湯烏冬- 材料有一隻炸蝦,一隻冬菇,兩片日式魚蛋,再加一隻雞蛋及烏冬,這就是雜錦了,不過湯底很美味4)酥炸金黃魷魚圈- 新鮮熱辣醬汁夠惹味5)燒劍花魚- 頗新鮮熱,夠入味6)日式燒餅- 普普通通啦7)三文魚/帶子/紅鱆魚剌身- 份量及新鮮程度都不錯,抵食8)綠茶Tiramisu - 份量剛剛好,不太甜,但玉桂味蓋\過了綠茶味9)拖肥醬多士伴雲呢拿雪糕- 這款多士甜品無得頂啊~ 又冷又熱,創新又好味！食物整體不錯，碟頭不會過細，而且樣樣新鮮熱辣即叫即制；侍應也很有禮，服務態度很好！唯一不好的是\"限時1.5小時\"便要交檯，剛剛好夠時間吃甜品，想跟朋友多坐一會聊天也不行。

晚市限定1:30交檯，想吃得舒服點可以考慮廂房，二人房最底消費$550（海景位）。重點說完，要坐廂房一般來說吃幾件壽司再加些煮物、刺身、串燒及sake，幾難湊唔足數的。但與不理同來，要湊夠數又真的有難度，壽司、刺身連不理也不點，煮物叫得再多也難湊夠數，只好乖乖的坐到大廳，唔介意二手煙的話，吸煙區都可以望到無敵維港的。普遍情況是每檯都有招牌卷物、石頭飯或焗飯、刺身、壽司。諗了一番後，叫了炸魚餅、雜錦串燒、瑩光魷魚及吞拿魚鐵火卷，不理醒目的叫了芝士焗飯做膽。誓估唔到芝士焗飯最早出，毫無「焗氣」可言，論味道是「算把啦」，惟一亦是最重要的建豎是填肚，怪不得每檯總有碗焗飯或石頭飯。雜錦串燒，不理吃到的雞翼，不是鹽燒不是汁燒，大概是煎出來的，偶的多春魚情況不遑多讓，又真是估佢唔到。打後的魚餅及吞拿魚鐵火卷，「算把啦」北京道一號，來的人是享受無敵海景的，包房的話更添privacy，理解的。

這裡的裝修, 格局, 以及窗外的景色均無可挑剔, 就算坐位方面亦有充足的空間(但我只坐過個室, 未必能一概而論), 但說到食物質素, 質素參差, 似乎未能配合其整體質素!我和女朋友來過兩次, 一次坐望海個室, 另一次坐一般的個室!我們吃過劍魚腩刺身, 帶子刺身, 三文魚刺身!!刺身算非常新鮮, 而且足夠肥味, 令人滿意!我們叫過牛油果軟殼蟹反卷, 味道不錯, 軟殼蟹夠新鮮香脆!至於熱盤方面則略為失色, 叫過一個燒魷魚筒, 但質素一般, 沒什麼味道!!串燒及燒物亦不見得出色, 燒物的質素只能算合格, 未能令人留下深刻印象!本想試三文魚腩, 但兩次均說沽清!至於甜品, 最欣賞其綠茶意大利芝士餅, 真的很好吃, 忍不住order了兩客呢!服務水平方面, 兩次給我的感覺都滿意, 侍應親切友善!坦白說, 刺身方面質素不賴, 唯獨熟食方面需要改善, 因為所有食品定價絕不便宜呢!當然值得一讚的是其個室設計, 私人空間充夠, 能放鬆心情, 不論與三五知己或是與愛侶用膳, 倒是一個值得推介的地方!如果食品質素能有所提升, 就能做到物有所值了!!

