火間土 (已結業)

這兒已沒有以往般大排長龍，只是每次入內侍應三令五申的說著幾點要收番張台，是真是假，已令人覺得好像被施捨。點了新的軟殼蟹炒飯，味道比想像中好；串燒水準則一般，幸壽司還是不錯的﹐只是在這裡挑東西其實有些困難，全部價錢不算特別吸引但又沒有什麼能獨當一面的，湊合湊合，最後最享受的，還是那全海景的舒適氣氛總括來說，其實這裡已算不差，只是我們港人口刁兼貪新鮮而已

之前去個火間土一次食個鵝肝扒壽司，真的一試回味昨晚，與同事，再次品嚐要了一個鵝肝扒壽司$98 / 天婦羅年肉卷$68 / 之後個d唔記得叫咩名，但唔系介紹重點個鵝肝扒壽司真的入口即溶，唔腥，好好好食呀個牛肉卷都好扺，有八件，有少少辣，好好味大家一定要去試下，好好食ps: 之前有人話d服務態度唔好，就唔系好覺，好得意，我簽咭埋單，d 待應好自然咁跪底就我簽名，服務態度都唔錯，同好近海港城，食完早的話，還可以行行呀

我男朋友生日，上openrice 睇下有咩好介紹，咁岩我見到"火間土"黎個名，幾得意，所以最後決定去黎到食仲book 佐間二人房tim！入到去，有小小失望，我無諗過所為既房係可以睇到側邊d人，聽到佢地講野架。之前打去問個waitress間房有無海景睇，佢又話有，原來係無架…無唔緊要，但人地問佢佢應該講聲嘛…食物方面就幾新鮮，唯一令我失望係雞軟骨，d粉過多，食落口怪怪地，好硬…總體上唔錯，下次都會再去試其他野…

本來想去板前.. 10 點仲排到出門口.. 於是放棄改去火間土走走.. 10 點已經冇咩人喇.. 大部份table 都吉吉的.. 哈.. 要求侍應比張海景檯我地.. 對住個維港去食呢餐晚飯.. ^^2 個人order 左:1) 五點刺身: 次次o黎都必叫呢個.. 155 蚊有5款真係幾抵食.. 我地order 左2個三文魚.. 八爪魚.. 北寄貝.. 帶子.. 哈哈.. 三文魚仍然係肥美.. 白色同橙色分佈得好平均.. 好好食呀!! 好新鮮.. 開心!!其餘o既八爪魚一d 都唔un.. 又好咬口..北寄貝爽+ 鮮甜.. 帶子更是我所愛.. 有鮮味.. 好滿意!! ^^2) 燒栗米: 份量少. 略貴($29).. 計計埋埋半條到.. 不過又真係幾好味o既.. 吸滿牛油味.. 燒到脆脆地... 少少燶.. 唔錯啦..3) 和風豚肉薄餅: 呢個都好好食呀.. 原來食落係有咖哩味o架.. 少少辣.. 面頭有豬肉同紫菜.. 好香呀!! 薄薄地.. 又夠香脆.. 又唔似西式pizza 咁漏.. 抵讚!!4) 火間土雞翼: 次次o黎都叫o架.. 大大隻全翼.. 炸左少少加埋酸酸咪咪..味道一流...

火間土的室內間隔是日本居酒屋非常流行的榻榻米個室形式，也有非榻榻米的坐間。環境舒適「好坐」，可享8樓維港海景。晚飯途中剛好有幻彩詠香江，邊吃邊看挺寫意。食物選擇頗多，或日式或西式，連薄餅也有。二人行點了:芒果三文魚壽司: 片片芒果和三文魚舖面，飯卷內有軟殼蟹、牛油果等，口感清新，不知不覺吃多了…芝士海鮮焗飯: 比較普通的焗飯，有魚、蟹柳、魷魚，面層芝士焗得香香的。煎魚餅: 大大件，魚餅口感比較實，上灑大量蔥花，沾沙律醬和七味粉吃，香香辣辣，味道不過不失。加斯特飲: 提子汁、七喜、檸檬片，清涼可口。整體感覺良好，會再來試她的魚生飯。唯繁忙時間需限時交木台，是晚7時後入坐，準時8:30要埋單無情講。

我就已經食過好多次啦..其實一路d野食都ok....個景就幾好...如果係兩個人黎...就好feel d 啦..我訂位時就訂左個燒三文魚腩.....佢地寫住因為一條三文魚只得兩份....都無咩特別啦....佢都係$68姐...都食得過