上次幫襯叫o左神戶和牛，190幾蚊得6塊，唔好話入口即溶，連一o的油花都無重起晒根，咬都咬唔開，魚生飯重離普，三文魚子全部又霉又穿，搵粒完整都無，三文魚咁普通都係霉o既，甜旦又硬又乾，海膽得手指公咁大一堆仔，隻牡丹蝦重係甩頭貨，咁又收170幾，炸蝦天婦羅又淋又凍，佢o地椎介o既鹽燒油甘魚頭收90幾蚊居然得半個，最正常係碟沙律同2杯Berryberry，不過份量奇少，飲品得7成滿，又唔係酒o黎點解份量咁少？入座時重講明1.5小時便要交檯，我o地唔使45分鐘已經埋單走人，2個人食o左600幾蚊，極之搵笨。

1-10-06(日) 8:30pm 2人30-09-06突然想國慶帯媽媽去睇煙花,但又諗住都冇乜邊度有位book,因太遲!陪老人家去,緊係要有位坐又有得食ge地方係最好啦,唯有check下北京道一號睇下邊間有位,點知間間最低消費都要每位$400以上,只係呢度每位$200再+10%,不過就要早一日親身pay左$$先,去比$$時睇過個位,都ok喎,坐晌到都已經可以睇到晒所有煙花,掂呀!~食物有d似和民,服務就真係....唔夠人手,一個侍應睇11張(木台),食物都算黎得快,改了路會有溫馨提示打比我話我知叫我早d到,以免被改路影響。叫左5款刺身$155(三文魚,北寄貝,帯子,吞拿魚,赤貝)番茄香草薄餅$58鵝肝扒壽司$98銀雪魚$68加洲手卷$25$444.4 呀媽話所有野都係一般好食,板前壽司好過呢度,但佢話...如果有得睇埋煙花,今次好值。因為佢話好好睇,煙花好靚,好開心!

今日，我同ｄ朋友一行４人去ｏ左火間土食野，成日聽到ｄ人話佢地服務唔好，我今日去到又唔覺得係呀！！今日我同ｄ朋友一去到火間土，係門口等ｏ左一陣就入ｏ左去．．．環境好靚呀！我地坐ｏ左係ｄ窗口位度，跟住叫ｏ左ｄ野食都幾好美，ｄ人成日話佢地服務唔好，我又覺得唔係，因為我見到佢地（侍應）好忙，但係面上仲有好親切既笑容，因為我上次又同ｄ朋友去食和民ｄ侍應都唔ｎｉｃｅ又唔笑既～佢地又好樂意咁回應我地既問題，因為我地第一次上去食野，都唔知又咩好食，但係ｄ侍應哥哥好好咁，介紹ｏ左好多好味既野食俾我地．．．佢地（侍應）都好有禮貌呀．．．下次我地一定會再去嫁～～～

The environment is great and the small partitions they have are great for gatherings, but the quality of the food is so-so and definitely not worth the price.I think a big portion of the price is contributing to their expensive rent and not their food.Foie Gras sushi is too expensive and not up to standard.

My wife and I went there last weekend. It was quite crowded. We waited for about half an hour before we got our table. We preferred to sit at the booth but none were available. On our way to the table, we were told to finish our dinner in an hour to avoid extra charge. So, we ordered some sushi rolls in a hurry and the good thing is that the food arrived fairly quickly. The food quality was okay but the price is reasonable. I like the large variety of food available, and I think I will no

一直都覺得火間土d o野幾好食.. 自己都幫襯過幾次.. 無論食物同環境都好滿意.. 但係今次o既不愉快經歷簡直令我對呢間餐廳扣唒分.. 好失望! ~.~今晚同朋友一行4人去食飯, 冇book 檯, 7點半上到去walk-in..侍應姐組話9 點要交檯.. 我地覺得ok.. 所以就入去喇.. d o野食都係一般.. 好喇.. 8點44分..侍應哥哥走o黎話last order.. 你地仲有咩叫?! 於是我地order 多一個烏冬.. 佢落左單行開左.. 1~2 分鐘後再走o黎話:"你地張檯去到9點.. d o野食o黎唔切o架喇... 出面有人等緊你張檯.. 我幫你cancel 左個烏冬"... 呢一番話.. 我地4個都呆住了... 之後我同佢理論.. 佢只係話佢好難做... 我真係火都o黎埋!!!! 第一.. 如果真係咁準時要交檯.. 點解佢唔可以早d o黎問我地仲有冇其他o野叫呢?第二.. 既然問得我地仲有咩叫.. 而佢又幫我地落左單.. 點解可以幫我地取消左而覺得"理所當然"?!第三.. 8 點44 分落單.. 如果d 食物9點前o黎到.. 你又知我地9點食唔唒?!! 4個人每人幾