見D人寫得咁差都有D驚，不過去到之後發覺裝潢真係唔錯，幾有MOOD，而且D夜境我只係裝到少少，都覺得好靚，服務無問題，唔係話好好，不過唔覺有咩唔好，而且上菜上得快。食左成晚，最驚喜係燒三文魚腩條，好肥美甘香，大家一定要試，其他就OK啦

你地會唔會誇左D啊？我覺得service 幾好喎, 我坐harbour view果邊, 個waiter一叫就到喎, 加茶都好好態度&加得好密, 唔知係唔係坐harbour view會俾minimum charge就service好啦, 但由打電話book枱到食完都唔覺得有問題啊！係到走果時feel到佢地準備收鋪囉, 但正常感覺啦, 人地都要預二人房係好好feel架, 暗暗地細細地情侣好啱！個海景就唔使講啦, 超正, 一見到係嘩一聲囉, 冇諗個間房仔成邊都係海景&大玻璃！不過我覺得個玻璃朦D囉, 但都真係好好, 好掂！野食係好好食喎, 由前菜既salad到主菜既sushi, cheese rice or 串燒, 到dessert, 都好食啊！所以係好值得去架！！！

起初睇晒依度咁多位人兄既說話，真係有d 驚驚地。但係去到又唔係話差得咁緊要！佢d 野食ok la，不過不失啦。服務都係ok la，起碼我仲接受到先！成間餐廳真係最正就係個無敵大海景，真係一流！加埋個d 幻彩詠香江，一邊食飯一邊睇，又真係幾開心架！

三個女仔去開飯。星期四晚的火土間，唔駛點等位。但係，一如大名，果伙計服務態度一流...惡頂﹗叫佢沖水，佢黑面。放低水壺砰砰聲。總之好似有仇咁。食物方面，非常一般，即是唔好食，物無所值。食物嚟得超快，令我哋懷疑係咪一早整定。以前去過銅鑼灣那間，食物好啲。(一年前，依家唔知)尖沙咀就真係唔太掂。如果計埋咁嘅服務...食都食得唔開心。

無敵海景最引人。入坐時剛好到幻彩耀香江時間, 邊欣賞激光、煙花表演, 邊吃食物, 感覺像新年一樣。枱與枱之距離遠, 三五知己傾談好去處。食物款式多, 除日式外, 還有西式的食品, 不過我們沒點, 始終是來吃日式食物嘛。要吃西餐, 還是到西餐廳。發覺她食物除著重味道外, 在賣相方面也下功夫, 像三文魚沙律, 綠茶Tiramisu 等, 都頗精緻。很可惜, 沒有拍下照片。以白色薄皮包著約2"x3" 小巧的綠茶Tiramisu, 味道不太甜, 但不夠綠茶味。另外, 海膽三文魚子飯也不錯。海膽沒有羶味, 很新鮮。鐵板牛脷, 亦很好吃。牛脷切成很薄薄的小片, 放於鐵板上, 熱騰騰, 很惹味。環境及食物俱不錯, 可以再來。

開業不久，很喜歡與三五知己一齊去塔塔米房坐，食下野咁，好開心!呢度d魚生好似無開業既時間咁新鮮，不過，都幾抵食既，其實同和民差唔多，不過，款式就係少左d。個焗飯真係好味道，d壽司都唔差，如果2個人去食既款式會少左d，3-4個人去會好好多嘞! 可以食多款式嘛!環境真係好得，200幾蚊到，2個人對住個海景真係抵到爛，重要裝潢都幾正，所以都值得去食。

個炸魷魚好食....平日我唔食既..因為怕胃痛..不過知道我男朋友鍾意食就叫左啦...仲有炸淮山,炸雞軟骨...一人兩串多春魚....個軟殼蟹手卷就不太好啦....d紫菜唔脆...成餐都係$375都好啦...個View 咁好....野食又唔貴

6 點鐘等佢開門...裝修幾好~幾有日本feel~野食都幾好...但略嫌份量較小~其中青花魚燒係本人既推介~好香好好味~另外新火間土卷都唔錯~服務亦不過不失~總括黎講都係一個唔錯既日式食店選擇~

環境幾好, 好像日本居酒屋的感覺.可是食物沒有甚麼特別好.很失望的炸物全部不夠熱,所以不好吃.